新高麗苑韓國餐廳 (已結業)

第一次來d間野食韓燒!唔錯..但book左位都要等!8點來到等左半個鐘到~太多人,so兩個人要同其他人搭"木台"不過唔緊要lei d野~d食物+服務都好好~下一次一定會再來!

除了漢陽苑,漢和....其實我好少食其他既韓烤但又想試下其他..上次試完東大門覺得不外如是於是見呢度都幾好評~而且攎走了不少漢陽苑客仔就黎左開飯喇!都唔算難搵..因為有tst朋友帶路~一講邊條街就知喇因為朋友請食~慶祝我地2個白羊既生日我就suggest左呢度啦不過呢~我覺得佢既款好似唔夠漢陽苑同漢和既多囉~同東大門都差唔多姐最重要係佢居然冇我既最愛---牛肉唔係冇既...不過我覺得韓烤最好食就係食果d醃左好耐好入味而一片片好薄既牛肉~炒就最好食喇!點知佢冇喎~!!而其他野食呢唔知係咪冇落味精既呢?我覺得比漢陽苑,漢和都淡~不過友人就話比漢陽苑新鮮~!而我覺得最好食既反而係碗湯喎~泡菜湯同人蔘湯都ok喎!我雖然唔中意人蔘味~但佢同我係韓國飲過既都幾似!人蔘味不太濃又不會搶了湯的味~恰到好處!而其他野飲就要另外order~都幾多人黎呢度食啵!好在我都算早~如果想食平既~都可以黎呢度丫~反正幾點食都一樣~唔洗等9點後場~不過我都係嫌佢少款~都係中意食漢陽苑,漢和多d~雪糕野飲乜都有丫嘛~埋單計返都差不多每人170

80一位，8块服务费，一共88一人没多收服务蛮好 换了三次炉子ok牛肉切片那种很好吃的 鸡肉蛮好 但是所有的鱼都他妈咸了 没法吃 估计没洗 很浓海猩味道

之前不嬲都係去開漢陽苑食 今次去呢度 先至明白咩叫 抵食又好味!!!前一晚打去訂位 接電話個個態度好好 問佢有冇窗口位 佢好有禮貌話會盡量安排 可能因為星期4去 唔係太多人 入到去 發覺裝修都唔錯 好乾淨 個爐幾大 最重要係抽氣系統好好 比起以前食韓燒 番到屋企一陣味 但呢日食完都唔太覺有味至於野食方面 我個人極力推位介 牛扒同牛肋骨 咬落去又軟又多汁 我試過專登燒燶d 睇下仲會唔會甘軟同好味 奇怪地竟然仲係甘正~!!! 所以本人極力推介~!!! 本人都食左10件有多~ 另外 第2推介係 雞翼 我唔鍾意食雞 但因為佢 我竟然食左3隻 佢冇平時係街食到既冰鮮雞既味 而且燒既時候唔會血淋淋 取而代之既係勁香既燒汁味 極之香!!!其實 佢地d waitors服務 我覺得已經係高水準 唔係之前幾位講到甘差.... 可能佢進步左啦 佢地係甘幫我地斟茶同收碟 有個女人(應該係老闆娘) 仲周不時會親自行來收野 問佢地野 佢地又會好nice甘答你 總括黎講 $128可以任燒甘多款既肉類 真係算抵雖然冇得任飲 但有無限西瓜同糖水(雪耳木瓜) 都ok啦~

尋晚試左呢間新高麗, 總括都算OK. 128 加1任吃 個半鐘.地點唔難搵, 入左門口就見到佢D食物. 排得都幾整齊, 正所謂唔食得都睇得.我地9點幾去到, 人唔算好多, 有幾台, 加埋唔夠20人.雖然如此, 但我又唔覺佢D食物唔新鮮到極點. 以128 (或者141蚊)黎講, 算係咁啦.種類都算幾多, 而且佢都會添貨. 唔算孤寒果隻. 其他野食就一般, 甜品, 飯同埋曼頭我覺一D都唔吸引, 或者係我個人見到都唔想食, 唔代表其他人.可能我地只有2人, 所以個爐都唔會燒得好污穢, 未有換過塊燒網.飲野就得茶, 但係要叫先識同你添. 另外可以叫飲品, 不過都唔算平, 汽水好似12 再加1, 啤酒 18再加1 (330ML).總括黎講141 1個人都算OK, 但係講抵唔抵就真係見仁見智. 因為如果你喜歡吃好多肉, 佢真係滿足到你, 燒到你夠為止( 個半鐘)不過記住唔好太夜去, 因為佢地收11點, 約10.30 佢會開始問人仲要唔要, 之後就收野. (或者10.30 已經走剩10個8個, 或者可以方便佢地早D準時收工.

