新星海鮮酒家 (已結業)

我間中會來這兒飲茶，秘訣是一定要早點去，過了十一時半已經要排長龍。他們的點心樣樣都非常有水準，雖然生意好，侍應很忙，但服務都還算可以。食物方面，小籠飽、鳳爪、炸糯米池、粥、流沙飽（一定要試）、蝦餃等等，都很好味，又不重味精。如果不是星期日或假日，12時前埋單有特價，好抵食，平均每人約二十幾元，比起去茶餐廳更平更好食。老公同朋友試過夜晚去打邊爐，個個都話又平又抵食。這是一間藉得推薦的酒樓。

3/10晚，同屋企人係時代影完貼紙相行過黎開餐。如果唔係呢個網頁，真係唔知有呢個餐廳，開頭我仲唔識搵添。九點半度去到，唔駛等位，入到去，裝修唔錯，有d似稻香。附近隔離檯都有人食煙，所以坐得有d辛苦。今餐係同屋企人慶祝我生日，係度都好多謝佢0地。因為第一次黎，所以唔清楚有咩湯底同有咩飲，所以有d亂，問侍應又解釋得唔清楚，呢點要改善下。見有食家話有花膠軟骨湯底，一心想黎試下，但侍應話無，所以有d失望。我地食任食，再另加兩碟野：桂花蚌同花膠仔。任飲就叫左菊花蜜、可樂、七喜、生啤。d野食都算新鮮，但有d無得食，例如：炸魚皮、鮮蝦雲吞同鮮蝦水餃，希望第日黎會有。很難叫侍應，所以成日叫，都無人應，要改善下。因為琴晚係平日，已經唔係勁多人，但都無人理，無人收碟。洗手間如果再乾淨d會更好！我覺得稻香好食d，價錢都唔係差好遠姐，都係差唔多。因為d野食唔係好好食，普通啦，因為有d款式都無，所以唔會狂食，剛剛飽。同埋佢九點先平，好夜，又唔俾訂位。不過0岩d鐘意勁飲野0既人黎，因為有任飲嘛。平均都要一百蚊一個人。一家人食飯好開心，好warm呀!!!!多謝你0地!嘻嘻~~~~加上影貼紙相又令人好開心呢！服務要改

尋晚飲完野其實飲到好飽, 冇咩胃口, 不過諗唔到食咩就照原定planing打邊爐啦差唔多十點鐘, 兩個人要等兩張檯, 咁岩有張吸煙檯而前兩張飛既人都唔肯要, 順理成章就落入我地手中喇^^v入到去叫左最老土既皮蛋拼沙嗲湯底, 求其點左美國肥牛, 鱔片, 脆骨腩, 花枝片, 金菇, 竹笙, 花膠仔, 珊瑚蚌, 油墨菜, 另外再叫多一枝啤酒.因為飲左酒, 咩味道都唔係好記得清; 不過的花膠仔($20)就煲極質感都怪怪的, 咁既價錢都算啦, 而竹笙就又散又穿, 麻麻.不過以平價任點任食既火鍋黎講, 佢既材料都算好好架喇.

9 點後68蚊任食, 不過唔包湯底, 都有幾多海鮮同材料, 不過以前有帶子片, 近排就無啦, 仲有七喜,百事,啤酒任飲, 不過經常爆滿, 要早d攞位至得

-HK$68/位,任飲任食,包括啤酒-可惜要夜晚9:00之後先至咁平,食得多會肥~_~-配料新鮮,我推介美國肥牛+ 蟹粉包心丸+ 烏冬+ 生菜+ 油麥菜-湯底:我鍾意沙嗲/ 花膠豬軟骨-環境乾淨企理0黎過幾次,水準都好穩定,正!

呢度o既糯米雞，的確係「估」法泡製。包你估唔到，魚蛋都可以放入糯米雞，實在配服。

我男朋友好鐘意打邊爐, 但係拍拖成日得兩個人, 唔去任食真係唔得, 次次叫得幾碟, 仲要食唔哂. 所以任食打邊爐, 我地都試過唔少. 呢間真係幾好, 生啤都任飲喎. 其他果d多數都係得d超難飲既竹蔗水呀, 菊花荼呀咁. 湯底我最鐘意花膠豬軟骨, 皆因我兩樣都鐘意食. 火煱配料都好新鮮, d菜睇落都好乾淨. 真係very good!!環境都幾好架...話哂都仲係新新地...細佬上次黎到都話"咁靚既". 其實係冇expect會咁好環境囉...話哂都係諗住係平價野.

