新偉記風味小廚

营业中

休息中

這是個十分差的用餐體驗.....餐牌上的東西是用來看不是用來點的, 百花釀茄子(要預留才有), 尖椒肥腸(這是餐牌內的東西, 冇,點菜的時間是晚上20:00),炸大腸(這是餐牌內的東西, 冇,點菜的時間是晚上20:00),南乳骨(這是餐牌內的東西, 冇,點菜的時間是晚上20:00),琵琶豆腐(這是餐牌內的東西, 問我們要不要試試紅燒豆腐,我們堅持要琵琶豆腐,過了一會又說沒有),啤酒要咩牌冇咩牌,最後只有生力,重點:侍應再問要不要扇貝, 100元四隻, 我們要了一打十二隻, 侍應給我們留下了, 過了一會跟他說可以上菜....他們說剛留的扇貝只剩下四隻....問我們十二個人還要嗎?

新偉記近日晚上有外賣套餐，就試試啦！點知喜出望外，份量足，味道也十分好，疫情下晚上，眼見四週餐廳酒樓都做2餸飯，燒味飯。新偉記即叫即炒，味道當然比2餸飯好得多。48蚊的套餐包左一個例湯，個湯都唔係求求其其果d，可見餐廳都幾用心。當然佢最出名的係小炒，試過炸牛坑腩，好味既，但細舊d更好。炸九肚魚拼鮮魷，正。揚州炒飯好味既。炸乳鴿👍疫情過後一定會邀請一班朋友去新偉記小廚，可以叫多幾味餸，再試下佢其他菜式。

朋友帶我去食，大約有七張枱，食客唔算嘈，好怕食飯太嘈的地方，估唔到服務好，食物好都食，食了四個餸，一罐汽水，一支啤酒，510,真心扺食，一定要試 芥辣什盆（唔記得全名），啫啫通菜煲，水煮鱼都好食，要人打咁多字，已經唔知寫咩，求其打打打打打打多d字，哈哈

去食手切肥牛，蠔，雞煲，尤魚，要千四。貴夾唔好食，食物唔夠熱，味道好一般，服務態度又差到，海鮮又唔鮮，份量唔夠，品質一般食炒粉麵飯都ok....價錢真心要考慮考慮

朋友食過，推介我地幾個去食。門口唔係好當眼，第一次去會難揾d，差d行過左。店舖不算大，枱與枱之間闊落好多款好味既小菜可以揀，整體食物好味，我食過兩次，叫過唔同小菜，每款都做得好好味，有d試過好味，都encore 豉油雞要等，但非常入味。椒鹽豆腐鮮魷，熱騰騰，好好味，好香口，唔會有油益味。脆豬手，又係好正，豬手皮脆肉淋，唔會好乾。食物質素及價錢都算合理。佢似係一間有冷氣的大排檔，味道真係好味，值得一食再食。

今日收工，入去搵個老友食晚飯，朋友介紹偉記話唔錯，好啦，咁就試下啦！去到之後，可能都差唔多10點啦，唔係好多客人，咁我地就叫左幾款菜式啦！首先係西湖牛肉羹，好大碗，而且非常足料，裡面好香莞茜味道，重有牛肉，豆腐，香菇等材料，師傅落生粉水嘅份量剛剛好，有口感，唔會好似食緊d汁咁樣，非常滿意。之後就係炒蜆啦，豉椒炒，又係大大碟，粒粒蜆都有肉，唔會得個殼，另外味道好惹味，最衰揸車，如果唔係就一定整返2支啤酒。之後就係蒜香炒油麥菜，又係大大蝶，炒菜好有鑊氣，味道調得好好，抵食。最後就係，咕嚕肉，師傅用左豬扒去整，但係豬扒就走油炸到較為乾身，硬左d，e個餸就差少少啦，但係個味道都係唔錯呀！之後就埋單離開啦！幾好唔錯。

惹味可口鍋氣夠，性價比超高，食物質素高又大碟，唔會得陣風且口感扎實。推介鹹魚蓮藕煎肉餅、椒鹽九肚魚椒鹽豆腐，冰鎮鮑魚，現在還有午市添。除了好味還充滿人情味的一餐，正！

私房菜風味家庭菜式, 有廂房有K 歌耍樂。最緊要食物品質優良，服務態度好。推介醉雞鍋, 材料有紅棗和藥材, 雞又嫩滑。Wasabi 鱿魚鲜味爽口。冰镇鲍鱼爽口又唔韌。脆炸芝士蝦, 外皮鬆脆,內裡芝士釀左入面, 有漲爆嘅感覺。椒鹽鲍鱼香口唔韌。 蒜蓉粉絲蒸帶子, 粉絲鎖住带子既鲜味, 带子有咬勁。梅龍骨, 梅香肉淋入味。最欣賞蒜蓉龍躉籠仔蒸飯, 鲜味蒸飯火喉剛剛好。薑葱炒蟹, 既鲜又惹味。值得推介。

