新發茶餐廳 (已結業)

叫餐後睇完整份東方頭版只黎左奶茶，追佢，大掌櫃話整緊叫睇埋報紙先，但佢無埋去吧枱追單，隔咗陣再追（約5分鐘）大掌櫃話你又唔係第一次黎等吓先啦，叫佢去吧枱追.............大掌櫃話唔等得就走先！！！最後$0走人。

食一個簡單快餐，男友叫了臘腸蒸雞飯，我點了炸菜肉絲五香肉丁米粉。簡單的一餐，趕時間，所以重點係要快。呢度食野真係好快，速度一流，合晒現今繁忙香港人！野食都係正常份量同味道，只可以話食得好開心，因為餓，佢又快，野食又食得飽，又覺得佢好食。冇野要彈，一定再黎！

餐廳的奶茶,咖啡都是地道的香港特色產品, 濃濃的香味, 親切的鄉情, 令人不管生處何地都會回味!小菜的款式多種多樣, , 口感很好,可以和茶樓比美;價格實在, 是一般香港家庭可以經常消費的餐廳...餐廳的環境不錯,, 比起一般的茶記要好的多...餐廳處在佐敦, 交通方便, 附近有停車場,

早幾晚夜夜地有d肚餓, 於是乎就落街搵下有咩好野食啦, 搵搵下又唔知食咩好, 於是乎把心一橫, 不如去堂記食碗粥同埋腸粉啦, 點知去到人山人海, 個個都好似先開餐咁, 又冇人招呼, 於是咪嬲嬲地咁去左隔離食碗麵囉!入到去二話不說即叫沙爹牛肉煎蛋麵加凍檸茶, 好快趣就有得食, 沙爹牛肉煎蛋麵個湯底係一百個巴仙味精湯底, 飲兩啖已經覺得口渴非常, 沙爹牛肉就好夠沙爹味, 牛肉就夠鬆夠腍, 煎蛋得一隻, 麵都整得唔會太腍, 唔會好似發晒咁, 可以啦; 凍檸茶就淨係得個甜字, 冇茶味又唔覺有檸檬味, 差!總括黎講如果可以話一定唔會再黎呢度, 環境污漕, 味道一般而味精又多, 師傅寧願隔離企耐d再等下喇, 呢次都可以話貼錢買教訓喇!

我屋企人就住在附近,以前我們常常都落嚟食,不論早餐或午餐,晚餐當然係屋企食啦..但好似在舊年或前年開始,好似轉咗廚司,d嘢食冇以前咁好食..我媽咪話連d麵包都好似冇咁好..連d伙記好多都轉晒,以前d伙記好醒目,一望就認得晒我們(我們都幾多人架),可能以前個廚師真係煮得好好食,比較呢個就差d...我仲覺得好似冇以前咁旺..但因好耐冇食過,唔知而家是點樣呢.