星期六同朋友去呢度打邊爐, 8點鐘攞飛, 因為人多, 結果等到成十點才入去食! 發覺呢間雖然係任食, 但材料絕對冇馬虎, 肥牛都幾"正", 蝦丸同墨丸係手打, 都好新鮮(真係估唔到), 又有鮮帶子, 仲有我好鐘意食嘅蟹子包心丸! 而且汽水仲任飲! 我吔食到成1點鐘, 真係飽到上心口! 唔怪得咁多人啦!

星期日與家人千里迢迢出來灣仔新食飲早茶，大清早，茶客不多，由於家人均是大食份子，基乎點心牌上所有點心都點齊。這裏的點心大都不錯，也許因為是地點關係吧！但小籠包就不太好了，冇湯在包內，似燒賣多些。下次不會再叫。較有印象便是金皇流沙包，蛋黃蓉真係好似金沙咁由包中流出來，很可愛。

我去左紅磡果間,夜晚任食打邊爐真係抵,不過係越多人越抵,因為個湯底都係同一個價錢~~叫左皮蛋芫茜馬蹄湯底,最唔肥既~食既都係多菜少肉,駱駝峰真係好好食,唔知其他分店有冇?...仲食左駝鳥肉,好味~~肥牛都ok~豬下青唔知係乜東東...其他叫既全部都係菜類,全部都好新鮮~兩個人咁食都係食左100 蚊左右~算ok啦~~

朋友極力推薦所以試下,68蚊任食,食物尚算新鮮,選擇又多以呢個價其實真係低,汽水啤酒任飲,朋友一個人飲左3 jar,鍾意飲啤酒既人一定話低.嗰度地方都幾大,幾舒服又唔太嘈,啱哂一太班朋友聚會,埋單位位100,低!!好過上次去某北角酒樓,一樣價但食物種類少到喊

半夜唔知去邊度好之際朋友介紹不如去新星丫成日行銅鑼灣都無上去原來新星新舖位都OK喎坐得舒服之餘又唔太嘈價錢唔係平好多都OK啦2個人都係叫左2轉野食叫得少感覺上唔係太SO不過就唯一唔會徙野囉基本上一切都OK架唔係太刁鑽既人既話又無話要特別食D咩既話黎新星會係一個比較平價又坐得舒服既選擇黎

朋友的波士推介這裹的手切牛肉，今天就跟老友兩公婆一齊試這裹的火鍋。來到時約六時許，為時尚早，没有大多人，以前在此吃過晚飯，印象不太好，現在裝修過後，環境及食物都比前進步，有$28一隻的大閘蟹。湯底由$38的清湯底到$70的藥材醉雞窩底，有六、七個選擇，因朋友的先婆愛吃清淡的東西，我就揀了皮蛋芫茜拼沙爹的鸳鸯窩底($40)。涮料方面雖然没有一些火窩店那多款式，但也很好味及有一些比較有特色的涮料，如蟹粉包心丸($28)、手切肥牛($78)、豬粉腸等。怕老婆的老友很想食豬粉腸，但最後都......！！手切肥牛不錯，有牛肉的鲜味又不帶太多脂肪；我最想推薦的是蟹粉包心丸，非常美味；帶子也很好很有鲜味，這裹出品的是新鮮的雙飛帶子，不似一般店铺有如橡膠的急凍貨式，各位食家可以試下以上的推介。飲品有１２蚊三枝的生啤，一也只要$28，鲜搾果汁就更只需$18一，而且不是味精果汁。招呼方面也不俗，侍應見水乾會主動加水，整體感覺很好，價錢合格，可一試再試，食埋條粉腸啦！老友！！

秋風起,好多時都會想起打邊爐,想起這間!因只有２個人,都係任食啦,起碼可以叫多幾款食品.任食唔包湯底要另叫,但汽水啤酒就任食.好酒量的人可以放到盡去飲.要了8-9款食品,用料都算新鮮.整體都ok!!找數要~$220,無計錯數,$68位x2,$40湯底,$20茶介,加一.好似.....!!如果去有骨氣或者謙記,唔只這個數.食飽飯,散散步行番屋企,特別温暖!

有朋友突然剎到,要陪佢地食飯,想想下不如再試新星.火煱底要左皮蛋莞茜$40,不知要任食$65位,定係自選$15/碟的時侯,有一位朋友巳經話要減肥,只好散叫數碟.食左菜肉餃,鵝腸,黑肉,水餃,肥牛,蝦丸拼墨魚丸,菜......!2瓶竹庶水.~$220找數.都算OK.份量足,大碟.