新嘉美茶餐廳 (已結業)

係跑馬地跑完步，就係灣仔區搵左間茶記食飯。同個friend坐低左就叫左兩款小菜：黑椒腰果牛柳粒、涼瓜菜甫煎蛋。跟餐送老火湯、然後再加幾蚊有杯凍檸茶。老火湯都好有味，唔係味精味黎👍🏻👍🏻黑椒腰果牛柳粒：牛柳粒炒得好夠鑊氣，腰果炒得好香脆，值得一試👍🏻涼瓜菜甫煎蛋：味道中規中矩，送飯都唔錯。凍檸茶茶底都ok 👍🏻👍🏻 人均消費加埋野飲晚市$80-90 係灣仔區算係ok , 小菜黎請呢個價位都好難有咩驚喜。個人都好推薦大家試下 👍🏻🙏🏻

星期六晚喺灣仔區想食家常小菜，我都會揀呢間，因為老火湯滾熱辣，小菜款式亦很多選擇，招呼親切勤快，地方整潔。「咕嚕肉」酸酸甜甜，不會覺得油膩，很開胃！「苦瓜炒蛋」味道偏淡，感覺健康，不會像一般餐廳那樣鹹。「蒜蓉粉絲蒸勝瓜」很香，很多粉絲，大家都搶著吃！「豆卜蒸排骨」很好吃，豆卜吸滿肉汁是主角，排骨反而變了配角😂未知是否位置問題，客人不多，但其實喺Times Square穿過街市行過去只係6-7分鐘，就在電車路旁邊。老闆娘話營業至11pm，最啱夜收工又想食餐好嘅手足！

剛好早一日在蘋果日報看到有一篇報導,內容是關於一間位於灣仔的茶餐廳,因為近日疫情的影響而生意大減,主要原因是學生停課而少了這一班消費者,原來又在我公司附近,所以特意前來懲罰。環境不算太大,但坐得舒服,下午1點半的人流已經失去了一半,隨意選擇座位。選擇播放開電視都是非常明智開明的決定。食物方面是喜出望外。午餐有5-6個選擇,本身已經包了一碗沒有味精的例湯及飲品(凍飲2元),凍央是非常正宗的味道,不會太甜太多奶。雞球飯的份量最少有1.5碗,雞球竟然還是脆卜卜,而咕嚕醬酸甜並重,確實是非常有水準的茶餐廳。希望各位多多支持灣仔區這家茶餐廳,不要讓它消失,絕對是一家好味道的店。

無錯，今日專程黎呢頭一氣過下午茶餐咖啡買野直落事前上黎openrice調查餐廳，發現正評較少不敢抱以太大期望，支持下都無壞但睇真d大家食評內容，明明對食物ge平價都幾正面，但就永遠3分合格🤷🏻‍♀️試左先知茶記下午茶小人基本上必叫一個餐炸脾沙律!炸脾皮炸得極脆切開脾肉熱到出煙味道唔係驚為天人但好正常囉，已經好滿足嫁啦重點係沙律有大粒蜜桃紅蘿蔔同薯仔跟粒蕃茄仔都特別大同紅平時出面d茶記罐頭雜果飛糖水撈極重沙律醬食醬多過料或者你好多人唔食紅蘿蔔但我覺得做沙律好味又健康，其實切料真係好要心機嫁!$40價格標準啦招呼ge叔叔又快手仲主動贈小妹紙巾兩張好貼心樓面寛敞企理，坐得好舒服晚市小菜望落都好吸引宜家6pm晚市仲做緊8折或者下次再試

