新川美食

营业中

休息中

食唔到太辣就叫左個bb辣 點知食食下都係覺得好辣不過唔辣又覺得無咁過癮喎 酸菜甜甜酸酸 為辣味緩和左個單一感 闊寬粉好滑身 如果著白色衫就最好用紙巾擋一擋 因為夾果陣好容易滑黎滑去 🤣整體都幾惹味幾好食

新裝修後第一次去，門面光鮮左好多，裏面都整齊乾淨，座位都算坐得舒服。因為公司喺附近所以今日晏晝同同事去食，我地去到12點半未到，仲有少量吉位。🧡酸辣炸醬米線 +大腸 豬紅 麻辣腩肉（麻小辣）有得揀麻辣/普通小辣，麻辣就會多咗份麻麻哋嘅感覺，少辣我都食到，愛辣人士可試中辣；酸菜香，炸醬腩肉勁惹味大腸入味乾淨 豬紅就一般可以不叫另外見同事叫左個雞翼都好似唔錯。加8蚊有杯凍奶茶，而且短髮既樓面姐姐服務好好殷勤，好有人情味小店既感覺。食完差唔多一點，門口已經排哂長龍了。

While waiting in line outside the restaurant, I overheard someone mentioning that rice noodles have become a local specialty in Hong Kong, and if you're interested in trying them, this restaurant is definitely worth a visit.We ordered a bowl of rice noodles with seaweed and pork heart. The portion was large and generously filled with ingredients. The seaweed was tender and complemented the rice noodles well. The pork heart had a nice chewiness to it and was especially delicious when paired with

淨系開門都比店員鬧，唔會再幫襯，好似唔休做咁，唔想做生意不如唔好做，自己門口又冇寫明道門係燙門，外賣又無單，都唔個邊個打邊個，態度非常差，建議幫襯其他買同類型菜式嘅舖頭

放工一個人唔知食乜好，經過見到新川，但好多人等位，咁就買個外賣返屋企慢慢食見到新出左🍅湯底未食過，一於試吓，餸就揀咗雞絲同豬紅，豬紅都有好多粒，雞絲就正常份量，蕃茄湯底酸酸地幾開胃，如果唔想食辣嗰日食吓蕃茄湯底都幾好

行開太子，冇理由唔食埋晚飯先回家新川已經無數次幫襯，裝修之後第一次過來，環境比之前美觀，坐位闊落，加上有貓店長肥仔駐場，可惜今日緣慳一面🥲例牌來到食這幾樣$531）自選撈寛薯粉-必食👍五花腩，牛柏葉，大腸（小辣）寬粉夠彈，煙煙韌韌與醬汁配菜好夾喎，小辣唔會太辣，下次可試中竦2）脆炸雞翼（原味）必食👍四隻$28睇佢相貌平平，但真係又香又脆，兼人氣爆登💡3）尖椒皮蛋$20個汁好食，但唔係好夾皮蛋4）麻辣豬耳$24正常，麻辣味重

當日友人帶我到呢間食撈寬粉，意想不到挺美味的😋餐廳環境算寬躺，餐廳內還有一隻店貓，時不時會走黎走去，幸運地，牠曾坐在我的位置附近。當日點了：❣️秘製醬汁撈紅薯寬粉（小辣）配料：魚皮餃晶凝通透的寛粉是煙煙韌韌，非常有咬口，寬粉與醬汁十分搭配👍🏻醬汁不會過鹹，是很香，小辣不會很辣，撈在一起，很美味😋魚皮餃只有2小隻，若下次來到，應會選擇第二款配料了。另外值得一讚是花生亦是很香脆、因為有試過其他店舖試到的花生會是軟淋的。總括來說，初次來到試寬粉，整體味道都是不錯的，很值得再試試😋

