新森林焗之專門店 (威靈頓街)

营业中

休息中

今日喺新森林試咗個幾得意嘅意粉~雜錦蟹籽煙鴨胸炒意粉($36), 炒意粉唔會太咸, 上面加咗一圈圈蛋黃醬, 有D日式炒麵Feel, 偶然咬開蟹籽有少少咸香, 煙鴨胸又香口,估唔到呢個組合又幾夾wor!

為慶祝今日提早開完會，去食個焗飯先。去左新森林焗之專門店中環威靈頓店。同阿菇每人一個餐，芝士焗海鮮豬扒鴛鴦飯，另一係黑椒牛仔骨芝士焗飯。份量大，價錢平，因為平均消費只食主食只需$65。黑椒牛仔骨焗飯上枱夠熱，焗飯好難唔熱。重口味之選，阿菇形容芝士多，醬汁亦多黑椒汁杰身同味道平平，牛仔骨乾身，飯亦硬。芝士焗海鮮豬扒鴛鴦飯醬汁多，冇汁不歡的人有福了，雖然魚柳上鋪滿白汁，但魚柳冇味，只係個白汁有味。飯算香口，另一邊的蕃茄豬扒比魚柳好。凍飲加$3，冇加一。

新森林焗飯是在中環性價比較高的餐廳，選擇很多，除了焗飯，還有拉麵意粉。而焗飯方面，有雞牛豬是必備的，特別還有是要羊脾和牛脷。我一般都會點蕃茄焗牛脷飯，飯底是炒飯底的，酸酸甜甜的，好好味！價錢大概$50至$60,還有餐飲，在中環真的是不錯的選擇友人點了牛扒煙鴨胸意粉，牛扒份量不少，黑椒汁有點偏辣，不過也可以接受！喜歡食肉類的朋友一定不要錯過！！不過若果你不喜歡食肉的，新森林還有素食提供，照顧不同食客的需要！

來到lunch嘅時間 今日特別想食焗飯就嚟咗呢間新森林試吓 睇佢個裝修都幾好咁就抱有點希望我哋今日一行四人都叫咗個大燴飯不過我哋分別係叫咗番茄汁同埋黑椒汁咁就可以一次過試晒兩個汁嘅味道本身我都係一個好黑椒汁嘅人但係唔知點解特別想試吓呢度嘅番茄汁焗飯一道芝士係好多番茄汁亦都係好耐但係都有點酸不過覺得咁樣先係真正嘅番茄汁啊又唔錯啵之後再試一個黑椒汁佢冇想像中咁辣 呢隻黑椒汁都叫做比較薄嘅但係我覺得好啱我哋中環返工嘅人食始終食完之後冇咁大陣味係個口度而嗰個豬扒呢又揸過嚟口感又唔錯又唔會太乾 佢條腸仔都算係正正常常幾開胃加埋嗰個漢堡扒送埋嗰個炒底飯真係唔錯嘅選擇平靚正嘅首選

來到中環出job中午唔知食乜好？一向慳家嘅上司😬帶我哋呢班散仔來到新森林焗之專門店食lunch。等左大概10分鐘就有位啦，一開始係門口樓梯等，望入鋪頭真係以為係日本餐廳，但一入到去就改觀-一般茶餐廳，坐滿曬人，好熱鬧（應該係好嘈！）我點了一個芝士豬軟骨焗飯，waiter送到飯來時見到圓圓的小鐵盤，份量不算多，可是吃落真係飽到⋯芝士很多而且覺得有d漏！豬軟骨只有兩舊仔，但味道是ok的，而且肉也煮到軟軟的。真的千萬別看輕這個小盤子，我也食唔曬醒個飯，因為cheese濟到太邪惡了～

之前都一直有光顧，但最近2次食，發覺意粉質素下降，咬落完全冇彈性，口感好奇怪。 塊豬柳就係一般凍肉鋪可以買到嘅，冇咩特別。 味道是可以的，芝士都好濃。希望能改善意粉呢個問題。

一個人行行吓走左入新森林，一個月起碼來四五次，服務員態度十分好，可能成曰來之故，唔知食乜之下叫了羅宋湯和豬扒飽拼雞翼，第一次係度食豬扒飽，細細個豬扒又幾好味，腐乳雞翼又幾 香脆都幾得，地方算幾乾淨，食得久都唔會趕你走👍🏻

