新長江飲食中心 (已結業)

The pork chop bun was hot and very tasty. The service was very friendly and the tea was also to my satisfaction. This small hole in the wall is a good respite from the busy city when looking for a place to rest. The air condition was also very refreshing and relaxing. 

一間位於十字路口既老舊茶餐廳, 裝修已經變舊舖位唔大唔細咁, 夜晚八點幾無乜人呢間野一睇格局就知係食普通一般野要食好d就應該上工廠大廈去搵提下大家, 佢地餐牌有幾張, 晚餐$50但我覺得唔抵食另一張係恆常既2:30-晚上, 炒飯, 炒米, 牛腩飯果d35-45蚊左右包野飯叫左個魚香茄子飯, 凍奶茶魚香: 帶少少辣, 火喉係有既, 但鹹魚粒好重手, 變成鹹過頭茄子: 唔夠入味, 勉勉強強飯: 普通size, 夠飽既凍奶茶: 本身ok, 但隻杯邊崩晒幾嚇人晚飯35+凍飲2, 係咪好平?

今日放工七點鐘要去踢波, 想食少少野頂一頂, 唔駛飽.記得公司有附近茶餐廳的下午茶時間係到8點於是就去睇下.行過新長江門口, 見到入面幾大幾多位, 估計上菜快, 可快快食完走人.睇一睇餐牌, 好快就決定食西多士+熱茶.西多士鬆軟，但不夠香，兩層包中間無花生醬熱奶茶, 茶味重較苦澀，奶少不夠滑

一份營養早餐 ，可以供給我們能量來應付一 天的活動，使我們集中精神及頭腦靈活 ，非常重要。我去新長江選擇我「至營早餐」。兩餸一麵，奉送一杯熱飲，只是$27，至超值優惠早餐。我點了豬扒和煎蛋米線，它們不是含高脂肪食物，營養是豐富的。蛋黃呈金黃色和完整，外觀保持清晰光滑。個人認為廚師應該在蛋的上面塗上黃油或者是油來增加香味。它給單面煎蛋增加了味道和口感！豬扒脆肉多汁，味道不錯。敗筆在其米線，不知是否煮時間久了，米粉發脹而碎稍般，一咬就斷，感失望，食一半已經停手。不過，茶餐廳最吃香就是奶茶，提神活腦良藥，一天工作就這樣開始。

晨咁早去荔枝角探朋友b, 惗住食過美味茶餐廳醒一醒神，見到有間叫新長江既茶餐廳，有種劫後餘生既感覺，應該係間老字號既茶餐廳，點知...除左上菜速度非常快之外（可惜我今日一啲都唔趕時間），其他方面都係普通門面好大，招牌都好搶眼，而且舖頭入面好大，可容納好多人早餐款式唔算多，不過茶餐廳既早餐其實唔需要睇餐牌都係一樣既，價錢算適中。但由於已過11點半，唯有食個常餐做早餐啦坐低唔夠10秒，侍應哥哥已經係隔離，雖然佢無講野，但我已不敢怠慢立即快睇餐牌，點知10秒過去，侍應哥哥已經走左招呼其他人，終於鬆口氣，可以慢慢睇，惗住舉機影餐牌之際，剛才位哥哥已經做完其他野返黎我身邊，以冇高低音既聲響問，食咩我立即感覺自己錯了，乖乖咁叫左先沙嗲牛肉麵 腸仔煎蛋餐包 熱檸水 hk36唔夠30秒，腸仔煎蛋已經係面前，再過10秒，檸水送到，1分鐘之後，麵都黎埋。速度真係無得輸腸仔煎蛋餐包腸仔一條，煎過，不過已經係暖，應該煎左一段時間，蛋都係暖暖地，兩面熟。不過隨碟附上一殼油，其實就連餐包都浸到啲油，有點跨張吧。雖然餐包係茶餐廳既出現率已經愈來愈低，我好想慢慢享受，不過個底部始終要放棄，太油啦腸仔煎得剛好，暖暖地不

本來諗住食長江,但無開,只好食新長江點知就咁就中伏叫左星洲炒米,紅腸拼油雞飯星洲炒米: 好黃.無香味.味道似炒清米粉紅腸油雞飯: 一黎到4塊腸+4塊雞 , 真係呆左,仲要無比疆容價錢算平,不過無下次..

