影片
以上资料只供参考，请与餐厅确认详情
相关文章
趁住天气仲未开始太热，就谂住去马鞍山海旁行下，轻松下。行返商场嘅时候，见到有间泰国餐厅，入面都几多人，谂住应该唔错，就入去试吓。一入到去，店员都好亲切咁用泰文同我哋打招呼，之后带我哋入座，又帮我哋倒水，俾埋餐牌。座位都几宽敞，连张凳都有啲心思，雕咗只大象喺度。地下都几干净，感觉唔错。跟住就叫咗个烧西冷同埋蟹肉炒粉丝。本身想叫七成熟，不过侍应哥哥好专业，话惊我哋觉得太韧，建议五成熟就够。烧西冷一上枱，果然冇介绍错！五成熟啱啱好，啲肉几嫩几juicy，又冇雪味，唔会韧到咬唔开。佢哋应该烧之前腌过，所以除咗有肉味，仲有阵香料味，唔系死咸𠮶只。跟住仲有啲酸萝卜同青瓜垫底，食到有啲腻嘅时候，食条酸瓜中和下，都几开胃。唔使好耐，成块扒已经食晒！佢仲有两款辣辣地嘅酱汁俾你点，我比较钟意佢个泰式酱汁，酸酸辣辣，几似泰式生虾酱𠮶只味。之后到蟹肉炒粉丝，一上枱已经闻到好香，啲粉丝仲热辣辣咁冒住烟，一路食到尾都仲系咁热！啲粉丝炒到几干身，唔会黐埋一pat pat。除咗蟹肉，仲有炸过嘅葱，食落去都几脆，仲有洋葱、芽菜、青椒红椒、泰国肠咁，捞埋一齐食，口感几丰富，仲有镬气添！啲蟹肉都几新鲜，冇腥味，会令人想再食多啲。跟住仲叫咗个铁板蚝仔炒蛋，一上枱就听到啲铁板吱吱声，虽然唔系好大份，但系啲味都做足。啲蚝仔唔系好大粒𠮶只，但系都几多蚝味，又冇腥味，配埋啲芽菜同洋葱，冇咁热气。个蚝饼啲鱼露味几出，其实斋食蚝饼同芽菜已经够味。最后甜品叫咗个芒果糯米饭，佢除咗有白糯米，仲有紫糯米，最正系啲糯米饭热辣辣，同啲冻冰冰嘅芒果一齐食，冰火交融咁，几好！白糯米软糯啲，紫糯米就淋啲，但系有阵特别嘅香味。啲椰汁都几够，啖啖都有椰汁味。啲芒果又甜又冇渣，啱啱好。仲有，要赞下佢哋嘅服务，啲哥哥姐姐就算几忙都好，都会问你有冇嘢未上，笑容可掬。仲见到有个姨姨氹BB仔，同佢唱ABC歌，听到员工们私底下讲嘢都系讲泰文，都几有泰国feel！呢啲服务态度，都几值得再去！
继续阅读
呢间泰国餐厅算系饭堂之一， 坐得舒服，菜式种类多，好多都试过，质素好稳定。 里面嘅楼面厨师全部都系泰国人， 好似去咗当地餐厅咁， 菜式口味正宗。 仲有一个细节我觉得系比较好嘅， 就系会主动为客人斟热水， 对于东方胃嘅我嚟讲系一个credit。泰国青芒果沙律（$88)摆盘靓，材料好丰富，有泰国芒果丝、萝卜丝、洋葱丝、花生、生菜等等。 泰国青芒果比泰国木瓜爽口， 而且水分多少少。 酱汁较多，系酸酸甜甜， 又辣辣地，系一道开胃菜。烧原只鱿鱼（$128）原条鱿鱼白雪雪、胀卜卜咁，一睇就好新鲜。 鱿鱼切成一圈圈， 鲜味弹牙，每个圈圈都有泰式辣椒酱， 呢度辣椒酱系有少少籽嘅，有炒过，好香。 仲配咗泰式辣酱， 香辣同甜辣味混合得几好。泰国街边猪肉串（$88）呢个串烧系我最钟意嘅一道菜， 一放低就闻到炭烤嘅味道， 真系街边档口炭烧嘅香味。 呢个猪肉串用嘅肉同沙爹拼盘系唔一样嘅， 肉质比较淋，腌过嘅， 比较入味，出面又脆脆地有啲焦香。越式蟹肉炒粉丝（$118)平时食开泰式炒金边粉， 今次第一次食呢个炒粉丝，口味比较清新。蟹肉多， 有鲜味，又加咗好多蔬菜，有生菜、芹菜、灯笼椒、芽菜、洋葱，仲有香口嘅炸蒜同扎肉， 口感层次丰富。 粉丝系比较干身，唔油腻， 有越南菜健康嘅感觉。
