新星海鮮酒家 (已結業)

今年2月曾與一班朋友在此打邊爐當吃開年飯。當晚個個讚不絶口，梗係$68任飲任食(9點後)，食埋壽包，埋單都係$120一位，食物質素好過稻香。上星期一再與一班朋友到此攪farewell，一行21人，坐兩張枱，閒日關係，很少人幫襯，但食物依然好新鮮。上次食過d蠔，冇得頂，故今次叫了超過40隻，好快就一掃而空。今次試過白肉螺片，賣相唔靚，成塊布咁，但味道好。鯇魚片掂，駱駝峯好un。千祈唔好食鴨舌，朋友話好穌，似冇出水。我最欣賞是炸竽片，夠粉一流，成晚食了差不多大半個竽頭，好食到唔停得口。介紹給另一班朋友後，已約31號再來食一餐，佢哋唔信真係咁抵。星期一至四，兩位已可訂位，星期五至日，則8位以上才可訂位。9點後的宵夜時段，不設時間限制，可食到打佯半夜3點。

本來去食日本料理,可惜無位,惟有轉去打火鍋。揀新星正正貪佢無咩人,又夠闊落,吹水就好理想!叫了燒骨同鎮江肴肉,兩樣都好入味,改左盛碟,覺得幾精緻,叫左一個河源魚鮮湯底,奶白色湯底,幾好味,仲可以即食內裡d蠔同九肚魚等,不過唔好太高要求!湯底另送一支大生力,其他都係好例牌,如是者同剛從日本回來的老友talk下,碰碰杯,又理性兼開玩笑地拗幾句,一個開心又愉快的晚上!!!!

好好味，任食火煱中，呢度材料較新鮮，蝦和蠔都頗大隻，鮮甜做開酒樓，座位較專做火煱的闊落十二月吃的時候仍未禁煙，抽風系統很有效，一點煙味也沒有美中不足是等位時間長一點點，點菜紙很多時都漏單包飲品任飲，埋單每人一百頭，扺食

同舊同學晚飯聚舊, 驚例牌唔夠食, 所以話要中size, 點知佢每樣"食送"黎兩碟, "食送"都話好D, 糯米飯都黎兩碟就真係死得... 佢地話落左單唔可以取消, 大佬, 鬼知中size=兩碟例牌咩? 落單果時你又唔講明? 痴線ga! 我地個個食到飽死, 都仲要打包兩碟走! 一張枱擺滿廿碟, 場面震憾!雖然最後每人除開只係80蚊, 但係本身根本就唔使食得咁辛苦, 條氣亦都唔順!

早前到這裡打邊爐,其中肥牛和黑椒牛根丸呢兩樣係最好食ga!其他雲吞水餃,四寶丸都麻麻地!d腐竹都唔錯ga!又試左一隻新款啤酒叫做威樂啤;味道好淡好啱我飲!以我所知好多野點左都好似無,但員工又唔講俾我地知!有就催左好耐先至到,d朋友都mug mug地架!

係新星都打左好多次邊爐，係大圍聚會的飯堂，而佢次次都無令我失望，係我覺得最好的打邊爐地方之一。佢Ｄ料十分新鮮，ng係好似有Ｄ酒樓隨隨便便?Ｄ見到都ng開胃gei野俾你,而且不論是任飲任食or 一樣樣叫都係同一樣質素，無厚此薄彼，但係９點後gei任飲任食火鍋就真係抵好多啦，＄１００一位到，啤酒、soft drink任飲。我覺得有３樣野一定要食：包心丸、鴨舌、鱔片。,三樣野都係十分新鮮，特別係鱔片，而鴨舌都ng係到到的火鍋店可食到，好鬼爽。但美中不足的是佢地成日都俾ng足野食，一張單最少都有四分一無來到，真係有需要改進一下！

