新釗記茶餐廳 (已搬遷) 新店位置

晚上去左葵芳葵涌廣場發現好多間多年嘅餐廳食肆都唔見左，有d就轉左鋪位，有d就圍左板唔知會再開返咩鋪，睇黎我真係好耐冇行葵廣啦！🤗🤗這間‘新釗記’就係由一樓搬到地下，但我一次都冇食過係因為葵廣實在有太多選擇，掃街都飽左9成，咁見佢搬左就決定試下佢！‘味菜牛柳絲炆鴛鴦米’見到個名幾得意，咩野係鴛鴦米呢？米係代表米飯🍚定係米粉🍜呢？即刻開估！😂😂原來係米粉炒粉絲🧐🧐，佢係屬於濕炒個隻，味道帶甜都幾開胃，牛柳絲都唔絲下應該叫牛柳條咁至啱，不過大條係冇用嘅入口偏硬要𡁻多幾下先吞到🙁🙁‘意式焗腸仔肉醬意粉’🍝睇落賣相唔錯，但唔好比佢個樣呃到，撈勻後色水好淺、腸仔又細又少、肉醬又冇肉味、醬汁又唔多，感覺似用水溝稀左咁!同時又好乾😵😵唔好食😔😔間鋪全場都坐滿客，周邊客人都係叫小炒多，廚房不停傳出廚師落鑊炒餸聲，可能呢間真係炒菜較出色呢🤔🤔

行葵涌廣場行到夜晚8點，攰攰地，自己一條友就去咗廣場地下呢間茶餐廳"新釗記”食飯。我叫咗個菠蘿雞粒炒飯，期間已經見隔離枱阿伯催個夥計，問佢碟飯嚟未，坐我對面個男仔又問佢碟炒烏冬嚟未，個夥計例牌敷衍叫佢地等下。結果我等咗20分鐘，都忍唔住催個夥計，佢又係諗都唔諗，串串咀話炒飯係要耐啲㗎啦，你等下啦。佢連扮入廚房問廚師都費事。好，我又等，等多10分鐘，真係火都嚟，諗住走人。我就同夥計講如果碟飯仲未炒就同我取消張單，個夥計又喺度苦苦哀求我等多1分鐘😪5分鐘後，千呼萬喚，碟炒飯終於嚟啦~唉，我等咗咁耐餓到死，已經唔理碟炒飯好唔好食(飯太濕了🤕🤮)。喺一間普通茶餐廳都等35分鐘，好命啲去隔離啲茶記都已經食完埋單走咗啦，再好命啲去新都會廣場嘅餐廳食飯嘅話都食到一半啦。本身去得茶記都唔指望嘢食會好好食，環境會好舒適，但係連最基本嘅上菜時間都掌握唔到，侍應態度又懶散惡劣，點做生意呀？新釗記，估唔到我第一次劣評會奉獻咗俾你😡各位朋友，想去呢間茶記食嘅話，要有等十世嘅心理準備！😌

早餐睇餐牌豐富諗住試下。坐底叫侍應埋黎己經黑口黑面。落完單諗住安全，點知有兩個新請類似洗碗亞姐既做樓上送餐，完全唔熟識枱號亂咁送餐，錯漏百出 。送錯黎仲要好似想話我叫錯餐咁既態度。。。最後我淨係食左個奄烈同多士就埋單走，個沙嗲牛肉麵我都無食(因為果個新嚟亞姐將我碗牛肉麵亂送去其他枱號，現在肺炎期間衛生問題我都費事同佢地理論）總結來說服務態度同亂咁嚟係己經令我真係唔會再去。香港疫情咁嚴峻餐廳再用呢種態度對待客人真係提早玩完。

葵涌區工作嘅飯堂，價錢中上，勝在選擇多，一班同事去，一定搵到自己啱食嘅嘢。午餐下午茶選擇好多，炒小菜，碟頭飯，茶餐湯粉麵，乜嘢都有。午餐， set咗每個月每一周有乜嘢選擇，有飯有粉面有焗飯，有蒸飯，有中有西，所以每個人都會搵到自己想食嘅嘢，大家唔使遷就。炒野，水準一向都keep到，試過食公仔麵，出前一丁，應該正正常常，有時候會失手淡而無味。唯一不滿，座位相當逼夾，卡位又細又狹窄，但係又要兩個成年人迫埋一齊，兩個人基本上連筷子都拎唔起，膝頭哥又同對面嗰個茶客迫埋一齊，食得唔安落。肥佬老闆一啲都唔寬容，懶理你係咪熟客，成日有位都唔俾你坐係都要你哋迫埋一齊。

新釗記茶餐廳葵芳葵富路7號葵涌廣場1樓B93號舖當自己一個人開餐既時候，最鐘意就係幫襯茶餐廳，因為快靚正，而且自己一個人入去食都唔會覺得尷尬今日收工黎左葵芳買嘢，所以就順便係葵涌廣場入面搵食，行左兩個圈最後都係揀左呢間新釗記茶餐廳黎講呢到都算好多選擇有特餐快餐，湯炒麵，炒粉麵，咖喱，焗飯/意粉，湯飯，小菜等等等等即叫即焗，黎到仲係熱辣辣架好大塊仲要好厚既牛脷，正呀

太懶想叫外賣點知今次質素差到貼地叫左四個餸西蘭花炒魷，京都骨魚香茄子煲，牛肉炒菜心西蘭花炒魷完全冇味，唔知係咪個師傅顧住睇手機連鹽都無落！70蚊既魚香茄子，得一個細碗著住超級度縮老細都幾識計數另外兩個餸勉強有水準但真係唔會再幫襯呢間食店原來而家openrice 要有200字先可以俾劣評咁我唯有再寫落去食咗咁多年新釗記早餐除咗價錢不斷加之外食物既質素亦每下愈況味道都大不如前，有時奄列都煎列燶燶地都照上，再幫襯，不了。

I always looks for a rich breakfast in weekends because it is difficult to have a nice breakfast in weekday in busy Hong Kong. I have to meet a friend in Kwai Fong this morning and that’s why I eat in this 新釗記.The restaurant is not very crowed and I can take a large seat. The breakfast set is rich with omelet, toast and beans. The omelet is larger in size and full of ingredients. The toasted is roasted good and crispy. The lemon tea is especially good with a fruitful tea taste.

