新流連屋快餐小食串燒

营业中

休息中

諗住宵夜叫啲串燒食，只見到呢間，叫完先望OpenRice,先知道賴嘢，但已經太遲！已經冇得取消，唯有希望唔係咁難食啦！點知真係好難食！ $二百幾蚊買左啲好似白烚既野，連啲調味料都少過人～串串都勁細串～啲豬腩肉仲要有啲似叔嗅味，吐都吐唔切！好失望！

拎淘寶經過呢間串燒舖諗住買嚟試吓，買咗二百幾蚊 全部都係垃圾串燒全部都係烚嘅味即係冇味 連少少粉都冇 要返屋企自己落七味粉 先叫易入口啲 食食吓仲發現咗隻昆蟲 即刻成盒抌咗佢楊枝甘露入邊啲芒果係黑色嘅桃膠木瓜雪耳係臭嘅 份量少 金菇牛肉 $3x 2串 原來一串嘅意思係得一嚿 打開我新世界 又少又貴又超級難食 難食都形容唔到 未試過食咁難食嘅舖頭 唔怪之得冇人幫襯…二百幾蚊當買個教訓，永遠black list!!下次都係食返屋企附近嘅嘢食算

叫外賣，叫咗18串4個人食，一收貨輕飄飄都覺得伏，一打開就更加伏，食埋之後即情要吐返出嚟，五花腩臭嘅，所謂日本和牛，乾過我荷包，價錢唔算平，品質十真係差到無人有😤😤😤

咁大個人都未食過所謂雞肉串同和牛串咁難食。d肉仲衰過係凍肉店買。所謂串燒唔係燒放去微波爐叮仲要等10分鐘。遊完水。食完真係交足智商稅。和牛33蚊2串。雞肉串30蚊2串。19蚊雞脾無味。我係凍肉店買返叮好食過10倍

上星期晚上見肚餓到樓下幫襯流連屋店主又冇禮貌態度又不好算啦諗住一次過點知返到屋企嘗試一個炸雞髀乾爭爭又冇味道另外牛腩飯不知所謂垃圾一般的食物唔信你你落去試過你就知

我明疫情關係加1-5蚊係正常理解的.店家服務都好好但可吾可以加左價但唔好減份量呀...呢幾日分別買左炸雞粒同炸典薯條份量少得驚人....開始對呢間店有點失望，希望有所改善

疫情期間唔係好多舖頭都開得好夜，見呢間開到凌晨，就試試佢嘅宵夜嗌咗個《肥牛豬骨湯拉麵》$70，好普通，雖然唔期望小食店會用日本拉麵，但成個湯底好鹹又好似用味精煮出嚟咁，麵質好淋，肥牛都好散碎。絕對同價錢不成正比，如果唔係太肚餓應該真係食唔落~另外叫咗個《照燒汁豬頸肉飯》$68，呢個飯好少少，豬頸肉切成條狀方便送飯，飯同肉份量都好多，照燒汁正正常常，唔會太鹹，同豬頸肉都幾夾另外跟飯加咗個《楊枝甘露》$30，成個甜品都好水，太過流質，啲芒果味好假，不推薦！唔會再食呢間都唔推薦。頒發軍階：下士🎖

今日第一次叫呢間串燒，啲炸雞脾又乾又超鹹，啲串燒又乾又冇味道，雞軟骨冇味不特止仲要係有雞皮，仲有啲和牛串根本就好硬，啲茄子又話係燒茄子、根本就係烚完面頭再加蒜蓉，同張相係完全一啲都唔一樣，仲要得兩舊，細到可憐仲要收$38，仲有啲韭菜係烚完再加蠔油又咸又油，完全太離譜，未見過啲咁難食既串燒，收費貴啲嘢食不知所謂仲話做街坊生意，咁樣呃啲街坊，實在太過分。 仲有連啲好基本嘅芋頭西米露都好鬼難食，同埋我哋返到屋企時候發現少咗隻雞翼，最慘又冇電話打去投訴。

我未食過啲咁難食嘅飯 個照燒雞扒飯完全得三粒雞扒仲要個汁係勁難食 最頂唔順係佢加條腸 條腸黑色嘅 見到都唔開胃我食咗照燒雞扒飯幾十年 未食過佢啲咁嘅味嘅照燒汁 啲雞又少好似得幾粒咁雞扒唔係應該一塊塊咩 你不如叫照燒雞粒飯啊最慶係個芒果西米露入邊冇芒果 好似糖水撈西米露咁嘅味 賣$25 我係屋企飲啲糖溝水仲好飲過佢價錢又貴又唔好食呢一世都唔會再幫襯！做街坊生意好心俾啲良心啦 買啲咁嘅狗飯比客人食 仲好意思參加外賣平台 你得閒食下自己間鋪D餸

星期三下午，我從「將軍澳」港鐵站出口出發，經過頗為迂迴，而且兜兜轉轉的路徑，才能找到算是在介乎於「將軍澳市中心」和「坑口區」之間的居屋屋苑「富康花園」跟樓下的商舖。我在「富康花園」裡面的目標食店，本來是「富康花園」裡面的某間油炸燒烤食品食店，可惜原來那食店到了晚上才開門營業，而且不是每一天都會運作，恰巧星期三我來到「富康花園」，那食店就沒有開門營業了。於是我被迫退而求其次，選擇位於「富康花園」商店街裡面的另一間港式小食食店，食店的名稱有點冗長，叫做「新流連屋快餐小食串燒」。「新流連屋快餐小食串燒」店舖的實際面積不算很大，所有面積都已經用作廚房去製造處理食品，只能容納一名疑似店主的人，在廚房裡面工作，食客都是站在食店外面付款和等候外賣自取食品。由於我坐港鐵來到「將軍澳」之前，已經在「旺角」裡面購買了「咖喱牛腩飯」，作為我整日晚餐裡面，屬於「牛肉」類型的食品，只剩下「雞肉」食品還未想到食什麼而已。我本來是想光顧那一間位於「富康花園」食店美式油炸燒烤食品店，因為我知道那油炸燒烤食品店有我期盼已久，味道偏甜和辣味的「雞翼」食品，可以作為我的晚餐食品的其中一部分。結果那間食店，食店最終整日也沒有

有時夜上想食宵夜，但唔想食太飽，只係口痕想過過口癮，飲下酒吹下水。 於是同另一伴落街行行，見到呢間小食店有串燒，有炸物，有熱食等，好多款式，一於試下😏叫左牛肉，雞腎，雞翼，魚蛋，撈麵，金茹肥牛卷等。 因為是即叫即煮，所以熱辣辣，不過有點過咸，如果是送酒的話，口味就會岩岩好。 但要注意，小食店沒有售賣酒精類飲品，如要酒水可自行到隔離7仔便利店購買，我們是問過老闆的。老闆都算幾熱情，可能是自家經營的小店，所有事親力親為，不過希望在食品上可以再用心進步😊