新東王 (已結業)

嚟到馬鞍山 唔想幫襯新港城嘅連鎖店 所以去左間食台灣菜嘅小店💁🏻‍♀️我嗌左滷肉飯同芋圓~第一眼見到滷肉飯嗰陣 覺得好細兜 但食完又覺得幾飽😂 味道就正正常常 無乜驚喜 如果有多d汁撈飯會更好 滷肉飯有3嚿豬肉喺面 我唔鍾意食肥豬肉 所以淨係食左d瘦肉女人有第二個胃食甜品🤪 身為芋圓控 點可以唔試？芋圓煙韌好好食 仙草都好滑溜 如果有多d花奶就好啦 美中不足嘅係兜芋圓有d碎冰 影響口感 同埋上甜品嗰陣有d慢值得一讚嘅係侍應姐姐服務態度幾好☺️

聽說馬鞍山是美食沙漠，不過近年都多了餐廳選擇，今晚就在這裏覓食吧！在網上找到這家小店吃台灣菜，店舖非常細，在限制令下只剩約三枱的位置，所以就算等候人數不多也要等好一陣子。這碗牛肉麵十分足料，湯底濃郁，有蘿蔔、紅蘿蔔等熬製而成，忍不住喝了幾口呢！雞蛋是中間有少許蛋漿的那種，不會太乾。牛的部分是牛根腩，淋身易咬，又夠入味，而麵是粗身的，略為過淋，不夠咬口。主食加$28有炒菜及指定飲品，炒菜本身加了醬油，而飲品就選擇了冬瓜茶少冰，原本想少甜但甜度是固定的，豈料這杯冬瓜茶甜度剛好，不會過甜👍🏼👍🏼👍🏼要比like。滷肉飯的豬肉脂肪部分不太多，略為乾一點，但不影響整體味道，而且不會太油膩反而健康點，飯底有珍珠米令整個飯更昇華😋主食加$20有鹽酥雞及飲品，餐牌是寫10粒的，但上枱卻有更多，應該是太細粒的關係。雞粒非常脆口亦不會太鹹。最後我倆還加了飯後甜品，好彩早一步下單，否則珍珠就會售罄。一碗$28的芋圓份量都幾多，很足料，有紅豆、黑糖珍珠、仙草，當然不少得三色芋圓啦。但對主角芋圓有些許失望，口感偏硬，沒有芋圓應有的煙韌，反而珍珠的黑糖味很香濃，咬口煙韌。令我想試試這裏的珍珠奶茶呢！

我係外賣，我隔咗一陣先食，都仲係好好味喎！會再幫襯！招牌牛肉麵：牛筋、牛腩都好淋好入味。配料都好正，有菜、蘿蔔。鹽酥雞 ：份量都夠，啲炸皮無變淋，又係好食，好快就share晒台式拌麵 ：無大特別，依個對比其他失色咗啲，下次唔叫喇台式蘋果湯咖喱雞腿飯：少少辣，接受到，唔係平時嘅甜咖哩，係好似湯咁，質地稀好多嘅。但都好好味！雞髀無過熟變鞋，仲係嫩滑，同埋都大隻嘅手工芋圓配仙草凍：芋圓、珍珠唔會變糊，唔會過甜，仲有紅豆&仙草好夾，超好食，叫得一碗唔夠呀！

假日陪屋企人去馬鞍山整啲野，完左梗係要搵野食啦。好耐冇食牛肉麵啦，所以就黎左呢間台灣餐廳～呢間餐廳唔係好多位，我地等左一陣，佢話bar枱有位，問我地坐唔坐，我本身唔係咁鐘意坐bar枱，因為隻腳好唔舒服，但因為太餓，所以就照坐。我地叫左牛肉麵，古早味滷肉飯，再叫左冬瓜茶同芋香薯球。個牛肉麵唔錯，不過有我唔食既牛筋，如果全部都係肉就更好。牛肉好淋好入味，仲有埋蛋同蘿蔔，就算唔食牛筋都夠飽。個飯就冇個麵咁好了，覺得有啲唔夠熱，食左三分一就冇食，有啲失望。個芋香薯球唔錯，甜甜地，又唔算好炸好熱氣。冬瓜茶甜度剛剛好～

成日都食D 連鎖餐廳，有時都想食下D 小品野，未必好差傢，可能仲會發掘到D 好野感覺冇咩味精，味道係啖小小，但湯料都好多，牛肉好冧，同台式牛肉麵唔同，似媽咪喺屋企煮既味道多D餐牌冇寫，剩係貼左喺牆身，可能唔係成日有其實大大隻雞腿係好有誠意，但浸湯浸得太耐，雞肉既質地會變得唔嫩滑，而且個湯超熱（見到張相 矇查查就知佢出哂煙拉）基本上仲喺到煮緊隻雞腿！餐廳幫依個湯改左個咁長既名，我就試唔到蘋果味，不過味道大概係咖哩海鮮杯麵既味差唔多