新偉記向來都係我嘅大愛 😍入親元朗例必光顧嘅餐館 😋😋👍👍提提您！最好預先訂位 ！！佢哋嘅餐牌都更新過幾次，而且不同季節或節日會推出當季時令小菜😀(請關注新偉記Facebook updates😘) 今期最熱門嘅，當然係打邊爐，今季新菜式有"🐽豬骨煲🐽"！見到隔離枱叫，個份量頗大，應該起碼要3-4大人先可以清晒(未計其他另叫火煱配料)，所以今日我哋唔夠人無緣品嚐😭 下次入開去食兼人數夠，定當試食兼報告！！

😍冰鎮鮑魚 - 爽，滑，彈牙炸🐷大腸 - 炸得香脆，5mins清晒成碟😅🌶青瓜皮蛋(涼伴) - 惹味開胃，餐前小食一流Wasabi🐙魷魚圈 豉椒蟶子皇 👑(伴米粉底)薑蔥蒸雞🐥🐚麻辣東風螺實在太好味！！佢哋會不時推出新菜色，經常滿座！所以，提提大家最好提前訂座！另有2間VIP房，可以唱K 🎤，不過房間好難訂，因經常爆滿！！穩陣啲一個月前預定，皆因好多時都俾公司食飯，家人聚餐，生日及節日等等，出席人數較多嘅晚宴訂咗！！

在這個充斥著連鎖飲食店的香港在小店吃了好東西不應只放進肚皮 (預備大聲公在微涼的晚上走進這間店先叫了一碟wasabi魷魚一看到魷魚那麼新鮮，就大口放進口𥚃沒想到wasabi的味道立刻攻上鼻子～連打了幾個咳嗽哈哈哈但又忍不住多吃幾件這個爽口圈圈天氣涼涼最適合吃醉雞鍋鍋內有大量雞件還有紅棗和藥材一邊煲～一邊迎來雞油酒香 （喂吃醉雞煲就不要在意雞油鋪面啦老闆提醒我們只要多滾十分鐘就好不然雞件會太老所以我們的雞件又滑又充滿酒味再叫了一客新鮮九肚魚和嫩滑有牛味的M3和牛來沾沾酒香滿足暖暖回家去ʕʘ‿ʘʔ

其實臨急臨忙周圍搵地方食飯。岩岩屋企人有行動不方便。想搵個地方有d私隱既地方。咁岩佢又比間房比我。出路遇貴人。間房嚮後面。係就行一段路約1分鐘。但間房有獨立廁所。夠私人。MOQ2K...11個人。。。諗乜都夠啦。。。叫左一些家常小菜炸3寶。蒸魚。煎魚。豬肶骨。籠仔蝦。聖子。。。。味道唔係十級。。。但都有8分。比一般大排檔好。夠鑊氣。埋單只是1900冇詐形。飲左8枝大啤。13個餸。雖然家常菜。埋單咁既價位。我覺得超值。

是晚和友人一聚，佢地之前食過，和老闆熟左，我地今次去早幾天已寫定菜單，老闆特別去三聖買海鮮，所以新鮮十足！一行共九人食左$2500+ ， 約$260/pax脆炸芝士大蝦因為由友人點菜，都不知點了什麼，吃下去再算，但吃到的除了蝦的味道外，仲有芝士釀左喺入面，非常特別！椒鹽鮑魚鮑魚好味！一啲都唔韌蒜蓉粉絲蒸帶子之前喺其他地方食蒸帶子都會將粉絲放帶子上面，但係呢度將佢放下面，令到連粉絲都吸收左帶子嘅鮮味，而且好淋好入味！好新鮮豉椒蟶子炒米底呢碟比相中看起來更大碟的！特登叫佢加個炒米底！又係吸哂海鮮嘅鮮味和豉椒汁梅龍骨特別勁推介！！ 肉很淋很入味，送飯一流。只是略為細碟左啲🙈🙈蒜蓉龍躉籠仔蒸飯唔洗講都知呢碟都係冇得輸龍躉新鮮，蒸飯火喉控制得好。好味！薑蔥炒蟹本人食左個蟹鉗，冇乜特別，可能因為以前食過有位auntie煮嘅薑蔥蟹加左少少蛋花入去炒，勁好味 被寵壞了太極豆苗（瑤柱蟹肉）兩邊汁都係送飯一流！全餐海鮮的唯一綠洲😝豉油雞呢個雞都係好好味！雞肉夠淋，非常入味總括來說，以呢個價錢，食到咁多唔同款嘅海鮮，仲要唔洗特登揸車/搭車船去西貢/長洲/三聖，實在係最特惠！招牌菜真心推薦梅龍骨和豉油雞，海鮮