去親茶餐廳，基本上我九成都係點茶餐..點解，因為有我最鍾意嘅多士加湯粉類。今次叫左2款都係有多士嘅 仲要其中一款，係可加奶醬或者果占多類嘅多士。而A餐是必點 因為有奄列，湯粉同埋多士，而另一個餐，就係係雙併多士餐。豬扒湯意，佢意粉唔太硬，又唔太林，啱我口味，奄列唔太油。另一個B餐，就又係雙併餸叉燒加蛋湯米，不過個叉燒唔掂 太硬，無乜味，下次可叫返雪菜肉絲，味好多。本來想食占醬多，比人叫左奶醬添.....不過總之有多士食都正啦！呢個茶餐組合 一向係my favour，佢味道好普通，係勝在大大份，都幾飽肚 加埋二杯嘢飲，大食少少都會覺飽囉！btw 見人食沙律個樣都幾吸引，下次可以一試。

我返工係銅鑼灣區，每日都會行過新嘉美茶餐廳，我到而家都唔明點解呢間舖頭咁難食都有人幫襯。幾年前我每日返工，已經成日見到個收銀女人，一陣收下錢，轉個頭見人夾完麵包後，佢就徒手(冇夾同無手套）將啲包執齊佢！有次仲過份，有個客走咗之後，佢去咗執枱比下一個用，跟手又係打開個麵包架膠蓋，徒手執番齊整啲麵包😨即係佢將個客啲口水偕番落去包架麵包度！！！幾年前見到呢個情況後，餓死我都無再幫襯！而且佢啲飯真係堅唔好食！

今日放早,所以去跑馬地跑下步跑步之前先到灣仔摩理臣山道新嘉美茶餐廳 食個下午茶先薯條都熱既不過比較上油左一點同埋炸得耐左DD個漢堡包就包唔太熱,肉質係唔錯的肉汁都夠既仲有菜都OK凍檸茶個茶味都夠既不過冰太多融晒後就太淡了

今日陰陰天咁,真係搞到心情都差埋,所以今日一早去左灣仔摩理臣山道新嘉美茶餐廳食返個早餐令自己開心D奶油脆豬-夠晒脆,甜甜地都幾好食豬扒米線-豬扒細左少少,米線都正常凍奶茶-淡口左一D,茶味都夠既,可能俾冰溝淡左

以前在灣仔忽然想食港式漢堡包的話，我會幫襯一間在灣仔道的快餐店，後來聽一位勁愛食漢堡包的友人講過這間新嘉美茶餐廳後留下印象，日前經過附近終有機會一試，其漢堡包果然真的有一手。下午茶餐的話，四草野已有漢堡包同凍飲（凍飲加兩蚊），另配的薯條或沙律則二選一。漢堡包的外觀甚佳，夠挺身。麵包雖是一般貨色，但尚算軟硬適中。反而個肉餅挺厚身，雖不算爆汁，但亦不乾身，煎得香香的，咬起來有肉味，有手搓肉應有的口感。包內有蕃茄及生菜。雖然肉與蔬菜均非頂級貨，但加埋一個帶酸的茄汁，吃起來平衡感好，茶記中的漢堡有此等質素已是難能可貴了。配埋即炸的波浪紋薯條，夠挺沒有軟掉，唔錯。雖然這一頓下午茶有點熱氣，但CP值相當高，令我吃得十分滿足。

和老公来此，…老公已经完全吃饱了，但是我很想吃汤面，我们两个人点一份汤面，服务员脸色就开始不好了，说至少要付400块钱才能坐这里吃，我还以为听错了，我说你确实是说400不是40吗？她的普通话很标准。也明确表示确实要四百，但是桌上明确写着每人最低消费18。一份沙嗲牛肉汤面近40也远远超过36。而且这家店支持支付宝和微信。那说明大陆游客应该很多，如此牛逼到底是为什么？在2018年的香港，还能遇到这种态度的服务员，也是没想到。

