新發(鋒記)茶餐廳

营业中

休息中

2021～8～15 反映八鄉橫台山新發茶記不滿（更新：統一解答為何咁配合食法，主要我腳有事唔食得白碳水，食白碳水會令身體繼續發炎及紅腫痛，所以唔match都要咁食，只為食完餐飯唔會痛。）落單時同老闆講明白飯改茄汁意粉底加$10，點知收到炒白意粉底，問返餐廳老闆點解無茄汁炒，咩都無答覆及連一句道歉都無，比錢時同老闆的女講（投訴下咁），老闆女講如果叫特別野轉野，我地餐廳大㕑會發脾氣好唔鍾意，無人可以處理到，我無野好講，連餐廳老闆都對自己員工都無乎，無言，最後，個意粉都是要加$10，一定black list你一排。（老闆一開頭話加$20，我聽到回應話你老婆話加$10轉炒意粉，你個女加$5轉炒意粉，其實加幾多錢架?收錢方法咁不一？）其實幫襯你只求方便，呢間餐廳絕對在服務及食物質素有大空間改善。PS:第一次發文，如有任何不可以寫出，請告知或可直删，麻煩不喜必插，謝謝！

每次返回橫台山的娘家，未乜好去⋯⋯今個復活節無聊的走來走去⋯去了横台山漁市內唯一的茶餐㕔，原來已經又轉手，叫做新發（鋒記），叫了一個奶茶加奶油多，下午茶不大人，多是村民，一般茶餐廳的格局⋯⋯⋯等了一會兒，先上一杯奶茶，茶味非常甘香，與奶比例合適⋯⋯⋯真的不錯，没有想到在山旯旮的地方都有不俗的奶茶⋯菜單有不少的選擇，價錢不算平，但考慮到地方遍遠仍算是合理，作為橫台山漁市唯一的茶餐㕔，大可hea 做，但能弄出一杯甘香的奶茶，算是一家有heart 的茶餐㕔，假以時日甚至跑出成為隱世名店！以前幾手人都做不長，希望他們加油！