間餐廳係中環區，位置唔算好近地鐵站。附近有好多打工一族，平時中午時間要等位，但係今日咁啱經過見人少少，於是就決定幫襯一下。午市套餐叫左個雜扒飯，有吉列魚柳、豬扒、漢堡扒、香腸，仲有啲西蘭花，同埋粟米，再加黑椒汁，非常豐富。朋友叫咗豬軟骨拉麵，再加餃子。呢間野除咗食焗飯之外，拉麵嘅選擇都唔錯。啱晒細啲胃口既人。另外，仲有個大胃王焗飯，有蕃茄、芝士呀，仲有啲肉類，好似係雞肉。醬汁喺飯上面鋪滿全層，真係好吸引。另外，嘢飲叫咗熱蜂蜜，滋潤甜甜地好清涼，加$8可以再加麵包同埋湯。麵包同湯分別係蒜蓉包同埋羅宋湯。雖然鋪嘅面積唔係好大，但係呢個價錢係中環食飯來講，都算坐得寬敞。可以同朋友傾吓計，又唔會趕你走都算係咁。

公司距離新森林只係幾分鐘既路程, 所以今日同同事去試下佢既焗飯.5分鐘左右就有枱, 中環既餐廳黎講, 算快, 侍應做野都好快手, 一有位就即刻執好叫你入去芝士焗咖哩雞伴鮮茄豬扒鴛鴦飯有濃郁芝士味道, 厚厚既芝士鋪在焗飯面雞件同豬扒與超市買的無異雞件有小小雪藏味豬扒淋身, 唔會硬食既時候芝士可以拉絲咖哩汁偏咸, 茄汁正常吉列大蝦烏冬湯底較淡, 烏冬算彈牙吉列蝦既粉漿較為厚身唔係特別推介, 只係個普普通通既午餐.

由於今年啓市比較早本來是打定主意用快餐店的「焗豬(扒飯)」去祭五臟廟幸好當想到焗飯時讓我想到中環還有這間焗之專門店固有的午餐系列看來是新的推介 (不過我實在太少去，不知新了多久)還有少見的素食之選最後有小吃可追加午市餐牌比上次到訪簡潔了一些，得4頁很容易找到午市有供應的餐點所以很快便決定了今日的午飯雖然最初心裡想的是焗豬扒飯但一看到餐牌上，就把焗豬扒飯拋諸腦後因為我看上了它芝士蕃茄焗鹹牛脷飯大大片的厚切鹹牛脷其實可以舖滿整個焗盤牛脷煮得夠腍，輕輕鬆鬆便能切成小塊味道剛好，不會過鹹，保留到牛脷本身的味道水準頗高飯雖然要仔細看才知道是炒飯底但總算不負焗飯所望，而且粒粒分明，吃得很爽可惜只有薄薄的一層，份量不算多，僅僅足夠看來「追加」餐牌出場率應該頗高不過新春過後也要節制一下唯獨醬汁特多，自覺有點膩但對一般喜愛焗飯的人來說倒也不為過午餐是附有餐茶的看到餐牌上有數款特飲，可惜全是凍飲今次還是簡簡單單的點熱杏仁霜凍飲留待夏天吧最後結賬才五十二元正(沒有加一)絕對比快餐店更抵

星期日好早飲完茶無食午飯，就可以食到個下午茶；經過依家愈來愈少既新森林，全場差不多坐滿人而且下午茶餐牌都好多選擇三文治、公仔麵餐都係廿幾左右，飯類$30幾至$50幾又唔算貴，咁多年加價唔大簡單款公司厚切三文治🥪$29 (送熱飲)蛋好厚唔太油但都幾滑配埋2片火腿+吞拿魚口感豐富，材料好足蕃茄焗豬扒飯$36 鐵板上，切開成3塊豬扒連骨，炒飯底蕃茄味十足芝士焗嫩滑慢煮咖哩牛腩飯$37；牛腩過份地腍，無牛味無口感，咖啡幾香唔辣飯黎講以為細細碟，但其實都夠飽，飲品用紙杯裝

