料理X空間

营业中

休息中

新年去深水埗買賀年裝飾，經過見到呢間餐廳咁靚就入去試下。餐廳食多國菜，款式好多選擇。古法焗魚($168)叫呢個焗魚係因為見到圖片好靚，實身同圖片係一樣的，魚好大塊，焗到魚皮香脆，配上酸酸甜甜的汁同薑末好開胃，焗薯角同蕃茄都好新鮮。蒜香松露海鮮燴飯 $88主食揀左個海鮮燴飯，好creamy，充滿黑松露的香味，配上酸酸甜甜的焗魚一齊食奶香味十足的燴飯岩岩好。金不換肉碎西蘭花苗$78菜可以自選，揀左唔係好多地方有的西蘭花苗，好新鮮，配上佢地推介的金不換肉碎炒果然好夾，香味十足。每人仲有一個羅宋湯，好滿足。

先上2碗送既湯，有點中式加西式既羅宋湯。骨膠原咸豬手 $78呢個富有骨膠原嘅鹹豬手，配左泰式辣醬，仲有小小菜同菜脯比你中和味蕾。菜脯有小小辣，豬手煮得好軟淋。安格斯牛肉漢堡 $98我最欣賞呢個漢堡，平時d餐廳係用包做底，佢係用窩夫,薯條炸得香脆可口, 有心思黑松露蟹肉天使麵 $128過程中會食到滿滿嘅蟹肉，落咗幾種唔同嘅菇，更突出黑松露味，黑松露醬味濃郁,而且好creamy,唔錯👍🏻餐廳係小店黎，地理位置令到冇咩人知，價錢唔貴既西餐，好岩帶另一半黎食👍🏻 員工都好nice同有禮。

呢間料理X空間係無意中喺深水埗發現嘅一間Cafe，餐廳風格以寫意嘅文青風為主，主打Fusion菜，將泰國嘅元素加入去馬拉西餐入面～黑松露蟹肉天使麵💰HK$128除咗有黑松露香味之外，仲帶有蟹肉嘅鮮甜味！幼滑嘅天使麵亦吸收咗濃郁嘅醬汁，仲有蟹肉、洋蔥同埋菇類去增添口感～肉醬牛柳粒蛋包飯💰HK$128牛柳粒肉質軟腍而且入味！蛋包飯內裡係香口嘅炒飯，表面嘅肉醬同蛋包飯嘅味道相得益彰！另外仲有泰式香草做點綴～特濃朱古力奶昔💰HK$38濃郁嘅朱古力味，而且入口順滑～✨是日餐湯是日餐湯係羅宋湯～

今日經青山道去裝修完嘅嘉頓麵包，見到有間裝修好別緻野餐餐廳，個餐牌有多國飲食，就決定去試吓佢哋嘅菜式。佢個名叫Lon Don Room。裝修好Warm，好別緻。啲位坐得好舒服。菜式有嚟自唔同國家嘅，有好多款式可以揀。今日我哋試咗一個泰式菠蘿炒飯，材料有肉鬆，菠蘿，雞蛋，椰子碎，提子乾，雞肉等，用薑黃粉炒非常之香。炒得好乾身，雞肉好嫩滑。我哋叫咗巴基斯坦咖喱羊配印度薄餅，有10塊印度薄餅，個咖喱嘅印度香料好濃，羊肉一嚿嚿，切得好細件好易入口，肥瘦均勻，仲有啲香草葉鋪喺面，啲羊肉煮咗好耐好腍好嫩，入口即溶。個咖喱唔會太辣，亦唔會太多油。

去咗間cafe食lunch，叫咗個巴黎牛柳粒配薯菜，$88蚊包埋杯熱檸茶，幾抵食喎！牛柳粒煎得幾好，唔會太老，肉質幾嫩滑，醬汁都幾惹味。薯條🍟炸得香脆好好味！餐湯係蕃茄薯仔湯，味道幾濃郁~~另外仲單點咗個黑松露蟹肉天使麵$128🍝 黑松露汁幾creamy，天使麵煮得啱啱好，份量夠多～～最後叫咗杯朱古力咖啡$38，面上有朱古力粉及棉花糖。呢個價錢食物質素唔錯，算幾抵食~~深水埗抵食之選！去開可以一試。

