斗滾 (寶輝閣)

营业中

休息中

朋友3個人一起聚餐，好友介紹食斗滾，任飲任食有海鮮而且價錢親民，性價比的確好高，所以即使星期四晚，6點半到達都已經坐滿，想食記得要預先book位！我地book左6點半，佢依節時間好似係4點半至8點半。一坐底店員就會介紹佢地個餐，有雞煲+蒸海鮮+火鍋，然後會問想要雞煲的辣度及火鍋湯底！雞煲好快就上枱，店員話係生既，所以要每2分鐘開蓋炒1次，一共要炒4次，會有timer放係到提你。雞煲味道唔錯，個味都唔算咸，好香幾好味，我地出去火鍋自助bar拎左牛柏葉同豬皮，在最初果幾分鐘加落去一齊炒，個味都好夾！食完雞煲就上蒸海鮮，我地叫左唔要烏冬，店舖好有誠意地加左粉絲落去，好入味！蒸海鮮打卡一流，有蝦、蟶子、鮑魚、扁貝、蜆、龍躉！味道唔算全部都勁鮮甜，但鮑魚同龍躉都好味，係蝦口感一般。我地另外加左馬刀貝刺身（$168）！個人認為生食味道未算好鮮甜，但放落火鍋快灼再食會較甜同好味。食完蒸海鮮就上火鍋，叫左烏雞燉湯湯底，味道算濃，可以打邊爐前飲番碗。店員提醒即場like店鋪IG/FB可以無限任食牛頸脊/ 黑豚肉。牛頸脊唔算好重牛味，但切得厚身有咬口但口感一樣好淋，其他火鍋配料可以出自助bar取，可惜當日

之前去過尖沙咀店食過，而家搬咗去佐敦，地方更大，門口海報都有寫：斗滾四式：第一式：招牌大亂斗（任食雞煲.）有大中小辣，或走辣。店員都好貼心地介紹要煮幾耐，我哋加咗腐竹、豆卜、同牛柏葉，更加好味，雞肉夠嫩滑。第二式：海鮮盛宴海鮮拼盤震撼到，真係好大盤，這個蒸海鮮有大蟶子，鮑魚，花蜆，扇貝，龍躉，海蝦，同烏冬，簡單地用蒜茸粉絲蒸已經好滿足，個烏冬同粉絲吸曬海鮮嘅精華，好好味第三式：養生燉湯用烏雞、元肉，紅棗，杞子，瘦肉煲嘅湯，清湯唔油膩，好好味，滋補又健康第四式：火鍋隨餐有每人一份手切牛頸脊因為生日，所以變咗個牛頸脊蛋糕，不過血淋淋好古怪，肉質夠腍又有肉味，同時仲有好多火鍋配料可以自助任食最後：甜品有椰汁雪燕，滋潤養顏價錢唔貴，性價比高

相信好多人一定俾佢地嘅海鮮盛宴吸引過，今次同—班朋友就去試下。我地揀左由8點45食到1點，可以慢慢食慢慢嘆。首先，係任食雞煲，可以揀唔同辣度，我地一次叫左微辣，一次唔辣，都相當惹味。跟住就係海鮮盛宴，數量跟人頭數，每人一件。當中包括：鮑魚、扇貝、蟶子、蜆、龍躉、蒜蓉開邊蝦，仲有少量烏冬、栗米同萵筍。份量非常足夠。最後就有滋補火鍋，先飲完湯，再火鍋。重點係任食嘅手切牛頸脊同豚肉都十分出色，牛頸脊充滿牛味，口感肥嫩而且有彈性。豚肉也不遜色，充滿鮮味。鋪頭仲有提供多款火鍋食物俾大家自行挑選。呢一餐食得好滿足。