公司雖然距離新森林十幾分鐘既腳程但每個星期基本都會行過去食一次佢既焗飯真係好！好！食！次次去無論多人少人都好等十幾分鐘左右一定有枱翻桌率夠快而且staff做野都好快手一有位就即刻執好叫你入去咁既速度先可以起中環殺出一條血路今日黎叫左佢個牛肝菌豬扒芝士焗飯離遠都聞到牛肝菌既味道好香食既時候芝士仲會拉絲豬扒夠大塊 稔身唔黏牙一個女仔食其實好飽但好滿足之前試過佢既魚腐拉麵都好好食拉麵夠彈牙魚腐吸左啲湯好juicy 佢既熱飲杯杯都係熱辣辣咁出黎架飲既時候小心燙口最鐘意佢個檸蜜次次黎都叫

今日我又無帶飯番工，依個係最頭痛既事，一陣晏晝食咩好丫~~又要搵下我d好同事啦，佢地多數去果間新森林焗飯，我又唔想行咁遠...不過佢地話有個新焗飯出左好正喎，唉~咁就去試下啦唔想自己一個食丫嘛)，依度環境舒服，座位全部有軟墊。跟住睇餐牌見個新焗飯叫香嫩雞扒蕃茄芝士焗飯，個名咁長$50包埋一杯熱飲，跟住我地4個人都係要依個焗飯，我改左要意粉，要左杯熱檸檬蜜，跟住黎到賣相不錯，食落d雞扒又真係幾香嫩喎，雞扒應該唔係原塊雞扒，係打到肉醬再加調味，有少少胡椒辣的我都覺得依個飯真係好正我想再食多次

中環上班族應該都會有嘅困擾就係食lunch周圍都有好多人🤦🏻‍♀️🤦🏻‍♀️ 仲要閒閒地都$50,60💰 PPFood亦都因為咁 成日都要諗食咩好🤔 經同事推薦後就去食下呢間主打焗飯嘅餐廳 但PPFood身為牛魔王真係忍唔住食呢個鴨胸牛扒配炒飯（$53）所以捨棄左焗飯😂估唔到咁大塊扒😍 仲要冇咩根！ 鴨胸都唔錯🤗 炒飯又唔會太乾😋 呢個價錢買到呢個質素都確實算係咁😜 仲包一杯熱飲 不過凍飲就+$3 但因為外賣自取有85折 所以加埋凍飲都$50有找😛 喺附近返工嘅朋友不妨一試！

中環區的午飯時間，周圍都人頭湧湧，這間食焗飯嘅專門店都唔例外，每次經過都會見到長長人龍，我估計食物質素應該唔差，所以今日就專誠約埋同事黎試食吓！我一馬當先去排隊，12:45 分到達已有十多人在排隊喇，繁忙時間過半數人就可入座，比起中環某些茶餐廳要全數到齊先比入座就優勝得多呢！第一次幫襯，我穩穩陣陣，叫左個♡皇牌蕃茄芝士焗豬扒飯♡同某連鎖快餐店比較，明顯無咁鹹，味道無咁濃，我就是喜歡這個味道，吃後沒有太油膩感覺，不大食嘅我，竟然可以全碟食哂同事叫左♡牛肝菌豬扒芝士焗飯♡他說味道不錯！牛肝菌切茸連芝士白汁焗，焗汁有菌香，勝在芝士適量，四大件無骨豬扒煎得鬆化香口！男士進食就剛剛好，女士稍為過於豐盛了！另一位朋友叫左♡芝士蕃茄焗珍寶大胃王飯♡他說焗飯略嫌不夠熱，份量適中，茄汁濃度適中，豬扒夠冧，都合格。可惜雞肉是以炸雞粒取代，感覺頗熱氣，不太理想。漢堡扒也略鹹，質感一般。香腸很夠份量，幾好味。整體來說合格。飲品方面，我和同事都叫左凍檸茶少冰，黎到後，發覺冰塊完全無少到。比起某連鎖快餐店紅荳冰都可幫你做到全走冰，佢這方面真係唔合格囉！最後補充 : 放在白色膠碟上盛載焗飯的黑色焗盆，每當我們用刀据