坐在魚缸前觀賞魚兒緩緩進食，心情真是愉悅無比。難得有機會坐在魚缸旁，當然要點一份傳統焗魚，讓魚缸裡的魚兒看著我享用魚料才夠趣味🤣🤣他們的古法焗魚，肉質鮮嫩，搭配辛辣的調味料和香料，焗烤出來的味道既香辣又美味，還有馬鈴薯和三色椒作為搭配。接著是北海道蟹肉焗野菌，加入大量芝士後烘烤，搭配多士絕對美味。蟹肉鮮甜彈牙，野菌香濃，讓人垂涎欲滴。現在進入冬天，是時候來杯熱朱古力，再加上棉花糖，溫暖心靈又暖和身體。

隱世寧靜的fusion小店泰式牛肉沙律（$98）酸甜又清爽的醬汁，配上新鮮又爽脆的沙律菜，加上鮮嫩的牛肉真係食過番尋味！花竹蝦拉絲窩夫（$78）第一次食到咁特別的配搭！窩夫底，上面舖了一層蝦膠洒上白芝麻，中間夾住拉絲的芝士，食落香、脆，蝦膠有彈性，甜甜咸咸好夾！慢煮雞柳配匈牙利鵝肝焗飯（$188）錯左錯着，第一次食鵝肝。味道比想像中的好食，不會太肥膩，反而表皮香脆，內裡好軟滑，配搭住燴飯和雞柳，真係好好食。整體配搭都好夾，味道淡淡地，唔會太搶～

🔹️經過深水埗無意中發現一間名為 ‘’料理 × 空間‘’ Cafe, 就是被它的名字吸引😍 店內以小清新裝修、設有室內和室外坐位🪑 充滿空間感🌟 食材優質😋 厨師用心烹調👨🏻‍🍳 服務稱心滿意👍價錢合宜💰午餐🍽🔸️忌廉磨菇湯🍵以香濃磨菇味, 入口綿滑, 加上香草和忌廉好Creamy👍🔸️田園煙三文魚沙律🥗以鲜嫩爽脆沙津菜、香脆麵包粒和肥美三文魚,健康、開胃🤤🔸️巴黎牛柳粒配薯菜🐮以黑椒香蒜牛柳粒 ~ 入口軟嫩、味道濃郁, 配菜以鮮香椰菜花、車厘茄和香脆炸薯條🍟Yummy🤗🔸️海鮮龍蝦湯意大利風情麵🍝以鮮香撲鼻龍蝦汁配軟腍掛汁天使麵, 還有鮮甜青口、蜆肉、蝦蝦和花甲, 十分滋味😋🔸️凍檸水🍋咖啡☕️餐飲點了凍檸水和咖啡🫰🏻

肥仔今日過來深水埗入買電腦嘢，買完就四圍捐窿捐罅搵嘢食！呢日經過「料理X空間」這間餐廳，見它店面別具特色，有點像小清新咖啡店，於是決定試下！👍🏿花竹蝦膠鮑魚沙律👍🏿花竹蝦膠鮑魚沙律係一道充滿創意嘅海鮮沙律。花竹蝦膠彈牙的質地，鮮香四溢。鮑魚肉質厚實，細膩滑順，靈魂所在！沙律好清新，提升整體的風味，令海鮮鮮味更加突出。👍🏿泰式蝦湯天使麵👍🏿撲鼻而來嘅香茅與南薑香氣，加上檸檬清爽解膩，酸辣刺激舌頭，微辣得剛剛好。個天使麵夠幼身，好多汁JUICY，又唔會好濃味。海鮮都好多，足料！🍷法國雜莓情人梅沙冰🍷沙冰質地細膩滑順，入口即化，帶來清涼嘅感覺。使用新鮮的雜莓（如藍莓、草莓和覆盆子），酸甜平衡，增添了層次感！總結，係一間創意料理餐廳，主打泰國及馬拉西餐融合菜，坊間少見，食物質素十分高水準。

