新森林焗之專門店 (已搬遷) 新店位置

好在早幾分鐘到, 唔使大排長龍.......三劍俠坐低叫左野, 上左羅宋湯同忌廉湯, 兩者都較稀, 包上面的牛油怪怪的, 無乜香味....但主盤一到, 叫人眼前一亮!1. XO醬金菇牛肉炒陳村粉: 好夠鍋氣!!個樣看上去同炒河差不多, 但一啖落口, 微辣的XO醬和穠襛的炒味, 洋蔥+牛肉的絕配組合, 簡直趨近完美! 唯一不足的是金菇份量欠缺, 加多D金菇, 俾佢90 分!2. 嫚魚雞扒飯: 賣相一流, 小小美食家KENNY 都話唔錯 3. 一號LUNCH SET(唔記得叫咩名): 唔使問靓女CODY味道如何, 都聞到好香的芝士粉味, 應該都唔錯! 總體來講, 如此捨得用料, 價錢又抵的食店, 抵佢甘受歡迎!

與媽同行，在鵝頸街市買完想食個tea，行去壹琉苑發覺3-5pm係休息的，隨你鍾意又係唔做tea。結果又去新森林，食過十數次，每次俾我既感覺都可以唔同!?下午茶偏貴，只吃個烏冬都廿四元正，仲要唔係呢間舖出名既食物，食唔過。其他下午茶價錢差無幾啦。結果叫了個廿九元的午餐，包湯包飲品，而tea set 只有飲品要湯加五元。午餐是什麼鮮什菌蕃茄什麼螺絲粉，味道淡了些。媽想要小食但奇怪那天無晒加六元的小食。湯來到有幾縷輕煙，完全不熱。經理解釋說可能添了些湯入渦而又未滾，最後換了一碗新的。加十元要了特飲士多啤利乳酪奶昔，不錯，後來order多一支筒，另order兩杯熱水，兩次order野，個幾兩個字都未有野到，可見waiter/waitness 唔夠senitive。最後埋單三十九元正兩個人食得剛剛好(tea的飽度)，幾抵。但如果是午餐，main course的份量太少了。但總比叫兩個tea埋單五十元仲無湯飲好得多。

今日夜晚同阿媽又來食, 但相隔2個月沒來, 好多野都唔同晒, 好似轉左老闆咁, 伙計又唔同晒, menu少左好多款式, 我最愛的西班牙海鮮焗飯冇左, 一d $6的小食都冇晒, 變晒$12以上.唔知食咩好之下我點左煙燻三文魚露荀龍蝦汁天使麵$42, 阿媽要煎牛柳餐配法式薯蓉田螺$48.個薯蓉食落第一啖好膩, 中間有片鮑魚菇, d田螺好淋味道唔錯.我果個原來係有2塊煙肉卷住件三文魚, 秀珍菇同露荀, 呢個配搭原來都幾好味~ 龍蝦汁+天使麵都唔錯, 我食晒成碟.但阿媽個牛柳麻麻, 明明話要6成熟佢就煎到9成都有, d 肉好鞋, 但份量有3塊之多~ 配埋意粉真係飽飽~令人喜出望外的是伴碟的菜都好有心思, 有炸黃金蕃薯, 炸玉子豆腐, 同蟹子焗蕃茄, 唔似d普通餐廳只係用薯條同三色豆, d 野都放得好靚, 我見人地個羊膝裝飾到成棵樹咁, 唔睇d 環境以為去左酒店食野~

嗌左個白汁焗雜菌煙肉寬條麵，一個海鮮豬扒鴛鴦焗飯。兩個白汁既都好漏而且麻麻地好食，果邊豬扒就唔錯，燒汁幾惹味，豬扒又唔鞋，件數少d，不過我地又唔係食肉獸冇咩所謂。侍應幾親切，雖然今次食既麻麻地，不過會再黎試下d唔係白汁既。

見到有咁多好評，今日專登同老婆去食午飯。有唔少套餐選擇，結果叫咗豬扒海鮮鴛鴦焗飯和芝士焗銀鱈魚飯，每樣$32。我要了羅宋湯，老婆就想將餐湯轉沙律，一樣無問題，醒目！識遷就客人。羅宋湯、蒜茸包和沙律都OK。兩個焗飯亦都唔錯，豬扒肉質唔鞋夠鬆軟，銀鱈魚保持軟滑，芝士又唔係落得太多，味道適中，只係稍嫌豬扒個燒汁略為酸咗啲啲。至於熱咖啡同奶茶都幾好，奶茶啲cream落得多，好滑，而且夠茶香。服務方面亦令人滿意。無加一，抵食。

味道不錯, 有酒店級的水準... 難得的是不收加一...