通常都會打定電話落定單，預番時間去到即刻有得拎唔駛等。每次幫襯都會飲奶茶，奶茶茶味夠濃奶夠香夠滑，係我既醒神早餐之選。嘢食會選三文治，煺蛋治、餐蛋治同埋芝士火煺三文治會輪流選擇，因為三文治外賣會比較方便攜帶，唔怕會中途打瀉冇得食。

今晚屋企無飯開,近近地走咗過去新長江食~間中都會食下d早餐,晚餐比較少食~今晚叫咗客飯>>xo翠玉瓜斑腩飯送例湯+凍檸檬茶例湯>>紅蘿蔔豬骨湯,味送ok,不過好油,xo翠玉瓜斑腩飯>>斑腩味道都可以,無骨,容易入口,翠玉瓜爽口,有d油啦~

新長江的食物不太好要了一個鹹蛋蒸肉餅肉餅很鞋.沒味.沒水份食落口覺得好鞋,不太好食個蛋沒吃,但看樣貌應該都是麻麻地飯都OK可以的...服務一般般,地方都幾大,可是不夠闊落午飯時間人流都幾多,有可能要等位...

上完課見肚餓，求其去間野食結果去左新長江度，呢度都幾大，不過都幾迫下，叫左個沙雞脾飯，個飯得個丁屎咁多，雞脾得1隻，加埋菜一兩條，隻雞脾又肥膩不過味道還可以，全部都係豉油的功勞，隻雞脾冇咩味道，服務又差，叫佢又唔應我，早知去大家樂好過= =”

我以後一定唔去呢間餐廳服務態度係我覺得最差的一間餐廳店員態度傲慢叫極都唔來當聽唔到叫多2句 仲對d客人發脾氣簡直不知所謂來呢度食飯食到一肚火而且食物同衛生一d都唔掂

呢個餐,味道一流,炒得很好公仔麵炒得很滑,很有口感有好濃的味精香味,但覺得有點貴又少配料,蝦得幾隻,蟹柳又少紅蘿蔔難食,不過好香的蔥味成個餐的份量等於一個麵,真係食唔飽食完成碟麵後,發覺個底勁多油...

呢個飯認真難食飯好乾身 炒的蛋好難食蝦一般xo醬...完全唔辣少少辣都冇五香肉丁就一般呢碟野 我仲食到一粒硬物而且呢度的服務麻麻

09.11.21　新長江飲食中心早餐@荔枝角今天跟維尼熊約了11點到紗廠大出血去早餐不想再吃大快活，決定早點到這邊找家茶餐廳就好本來想找openrice中滿多人推的將軍堡不過一出地鐵站就只看到新長江不想浪費時間就獨自進去了新長江除了茶記早餐外，還有酒樓點心早上可以來個一盅兩件看著西式早餐餐牌點了目標中的沙爹牛肉公仔麵配火腿煎蛋，配熱奶茶少奶早餐中的餐包先上小小的芝麻餐包都放在鐵櫃裏保持溫度所以端上來還是暖暖的隨後火腿跟煎蛋馬上送上兩者不會很油，很怕端上來時都油亮亮的奶茶滿有茶香，還算不錯如果能大杯一點更好久違了的沙爹牛肉麵最後送上差不多有半年沒吃過沙爹牛肉麵了吧~~~~牛肉很是軟稔，醬汁超濃郁味道偏向於蠔油汁，很是惹味麵條是口感有保證的頂好大光麵雖然比不出一哥“出前一丁”但比其他雜品牌好太多了！麵條煮的剛好配著沙爹牛肉的醬汁，好吃得停不了口！（本來計劃只吃一半的！）順帶一提，新長江門口的麵包攤方式清蛋糕一大件有4吋，才HKD4！充滿雞蛋香，沾上手卻一點都不油膩，便宜又好吃的哦！下次來紗廠尋寶，一定要找到將軍堡才行！詳細食評及照片請看：http://hk.myblog.yahoo.com