新高麗苑韓國餐廳 (已結業)

又到星期六，又係去太子上堂嘅日子！就係附近覓食！行過見到$168 ，任食韓燒，咁就試下啦！我地兩位，一到步，比張四人枱，所以坐得舒舒服服！當時係晚上8:45左右，$168有90分鐘任食！食物質素正常，當中牛仔骨最好味！但有一種羊扒就嫲嫲地，勁肥！任食除左燒烤類，仲有三文魚刺身，壽司！另外有韓式小食，西瓜，jelly ，以$168來講，我收貨！例必講下衞生環境，我覺得幾好！D呀姐都有禮貌！可能地方細，抽氣一般，食完有D油煙味！但其實次次食燒烤類都有D

傳統韓國自助餐廳食午飯，午餐餐牌可以點既午餐合符標準：有韓燒牛肉、豬肉、雞肉套飯、紅炆牛骨、韓式雜錦飯、麵類等等。。韓燒牛肉飯好悶。。所以，這次我就揀咗紅汶牛骨飯，配前菜、牛骨白蘿蔔湯、仲有啫喱甜品！看圖就知用心製作：前菜是醃莧菜和萢菜，好大碟，食唔晒，老闆呀，最好比細碟少少，三個前菜就very good至於餐湯，一邊飲一邊食到好多白蘿蔔和蔥，好味道！輪到主菜，紅炆牛排骨，唔洗講睇都知炆到出晒油，肉質好𣺉，$45餐既質素仲想點。下次有機會要試吓晚飯自助餐，因為這欵韓國自助餐廳能夠在港屹立，算係好好實力！

最近天氣凍，特別想食下熱騰騰既韓燒暖身。試過多間韓燒，比較之下新高麗苑的食物種類唔算多，而餐廳裝修亦唔算最新最靚，但勝在價錢抵，地點就腳，食物新鮮，燒烤爐好用唔易黏底，最重要係，好食嘛！終歸食餐飯除左飽肚之外，都係想有返啲味覺的享受。俾十萬款食物你選擇，唔好食，乜都假！呢度座位闊落，坐得舒服。枱亦幾大張，方便放多點食物，醬料和燒烤工具。食物種類唔算多，可以話係簡而精，大路前菜泡菜一應俱全，肉類牛、豬、雞、羊都有，仲有一點海鮮。食物質素亦係非常唔錯，肉類醃得好夠味，燒完唔會乾爭爭。壽司及三文魚刺身。因為忙著燒，暫時未試過呢度既生食類食物，哈哈。甜品類仲有例湯雪櫃裡的像品也是任飲的。打頭陣開始食的是前菜，呢度有我最鐘意食既小魚乾啊！基於成本較昂貴，在一般韓燒店是比較少見。魚乾軟硬度適中，硬落散發住濃濃既醬汁和魚香味，食唔停口！起爐啦，一定要讚一讚呢度既爐係非常好用，火喉夠得黎又唔會好易燒到個面黑哂或者燒到乾哂，燒到咁上下想換爐面，職員都會好體貼地來幫你無限次換爐面，服務態度很好！今日㨂既每一樣食物都係又新鮮又好味道，暫時搵唔到任何缺點。很滿足的一餐！

星期一既下午，寶仔好想食韓國野，就去左同事介紹既平靚正新高麗試一試！先上前菜，有六個小菜！ 薯仔味道好好！我地3個都好中意，之後問下個waitress問可唔可以加薯仔，但要加$10，所以就放棄左啦..寶仔叫左個牛肉飯，唔洗自己燒，佢一早已經燒好比你啦！牛肉飯$41（另收加一），份量好多，加上送一碗牛骨湯，唔係味精湯！牛骨湯入面重有牛碎同碎蛋，真材實料～環境坐得舒服，上菜又快，係太子區OL食lunch之選！最後重送左一人一碗小啫喱，好開心！

食物唔得，服務差，環境0k！未夠鐘就叫人埋單執枱叫人走，未見過啲食物可以切到咁薄，啲肉薄到好似張紙，煮食火鍋用用下可以自己熄滅，完全不可以接受！這地方我夠膽講句請我都不會再到。

