新高麗苑韓國餐廳 (已結業)

为左庆祝国庆假期，就约埋三五知己聚下旧，难得一齐食餐饭，一定要食餐劲又要啱大家口味既，谂谂下都系食D又便又好食既韩烧放题。最钟意系有啤酒汽水任饮，各类熟食寿司甜品任食，够畅快。于是乎，我地为左就大家，去佐地段比较方便既太子果间“新高丽苑”。初初入去眼见都几热闹，但系好快就安排佐位俾我地。我地首先食佐D前菜顶住肚先，有青瓜、豆芽、泡菜，全部都好入味然后开火烧啦！我地几个就选佐我地既至爱牛肉、牛仔骨，呢度D牛肉腌到好入味，烤起唔油腻，食落都好有牛味，所以唔觉意食多佐D肉类~哈，猪颈肉亦唔错，我地烧左多春鱼、鸡肾、猪扒、猪软骨，个炉火力十足，好易见熟，一样接一样食到停唔到口再黎食佐各类寿司，有三文鱼、甜虾、北寄贝同鱿鱼等，各种各样齐晒， 寿司饭一口一件最后食埋生果甜品压轴，分别有汤圆、布甸、糖水。我地食完简直扶墙而出，D食材多样新鲜，环境服务都几到位，下次会再黎。