其實去呢間店之前的午餐都係食焗飯, 不過係銀龍果D......事缘小弟去完書城, 又見同女友口角得不太愉快, 於是要一些好食的東西當晚餐補數, 就入左去呢度.同去佐敦果次一樣, 都係叫左茄汁石班漢堡扒鴛鴦焗飯, 質素都Keep得幾好, 而更值得讚的是, 待應見小弟唔多開心, 特意叫小弟慢慢食.埋單都係$41, 出番黎人都開心左......

~5 Mar 2005@12:00pm~和男朋友點了2個lunch sets1.日本金菇牛肉抄烏冬(跟蒜蓉包+湯+茶)2.日本豬骨湯底雜錦海鮮拉麵(跟茶)味道十分之難食拉麵:都不知是甚麼來的一點拉麵感覺也沒有湯底淡如水(完全沒有豬骨味)海鮮更加不知所謂(紅腸都係海鮮?)烏冬:無金菇牛肉好似牛扒咁大塊一0的都唔似日式服務一般環境一般唔知個Manager係唔係當我地3台食客透明佢有佢係度傾計呀訓話呀…..完全無serve過客人不知道是不是這兒只是”焗飯”較好???失望極了吃了2-3啖已經沒有心機吃了!!!!!!!Waitress也不醒目問問是不是拉麵有咩問題~我們絕不會再次光顧!!!!!!!!!!

尋日同朋友去食晚飯, 叫左兩個餐, 一個餐的頭盤係馬賽南瓜蓉海鮮湯, 幾好飲. 另一個頭盤係煙三文魚凱撒沙律, 都OK 咖. 一個主菜係美國肉眼扒配馬蘇里拉帶子(配意粉), 另一個係尼斯煙鴨胸拼龍蝦汁天使麵. 有好多配菜, 好大碟, 有五、六塊好厚的鴨胸, 幾好食. 肉眼扒好, 又有肉汁(我要四成熟). 小食係雞軟骨餃子同蘆薈紫米露. 餃子一般啦, 都食唔出係雞軟骨. 紫米露都係一般啦. 環境方面, 因為佢樓底好高, 所以雖然吸煙都非吸煙區只係兩個身位之隔, 都唔覺得有煙味. 呢間野我會去再試下佢地o的焗野o既!

見佢lunch time都依舊要排長龍, 重有好多係男仕, 一睇就知佢一定係抵食夾大件個隻啦, 好!一於去食番次先!去食過2次, 一次散叫焗飯, 招牌牛魔王焗飯($36), 即係黑椒汁牛仔骨啦, 但係都唔係牛仔骨, 只係牛柳之麻, 同埋佢個d牛肉好明顯係比鬆肉粉"那"過, 不過個sauce係唔錯!但見人地個d set lunch size都好大, 相對地散叫好似唔係好抵.今次去食set lunch, 嘩, 好大碟啊! 叫了一個A餐, 珍寶腸黑椒牛柳飯($29)有半條腸加一大塊牛扒, 腸就煮得硬了點, NO GOOD, 牛柳都係有少少鬆肉粉,ok啦! 但跟碟個飯唔夠熱, 食落便知係冷飯.....另一個係香草牛柳跟螺絲粉($35), 螺絲粉係用一個雲吞皮做碗盛住, 好靚, 相比之下, 香草牛柳good過黑椒牛柳.$29跟湯(忌廉湯好油)+包(garlic bread好正, 每客飯跟二片包)+飯+茶(奶茶有茶餐廳水準), 真係好抵!!

