影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
食家推介
叫左個牛腩魚片頭伊麵比左58$返到屋企先發現冇比牛腩無知點解仲要有一舊牛腩肥膏，但就係冇牛腩🤯伊麵軟硬ok 但係冇牛腩魚片頭好食但就係冇牛腩服務態度ok 但係冇牛腩個湯有牛腩血渣 但就係冇牛腩希望可以改善出品穩定，比返牛腩我今次搞到我買到返屋企想攞返牛腩都冇🫣
继续阅读
平時返工要食個快飯，首選都係食牛雜粉麵店！因為有時除咗追求速度之外，都好想食到用心煮嘅快餐！牛雜粉麵可算係最快速度又可以試到師傅真功夫嘅食物！呢個牛雜飯感覺都唔錯，雖然牛雜未去到用新鮮牛雜嘅美味，但係基本粉麵腩汁嘅味道睇得出係有用心咁樣去整呢啲飯出嚟！加埋碗飯真係裝得好靚不過餐廳仲有好多可以改善嘅部份，唔搵唔發現，原來呢間新樂園同其他嘅分店唔一樣，冇得食其他嘅焗飯、下午茶、甚至Burger 果啲，真係略嫌失色，同時亦都同其他食評一樣，間餐廳嘅服務員態度需要改善。整體來講，追求一個快，而且味道唔差嘅食物，喺坑口呢間牛雜粉麵店仍然係不二之選。
继续阅读
先唔講食物好唔好食，收銀個阿姐態度極差，唔知以為佢係老闆娘，老細請到佢真係多謝佢，成間鋪最得閒係佢，同佢落單好似欠左佢咁，態度串過X咁,一間鋪食物幾好都無用，見到佢已經無胃口
继续阅读
八號風球落左波之後無咩嘢好食，就過黎食碗麵🍜我叫左1️⃣牛丸牛腩麵🍜💰48牛丸爆汁彈牙，我覺得好食，牛腩係肥瘦相間，份量足夠，女仔食完都好夠飽，麵質都OK，爽口，唔會好淋，我好怕太淋嘅麵。湯底清清地，40幾蚊碗都唔差👍2️⃣凍檸茶💰11普通正常檸茶質素，如果唔需要單叫，可以跟餐加3蚊就好😿消費價錢：1人💰59結論：（10分為滿分）味道：7/10性價比：7/10回頭指數：7/10餐廳名稱：新樂園魚蛋粉餐廳地址：將軍澳常寧路2號TKO Gateway 東翼地下EF08號舖
继续阅读
魚蛋河 3/5有魚片魚角魚蛋，唔會太重魚味，淡淡嘅味道，配河粉就太清淡，加幾滴辣油吊下味都唔過份。淨雲吞 🥟3/5好普通嘅雲吞，適中size有7粒。味道無乜特別，屬於正常。另外叫既紫菜湯原本以為會特別煲，後來發現原來同粉麵底一樣湯底加多少少既紫菜湯😵💫😵💫仲好感。地點:呢間坑口分店係gateway街市個層隔離熟食市場個頭，另外又有尚德分店。環境:茶餐廳格局既枱櫈，衛生一般。價錢:37蚊一碗魚蛋粉麵都可以，22蚊碗紫菜湯就唔值了🙃🙃。服務:店員傾計都幾大聲，完全聽到曬佢哋講乜。
继续阅读