新森林焗之專門店 (已搬遷) 新店位置

同朋友係女人街附近搵野食, 見到裝修幾靚個二人餐又有PIZZA食幾吸引 於是就試下去到都係等左十分鐘內就有得入去, 不過D位真係好窄....係門口已經想嗌呢個,咁揀左M202 北海道扒帶子墨魚汁意粉,流心蛋黑豚肉PIZZA, 串燒 同忌廉湯.D野食上得好快, 好快就上左3樣野個忌廉湯真係好SPECIAL!!!同飲開果D好唔同! 係好奇怪既味道....PIZZA 段估點都唔會難食啦!一試.... 完全唔脆, 其實同食麵包無分別, 好似麵包店既PIZZA包咁個意粉亦都好普通.....最好食算係個串燒!兩個人食哂所有野.... 好似無食過野咁....份量好少服務生服務態度幾好, 環境都乾淨 係窄囉-_-ANYWAY,真係唔會再黎!

今天與朋友在旺角相聚, 揀了很久, 終於在女人街尾選擇了新森林...已經是7點多,但不用等位!!自己一個人入去搵位, 侍應叫我搭枱, 我說等一等都可以,侍應很快安排另一個2人卡位給我!朋友來到, 我們點了一個2人餐$118, 超抵,又飽!朋友加了$6 飲龍蝦湯, 朋友說太濃及咸, 不好味, 一點也不像龍蝦湯, 但蒜蓉包就好好味,又脆!!輪到我碗湯, 忌廉湯好像有西蘭花,但味道一般, 入面仲有些類似粉狀物體未溶...小食揀了薯蓉青口, 青口不算新鮮, 但薯蓉好有口感, 味道不太咸,又不漿口...pizza 揀了辣肉腸, 味道普通了一點, 2人份量剛剛好, 厚底!!飯, 可以揀餐牌的飯或意粉價值$45, 揀貴了,補差價, 我地揀了不用補錢的芝士忌廉海鮮飯, 真的有驚喜, 味道不算太有芝士味, 但忌廉味重, 汁濃, 撈飯一流, 海鮮多款, 但亦不算新鮮, $45 算幾抵, 兩個女仔食剛好!!餐包了餐飲, 埋單$139, 真是很抵, 每人都只是$70...大家已很飽, 雖然食物普通了一點,但不難食,晚餐想食焗飯又要平價, 旺角之中是首選!!

同朋友gathering~大家budget 唔多又想食西餐~上openrice搵下就揀左呢間~我同朋友都未食過~但有屋企人食過話OK 就去了~同朋友六點幾到去到~應該都算早所以冇乜人~一入到去就有位~坐左個二人既卡位~坐低之後完全冇人招呼~ 係自己睇下揀咩食~揀好之後就叫左個貌似高級少少既女人過黎落單~講起呢度就嬲喇~個女人服務態度超級差~ 以下係我地既對話：女人：要啲咩?朋友：我要一個M006~女人：M006仲有冇?我：我要一個M013~女人：M013仲有冇?朋友：要多個芝士蒜蓉包~女人：頭先除左M006仲要咩話?朋友：...=_= M013~要多個芝士蒜蓉包~跟住我地仲叫左跟餐既飲品~其實係我地叫個陣佢以為自己記到冇「咁」落部機度，點知自己轉個頭就唔記得我地叫咩啦!!!!!落單全程都黑口黑面，明明又唔多客又勁趕咁，之後落完單佢喺櫃桶拎啲刀叉出黎仲勁大力放喺枱面，講真未食野已經一肚氣啦咁差態度...已經對呢間餐廳扣晒分之後上左兩杯飲品冇耐就上食物~侍應會問左個飯係邊個先放落黎~我覺得呢個唔錯~可以避免客人自己調而淥到~而呢個侍應都令我懷疑其實全間餐廳得嗰個女人態度咁差!!!!!飯睇上

