新嘉美茶餐廳 (已結業)

十日內吃左三次佢嘅下午茶三次都係漢堡包+薯條(話下次試雞脾+沙律)但最後都係漢堡包+薯條超大個漢堡, 吃咗呢個下午茶,晚餐都5駛吃最中意佢D粗波浪薯條...兩樣熱辣辣上枱真係好正👍👍👍侍應叔叔們有禮貌收銀婆婆年紀大, 多嘢講D😆😆

糧尾です，同事推介的窮人恩物系列-新嘉美茶餐廳，據知係甚為低調的茶記，屹立灣仔有30年以上(我而加先知佢嘅存在orz)，其位置可以係灣仔與銅記之間，出名係港式漢堡，而呢個出名係好多食客推介嘅食物，(之後似乎變左店子嘅主打)，都幾堅，仲要係黃店，一定支持下。茶記格局，設有卡位同有電視睇，仲要播ViuTV ，岩晒。2:30打後去到，唔太多人，見到個餐牌，下午茶相當抵食。自家制漢堡配薯條，＄40。漢堡包好大個，份量十足，麵包同漢堡扒比例恰到好處，麵包外層烘得夠脆，咬落軟熟，手打漢堡扒厚身，肉質鬆軟又多汁，香口好味，有蕃茄、生菜等清新的配料，唔會太滯，充滿港式味道。波浪薯條，份量多，粗身夠熱，不俗。要了熱檸茶，嘆茶玩下手機wwww。好味又抵食，以平凡食物做出水準，價格親民，又多一個下午茶選擇。

星期五晚，銅鑼灣，灣仔，間間黃店門口都企滿等位嘅人。行下行下，結果嚟到位置較偏僻嘅新嘉美。由於下晝食咗個非常豐富嘅午餐，一直飽到晚黑，所以雖然見到枱枱都叫餸食飯好似好正，但實在食唔落，只能叫個特色常餐。可能太晏，我嘅 comfort food 沙嗲牛肉沽清，個麵嘅餸轉嗌叉燒同炒蛋，叉燒份量好多，味道正常但略硬。多士都沽清，轉咗個脆豬畀我，有賺😆，toppings 我揀咗花生醬同牛油，阿叔都幾重手，花生醬搽得勁厚，配埋烘得微脆嘅豬仔包，好食👍。呢度價錢雖然略貴，但係服務好，地方乾淨，值得推薦。

一日一黃店-灣仔低調良心茶餐廳 呢間好似冇咩人提 今日記錄下啦 最近阿布泰事件真係迴響好大 支持良心店 唔係一日半日 記住要融入生活呀.係 #wolipay 見到呢間 去左買外賣試試見到門口有連豬貼紙入面都有小小文宣 同蘋果報紙每日都有唔同午餐 感覺可以日日食.⭐️椒鹽豬扒飯$50 跟湯 凍飲加$2👍🏻呢間椒鹽豬扒唔錯 有6大舊👍🏻厚身 肉質幾鬆軟 感覺唔到鬆肉粉👌🏻表面有d炸蒜 幾香口 👌🏻飯粒 ok 小醬汁🤔整體如果醬汁多啲會好啲.#hkfunfoodrecord窮遊香港#hkfunfoodrecord_灣仔#hkfunfoodrecord黃店.#新嘉美茶餐廳 (灣仔)地址：灣仔摩理臣山道26號地下.⭐️評分：味道：3.5/5環境：3/5 懷舊冰室feel服務：3/5抵食：3.5/5

最近香港好興食沙嗲牛肉公仔麵， 今日就嚟到呢間喺銅鑼灣好出名嘅新嘉美茶餐廳朝聖下👍🏻👍🏻早餐選擇多籮籮，價錢以同區來講唔算太貴，人流又唔算太多😨😨雙拼公仔麵餐 $36 要咗個雙拼公仔麵餐，雞扒配沙嗲牛肉沙嗲牛肉：花生味有，沙嗲味有，牛肉冧得黎又唔會有太勁鬆肉粉味，好食👍🏻👍🏻，沙嗲牛肉嘅愛好者必試👍🏻👍🏻雞扒：大大嚿，肉汁多，好味😋另外加$5可以要塊薯餅，薯餅又成個手掌咁大，外層炸到金黃，內層又充滿內涵，嚟到必試❗️❗️