6月23日揾食肥華陪靚媽，做完運動，正值中午，驕陽似火氣温必定超過33度，肥華，横下一條心，同靚媽去呢間，火煱店食，任飲任食餐，唻避暑，一唻貪佢冷氣夠凍，二唻有大量凍及清凉飲品任飲，而呢個餐，更是雞煲和牛頸脊，及其他火煱配料任食，加上一份以人数配給嘅，蒸海鮮拼盤，仲喺可以食足3個鍾，咁樣避暑法都咪話，唔過㽼。至於呢餐，避暑火煱餐評語，個雞煲喺大路貨式，而牛頸脊明顯不及，(肥牛火煱嘅同名食品咁好食)反之個蒸海鮮拼盤，就比(相馬火煱)嗰個同類食品，高出一班，其他食物，除咗個炸魚皮及碗椰奶海燕糖水較出突出外，其他都喺，行貨食品，值得一題，此店侍應員工都喺年青男女，個個對客有禮，服務到位真喺要俾👍👍👍呢班年青人

人均$364有任食雞煲、一份海鮮拼盤、一碟馬刀貝刺身、燉湯同任食火鍋，全部都好食。另外仲有啤酒任飲同糖水送，而且會附上碟叉比我地食帶過黎嘅蛋糕而唔另收切餅費。職員嘅態度都好到黐咗線🤯佢哋全部都好有禮貌而且細心，例如：1. 職員會留意到我哋將食剩嘅海鮮拼盤放埋一碟，會問我地使唔使叮返熱2. Staff留意到我哋嘅燉湯唔係好滾，所以主動幫我哋換咗個新煲，等煲湯好滾d黎打邊爐3. 我哋切蛋糕時，staff主動幫我哋換咗張新枱，等我哋可以喺乾淨枱上面食蛋糕4. 成日留意我哋食成點，再上另一道菜同換碟整體黎講食物好食、價錢合宜、服務態度極好、餐廳環境乾淨….呢間餐廳好到我要特登留comments🙏🏻🙏🏻希望佢生意長做長有人均

每次約一大班人打邊爐食飯，就一定係食放題，食物野飲選擇多之如，又可以係有限budget之下，豪飲豪食，夠囇盡興，唔洗就住荷包💸約friend從此唔洗尷尷尬尬。打邊爐放題有好多間，但高質嘅真係唔多，呢間不但只價錢親民（晚市$300 /成人，已計服務費），仲包任點雞煲、一客海鮮拼盤（每人每款聖子、鮑魚、扇貝、花甲、蝦、魚塊，配烏冬同些少配菜，人人有得食，唔洗爭）、是日靚湯（杞子紅棗烏雞湯），重頭戲手切牛頸脊，最後仲有椰汁雪燕糖水，另外有凍櫃放咗其他基本火鍋配菜、丸、水果拼盤等等，唔少得有王子麵、辛辣麵、烏冬、出前一丁… 當日有朋友生日🎂，買咗個蛋糕去餐廳雪，呢度冇收切餅費之如，佢仲好細心咁送咗個牛頸脊蛋糕俾我哋，十分過癮😋任點雞煲其實上菜上得幾快，但每次要等2分鐘炒一炒，總共需要炒4次，最快起碼8至10分鐘先食得，啲雞先至入味，我就略嫌等得太耐。雞煲入邊啲雞肉又少，剩係得好多辣醬同配料，感覺呢度嘥咗好多時間，所以其實食一轉都已經好夠。而海鮮拼盤就各樣每人一隻，不過不失，蟶子、扇貝同鮑魚係必食，烏冬煮到淋淋地有海鮮味都幾好，全部火候都控制得幾好，唔會話過熟，絕對得起呢個價錢👍🏻碗靚湯其實有啲

24/5 晚上與11位朋友一同光臨佐敦分店用餐,結果卻遇上了令人不安情況。唔夠24小時之內，7人接二連三出現嚴重腸胃不適，肚瀉和嘔吐嘅症狀。有朋友嘔吐甚至嘔返條鵝腸出嚟🤢食物方面雞煲海鮮火鍋甜品其實睇落都好正常，雖然只影咗海鮮，但唔好預啲海鮮喺非常熱😓 所以唔知係我哋唔好彩定天氣太熱,令到海鮮唔freshㅠㅠ除咗反映唔知可以做到咩，奉勸大家去食要小心😞

