新耀榮粥店

营业中

休息中

近來吃得肥膩食物太多，今晚吃粥清一清腸胃，來到此間老字號新耀榮一試當然會吃最愛嘅炸兩，腸粉皮很薄很滑，油炸鬼就唔太脆提供甜醬麻醬粥我點了皮旦艇仔粥，但送來竟是魚腩艇仔粥，店員企在遙遠落單，就是不願行到我檯前，結果就落錯，既來之則安之，照吃粥底很綿，共有三大件魚腩，令到粥底味道很甜，魚腩沒太多骨，煮到剛熟，味道很好埋單$40；比預期貴了很多，但魚腩有水準，還是值得的

係隔離食完越南野，同朋友口痕痕想食糖水（其實係我口痕 ），經過呢間粥店見佢有中式糖水賣就入去食。粥鋪既糖水就點都平過出面糖水鋪既，雖然環境一定無咁好坐，但我都中意呢種舊式店既感覺，九點左右黎到，店內都坐左7 8成客，大家一齊眼望望電視一路食野，又幾開心丫 叫左碗紅豆同綠豆沙，分別$11碗，平呀！都唔少份量。即刻試左個紅豆先，本身期望會有少少蓮子（心理上覺得有蓮子先夠傳統哈哈）,係咪要求太高 雖然無蓮子，但都有啲紅豆渣食下，份量都唔少，但食落無煲到糊或者稠身既感覺，相對地都幾稀，雖則平但都唔應該咁稀架啵~ 即刻試埋個綠豆沙，其實綠豆沙既渣比紅豆沙更少，而且相比起亦更稀，而兩者既甜度一食就分得出，紅豆係甜一倍有多，所以綠豆無論味道同渣既量都比紅豆少得多，岩既，$11，都無咩可以要求既 但要特登黎食就一定唔會喇！食完個糖水點知好口痕想食隻粽 明明岩岩食完晚餐，黑洞果然係黑洞。。。叫左大約五分鐘就有，但個姐姐自動幫手淋左豉油，其實我中意點砂糖的所以叫姐姐再比糖，變左又咸又甜 講返入面，份量都出面既相若，而綠豆蓉既量都唔算少，蒸既程度都係剛好的，仲有少量咸蛋添，都係中規中舉啦！肥

又凍又熱，熱完又凍返,唔病就有鬼了！ 睇左3次西醫無乜點好過， 改去睇中醫。中醫叫我介牛肉，食多點魚代替。 等執葯嗰時同媽咪去食碗粥作午餐。我同媽咪都叫左魚片粥加薑。嚟到既時候，碗粥滾熱辣，魚片都在底部， 靠熱粥弄熟魚片。 魚片既數量頗多，魚肉爽滑，粥亦夠綿，辣薑絲與綿粥同香濃魚味交匯，嚮外面唔易食到嘅味道同質感！

步過此舊式粥店，看見新鮮的油條在炸鍋內翻滾，毫不猶豫就走進店裏。豬紅粥炸兩，我對阿姐説。 粥底很稀，用匙撈了很多次才能把豬紅撈上面拍照。豬紅是足料的，很滑。如果你食豬紅粥為的是豬紅，此店是一選擇。但如果你在乎粥底，本區有其他更好選擇。 有即炸油條和即拉腸粉做後盾，炸兩的質素當然有保證。令人高興的是，枱面有齊腸粉四寶：甜醬、麻醬、辣醬、豉油任加，可滿足所有人的獨特味蕾。

星期日一早起身，自己一個就來到呢間粥店。叫左個齋腸可自行加醬。啲腸粉好滑，又唔會太淋。之後加左啲醬汁同芝麻。芝麻好香，鍾意食芝麻既人一定要落。我見好多人都叫炒麵。下次要再來試其他野。

今日自己去粥,尼到甘傳統既粥店 好有特别味道.就係粥香味 這種街坊的感覺我好LIKE 艇仔粥粥底綿滑,味精又吾多!新鮮熱辣!好足料丫 炸両既皮好滑,油炸鬼又好脆.因為係新鮮炸嫁 加上其他醬料更加正丫 牛肉腸粉都係個句!腸粉既皮好滑呀 :真係平靚正^^

下午四點鐘還未吃午餐, 不願吃太飽, 因為再過三個鐘便吃晚飯. 食些輕量級東西便可以.出奇地, 這街坊店十分多客, 有七八成滿, 阿姐也不招呼, 逕自找位坐下. 這裡冷氣十足, 頗為舒服.叫了碎牛粥加炸兩腸. 二分鐘有得食. 先把碎牛肉篤爛, 再落醬料在腸粉上, 計有甜醬, 辣醬, 麻醬, 芝麻等, 一應俱全.牛肉粥是不錯的, 沒有投訴, 因為份量正常, 牛肉好味道, 粥底綿滑, 稀杰合度, 味精很少, 食後也不覺口渴. 很難得.腸粉包著的炸麵是脆的, 口感十足, 其實師傅是正在鋪面操作, 新鮮熱辣, 外面的腸粉也爽滑, 一個字: 正.加上各種醬料, 和味之至, 十八元的代價, 是物有所值的.