前幾日有人生日 有人提議黎呢度食去到 唔駛等位 入去4人位 都唔算多人喇 我都7點幾去到會不斷refill 唔錯喇呢個但係我本身唔中意bbq呢度有金姑牛肉卷當然 緊係有大路既雞牛豬喇雞排好入味 牛仔骨無乜肉豬頸肉都值得一試 有豆漿飲 中下水準喇不過夏枯草好淡 我認為佢係有溝水足2個半小時 夠

之前看了OPEN RICE食評以為好好味，最後有點失望．．．可能期望過高吧！　五花腩 –雖然狂燒下很油膩, 但夾生菜和白飯味道不錯肉類. 魚類選擇都算多.泡菜 - 唔掂!小食. 糖水. 生果不錯!壽司 – 買相不吸引, 我沒有吃..推薦: 五花腩. 雞翼. 豬扒. 冬菇. 涼粉……. 總括:限時90分鍾自助燒烤, 最緊要大量狂燒, 要燒得快(p.s.小心唔熟交叉感染）, 拿東西手腳要快, 要狼吃(狼吞虎嚥)……今次手腳慢, 被人趕, 下次再去一定會記得以上步驟….

友人生日咁橋同TVB同日wor, 要慶祝又要睇台慶, 一於book間房仔一次過滿足哂兩個願望la, 間房都唔錯, privacy幾高, 我地點嘈都得. 坐到8-10個人, 重有兩個爐tim.以韓燒自助餐而言, 選擇都算幾多la, 單單前菜都有6-10款.有泡菜, 薯仔, 白雲鳳爪, 白菜仔, 青瓜....... 可能係太肚餓la, 而且d BBQ o野又未食得住wor, 所以d前菜顯得零舍好味wor.而且佢有三文魚刺身同sushi, 刺身都算幾新鮮la, 都至少唔會係暖ga lor, sushi有鰻魚wor, favourite ar!!!!! 重有炸饅頭, 脆卜卜饅頭配煉奶梗好食la~~~ 我地班o野食咗人地10幾個, 重有春卷同咖哩角tim.BBQ o野的選擇都好多, 豬, 牛, 羊, 雞, 魚通通都有, 都醃得唔錯, 較特別的有銀鱈魚, 牛舌, 雞軟骨.重有涼粉同木瓜雪耳做甜品, 一樂也不過服務就差d lor, 成日黑面.

有同事走又有同事生日...一次過...某同事堅持打邊爐, 某同事堅持韓燒...結果韓燒大勝去食韓燒, 點少得佢d 前菜...芽菜, 魚仔同泡菜都好好味仲有壽司呢! 竟然有螺片壽司囉...不過舊飯超難食!牛脷, 冬菇, 煙肉, 五花腩 & 腎都非常好人蔘雞湯好重白胡椒味, 唔錯唔錯...甜品有啫喱同埋涼粉...都几好味呀! =)不過好口渴, 超口渴...要飲兩枝汽水先夠...食完第二日就喉嚨痛囉...咁0岩撞正天氣轉涼, 病左足足一星期...@_@

朋友想食韓燒﹐見到呢度食評唔錯﹐尋晚就黎左去到 7 點幾﹐都差唔多滿座喇! 有得坐卡位 ^ ^ (建議最好都係book左位先﹐因為位唔多!)一入去感覺都唔錯﹐因為無咩油煙味 位都未坐暖就急不及待拎野食﹐都幾多野食! 同價錢差唔多既漢陽苑比較食物質素真係好好多﹐而且感覺也較乾淨! 其實同個朋友試既食物種類其實唔多(因為時間不夠 > < )﹐但可以講話暫時係我食過最好既漢燒..好味的﹕同朋友主攻牛類. 距既特級肥牛雖然不肥﹐但係都幾嫩. 而且唔會因為醃過龍而無左牛肉味﹐又唔會太碎﹐抵讚! 牛仔骨都好好食! 好有肉汁﹐醃得剛剛好﹐而且肥瘦適中! 雞翼﹐魷魚仔﹐腸仔都好好味… 最厲害係脆玉瓜﹐由於本人係食肉獸既關係﹐好少會覺得漢燒左既蔬菜係好食的﹐但係呢度既脆玉瓜燒完都係0甘多汁鮮甜﹐好食! 冬菇也不錯 ^ ^ 麻麻的﹕牛舌有點"so"﹐而且係薄切的﹐不太喜歡. 豬頸肉也是一般. 雞軟骨既味道不是我喜歡的. 茄子燒了後略嫌乾了一點點. 熟食和甜品也沒有時間多吃﹐只吃了白菜﹐芽菜同西瓜. 西瓜真的很甜﹐好食!由於開頭沒有留意只有一個半鐘限時﹐所以到最後有一點狼狽. 可能因為當晚比