去食嘅前幾日見到阿祖share呢間太子嘅小店抱住應該唔會食到嘅心情默默save低左點知咁啱接👦🏻收工!!! 喺正隔離!!!三點先食都值🥹🫵🏻張相睇唔出但係佢成兜都係薯粉食左好耐好耐 食極都仲有🤣我餓到升仙所以食晒 然後托住個B走🤰ᴺᴼ‧¹ 湯炸醬紅薯寬粉 $28⋯⋯麻辣豬耳+$7冇諗過抵讚嘅地方係湯底雖然只係清淡嘅豬骨湯 再配炸醬但就係唔會好似出面啲米線舖咁較到個湯底一係死鹹一係死辣寬粉就唔洗多講 超好咬🫶🏻ᴺᴼ‧² 秘制醬汁撈紅薯寬粉 $28⋯⋯麻辣腩肉+$7都香口 但個人覺得下次應該揀米線個人覺得寬粉唔太適合撈嚟食🤔

今日嚟到太子食新川美食🍜🍲秘制醬汁撈拉麵(麻辣腩肉，魚皮鮫，墨魚丸)($51)湯炸醬紅薯寬粉(蘿蔔，牛栢葉) ($44)野食一上到枱面就即刻嘩一聲！有冇咁大碟架，真係要多多支持一下。🫡🫡我叫左碗秘制醬汁撈拉麵，麵質係煙煙韌韌個種，幾彈牙！🤓而腩肉就同平時譚仔個種有啲唔同，係屬於比較薄個種。食落唔算太辣，而家幾香口，食唔到辣都唔怕叫。另外魚皮鮫就係大大舊個隻，比起四海個啲都仲要好食👍🏻👍🏻。我另外叫左碗湯炸醬紅薯寬粉。蘿蔔係必叫嘅食物，一嚟佢吸收哂湯汁，咬落去又多汁又夠淋。😍😍二嚟蘿蔔係測試間餐廳好唔好食嘅其中一個餸，而餐廳嘅蘿蔔一啲渣都冇，絕對係合格有餘！😗評分：8/10❣️地址：太子砵蘭街414號

以前讀書食開紅磡舊舖，收地關左之後就一直都冇食過，但其實都仲有旺角店，門面都好新淨，入面坐得都舒服，開放式睇到廚房入面做野。🍜秘製醬汁撈紅薯寬粉 $44★★★☆☆餸簡左麻辣豬耳、豬紅，個紅薯粉口感超級Q彈煙韌，加上係寬粉食起上黎都費勁。秘製醬汁我諗主要就係個炸醬，當日廚房可能落得重手左，撈完之後太過咸，特別係食到中尾段，真係要整走啲炸醬先食到。麻辣豬耳幾爽脆，帶微辣，唔錯。豬紅就冇特別，冇咩味道本身，但起碼唔會有腥臭味。🍜湯炸醬紅薯寬粉 $52★★★★☆餸簡左豬皮、蘿蔔、五花腩肉片，湯底叫左佢清湯走辣即係豬骨濃湯，叫左清淡D。飲落都幾舒服但又唔會唔夠味道，加埋佢本身都會有炸醬同埋酸菜，所以都超級夠味道。豬皮爽脆但冇咩味；蘿蔔可以再炆淋少少，都算清甜；五花腩肉片都幾好食，真係肥瘦相間一半半，有豬味，加埋少少帶酸湯底幾好食。呢碗唔知係咪湯嘅關係，個寬粉食落淋身少少，我覺得呢個口感啱啱好。🌟總括：撈同湯個味道都好食，但撈當日太重手太咸，同埋個薯粉可以再淋少少。配菜就都係平常車仔麵嘅野，正正常常叫番自己鍾意食嘅就得。價錢相宜，正常小店。

呢間D薯粉好好食，今次試埋撈拉麵都好正湯炸醬紅薯寛粉配麻辣腩肉、牛柏葉、中麻辣紅薯粉煙煙韌韌好有咬口，腩肉入味，牛柏葉爽脆秘制醬汁撈拉麵配雞絲、豬紅、小辣拉麵爽口彈牙，但可能揀小辣有D淡腐乳通菜嘅腐乳好香另外佢哋嘅貓店長肥仔好可愛，叫佢會喵返你，好多熟客黎食野都會同佢玩下

