新樂園魚蛋粉

营业中

休息中

食過呢間...因為都住喺附近..常食..鍾意佢個特價時段除咗下午最旺的飯食時間之外其他有啲時段係$15蚊一碗仲要係大碗無減份量照舊五粒雲吞湯底ok,雲吞大粒,牛腩好入味6蚊一個菜,6蚊一份細的炸魚皮超平又好食係啲卡位窄身啲稍肥的如我就覺得坐圓枱好啲

午飯時間，坐位比較迫(鰂魚涌食肆的通病)。此店的牛腩都幾好食，肥廋算適中，肉質算腍，亦夠入味。加埋油菜熱飲都是二十餘元，在這區來說算抵食了。

本來想去生記，但來的時候剛好關了門，就來隔離的這裡吃晚餐。一進店，坐低，發現店內瀰漫著濃烈的霉「up」味，不知何解。但見其他人客也若無其事的進店及進食，是我的問題嗎？要了蠔仔粥，要等一等，因為即叫即煲。上檯時一看，明顯的不是「粥」，而只是泡飯，如果沒估錯，還是以放在櫃檯那些鳳爪排骨飯的飯底「再做」而成，因為在裡面是找到一截鳳爪的。味道過得去，不過感覺就很一般；另一碗黑椒牛筋丸米，也不算太好，牛筋丸硬而不彈牙，水準一般。加飲品，埋單70蚊有找，早知行番去食餃子好過。

尋日晏晝去食，見到個四眼染髮的中年男伙計有歧視內地客之嫌，人地想加單，佢用普通話喝對方：你說國語我聽不懂呀！！你等一下啦！！之後就快閃左去同其他人落單，無返轉頭亦無叫其他同事幫呢位客人，最後呢位內地客係自己行出去廚房落單ge...其實佢幫本地人落單都唔見得好禮貌，雖然未至於黑面，但佢唔係問人食乜野，係不停催：講啦！講啦！令到人地食得咁唔愉快，到底對佢同間舖有什麼好處呢？

啃完個勁難食O既豬扒包，不消1 小時已覺肚餓。拿拿臨到附近吃碗麵再做過，見這間開張咁耐都咪試過，成記又關門大吉，順道一試。要了魚蛋麵，麵條冇乜特別，魚蛋好喊囉，又唔夠彈牙，連凍飲一杯要成$25，都幾貴。

午飯時間嚟到，坐位比較迫，而且d伙計會好緊張咁叫你坐，冇得擇位，不過係呢區食晏係咁冇辦法。要咗炸魚片頭牛腩撈麵：炸魚片頭係炸咗再淥，所以唔係平時食個d片頭果種較乾身嘅口感，呢種係比較淋一d，但魚味都幾濃；牛腩都萛ok，夠淋夠入味，肥廋都算平均；麵唔錯冇乜梘水味。早前去過北角一間同名嘅麵鋪食，唔知兩間係咪同一集團嘅分店，但水準似乎鰂魚涌呢間好一d。

I go there for breakfast every morning. There\'s a wide variety of breakfast sets. With the $2 coupon, a set just cost around $18-$21. Ok la. The waitresses are friendly