過去跑馬地球場, 順便食Lunch, 茶餐廳最好不過, 快靚正!入到店侍應哥哥已好熱情招呼我同朋友坐窗口位,話可以慢慢傾偈, 又介紹邊個餐抵食, 午餐送湯又送飲品, 結果 ..我哋叫常餐, 因為佢話係厚多士, 重可以揀2隻醬, 我叫咗油占多, 朋友要奶占多朋友個麵由兩餸變三餸, 因為有人執錯炸菜落去, 唔想攪亂d麵, 所以就咁加返炒蛋係面. 真慷慨!本來朋友要煎蛋, 侍應哥哥話炒蛋大份d, 抵食.熱飲用大杯裝, 保暖又抵飲

一頓飯好不好味, 除了食物本身的味道外, 其實也視乎你和什麼人一起吃, 當中會令味道豁然不同呢!行經銅鑼灣至灣仔交界, 被餐廳外面的食物簡介圖片吸引了......咪住, 今天溫度高達30多度, 當然要先看看有沒有提供冰凍解渴的啤酒喔, wo, 有啊, 那就二話不說進去了 真的要贊 啤酒超冰凍, 喝至最後一口, 仍然感覺它的冰凍, 炎炎夏日, 真超爽呢!黑椒腰果炒牛柳粒 ~ 套餐價, 包括老火湯、白飯一碗, 但並不包飲品, 熱飲加8蚊, 凍飲加10蚊. 牛柳粒和西芹 , 佈滿了黑椒味, 牛肉粒肉質夠彈牙 , 沒有炒得過頭，否則肉質變乾，缺乏水份就可惨了, 只可惜略嫌份量太少! 腰果脆卜卜, 證明夠曬新鮮, 正好是伴酒的小吃 另一款 "乾濕蒜蝦乾粉絲蒸勝瓜＂, well, 沒有慳住蒜茸, 滿滿地鋪在勝瓜和粉絲上, 太捧了! 勝瓜是夏天超正的消暑瓜菜

第一次來這店, 店內座位也挺多的.​看著餐單, 最後選了一個雙拼麵餐作早餐.最近天氣比較冷, 所以就捨棄了我最喜愛的凍飲, 要了一杯熱檸檬茶暖暖胃.茶夠熱, 冒著煙, 茶味挺濃的, 一共有4片檸檬, 喝一口, 胃部立時暖和了.不一會, 我點的豬扒拼炒蛋公仔麵就來了.豬扒是煎的, 薄薄的一塊放在麵上面, 我本來以為是放在碟上面的, 跟我想的有點不同.雖然豬扒薄薄的, 但是煎的挺軟熟, 不會出現很乾的樣子.炒蛋則炒的有點老, 但是不影響口感.麵就是那種細細的, 煮的時間則好, 沒有出現泡湯太久的那種不好口感.整體來說, 還是不錯.

無聊食西餐，呢間嘢起碼有成幾廿年歷史，咁弘。戈年都仲係到一定有佢嘅理由嘅。一入到去，好多男人係到食lunch，聽講因為佢夠大碟。都有自由行嘅人入黎幫襯。叫左2個茶餐。堥雞扒堅係脆嘅。個奄列係火腿粟米，加我最愛嘅多士，已經無敵。我想食雪菜肉絲，但配左通粉。。。。唔理啦因為D D雪菜會落左黎米線嘅。雪菜入味得黎唔死喊。仲有幾多菜添，唔係得2條個隻。奶醬多，厚多士更正，又係夠脆，所以好滿足。呢個檸茶4塊檸，而家大部份茶餐廳都係得2。3塊，仲要薄切，呢到真材實料，童叟無欺。熱檸都係4塊。總括而言四十零蚊嘅價錢，正常價，但真係足料囉！ 佢下午茶有台灣糖水嫁，同埋我見佢嘅沙津係舊式茶餐廳嘅沙津，下次再試。

新嘉美裝潢有點陳舊，一份早餐三十幾元不算便宜。煎蛋無特別。腸仔略鹹。加 $2 要多士口感略硬欠脆。火腿通做得不錯，通粉見彈性，湯底見甜味道不俗。咖啡為下品，口味偏酸。