如果你鍾意食薯粉，鍾意食川菜，一定要黎試下呢間野，一黎係黃色良心店，二黎佢既味道的確令我一食再食，同其他舖頭有明顯既分別，佢有佢獨特既麻辣川味，價錢仲非常之符合係暴政同武漢肺炎壓迫下既香港人消費，平啦梗係！仲要餸多粉多，同外面啲舖頭嗌個餸得兩粒兩塊既好勁多！無論撈粉定係湯粉都有佢既出色，麻辣腩肉大大塊又夠麻，薯粉口感煙韌有咬口，撈埋一啖湯酸酸的好易令你不知不覺就食完成碗，但唔好以為小野，佢用料十足大大碗架，所以一碗粉如果連湯飲埋，男仔都會飽！佢既餸款式選擇就冇其他連鎖店咁多，但勝在每樣都唔錯，如果你係好辣之人，你可以挑戰一下佢既辣度，我自問就鍾意食辣，但係個胃受唔到了總結：行開行埋都要黎試下喇，佢仲有超得意既貓店長架！！！！！

麻辣真係一個治愈嘅食物最鍾意嚟呢度食撈幼薯粉今日揀咗紫菜雲耳腩肉撈幼薯粉中麻辣薯粉Q彈，配埋麻辣汁，味道真係好夾雲耳同紫菜係用嚟給麻辣汁，撈埋真係好好食腩肉肥瘦適中，唔會太硬，滷水得入味，真係唔錯麻辣汁又香，有少少花椒味道，辣得來會一啖食啲啖每碗總會有少少炸醬，撈埋一齊食真係非常之好，加埋啲香脆花生，增加口感呢度啲店員非常有禮貌，唔該前唔該後，總會多謝光顧不過落單方式就有啲隨機，上次你就要我自己用QR code落單，今次又會人手落單，所以可能要睇店員忙唔忙而決定

新川美食 @zono.diary酸辣炸醬紅薯粉條 (湯粉)💲3️⃣8️⃣配料：豬大腸+腩肉啲豬大腸完全冇臭味 亦冇肥膏 好乾淨🤩 D腩肉就正常發揮 唔會好鞋 呢隻幼身既薯粉非常爽口 同D酸菜 蔥 芫荽一齊食個層次更豐富 我地2個都係叫咗中小辣 但因為個湯底中和咗個辣度 所以冇撈粉咁辣 食得辣既朋友食湯粉既話 不妨叫大一個辣度 挑戰下😈秘製醬汁撈紅薯寬粉 (撈粉)💲3️⃣6️⃣配料：豬紅+芝士丸佢個味道都啱啱好 唔會太咸 啲肉碎份量足夠 寬粉超煙靭咬到牙較軟😂 豬紅冇腥味 亦有5-6塊 但可惜佢唔夠滑 芝士丸就冇乜特別 但佢拉唔到絲🙂係咩驅使我哋嗌中小辣🙂食到鼻涕都流埋岀黎(應該係我地太廢😂）啲店員好友善 店內仲有一隻好得意既貓咪😍<><> <><> <><> <><> <><> <><>🍴新川美食📍太子砵蘭街414號<><> <><> <&#

第一次黎食🙈🙈聽聞中麻辣好食就試試佢😝店舖係用QR code落單 好方便上餐都算快.炸醬湯米線 配 雞絲🐔麻辣腩肉🐷麻中辣［走酸］$44個湯係真係幾麻 食得耐都會feel到痺☺️但就真係單一啲個味 外面食麻辣其實都無咩麻所以依到好滿足😙米線都唔會太淋又唔會太韌雞絲都係偏韌 腩肉就入曬味👍🏻👍🏻👍🏻.炸醬湯紅薯粉條 配 大腸🐷麻辣豬耳🐷麻中辣［正常］$44Wowww～～～建議唔食得酸既朋友少酸或走酸酸到落左半個檸檬左右 犀利 但我都覺得幾過癮 😝下次醒目 少酸紅薯粉我覺得又幾好食 唔洗咁悶成日食米線大腸鹵到好入味 好淋👍🏻👍🏻👍🏻豬耳就切得好幼 都有啲難搵到佢🙈.酥脆炸雞翼 (四隻）$26😍真係熱辣辣 又真係脆卜卜外皮唔厚 個味又唔會死咸 👍🏻👍🏻下次可以再食😝.食呢啲真係配返杯野飲真係一流❤️同埋份量真係幾多見人地食撈麵 啲麵真係👍🏻👍🏻👍🏻CP值真係幾高🤭📍太子地鐵站D出口右轉行幾步就到.💰埋單$128