第二次嚟這間餐廳，他們剛剛轉了新餐牌，yeah …可以試吓新嘢。 一行三人, 可以食多啲，我地叫了餐再另加大大件豬扒. 見到之前有人post相，賣相好吸引，好想試吓😋🐷🐽。1. 前菜，唔記得咗叫咩名😆很香口，好脆口。2. 蘑菇湯加蒜蓉包，蘑菇湯好多菇，好Creamy飲完大滿足😌3. 主𧢲出場大大店豬扒，見到之後好驚食唔晒，但係食吓食吓好似唔夠口，好好味，有肉汁，好juicy。菠蘿好甜，最誇張係D藍莓，係珍寶size，以本傷人😍真的未試過出邊餐廳會用咁大粒的藍莓，抵讚👍🏻4. 另外，再叫了些飲品，大滿足, 飽飽另外餐廳服務員妹妹, 好 nice. 大廚會得閒出嚟同我哋吹吓水，問我哋啲嘢食好唔好食，感覺良好。食完嘢，傾吓偈，都唔會趕我地交枱，愉快的晚上。

聽老細話12月有新菜式，今日有時間專登去試吓，今日試咗3個菜式，第一個菜式係古法烤魚，廚師用咗特製嘅醬汁，辣辣地好惹味，魚上面放左D黃皮，估唔到味道又幾夾，第二個菜式係原條烤封門柳，賣相同味道都一流。第三菜式係花竹蝦拉絲窩夫，賣相唔錯，但係個窩夫焗燶左少少，有D苦味，有D失望。

喺openrice訂座有免費飲品，仲可以揀特飲， 勁好， 食物有質素， 環境又chill, 員工態度勁好， 諗唔到點解唔嚟幫襯薯條係新鮮炸，唔同出面嗰d, 好好味， ， 蘑菇湯好滑，味道好好。 沙律好新鮮， 環境好靜，坐得好舒服，啱曬同朋友傾計食飯。

深水埗有好多食店，呢間我去過幾次食晚飯，店主同店員都好用心招呼食客，很有家的感覺，今次黎嘅目的係食佢個牛小排，真係好好味，平時好少寫食評既我都忍唔住要寫個食評同大家分享😘

深水埗少有的特色餐廳平日的晚上也坐無虛席食物選擇多中式泰式西式👍🏻食材新鮮👍🏻辣酒花螺好入味泰式生蝦勁大隻 肉質爽彈 好新鮮鵝肝雞扒忌廉飯👍🏻馬介休炒椰菜苗好好味食完好滿足

喺深水埗返工見到呢間餐廳開咗一輪，見今日想食西餐，於是試吓。入到去好大浸油煙味，但係即刻有位所以坐低咗。我哋六個人兩個嗌咗孜然鴨髀飯，兩個嗌牛柳薯菜，一個叫蛋包飯，一個叫咗毛瓜粉絲大雜會。等咗15分鐘兩個牛柳薯菜最先嚟到，味道正常份量略少。之後再等15分鐘上咗個鴨髀飯，我同事以為係肉骨茶。我本身食得好清淡，但個汁好稀，啲鴨得幾舊，又無味道，我哋都唔肯定係鴨定係雞，跟嘅白飯好硬，我要撈埋啲汁先食到。再等多10分鐘先上個蛋包飯，同事話好伏。之後等極都等唔到個毛瓜粉絲大雜燴。個樓面十問九唔應，又唔解釋。最後我哋嬲到走咗，而我個同事乜都冇得食。我明白cafe係Hea嘅地方，但都請照顧吓喺深水埗返工嘅打工仔，我哋得一個鐘食飯時間。你搞唔掂就唔好做午市。餐廳應該識得控制出餐時間。同埋如果漏咗單都應該有啲交帶解釋一下。以咁樣嘅出品質素、份量同服務，我食茶餐廳都開心啲，以後都唔會再嚟。