內裏有一張張的大枱, 邊個入嚟就隨便坐, 我見通常喺單一個人, 有位就坐低叫食物, 跟住就自顧自低頭咁食......2位認識或以上嘅人係好少見到. 咁啱電視播緊新聞, 差不多每個人個頭都係望住同一地方, 做同一動作就係...岳高頭望望電視跟住再垂低食一啖食物。 不過坐喺我對面嘅男人就食粥shirt到全場最大聲, 噪音污染令我毛骨悚然 地下真係多垃圾到不得了, 用過嘅厠紙啦、牙簽啦、骨頭啦等等價錢就真係幾抵, 重有d新式嘅食品, 例如豬什出前一丁, 就要十八個大洋。綠豆沙比出面所謂甜品店大碗好多, $7一碗好足料, 有齊臭草、海帶紅豆沙都係7蚊大大碗, 有果皮而且紅豆煲到淋哂(滑嘟嘟咁), 不過就無起沙炸兩$6 油條還算新鮮, 米漿夠米香, 拉腸粉的功夫到家. 腸粉豉油有落酒煮開過就是因為這種街坊的感覺, 所以我諗連鎖式粥店好難喺長沙灣搶到客源。

這是一間極便宜的粥舖，七蚊碗牛肉粥、五蚊炒面、五蚊炸兩，十七蚊食到我和男友捧著肚子，好誇張。這是第二次來吃的時候。第一次來吃時，一個人，只是希望飽餐一頓。叫了一碗牛肉粥，一碟炸兩。等候期間，看到有一個小孩也在吃粥，粥舖的老闆一邊工作一邊和他聊天，問他學業，問他興趣，好像一家人，悠閒極了。來了牛肉粥，粥底用腐竹煲，好綿，頓時呆了，這樣平的粥也足料，這家是甚麼店? 再看見老闆在即製炸兩，掰開油條造炸兩，新鮮的，再切成幾份，一碟滿滿的炸腸在眼前，油條仍脆，第一次吃即造新鮮的炸兩，很窩心。再看看桌上，甜、辣醬齊備，有埋芝麻，活像收我二十蚊一碗粥的海皇粥店格局，但這裏只賣七蚊一碗粥，雖然價錢平，但真係做「人」的生意，又覺得很詫異。老闆繼續跟另一個老婆婆聊天，我繼續吃我的粥。婆婆要吃炒河，但店內只得炒米和炒面，我一望炒面，濕濕的，我心想「那麼濕的面，我才不吃」。後來婆婆給老闆說服了，要了炒米，老闆在米粉盤裏拿了一大束略濕的米粉，即刻炒起來。我呆了，看著老闆把米粉炒到乾身香脆才奉客，我感勳於這份心機。也是這份心機，我跟男友來了第二次。言歸正傳，第二次來吃，粥好像沒有那麼綿，較水，不過用來點炒面吃卻十

味道可以，足料，冇味精，但落得勁多油，個人認為粥唔應該放咁多油既！

早幾日已經想食粥，但天時暑熱又似乎唔係食粥既時候。趁今日天氣涼番ｄ就立即叫埋個frd去食。我要及第粥和炸腸，朋友就要魚片粥。個粥都幾綿，其實都冇預佢咁足料，雖然我唔識分邊ｄ係豬肺邊ｄ係豬腰，總之就樣樣有晒，仲有兩粒肉丸和豬潤，算係幾好味。炸腸唔錯，夠脆又夠味，仲夠熱，唔錯唔錯。一粥一餸都只係$18，食到飽飽，幾抵。唯一是嫌佢地方唔係好衛生。

黎食過兩次, 粥底都幾綿, 但有點稀, 油炸鬼夠新鮮夠脆! 炸兩就不行, 一早整定, 油炸鬼都諗晒! 個人較喜歡同是青山道的新合利, d 粥較杰身, 豆漿也好飲d! 但味精也較多! 不過整體來說不俗!

本來打算10點幾去新華食早餐,但佢復活節裝修,唯有去隔離果間金園頂住先,食左旦撻同奶走吾系好得!奶茶只系飲到一半,因奶茶冇茶味兼吾滑!於是走左黎呢間粥店再彌補心靈&肚子既空虛,一坐低叫左蘿蔔糕(蒸)$5---吾系好得!冇口感且冇蘿蔔味!齋腸$5---腸粉吾夠滑&透,醬亦吾香;冇下次啦!=.=

始終覺得D「up dup」粥店至有靚粥同靚腸粉食；若果只食粥，首選當然係旺角妹記，但可惜果度冇靚腸粉。若果想食餐清清地米王加齋腸，就多數會揀呢度。呢度「up dup」得o黎都有冷氣，所以夏天都可以幫襯。至愛齋腸，冇乜鄧麵味，腸粉滑滑，最正係D豉油，鹹得o黎有D甜味，正！炒麵，油炸鬼同牛利酥味道一般；有味粥味道就麻麻，個粥底當然冇妹記咁正啦！所以多數都係一碗米王加兩碟腸粉，埋單都係$14，又平又好味。