回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️消費指數: 💰💰💰(TTL $983.4，人均消費$327.8)環境質素: ☘️☘️☘️可以任食既餐廳越來越多，但未至於間間質素都好好。同屋企人咁啱食到呢一間，既有雞煲，又可以同時打邊爐同食海鮮，真係不得了😍。斗滾四式仼食 ($298; 星期一至四$268)雞煲+海鮮盛宴+火鍋+高質牛肉 +甜品頭盤 - 雞煲有5種辣度可以選擇! 雞煲雞件份量都好多，唔夠可以再加😉叫左小辣，整體好香，連怕辣既人都接受到既辣，而且雞肉都鬆軟嫩滑海鮮盛宴有鮑魚、蟶子、扇貝、海蝦、花蜆 & 龍躉，全部都佈滿重重既蒜蓉粒，味道勁香，而海鮮食落鮮甜多汁🤤最鍾意係鮑魚&蟶子，爽口彈牙有讚岐烏冬墊係海鮮下面，所以每樣海鮮汁都滲左入烏冬裏面，食起嚟味道一流😍火鍋仼食揀左養生燉湯，裏面甚至有烏雞添，飲落清甜，感覺好似即刻潤肺護肝咁😂😂只要現場Like左 FB/IG，就可以任食手切牛頸脊同黑豚肉。牛頸脊每塊都好厚肉，全部都平均佈滿脂肪，幾夠牛肉味又有咬口甜品 - 椰汁雪燕 食完感覺即刻皮膚靚返晒，順便清埋熱

第一次去食，感覺唔太好。唔知點解會有咁多好評😂😅雞煲不過不失，偏鹹蒸海鮮，質素非常一般，蒸得耐得滯，過熟扇貝同啲蝦細到咩咁，韌到咩咁仲要漏單，呆坐咗30分鐘 喺度等個蒸海鮮最後打邊爐任食啊牛頸脊，味道還可以啦，冇乜特別，竹絲雞湯都係偏鹹。牛頸脊係要叫侍應落單，每次只會俾兩小碟你，真係非常細碟再要嘅話又要叫侍應再落單，超級麻煩！頭嗰一兩次都漏單，又要走出去搵人落單因為要搵一個侍應望到你都好困難。咁就唔好做任食啦，分明就係難為啲顧客！另外成餐飯食完飲咗三罐嘢飲一支大水味精重！價錢268+1竹絲雞湯底+38

前幾日老婆見到268雞煲放題優惠，收工立即去試食係唔係咁抵食，首先一入門口富麗堂皇場地好大，服務週到坐得舒適，醬料齊全，一坐低當然要試咗個雞煲先，雞件野味香口，不過唔夠先嫩滑，總體評分一般，然後到打邊爐個湯底，我哋叫咗花膠湯底，鮮甜味濃，色香味俱全，等緊啲牛同啲豬嘅時候上咗個海鮮盤，海鮮好新鮮，大大隻爽口嫩滑，配上香濃嘅蒜蓉簡直冇得頂，但呢度要畀第二個可惜，竟然配烏冬，配烏冬唔及粉絲入味咁快同咁香，配搭起上嚟有啲唔啦更，最後講講d牛同d豬，牛肉紋理好靚，食落一般，豬肉口感軟軟糯糯，非常好食，總體268未加一食到呢個質素，性價比一流，以上食評為個人感受

今日再次光臨斗滾，但唔係尖沙咀山林道嘅分店，而係去咗位於佐敦嘅佐敦道新店（前舖位餐廳係倫哥尊尚火鍋私房菜）。地方大咗，坐位寬敞咗，坐得舒服咗。收費$298一位，另收加一服務費，午市有九折優惠（12：00 - 16：00）。食品款式無變，雞煲惹味、蒸海鮮拼盤新鮮、烏雞燉湯清甜、火鍋（手切牛頸脊夠厚度有肉味，黑毛豬彈牙）、椰汁燕窩糖水滋潤，質素仍然好好，服務亦不錯。一班朋友慢慢一路食，吹吓水，過咗過愉快嘅中午。PS：只收現金。

今天和朋友來到斗滾$268雞煲+蒸海鮮+火鍋任食。雞煲味道比想像中好，但為了留肚，接著是蒸海鮮，有蝦，蟶子，鮑魚，扇貝，10分鮮甜配有蒜蓉粉絲，每人每款一至兩隻。最後是火鍋，火鍋湯底是烏雞，可以先喝，非常養生，因為是提前book抬，朋友生日，所以職員遞上的牛肉是生日蛋糕造型，非常有心，其他火鍋配料在自助bar自取的