又同朋友黎新森林食DINNER因為TEA杯仙草奶茶飽到夜晚, 唔係點想食野我地點左1個飯, 1個小食同1杯野飲1. 咖喱軟殼蟹飯: 有2款咖喱CHOOSE, 我地點果時已經問左個WAITRESS日式咖喱有無得少辣, 佢話"蕃茄椰汁咖喱啦, 無咁辣" 我地就叫佢落蕃茄果隻. 點知一食落就知奶野, 好辣, 係日式唔係蕃茄咖喱 算了, 食過費事換浪費野食, 點少D汁食啦. 但今次2隻軟殼蟹好腥, 點咁辣的咖喱汁食都係好腥, 同之前食果幾次差太遠2. 焗青口田螺: 2隻青口好肥美, 底下芝士蒜香薯蓉好好味, 朋友係咁話要食. 但一食田螺就出事, 仲要食第1隻(TOTAL有4隻, 其餘3隻無殼), 有好大片殼碎, 因為都係黑色, 我睇唔到成隻放左入口, 一咬成口殼碎3. 牛乳布丁紅豆冰: 餐飲+$5轉的. 有2,3小件3.6牛乳布丁, 布丁係幾好食, 但杯紅豆冰好淡無味之前次次DINNER都食得好滿意, 但今次真係好似希望變絕望應該有一排唔會再去

5月25日, 近年新森林焗之專門店分店越開越多~ 打正旗號係焗類專家嘅新森林其實花款越出越多, 焗飯焗意粉以外而家連咖哩、拉麵甚至鋸扒都有得食! 但本身我地覺得佢d焗飯水準都只係一般般嘅時候, 再出埋晒呢d花款野只令整體質素降得更低… ::: 大蝦沙律 + 7安士西冷牛扒配扒虎蝦伴薯菜 + 熱檸水 ::: $58望見餐牌呢度有鋸扒餐, 仲有多款扒類海鮮任你揀任你配, 仲有大蝦沙律, 咁抵即刻試下! 點知咁就中伏! 所謂嘅大蝦沙律其實只係普通生果沙律加兩隻白灼蝦… 仲要d蝦都係霉霉地, 蝦殼都軟乃乃嗰隻, 更唔好講話有咩鮮味啦! 其他生果亦只係一般, 蘋果連皮食好正常, 但佢連雪梨都無批皮就真係太求奇…西冷牛扒個賣相好似牛柳, 口感都幾軟嫩~ 煎得都幾香, 但就一貫港式扒房咁落重調味, 牛味就無乜… 隻扒虎蝦先堅嬲! 同頭先個大蝦沙律d 蝦一樣, 味道全靠蘸上生粉煎香, 但都係咁細隻兼肉霉… 扒虎蝦BB就差唔多! 配條司華力腸都無咁嬲… 薯菜都係d普通野啦~ 但比我再揀我寧願去大家樂食鐵板餐好過!熱檸水就無乜理由會出事嘅… 只係唔明點解我堂食佢都要比d外賣杯比我, 用餐感覺差之餘又唔環

旺角周圍都咁多人, 難得見到呢間咁新ge鋪唔算多人, 梗係試下佢個tea啦! 好肚餓, 所以叫左呢個set:勁大碗叉燒蕃茄意粉+足料奶油脆豬+濃味熱奶茶 都只係26蚊, 真係好抵好抵好抵。叉燒蕃茄意粉其實都係一般, 叉燒太瘦有d硬, 個蕃茄意粉味道唔係好夠! 奶茶都好濃, ok呀!但驚喜ge係個tea入面ge奶油脆豬!!!呢個奶油脆豬真係好足料, 牛油一大舊, d練奶係多到流出黎架, 個包又脆又大個!!! 正個朋友食左呢個:司華力腸配薯條, 呢個就不過不失啦, 飲品叫左好立克, 基本上都冇乜味, 同奶茶ge水準爭好遠都幾多間分店架, 經過的話真係可以一試佢個奶油脆豬!!!推介