之前見蘋果有介紹 今日夜晚就黎撐下場 可能都夜黎到都只係得幾枱客 格局都有懷舊感覺地方乾淨坐得舒服 茶記黎講算係優質 今日叫左個蝦乾蒸豬肉餅 雖然人唔多但係都等左15分鐘先整好 相信係即叫即整 黎到見到啲蝦乾都多同埋大條 絕對係真材實料 肉餅好有質感同平時出邊餐記食果啲咁冇質感 同埋蝦乾真係好出色 絕對冇唸到一間茶餐廳有咁既質素 完全食到蝦乾既鮮味 好有咬口 價錢亦都好合理 連埋例湯加野飲都係八十幾👍🏻👍🏻下次會再黎試佢地個招牌漢堡包🍔

下午茶炸雞脾拼沙律：🍗雞脾炸得乾身，一啲都唔油膩，調味剛剛好，雞皮又薄又脆。好開心個沙律係細細個屋企成日整嘅薯仔、紅蘿蔔、罐頭蜜桃、粟米、菠蘿加奇妙醬沙律，沙律醬同食材比例剛剛好，唔會醬多過料，份量又多又飽肚。☕️杯奶茶就對我黎講濃咗啲，下次試茶走會唔會好啲呢。食完嗰晚都食唔落飯，兼杯茶太醒神好夜先瞓到覺

傳統茶餐廳，唔起眼，見到個餐牌嘩一聲！ 佢下午茶個餐牌選擇多，選擇困難既朋友真唔好去，好難搞！ 見到隔離枱啲下午茶餐好大份！份量超吸引叫個西多士，即叫即整金黃色👍🏾 切開後有花生醬好正常，但切到近中間位置發現啲花生醬愈來愈多，多到漏出黎🤤 超級正呀！ 所以員工年紀唔輕，但非常有禮！電視播既係viutv, 唔洗睇cctv😎

睇完 Openrice 的 comments, 決定去撐佢！以茶餐廳而言，環境算十分乾淨，坐得舒服！下午茶時段，點了貴妃雞米粉 + 熱飲，$40。 貴妃雞件件都是雞髀肉，夠味又嫩滑， 仲有薑蓉配搭，正！ 個湯又好味， 最重要是個湯冇味精，因本人對味精十分敏感，飲了它的湯身體亦冇異樣！👍睇到之前有comment 話收錢的婆婆態度不好，但我反而覺得她好叻！看她的年紀已不少，但她還很精靈醒目， 收錢時不停提我睇清楚個數，唔好拍錯卡(八達通); 我答，知道唔該曬！臨走時，佢仲大大聲同我講"多謝"！

今日放工獨食下午茶，當然要選擇良心小店。這間在公司附近的，見openrice好多大讚這間茶餐廳抵食，就今日去幫襯下入到去婆婆會叫客人量體溫，好率直的婆婆環境光猛又寬躺，可以隨便選擇座位服務員都幾多，見有同食客傾下計溝通，都幾有人情味下午茶時間：見好多客人大讚自家製漢堡配薯條，今日一定要試，喜歡佢即點即整自家製漢堡包配炸薯條真的好大個，如拳頭咁大個服務員會好貼心放下一大枝番茄醬，可以自行加多加少，好適合我這個番茄醬怪薯條是波浪型，好脆口又熱辣辣，好正份量又多，唔會好油膩，必點之選自家製漢堡包一定唔可以一口食到，好巨大喔打開是有牛油、漢堡扒、番茄、生菜絲及番茄醬漢堡份量都唔少，好飽好滿足下午茶送飲品，點了熱檸水，有4片檸檬，好足料、幫助消化