想食韓燒, 係OpenRice左選右揀, 見新高麗食評較好, 就去啦~星期二晚七時半到達, 立即有位, 未到八時已經全場爆滿, 好在行得快 前菜 : 有好多種類, 生菜沙律, 泡菜, 酸蘿白, 魚干仔, 韓國粉絲... 好好味 熟食 : 三文魚生, 三文魚壽司, 鰻魚壽司... 又係好好味, 不停補充 Good 生料 : 牛, 豬, 雞, 魚, 蔬菜... 乜都有, 調味好好, 十分美味 該店仲好細心, 雞中翼切開一半, 肉類又切得薄薄, 等 d 肉類可以易熟 d, 唔錯呀~甜品 : 芝麻湯圓(麻麻地), 薑醋(好好味, 豬腳又淋), 泡菜湯(即羅宋湯), 仲有橙食以尖沙咀+食物質素+價格來計, 真係好底食, 點都要再去過~

兩公婆原本想去燒野食, 但係今晚實在太熱, 而且去龍鼓灘都唔平, 要成 $98 一個人, 於是改去韓國燒烤...都一樣啫 曾經有朋友介紹過新高麗所以去試下, 下晝打電話去仲話要 8:30 先有位, 諗住早 d 去等, 點知 7:30 去到等唔夠 5 分鍾就有位。野食除左有大路野, 牛、豬、雞、腸、多春魚之外, 仲有平時小見 d 既野, 例如牛仔肝, 銀鱈魚, 雞軟骨, 豬頸肉....味道其實同東大門差不多...味精就梗係唔小得啦。不過最開心竟然有生既生菜預備好比我好似向韓國咁包住 d 肉黎食, 呢個真係唔係周圍有架。 , 試過去尖咀既梨花園食成 $250 份既牛肉問佢要生菜都要收我 $50, 漢x苑, 東大門就唔使指意啦, 所以呢點令我加哂佢分, 認真唔錯 ~~以後除左東大門之外終於有另外選擇了~

話說家人都比較鐘意食BBQ，以前都黎過新高麗苑兩次，覺得幾好！燒烤嘅食物QUALITY幾好！我最愛的青口唔覺霉！但上星期三(8/20)再去，開始有D唔LIKE.記得頭兩次去食，限時兩個鐘！自問我地都係快食之人！時間啱啱好！最後可以慢慢食西瓜！點先事隔幾個月，訂位時聽到佢話得個半鐘，已經覺得INCREDIBLE！韓燒喎，等D野燒熟都要時間架﹖但電話中，佢話如果唔太多人等位的話，都可以繼續食…我去嗰個係WEEKDAY，都抱有少少希望嘅…點知，我地一家四口七點二十左右去到，攞位、擺位同等佢攞茶黎都用左十分鐘！男子組(家父同家兄)已即時去攞野食…女子組(家母及小女子) 就即燒…但得一個爐，真係有點壓力…覺得自己好似做緊「麥當茅」負責煎BURGER D人咁！當中仲有樣不快事！呢間韓燒一直以來都係唔會提供生油俾客人嘅。以前問待應要油，佢地都會攞俾你(PS. 我地一家都唔係好油之人，但只係唔想黐鑊)…但今次，問個呀姐要油(因為連燒雞翼都黐到飛起！點知，呀姐一聽我地要油，就好嚴厲咁同我地講，佢地唔主張客人用油，餐廳已經搽左油喺爐上面等等，一路講，又一路攞住我地個鉗係咁搞我地燒緊嘅野食，要將我地燒緊嘅肉

侍應生十分好服務, 要求樣樣做足食物質素不過不失, 有一些食物更是其他韓燒食店沒有的; 如 : 雞軟骨, 牛仔肝, 茄子.....這一餐令人十分懷念, 有機會一定會再來,哈哈哈

在openrice search了很久終於找到經濟的任食韓燒，入到去第一個感覺就係真係好多野食，比加拿大的韓燒多好多好多，各種唔同既魚、蝦同肉類，腸仔都有，亦有涼粉水果類，湯都齊，待應生說無訂位兩個鐘要交位，都有大把時間，而且有無煙卡位幾好坐，幾舒服而且夠晒privacy。不過個爐越燒越多焦，後來是可以燒一陣便成塊黑晒但又未熟，火調小了還是一樣，幸好待應生非常殷勤幫我們換網。曼頭熱辣辣出來非常好食，其他的熱盤則較普通，湯也很淡，像滾水一樣，不過來食韓燒主打還是燒物吧！各類的肉醃得還不錯，o係香港應該算很抵食吧！埋單每人$130，比多倫多高麗村吃到的好！