放工去食飯, 唔諗又同朋友去左新森林食, 我諗就快上左癮去到見到有人係門口排隊, 好彩等左5MIN到就有位, 入左去見到出面愈來愈多人等一人一SET, +1份餐湯, +1份甜品1. 軟殼蟹雜菌天使麵: 軟殼蟹依舊炸得香脆JUICY, 今次單係睇都已經見到有膏>.< 天使麵偏淋身, 但配埋D菇同茄汁食落都唔錯2. 焗馬德里芝士羊扒飯: 呢個真係好驚喜!!! 羊扒好大件, 煎得好香, 8成熟到, 仲有肉汁係入面. 之後應該再放上飯面焗左一陣, 飯粒除左芝士同少量咖喱汁, 仲有羊扒留出黎的油, 撈均個飯食, YUMMY YUMMY3. 餐湯: 係菠菜湯, 今次比上次多D菠菜蓉同雜菜, 唔知點解佢地D餐都係落得比較重胡椒, 但都接受到. 蒜蓉包白脆.4. 3.6牛乳布丁: 其實係木槺布丁, 好滑, 啖啖3.6牛乳味, 同朋友爭食驚左上次的甜爆凍華田, 今次飲凍檸水, 一般水準TOTAL$ 114落樓

夾band前去搵食地方算舒適，好像全都是卡位點了焗牛脷飯大得有點誇張，似牛扒，味道一流還有水牛雞翼，不算大隻，味道特別，炸得香口見朋友加錢要了榛子咖啡，很香可再試！！

前2日同朋友等睇10點半, 原來打算係朗豪坊FOOD COURT食就算, 但上到去無位, D野食又唔係特別吸引, 走番去通菜街果邊搵食朋友話食軟殼蟹, 好啊, 就衝左去新森林朋友原本諗住好似上次咁叫2人餐再加個飯=.='' 太多了吧, 俾我reject左. 最後, 點左2個飯, 一個+湯, 一個+甜品1. 餐湯竟然係菠菜忌簾湯, 雖然無咩菠菜味, 但都食到少少菠菜蓉, 湯底好creamy, 幾好. 蒜蓉包蒜香淡左d, 唔係好脆2. 咖喱軟殼蟹飯: 今次用左個啡色碟上, d蟹望落去好燶咁, 其實唔係的, 好香脆, 好juicy, 仲有膏添>.< 咖喱汁今次要左椰汁蕃茄, 無咁辣, 微酸, 朋友話唔好食, 但係咁食.......我覺得ok, 無問題3. 芝士焗大蝦海鮮飯: 一上枱, 好豐富好多白汁啊~大蝦開邊, 好鮮美. 仲有隻大青口, 朋友除殼, 一啖食左話yummy yummy. 仲有d蟹柳, 尤魚, mushroom, 熱辣辣又夠多汁, gd4. chocolate慕絲: 原本打算要3.6牛乳布丁, 但無哂, 得番chocolate 慕絲, 照殺. 雖然好細盒, 但面

鍾情黑墨墨的食物，墨汁意粉一定要試，的確吃到墨魚汁的香味。把意粉送進口裡，吃到煙煙韌韌的東西，原來意粉混了切成幼條的墨魚，黑墨墨的要靠咀嚼才分辨出來，很有趣。黑墨墨的意粉上，襯著白雪雪的芝士焗大蝦，芝士與墨魚汁出奇地匹配。 吃得滿意之餘，記緊抺嘴！

旺角街巷間食肆林立,選了一間,吃一頓晚飯忌廉餐湯茸蓉包忘了拍照,但質素普通,不是重點。餐湯無什特別,但開稀得有點杰,有些粉粉的感覺。份量充足,大胃皇配菜包括煙肉一片,漢堡豬柳一塊,半條珍寶腸肉眼扒大大塊,但是太鬆肉了...大家明白在旺角吃得飽飽,只要$75,價錢尚可。然而如果位處其他地方,七十五元一個簡單晚餐又未免偏貴。服務方面有個奇怪的地方,我和一位朋友進去,有二人的餐場卻硬要我倆到六人桌中和其他人搭檯,不明所以。