性價比唔錯, 本地店員有親切感, 食物質素亦都唔錯。當然都有D野希望佢改善。最大問題係油煙味。食完好似打完邊爐咁成身好大陣味, 我個人而言好怕呢樣野。另一樣係飯, 睇得出係台灣/日本米, 不過對我而言煮得有D過硬。咖哩可以濃味D, 反而炒菜伴麵呢D可以清番少少。因為會再去所以俾D真心意見。&&&&&&&&&&&&&&&&&&&&&&&&&&&&&&

第一次食，呢間性價比十分高既小店！食材新鮮、調味唔重，但十分好味！古早味滷肉飯，好有台灣味道，D米係肥身既，煮得岩岩好～ 張相無影到麻吉燒，因為肚餓等唔切一齊影，新鮮炸起，好好味！ 有冬瓜茶跟餐～ 下次去試招牌牛肉麵！ 環境都十分好，店舖細細，坐位岩岩好坐到一個人，但店員十分用心去安排客人坐得舒適，而且有禮貌。坐bar 台會睇到煮野食既地方，好清潔整齊，亦令到玻璃肚既我食得安心 最重個個店員都正宗香港人！好親切

馬鞍山本身已經好少餐廳可以選擇，連鎖店、藍店就有一大堆，只有好少好少嘅清泉。本身無抱咩期待，只係抱住單純支持小黃店嘅心態到訪新東王，估唔到反而有驚喜！首先，招牌嘅牛肉麵真係唔錯，啲牛整得幾淋，麵又唔會過爛，湯頭亦都夠味只嫌咸咗少少！而雙丸麵就份量偏細唔夠喉因為佢個撈麵好夠濃幾好味，但要加埋小食套餐先剛剛好夠飽。不過聽講新東王最出名嘅係蘋果湯咖喱，當日都見到好多街坊食咖哩，身為馬鞍山街坊以後一定會去試吓！

牛肉麵，湯咖哩同鹽酥雞都非常好食，十分推介👍🏻This is out of expectation.The soup of the beef noodle and curry chicken with rice are exceptional. Very tasty.The price is low while the quality is very high.I will definitely come back and refer to friends Great

滷肉飯睇落好細碗 但食落都幾飽下我係濃味怪 覺得可以咸小小但佢d咸酸菜落左幾好食肉少少柴 但肥肉食落幾香小食方面香腸幾好食wo 同平時台灣腸有少少唔同好似再香d 但份量比較少芝士餃子雞翼就 無乜芝士味但雞翼幾juicy有汁 都唔錯食完加多個餃子 餃子好普通😂唔記得影另外野飲 飲左茶 無咩特別總共119 價錢都ok唔洗加一 okwo👌🏻可再黎

杯珍珠奶茶唔知咩黎，如果隨便一杯水奶珍珠，就不要推出來吧，只會令自己店舖型像下跌，已不是第一次幫襯了，但只有越黎越難飲，不如換過個食譜試下，好過咁難飲都推出黎賣

今次去食係第二次，覺得自己比錢買左個難受。今次去已經加左價，仲要加左好多，食左佢地個牛肉麵，啲牛都不錯幾冧，但啲湯就好油又好咸。後尾就叫左個小食再配飲品，首先講下小食啦。而家已經冇咗最好食嘅芝麻雞翼同墨汁腸，所以就只好食左個蒜味腸。都只係好普通。另外就加左錢飲珍珠奶茶，得奶味完全冇茶味，台灣餐廳黎講算好差。加錢飲都算啦 但係甘難飲就唔抵囉。一個人返工放lunch去食黎講算好貴，又唔係話好食，完全唔值尼個價錢。食完返工成身都牛肉味，好臭，搞到不想再去

喺馬鞍山如果想搵間台灣嘢食就非常之難，今日行經過見到人流都多，即管又試下啦，等咗5分鐘就入坐！店鋪好細， 座位有啲迫😐叫左 "招牌牛肉麵" 同埋 "紅燒牛三寶" 兩碗都有好味嘅流心蛋同好甜嘅蘿蔔，麵質ok😍 但兩碗份量都較為少😆， 所以加咗錢轉套餐， 但兩杯優格， 非常之淡唔好飲😐

馬鞍山終於有d野可以食下啦！台灣麵有咬口，牛腩林，蘿蔔甜，湯味偏濃，滷肉飯好食，滷肉夠味，很香濃，蘋果湯咖哩鷄腿飯不過不失，之前食過手工芋圓，好Q彈，唔太甜希望可以保持水準！

附近幾間賣麵 睇到有芋圓被佢吸引左但最終無食到留待下次 叫左個牛肉麵 +左22蚊有小食杯臺式飲品 香芋炸圓子牛肉麵 湯底唔錯 炆的幾好d牛腩同牛筋食得出認真 既出品 肯落功夫自己整 小食都系叫貨工廠貨 但料少 口感一般珍珠谷得幾好 時間掌握 無缺點