新雅食軒

营业中

休息中

今次擺明抽收視冠軍節目的水。古文中，「人」和「丁」往往意思一樣：「丁稅」即是「人頭稅」。這次，我卻不是搵「人」，是搵「丁」，「肉丁」。哈，「搵丁」，又可以玩食字！某日同伴告知，吃到了歷來最好味的五香肉丁。我寧願不信自己，也不願懷疑她說的任何話。「最好食」？這個宣稱的份量好重喎⋯這一天，我們尋「丁」尋到巴域街。無相片、無舊聞、更冇幾個「姊妹」相伴，進入了茶記。大家目標一致，點的都是一樣：丁麵。一份配腿蛋，一份配奄列，試真分別，如果有的話。二話不說，「目標」便出現！同伴一再提醒：小心啲油，好辣㗎！有此叮嚀，謹慎地舀湯喝了一口，確比一般肉丁稍辣。很實在的幾粒切成丁方的豬肉，坐在麵上，相當惹味而不過甜。把肉稍壓下去、再把油推開，讓香辣滲透整碗麵！肉丁是好吃，但是不是「最」好吃？這個品評，鄙人不配給出。仍是那句：大家去試試吧！到了餐茶，問題出現：伴茶的包點呢？一般茶記的類似套餐，都有附餐包或多士，而這個是沒有的。($32的性價比，完全是情有可原) 於是我們點了一份油醬多，盛惠九塊。又可能是我口齒不清，上桌的是一份油「占」多⋯手寫單，又只有銀碼，無法對證，亦不想小店破費，便選擇既來之則安之⋯結賬時

一個扒餐都系咁嘅水準岩岩一個鐘前，個肚有少少餓，又唔想幫襯大x樂，行過條隧道，見到呢間門面好似幾老字號嘅新雅餐廳入到去一坐低諗都唔諗就叫左個牛扒餐肉煎蛋早餐配熱奶茶，然後先嚟個奶茶，茶味ok..滑..系個扒餐先系重點，如餐牌所示的，餐肉跟蛋牛油面包，但嚟到餐肉跟腸仔都唔緊要，可以換，然後再嚟，隻煎蛋凍嘅面包面頭，有陣大陸白酒嘅味道食完快快脆埋單，32蚊，等左分幾鐘，無人收錢，放低枱面走人，多謝無句！完

我間中都去石硤尾染下髮！平嘛～石硤尾就好似一個時間定格嘅地方，雖然近幾年起咗大量嘅公屋，但佢呢區嘅物價真係冇咩升跌，大至街市細至鋪頭，價錢呢五六年黎講，真係冇咩分別！同佢嘀茶餐廳堅係古色古香果隻！唔係出面嘀偽茶餐廳，裝修係冇咁靚㗎啦！但勝在真係細個浸味！我好鍾意窩蛋牛飯㗎！依家出去食嘀碎牛茄汁，都唔係果樣野，嘀碎牛大粒又唔入味，我夠膽講佢就係我細個係快餐店食個隻茄汁牛肉碎汁，茄汁又濃又杰，肉碎乾身嘀，有咬口嘀！咖喱我就鍾意呀龍個隻洋蔥咖喱多嘀，少食呢隻！但佢個樣都ok 嘅～都係經過先去啦！毛神神又唔會去食嘅！但如果想懷舊一下，唔錯㗎

今日難得去石硤尾，中午想搵間餐廳食lunch。周圍行睇見間間都差唔多咁，同事就話試下呢間部雅入到去，老實講～環境真係唔係話好。係好舊式茶餐廳～好彩剛好有個卡位坐下。坐低就隨便叫個午餐B～咸蛋蒸肉餅。叫左5分鐘就到～夠快手👍🏻一睇份量就知係良心小店😂😂肉餅味道不錯，唔會蒸得太乾太硬～又夠入味～好餸飯！一大碟飯好快食晒，仲有湯連涷飲都係36蚊！真係再經過～都會再去食呢間👍🏻

常徘徊這區，但都是第一次入來。早餐A $23 ~ 在這時勢$23早餐價已難以遇見。這火腿通粉絕不是只得數少片，通粉亦不是冧到爛，煎蛋、火腿及牛油餐包交足貨的。這條街多間茶餐廳，此店11點都仲坐了8成客食緊早餐。

很多次路經這間餐廳，都沒有進去，因為老是覺得很小很有壓逼感。　　本來想去大快活吃豬扒包，怎知完全售光了，於是我便轉去這一間。　　意外地發現這裏的下午茶餐選擇頗多，而且很經濟。　　我於是點了燒汁豬柳包及熱奶茶。　　熱奶茶稍為濃澀，不夠滑，好像奶不夠。而豬柳包的包是熱狗的包，有一種鬆軟綿軟，而且還夠熱。豬柳包裏還夾有幾條洋蔥，但燒汁不多，豬扒也不夠大，所以似乎有點不夠飽。　　不過只用$18又不能過分要求的。

喺呢條巴域街食肆林立, 要突圍而出唔容易, 要令人留意到自己的存在可能要靠另類一點的綽頭,例如: 平過人! 這店似乎走的是這路線, 至於食物質素可能是次要, 發現了這店一段時間, 一直想找個機會試一下到底會是怎樣的一間荼餐廳?! 某個八月天,晚上氣溫蠻高的晚上, 差不多究九點多十點了客人明顯不多, 全日特價粉麵$30 重送咖啡/茶?! 咖啡套餐$32重送咖啡/茶?!酸辣米線自選兩餸套餐$24?!有點以為自己眼花, 當晚試咗薑蔥豬潤撈麵, 豬潤除了患有乾硬化嘅症狀之外, 鋪面只有九黃但少了蔥青??麵質 / 大地魚湯一般而已,干炒牛河 + 凍奶茶 , 牛肉好少, 雖然炒得唔太肥膩, 但還是嗰句, 蔥青去了哪裡? 凍奶茶的茶味&奶味都不夠,坦白說, 今次並不太滿意, 寄望下次吧!

車了太太出旺角上堂. 而我就要獨個兒為呢一個半小時打發消遣. 遊市區車河覺得乏味, 便想起食. 把車開到黎石硤尾. 看看有沒有街邊車位. 可是星期六, 找一個車位, 是絕世的難事. 剛好在巴域街, 讓我找到一家茶餐廳, 門口有個非泊車位可以讓我泊底, 就決定入來, 先揀一個有利睇住部車既位置. 開始食我的早餐去.看門面, 這的確是一間非常古舊的茶餐廳. 但入到去, 舊是舊, 但古舊的色彩是沒有的, 只是一間經營了一段日子的茶餐廳而已. 特色, 似舊, 但一點也不覺舊. 早餐嘛, 也就是一碗麵搞拈. 簡單得不得再簡單的, 就要了一個雞扒拼餐肉麵. 塊餐肉, 稍為香煎一下. 味道香口, 兼且除了原有油. 雞扒, 味道尚可, 煎得皮脆, 但可惜的是, 煎過龍了少少, 食落竟然有少少肉脆的感覺.奶茶, 是香口滑喉的. 不錯.吃一個簡單的公仔麵早餐. 不過有少少戰兢的, 因為, 我始終都係非法泊車.....打發好時間,收到齋妹落堂的電話聲. 她在旺角踏上我的前七, 下一站, 也是美食, 而地點是, 九龍城...