這個價值$60的牛仔骨烏冬,烏冬完全冇誠意我要辣湯底所以上面放了pat辣醬而個烏冬係未熟的單憑用蠟燭既熱力點會熱呀!!! 煲了10多分鐘個烏冬只是微熱!!!!!!!!!!!!!!!!!!!!真是非常失望

粗身大細得自己一個人食飯又唔想煮, 唯有叫外賣, 左揀右揀揀左叫新森林打電話去叫外賣, 講左幾個飯名佢都無, 網上外賣紙應該不是由餐廳提供, 所以唔UPDATE但我見人地D網上食評都係只係上年12月既事, 事隔4個月就咩都唔同晒, 又真係轉得幾快喎...係無外賣紙加上侍應超級唔耐煩之下, 求其叫左個白汁海鮮蕃茄焗豬扒飯平時堂食都最多需要等20-25分鐘, 由餐廳行路送過黎都唔洗10分鐘, 但我就等左成1個鐘, 我唔食肚入面果個都要食, 唯有打電話去講10分鐘再唔黎就CANCEL啦, 又過左十幾分鐘, 都仲未黎...由唔肚餓等到好肚餓...唔想等啦O岩O岩著好鞋想行出門口電話就黎, 果個外賣叔叔問我地址係邊... 乜落單果時侍應唔寫埋地址架咩?!!鬼叫阿B肚餓到係咁踢我, 我又著晒鞋, 自己行落樓接外賣仲快, 落到樓...外賣叔叔好將個外賣放係地下度又好悠閒咁等我我果下見到已經唔想要個外賣啦...但算啦, 如果我唔要...個外賣可能要外賣叔叔賠...最好我都係要左...我多口問外賣叔叔: 『乜落單果時無落埋地址咩?』外賣叔叔:『無啊, 好彩你有留電話咋』(...............

之前同FD去食過LUNCH, 無諗住會再黎食尋日放工, BF話呢道好食, 再入黎一試, 晚餐水準好好多因為BF大食關係, 叫左2人SET再加個飯餐湯: 我要左普通白湯, 都OK, 但胡椒多左D. BF加8蚊要左個龍蝦湯, 話好好味. 小食: 焗田螺青口, 雖然微暖, 但配埋蒜蓉薯蓉一齊食, 幾好味主菜: 白汁海鮮併茄汁豬扒焗飯, 雖然放左一陣, 但食落都仲熱辣辣的, 飯底唔會DRY, 白汁好CREAMY, 豬扒夠"林"身, 唔錯PIZZA: 千島海鮮, 普通, 唔夠芝士 咖哩軟殼蟹意粉: 超好食, 軟殼蟹外脆內軟, 加埋D咖哩汁, 好正. 個汁仲有D薯仔, 番茄, 洋蔥撈意粉一流, 但本人唔多食得辣, 覺得辣左少少餐飲: 我要左凍菜蜜, 幾好. BF要左咸檸樂, 怪怪的, 都係咸檸7好TOTAL: $191, 價錢一般, 但有咁正的軟殼蟹應該會再去因為張枱唔大, 又叫得多野, 待應收碟都好快, 唔錯

太久沒來,本想試試上次之後, 新森林有沒有改善的....結果又是失望而回午餐既然比下午茶還要少選擇.........classic 又simple ge芝士焗XXX意粉果D系列都無........焗飯果d 焗住要雙拼........想食其中一樣, 但另一樣又無興趣...但無得揀.....所以,叫左一個白汁海鮮+蕃茄豬扒, 一個咩大胃王... 咖哩雞扒+白汁魚柳 不論邊款, d味都唔夾.........炒飯底....硬ge..............白汁無味, 蕃茄汁得個酸字最離譜係個湯.....諗住加3蚊....有啖湯飲..........白湯無味....淡如水紅湯得個辣字....................完全無改善.....失望!!