二個人飲茶, 點左以下既點心：1.流沙奶黃包：黎呢度都係想試呢個, 好好味丫, d奶黃是真的流出來, 不過太甜, 如果冇咁甜會仲好食2.楊枝金露：呢個佢話係推介, 於是點黎試下, 點知好奇怪地佢係用個膠杯裝住ga..賣相好似出面街買個d, 味道一般3.鮮蝦腐皮卷：一般, 冇特別4.脆皮腸粉：呢個都係推介wo, 佢好似炸兩咁, 但個脆皮又應該唔係油炸鬼, 唔知係咩, 脆皮入面有d蝦, 都幾好食...推介：流沙奶黃包、脆皮腸粉

以前去仲有帶子呀,鹿筋等任你叫,不過愈做愈縮水,「新星」太孤寒啦!但係又咁講,可以任食任飲,啤酒都係,應該係Skol生啤,加埋晒只係一百大洋可以起身走人,夫復何求呢?食物亦唔太差!我覺得佢又係大件夾抵食咁隻!因為款式多過我食九點前ge「正價」邊爐!所以仍然大力推薦比同一樣中意「烚下烚下」ge朋友!至於晚飯都試過幾次,過得去啦!d小菜都算Ok啦!

二個人飲茶, 點左以下既點心：1.流沙奶黃包：黎呢度都係想試呢個, 好好味丫, d奶黃是真的流出來, 不過太甜, 如果冇咁甜會仲好食2.楊枝金露：呢個佢話係推介, 於是點黎試下, 點知好奇怪地佢係用個膠杯裝住ga..賣相好似出面街買個d, 味道一般3.鮮蝦腐皮卷：一般, 冇特別4.脆皮腸粉：呢個都係推介wo, 佢好似炸兩咁, 但個脆皮又應該唔係油炸鬼, 唔知係咩, 脆皮入面有d蝦, 都幾好食...推介：流沙奶黃包、脆皮腸粉

今次第一次去新星食，就係食晚飯，有d同學都係度打過邊爐，今次成班三十幾人訂左3圍就叫小菜~~因為我係搞手之一，所以早d去到叫菜，去到d侍應都不斷話全包宴抵食，但係我地都決心食小菜，因為我地自己識計，叫小菜係一定平過全包宴，而且全包宴d菜式對於我地呢班學生黎講實在有點兒誇張.......我地總共叫左10個菜度，有：咕嚕肉，牛仔骨，南乳吊燒雞，蒜茸白菜仔，潮式拼盤，粉絲節瓜保，炒蚌片，椒鹽鮮魷，桂花鴨同蒸紅魷味道都算唔錯，最好味係碟雞，可能佢係唯一一碟係我自己夾既，因為做搞手好忙，樣樣菜都係要人幫我夾落一個碗，所以所有菜d味都混埋一齊~~~不過隻吊燒雞係催左好多次先黎，催左幾個侍應同傳菜都未到，不過多人既關係，大家傾計都唔自在佢遲遲未到，如果少人既話咁遲先到實嘈死佢！！！桂花鴨同蒸紅魷係特價孖寶，所以兩碟加埋都好平，先$88所以食晚飯睇下有咩優惠，真係自己點菜好過食全包宴我地咁樣3團先食左二千幾蚊，平均每檯八百幾，抵到爛每位茶錢$10，白飯$8，都算係平啦，而且環境都唔錯，係d侍應忙左d，想嗌人都無人黎，太過少人係樓面

今次我一行8人食晚飯,叫好幾味小菜,唔知係咪出名之後食會少份量,我叫一條魚,約$200,但係就細得可憐,有碟菜叫乜,個碢鬼咁大,菜鬼咁少,隻雞比較小,好似未長大咁,味道又唔係太差,不過咁$同咁份量就唔低食,好在女仔多,又唔大食,如果唔係一定要食多餐