同朋友行完山之後，朋友介紹食呢間老鋪，原來有三十多年歷史了，我揀了雞脾沙律下午茶餐加凍檸茶少甜，太好了！真係有少甜到，另外雞脾一上枱時望見好大隻，急不及待咬了一口，皮又薄又脆，非常好食，配搭的沙律份量都好多！

前幾日知道新嘉美茶餐廳在蘋果日報落了全頁的廣告,非常有義氣。因此,今天午餐就特意前來挑機!最近發現此店的E餐都必定是蒸小菜,試過幾次都覺得好好味,所以超級建議大家下次過來試E餐!雲耳蒸雞飯   50元配凍飲&蘿蔔粟米豬骨湯  4.5/5分我最喜歡就是50元全包老火湯、大碟飯和大碟送!唔夠飽仲可以免費加飯,正!所以成為好多附近工人的首選。蘿蔔粟米豬骨湯是固定的鐵膽,飲得出的老火湯,好飲!雲耳蒸雞就超正,有蔥和豉油調味,我自己本身喜歡吃爽口的雲耳,雞又相對紅肉健康,所以絕對是我的選擇,哈哈~~希望大家多多支持黃色小店,特別是工作附近的茶餐廳,略盡綿力幫幫手支持佢地,謝謝。

食了$71，我俾了剛好$71俾收銀老婆婆，我問佢啱唔啱數。佢無答我，我諗住佢年紀大計數慢，就企响度等佢。點知佢一開聲就攞住張單向著我，好唔禮貌咁凶我：「張單加埋咪$71囉！咪即係啱囉！啱囉！！」我話：「咁我都要等你確認啱數我先走得㗎，咪你唔認數話我俾少咗咁點呀？」佢見我都唔好蝦，才笑笑眼咁對著我 (戴著口罩只見到佢雙眼)。我心諗，啫係點啊？見人外表斯文就要洽人㗎嗱？

今日的午飯已是下午茶時間.....不想食得太飽.....去茶餐廳食個下午茶餐！左揀右揀.....唔想食炒粉麵飯.....最後揀了漢堡包......寫明自家製.....超吸引......等了15分鐘.....漢堡包終於上枱.....嘩.....心諗.....咁巨型既👉🏻👈🏻我只想食個包咋.....😅見到個包咁巨....都係食啲薯條....緩衝一下先......食漢堡包配薯條，應該係常識掛....薯條亦是即叫即炸.....熱辣辣....波浪粗薯條.....外脆內軟.....好味.....由於個包太大個.....一口應該唔會咬到.....壓扁都唔得.....哩有分開食啦......麵包烘得勁脆....特別係麵包面.....脆到會一路食一路跌....麵包碎呀....芝麻碎呀.....跌到一枱都係.......餡料有牛肉漢堡+生菜+蕃茄+茄汁......係呀....港式茶餐廳係加茄汁架😆牛肉漢堡超出色......有肉汁.....有咬口.....仲幾厚添.......為咗有衣食.....我好努力咁食晒.....但就超級飽囉🙈最後飲杯餐茶.....熱檸茶.....消一消.....

良心茶餐廳可遇不可求😍✨推薦呢間茶記👍🏻嘢食水準穩穩陣陣，地方整潔，員工友善有機會大家嚟幫襯下佢地👏🏻👏🏻——————————————————————《雞扒蕃茄通粉》好食！蕃茄湯底濃味又唔會太傑🍅✨味道係羅宋湯咁。而雞扒冇雪味👍🏻哈哈 但如果切件上會更方便🙈《雞扒蛋公仔麵》正正常常，麵質煮得啱啱好😋😋《奶油豬》好好食啊!!!豬仔包裏面軟熟，薄薄嘅外皮好脆😍✨牛油搽得好平均，煉奶啱啱，熱辣辣！一個字：正！👍🏻👍🏻👍🏻✨