继续阅读
今次喺马鞍山新泰东南亚餐厅呢度都系食啲泰国元素，例如冬荫功吖，串烧吖... 但系又有些少唔同嘅，例如唔系完全的冬荫功，而系冬荫功+海鲜金边粉，汤饮得，金边粉又食得👍，串烧就系更加地道的泰国街边猪肉串，有街边风味。见啲待应都系泰国人居多，但当然唔使担心，佢哋的广东话沟通完全冇问题嘅。“泰式湿炒海鲜河”好大碟，有大虾，有青口，有鱿鱼，有芥兰，有包菜，有菇菇，份量多，湿湿哋，好易入口，真系好唔错；“冬荫功海鲜金边粉”亦都同样大碗，唔少得的弹牙大虾，仲有两只新鲜大只青口，鱿鱼须，钟意呀，啲材料同湿炒海鲜河差唔多，但系唔同嘅口味，各有特色各自各精彩。“街边猪肉串”够晒入味，肉汁juice，满口肉香好滋味；而作为甜品嘅“原个椰青大菜糕”似乎系“新泰”特有，第二度唔多见，享受椰汁的清甜味道，椰肉的质感，还有索晒椰香的大菜糕，多重享受，不可多得，下次来必定再试。
继续阅读
新泰（马鞍山）一次令人极度失望嘅泰菜体验今次帮衬呢间泰国餐厅真系大失所望，每道菜都充满槽点，完全冇泰国菜应有嘅风味同水准。 肉碎生菜包（$88）肉碎干争争，调味极淡，得个辣字，食落似隔夜翻炒嘅货色。所谓「走辣」都仲系好辣，连基本嘅香茅、鱼露香气都欠奉，同正宗泰式生菜包完全冇得比。 铁板蚝仔炒蛋（$118）上枱时铁板胀卜卜，以为好足料， 原来都系蛋下的芽菜置高。蛋炒得过老，又油淋淋，食落腻到反胃。所谓「蠓仔」完全冇镬气，味道淡而无味，只有油腻感。 泰式虾炒金边粉（$118） 从来最钟意食嘅pad thai 今次绝对大失所望，好少会唔好食嘅。呢碟系完全无味，金边粉炒到一嚿嚿，黐埋一齐，虾肉少，配料少得可怜，连基本嘅花生碎同青柠都俾得吝啬，整体求其到极。 食物难食已经够绝望，再收加1服务费，人均$179.5嘅价钱，换来咁嘅质素，绝对唔会再返转头！ 一路食一路有蚊子飞来飞去。总结由食材到烹调都马虎了事，完全唔值呢个价钱。如果想食正宗泰国菜，呢间绝对系地雷！
继续阅读
泰式干炒牛河 份量唔少，炒得够锅气。河粉条条分明且滑溜弹牙，牛肉几新鲜，鲜嫩多汁。加入好多萝卜、菜心、豆芽增添咗清脆嘅口感，仲有少少炒蛋碎，整体味道甜甜的，相当丰富。泰式虾酱炒饭 炒饭炒得干身，炒饭粒粒分明，经香气十足，虾酱系呢碟炒饭嘅精髓所在，浓郁嘅海鲜香气渗透喺每粒米之间，咸中带甜嘅独特味道。材料相当多，有好多类似腊肠，豆角，加入咗鲜甜虾仁，弹牙爽口，再配上嫩滑嘅蛋丝同翠绿嘅蔬菜，仲有好多嘅煎蛋丝。旁边仲有腰果仁同肉松，可以自行加上。
继续阅读