今日去行山，消耗左大部分卡路里，捻住食返餐勁既補充下體能，當然首選揀buffet啦，食buffet都係鍾意食韓燒，方便得黎又多野食選擇，同埋可以燒肉任食食肉人士最中意既西冷牛扒，味鮮肉嫩，仲拿左一大碟雞腎，擺滿成個盧，燒到香氣撲鼻，魷魚片和魷魚鬚簡直係至愛，香到無朋友見d肉未熟燒住先，就拿左幾碟前菜，唔食下都唔知原來咁好味，好開胃，冷盤小食既特色就係爽爽脆脆食完都唔覺得飽牛仔骨，4件就差唔多霸噻成個盧仲有壽司，北寄貝、三文魚、鰻魚⋯份量適中飯唔多炸饅頭好香，加d奶醬絕配新高麗苑食材種類頗多，一次過都試唔晒，留d下次再來一一品嚐

剛出糧就要食餐好獎勵自己!曾經聽朋友介紹過話不錯，所以就試下啦!地點方面，近太子地鐵站，始創中心旁!環境方面，乾淨，冷氣夠，無咩油煙味!!食物方面，食物選擇多，d肉好入味，泡菜好多款，人蔘雞湯好足料，有生果，甜品供應!服務方面，真的要讚，佢地會留意客人水杯有無茶，不用舉手都會自動倒茶!!整體方面，價錢合理，都大眾化，168/位加一服務費，抵食!! 最緊要食物質素唔差，食材區不斷有服務員添加，整理得乾淨!!

又黎新高麗苑食烤肉啦！上次同事生日嘅時候黎過，印象都好唔錯，呢次朋友仔話請吃飯，咁啱天氣又返凍，我就揀返新高麗苑，不過呢次系黎太子呢間，surprise嘅系原黎呢間汽水啤酒系任飲任食嫁！好抵喔一入餐區就見到好多食物擺系檯面度啦，一眼望落都好乾淨，壽司、刺身、糕點，燒烤嘅食材，糖水、飲品都算一應俱全。拿咗D壽司、刺身、豬腳姜墊下肚就開始燒烤啦，壽司刺身都幾新鮮主打燒烤嘅店當然食材都好多選擇，牛扒豬扒呢D緊系唔少得啦，羊都有埋添，肉類都冇雪味呢個就值得贊啦，蔬菜都好新鮮。其實我最中意嘅就係D配菜，十幾款咁多，齋食呢D都夠抵啦，何況仲整得咁好味喔成餐飯食落黎發覺D食材嘅補給都好密下，總括而言下次都會再黎嫁！

寒冬將至，快d儲定d脂肪禦寒，同屋企人出去食飯，除左打邊爐當然唔少得食韓燒啦～於是乎我地就搵左間食得飲得又喋得既新高麗苑，book定枱去到就埋位開餐～多款前菜選擇仲有熟食，我地拿左牙菜、青瓜、白菜、蘿蔔。熟食有炒麵、炸饅頭、燒雞全翼⋯壽司區拿左致愛既三文魚、鰻魚、甜蛋等頂住肚先～之後就拿左好多肉類黎燒，分別有：雞中翼、牛肉粒、牛扒、豬扒、牛仔骨、牛肉、豬頸肉，豬頸肉醃得好軟熟香口，牛肉粒啖啖肉汁，厚度剛剛好，唔洗幾耐，d肉類都見熟可以開餐吶～黎到海鮮區，加料拿左魷魚鬚、鮮魷片、多春魚、虎蝦、d虎蝦件件都咁大隻～食燒烤又點少得啤酒啤啤佢，最開心既係汽水啤酒任飲，可以飲得暢快。最後食甜品，呢度既甜品都幾唔錯，尤其係個檸檬布丁， 湯圓都ok，西瓜都唔可以少，食太飽仲有各色雪糕未試得晒，哈！新高麗苑餐廳既環境衛生，通風措施都做得唔錯，係家人聚餐既好地方。

為左慶祝國慶假期，就約埋三五知己聚下舊，難得一齊食餐飯，一定要食餐勁又要啱大家口味既，諗諗下都係食D又便又好食既韓燒放題。最鍾意係有啤酒汽水任飲，各類熟食壽司甜品任食，夠暢快。於是乎，我地為左就大家，去佐地段比較方便既太子果間“新高麗苑”。初初入去眼見都幾熱鬧，但係好快就安排佐位俾我地。我地首先食佐D前菜頂住肚先，有青瓜、豆芽、泡菜，全部都好入味然後開火燒啦！我地幾個就選佐我地既至爱牛肉、牛仔骨，呢度D牛肉腌到好入味，烤起唔油膩，食落都好有牛味，所以唔覺意食多佐D肉類~哈，豬頸肉亦唔錯，我地燒左多春魚、雞腎、豬扒、豬軟骨，個爐火力十足，好易見熟，一樣接一樣食到停唔到口再黎食佐各類壽司，有三文魚、甜蝦、北寄貝同魷魚等，各種各樣齊曬， 壽司飯一口一件最後食埋生果甜品壓軸，分別有湯圓、布甸、糖水。我地食完簡直扶墻而出，D食材多樣新鮮，環境服務都幾到位，下次會再黎。