自從轉咗新工，#小秘書 已經有好長時間無嚟幫襯 #新釗記。只係間中路過附近商場，偶爾撞到啲老朋友😉 呢日因為睇醫生搞到遲大到，連游水堂都上唔到，中間時段又無野做，唯有跟朋友去 #葵涌廣場 走走，攝吓時間😅因為自己懶瞓豬，搞到朋友仔朝早喺醫院等咗我一段時間，為咗補償佢，答應請食飯。真係估佢唔會揀 #新釗記，點知又真係咁啱😅 呢日大家都趕時間，快快脆脆叫每人一個 #午餐，實行填飽個肚就走。我點咗份 #咖哩雞排飯 走 #薯仔🤤 以為個 #伙記 會寸我 點知咁順灘👍🏻 咖哩汁幾香濃，不過件雞排就肥咗啲，但係都一樣好味👌🏻👍🏻 朋友話佢個 #鹹魚肉餅蒸飯 都唔差！可惜呢日撞唔到 #老闆，下次一定要要嚟同佢打聲招呼先得！

茶餐廳無服務人所共知，但連先後都不分第一次見。本來係熟客，但真係難以再光顧。同太太兩個坐低左，俾個侍應叫返起身，因為之後有7個人幫襯，佢地想俾多d人的坐，要我同太太起返身企出面等。我地有提出反對，但對方當然茶餐廳本色，懶理我地，我地唔走都唔得啦....

今個星期做無飯煮婦，新釗記一定係首選。平日唔使等位，侍應阿姐哥哥都有禮貌。鮮牛肉蕃茄通粉，羅宋湯湯底加埋鮮牛肉，絕對有誠意，唯一要彈就係蕃茄唔夠爛🤤常餐不過不失啦，呢個價錢都冇咩要求喇～

葵芳站嘅葵涌廣場真係多野買又多野食真係想搵咩都可以係呢個商場到搵到咁今次就唔食小食 唔食連鎖店就試下呢間歷史悠久嘅餐廳新釗記茶餐廳呢間餐廳成日都長滿 好多人去食唔知係咪真係咁好食呢所以走咗入去試下佢嘅常餐羅宋湯火腿絲螺絲粉🍜配 火腿庵列 牛油厚多士羅宋湯火腿絲螺絲粉雖然個粉外觀唔太吸引但都睇得出材料好多菜、豬肉、紅蘿蔔、洋蔥樣樣足味道當然都咸咗少少湯底又濃郁又結身 不錯如果計上嚟嘅話 只係外觀有啲嚇人而已火腿庵列蛋身有些少乾 蛋身幾乎全熟火腿絲都較少 相對大小都細啲喇牛油厚多士脆 牛油比例適中至於服務態度方面我覺得茶記嚟講未算太差正常對答 無argue葵涌廣場美食多 花款多選擇真係揀野食都要諗一論先得而茶記未必係最啱之選不過間唔中食下茶記嘅常餐 午餐食返出香港獨有美食

態度惡劣，不知所謂！雖然環境ok, 但找個女待叫餐，好似欠咗佢咁！舉手示意叫餐，久久唔回應！一回應又呼呼喝喝！如果好好食，又抵，我都可以忍下你！但相比之下，價錢又唔係平過人，食物又一般！成餐有種貼錢買難受感覺，永遠都唔會再來！

地道茶記一人晚餐一星期總有一日因爲工作原故要去葵涌廣場食飯，今日就揀左喺廣場二樓既新釗記茶餐廳。同其他喺葵廣既餐廳一樣，下午茶時段去到7點，四十幾蚊食個晚餐，真係好抵。店內環境一般，不過茶記黎講算係企理。好多人同我一樣一支公晚餐，睇黎係個獨處既好地方😂一個人食，剩係叫左個椒鹽豬扒飯凍奶茶。飯大大碟，奶茶大大杯，好滿足。椒鹽豬扒好濃味，豬扒都好好咬口，好味！後話：其實平時如果無咁肚餓，一定會食呢度既撈丁！

有時去開足球場睇比賽，會買炸薯條食，今日返工期間悶悶地又有啲想食嘢，就諗起食炸薯條，我返工係唔可以隨便行開，咁就叫外賣啦，望左好多外賣紙都只得新釗記有炸薯條食，一個都要20幾蚊，和球場的價格差不多，我係一啲好鍾意食茄汁嘅人，所以叫咗佢多茄汁。等左半個鐘外賣終於到，最失望係只得兩包茄汁，我想知什麼叫多？多嘅定義又是怎樣？個炸薯條完全冇味，淡茂茂，食咗兩條已經成兜都唔想要

呢幾日午餐都係食新釗記，每日都係食芝士粟米汁吞拿魚螺絲粉和黑椒汁雞扒飯，日日食同樣的味道都會想轉下，今日打去問原來可以轉汁嫁，於是便將雞扒飯的汁轉做茄汁，兩個餐只不過係$90 ，喺葵芳區價錢都唔算貴