之前只去過旺角通菜街的店子, 食物都ok . 今晚試下灣仔店舖.男友叫o左set dinner 西班牙荷葉海鮮天使麵+ 龍蝦湯+芒果益力多(特飲另加$10) . 而我叫o左意式雞扒配薯菜+ 南瓜海鮮湯+ 熱柑桔檸蜜(特飲另加$5).龍蝦湯連蒜茸包-- 湯味濃, 唔錯. 個蒜茸包熱熱地同幾脆.南瓜海鮮湯連蒜茸包-- 唔覺得有南瓜味, 但個湯都幾好飲, 有少少人造蟹柳, 蜆肉咁啦. 西班牙荷葉海鮮天使麵-- 有好多蝦仔, 一只青口, 一只魷魚. 天使麵的軟硬度適中, ok o嫁, 餸就無咩特別, 最重要係個汁(用蕃茄煮成的) 令到d 食物好好味. 意式雞扒配薯菜-- 個汁都係用蕃茄煮成, 味道唔錯, 雞扒都幾入味而且唔\"鞋\" , 可惜係個薯條凍, 相個熱辣辣的話會好食d . 我又諗起尖沙咀的Cafe La Kristal , 佢\o地的薯條好crispy, spicy 和熱辣辣. 芒果益力多-- 有芒果味, 而又飲到益力多的味, 覺得二者混在一起, 味道好match , 唔錯.熱柑桔檸蜜-- 一般啦. Overall , 呢道唔差, 快靚正, 又無加一.

waiter is best service!!price is cheap !food tastes good!!!

來過4,5次d野食都有水準, 所以今晚又同bf來食了.我叫左西班牙海鮮焗飯+飲品($39), bf 叫左set dinner, 有龍蝦湯+咖哩大蝦焗椰皇飯+飲品($55).首先試龍蝦湯, d 湯d味好濃, 有d辣, 飲完有點膩.之後試西班牙海鮮焗飯, 好多料呀, 滿滿的好豐富, d汁又開胃, 食時熱辣辣好正呀!之後試左bf既咖哩大蝦焗椰皇飯, 我食第一啖時覺得好香椰汁味, 之後先覺得辣, 同埋d汁係同蛋一齊炒的, 炒得很好, 我bf就覺得d味濃左d, 同埋d味同隻蝦唔係好match...同埋成碟飯得一隻大蝦同d汁, 好似好少料, 相比西班牙海鮮焗飯就冇咁抵了.

今日在一個港島地頭虫的朋友介紹之下來到了這一間餐廳進食侷飯晚餐﹐叫了一個鮑魚侷豬頸肉七菜飯餐。有例湯周打湯同埋飲品。例湯味道剛好又不重味精﹐主菜味和份量也是非常不錯﹐份量適中﹐汁又好味﹐肉地又好!讚!最令我振奮的就係餐廳上下待客的態度﹐我今天狀態晤好吃不下太多飯﹐他們主動幫我把菜包起﹐還用了一個超別出心裁的方法去包飯- 用錫紙把剩飯包好﹐厚厚的錫紙把飯包到好像一個手袋仔的樣子!真係好surprise好開心同埋好窩心!Waiter們又健談又同食客傾都計開到玩笑。真係待客態度Good 啊。找數真係在同區好抵﹐一個人落樓都係47.00 蚊。強烈推薦~~~~

夜晚黎食..有set dinner...但係又有前菜+湯..見唔係好餓...叫左一個焗菠菜鮮菌煙三文魚闊面..個fd叫意式焗石班薯蓉..個闊面好full,係白汁,一黎熱lala~好味道呀,三文魚細細塊..唔鞋..但係個菠菜闊面好似唔夠軟..可能我掛住傾計..攤凍左個fd個薯蓉有d茄汁...薯蓉入面仲有d青瓜條同埋蜜桃tim..但係甘樣搞到有d出水...石班都幾正...有d煎左同埋焗完金黃色甘...味道都好仲連野飲...檸水甜左d d..好平呀..唔加一...埋單$80..都食唔哂timd waiter好好呀...全男班..而且晚市都唔太多人..地方舒服又靚~又傾到計...係冷氣勁左d~