第一次寫食評因為實在太差，之前去過灣仔分店，食物和服務都OK，但今次來到太子分店服務態度前所未見咁差，食物質素也比灣仔差而且補充得很慢，難怪周末晚上也非常淡靜！

平時午餐都食開呢間韓國野....地方大而且好底食 平日12點30到入去，不用等位即入座👍服務員好快送上一杯熱茶， 不用三分中做送上前菜（如不合適可轉換：芽菜，魚仔或粉絲）前菜都是較清淡的，我喜歡佢個菜，用左蒜爆香，清清地，咬落有少少牛油味豆卜就有少少辣味 每人有一胡椒牛肉湯我喜歡碗湯：熱騰騰牛肉湯中胡椒味好重，清甜又有少辣（應該系胡椒味好濃郁），加左蔥粒吊左味，湯底下有牛肉絲，真是一絲絲的牛肉絲可以見到另有一大大碗白飯我地二人叫左兩個午餐，一牛仔骨及一雞肉兩碟大大份，雞肉及牛仔骨都加左蔥花炒香，肉質都好彈牙，不會炒得過火候而雞肉就有少少辣辣的，但辣味不過分，只覺少許辣辣地，咬落覺雞肉好滑。牛仔骨彈牙，不是那種肥肉骨，炒得夠火候，好味最後好窩心地送上甜品系練奶啫喱，雪凍啫喱加左練奶好滑

今日放假最後一日約在家姐同阿妹出去行街，點知家姐話提早同我地做生日食韓燒，家姐又想食完行花墟就去左太子，因為我同妹同一日生日，去到太子見到新高麗就走左入去試，啲野都唔錯，但真係燒烤同些少冷盤，只有雞湯同白飯還有一樣甜品就喺啫喱

平時黎呢到食lunch，通常食佢個泡菜鍋，今日見到有個新既一人部隊鍋$58(連加一)有前菜兩款、泡菜湯底部隊鍋、汽水同甜品，好似幾吸引，就一於試下啦前菜如果有特別想食既，可以同佢講(好似我就揀左一碟為泡菜)，唔係既話會隨機黎兩碟呢個部隊鍋其實就係咩肉都有d(鴨胸肉、午餐肉、牛肉、五花腩肉)加泡菜同湯麵，食完之後都幾飽食完之後仲有個飯後甜品用正常既lunch價呢到食既野算係豐富，所以有時lunch諗唔到食咩通常都會黎呢到

小弟第一次寫食評 只因為實在太失望了 話說琴晚同女友行旺角行到好熱好攰 買完金魚後去食日式燒肉 仲記得d間野前身係做日式燒肉既 誰知去到已  咁我睇佢$158一位還是我接受既價錢（好似其他係$120～140）  我眼見差不多9點無咩人 但我地被安排係自閉位姐係我坐既位子隔離係有牆既 而且好逼 我已經一袋二袋了 連食都無位=_= 算 我都唔太介意出面攞野食拉 款式真係唔多 好小野簡  唔知係咪我地味覺有問題呢？ 除左金菇肥牛有味同雞肉之外 我地竟然食其他係無味既 完全淡而無味！ 算 係飽就好拉！ 令我接受唔到竟然係無野飲只有一杯熱茶  好似連凍水都無 唔肯定！ 喂 大佬 試問而家任食既有邊間連飲既都無？ 頓時火滾 後來我問佢 原來有汽水啤酒賣 但另計 $12枝 唔知算唔算貴呢？ 我覺得算！  唉無法拉 鬼叫我勁熱勁口干咩！ 最後埋單$390蚊 計埋加一 （我心諗你服務過我d咩呢？） 頂！經過一試後 不會再有下次俾錢買難受既機會了無影到相 因為本來就無諗過打食評 請見諒！