好多時收工宵夜都會黎呢度食任食任飲火鍋$68 位計埋湯底茶芥每人要一百蚊左右埋單~但我地都中意黎係因佢有很多野食既選擇~好多都唔洗另外加$(因出面平少少如$48 位果d 就冇咩選擇~試過食一間喺銅鑼灣既任食火鍋~order 既肥牛係亂成一團咁~啫係應該係人地果檯食餘既比我地~幾難頂)所以中意新星呢度夠新鮮多選擇同埋有得任飲~肥牛很新鮮大片~蝦也很新鮮~所以鮮甜d (但晚少少去都會賣晒)~ 蠔夠大隻~試過一次有隻蠔好似我手掌咁大~但可惜食左先諗起點解唔影抵佢~喺食果陣真係想用刀叉切~鱔片很好吃~仲有很多菜同瓜可撰~有時只係食菜同菇都好丫~最中意莧菜~很嫩好食~公仔面係出前一丁全包出既~雞子都唔需要加$~12:00前到仲會送鹽水雞腳or 咖哩牛腩一小碟~唔錯喎~湯底最近試左個好特別既beer 湯底加海底椰~味道苦苦地但又幾甘甜咁喎~beer 清熱都幾啱火鍋用~第一次食係用beer 做湯底~ 很過癮~唔飲得酒既朋友仔都唔覺醉喎~佢地周不時出下呢d 特別野比客真係會吸引d 客回頭~我地就係咁周不時都會想返去食~呢度晚晚都唔少夜遊神食火鍋宵夜~飲到醉醺醺很relax~其實有好野食有酒任飲~好過去

屯門海翠坊新星酒樓（早＋午餐）從媽媽口中得知，爸爸今日肯自動走去搵位飲茶，原因是早幾日係我既生日，依家補請返一餐咁話ｗｏｒ（哈）爸爸出左去酒樓一個鐘度就打電話返黎報告有位，之後我同媽咪前後腳咁出門口。去到拍板的人當然仍是爸爸＝３＝自第一次黎新星飲過茶，呢度最唔好食既係有蝦既點心！！點知佢地今次叫左蝦腸Ｏ口Ｏ食了一半，爸媽食得出ｄ蝦梅得很，最後叫部長黎＞＜講完一輪部長自動自覺取消呢個點心既ｃｈｏｐ！之後再食了好幾樣點心。飽飽～坐下嘆下睇下報紙，悠閒的一個上午，真開心！

個日係我細妹生日,我細妹係一個好嘴雕gei人,都話好正.d 椅好好坐,唔係油林林個d..個度夜晚9.39就有得食,野食選擇好多,最正gei係肥美gei膳片呀!!!簡直想一叫再叫!!!li度唔似旺角個d場,個碟定時有waitress姨姨幫你換,旺角個d真係理得你dirty爆,唔出聲都唔黎serve你.食物有水準!!!!!仲有百事coke,好多罐裝野,同埋一ja ja生力beer係任飲的.順便一提,佢個toiley好企理,tissue供應充足,侍應服務一流,每人埋單都只不過係$96,係cwb li區,簡直係超值!!係呀!!個日我地帶左個蛋糕去,個度冇話d咩老土切餅$,仲借埋刀,比埋fork我地食,waitress姨姨仲好好口咁祝我細妹生日快樂tim,我唸我地第時想打邊爐都會以li間做首選了!!!

我係星期六的宵夜時段幫襯新星的,由於我與男友都不是太肚餓的關係,於是只係叫左一個88蚊的火孖寶,包左個椰皇雞湯底,4隻蠔,4隻雞子,3粒蟹心丸,3粒龍蝦丸,尤魚,4片肥牛同菜等食物,再加一枝啤酒或其他飲品.仲要另加茶錢每人24蚊,其實野食就唔多o架啦,不過見個湯底又包左,又有野飲就算啦,心想88蚊,加埋一同茶錢最多咪130蚊,宵夜黎計都ok既,又叫做有蠔食..點知食完埋單的時候就把鬼火啦,佢取然夠膽收我280蚊!!原來係收多左2個人任食的價,我地得個二個人,有無可能又叫任食,仲要另加一個套餐呀?? 任食咩都包哂啦..於是就向經理反映啦...佢即刻好似好質疑我地食霸王餐咁,係咁問我地:"你地真係無叫任食?"約問左15次,然後佢就走開左.之後所有的侍應就開始對我地眼望望..再等左10分鐘先至好晦氣咁幫我地埋單,埋單都只係120蚊,真係食到一肚氣~~