日和号壽司料理 (已結業)

🌍日和号壽司料理 (九龍灣)Megabox溜完冰⛸️之後 好肚餓 跟住行去隔離壽司店做緊promotion 刺身、壽司、軍艦、小食有半價優惠 就黎左呢間食啦 睇下係咪平靚正先🍣刺身：帶子 鮑魚 三文魚腩 八爪魚 甘老海個人鍾意食八爪魚刺身 味道清 口感清脆彈牙 有嚼勁 都算新鮮好味 仲有磯煮鮑魚好好食 😋濃郁既醬汁索曬鮑魚到 真心入味 而且口感腍 清涼又開胃 好正 另外帶子一般般 口感唔爽口 🍣壽司：帆立貝吉列炸生蠔七味火灸鱈場蟹吞拿魚火灸左口魚壽司種類繁多 我地整體鍾意食七味火灸鱈場蟹 表面七味粉火灸地好香口 味道唔錯 而蟹柳肉質新鮮 另外吉列炸生蠔都好好食 😋外脆內軟 不過吞拿魚就麻麻地 🍣軍艦：蟹子 海膽 芥辣八爪魚 無叫錯就係海膽軍艦 新鮮好味 😋海膽有種甘香味 紫菜即叫即整 食落去仲有脆脆地架 💵消費：500✨環境：7.5/10🙋🏻‍♀️推介：7.6/10📍九龍灣宏照道38號Megabox 10樓5號舖

今日同老公到九龍灣宜家傢私行行，晚餐順便在日和號解決，因為店鋪不止地方大，坐得舒服，現在刺身壽司還做緊半價活動，好啱我同我老公呀！一不小心嗌左20款壽司😝。值得一讚是上菜速度好快，刺身拼盤先上檯，嗌左北寄貝、八爪魚、甘海老和帶子刺身。食物很新鮮，帶子甘甜有彈性；八爪魚爽口鮮甜。吉列炸生蠔和吉列炸蝦壽司：生蠔老公最愛，一口氣嗌左4隻，話蠔子新鮮，外層卜卜脆，好有層次感。蝦身就比較軟身，但都好食。玉子、腐皮、鰻魚、蟹柳、帆立貝壽司都係我最愛，食得停不下來。最正係親子花之戀，大大塊三文魚包住大大粒魚籽，魚籽好甜，味道正。而且連八爪魚小丸子都是半價之選，真係好抵食。

好耐冇去megabox溜冰 竟然比我發現大優惠位於同層10/F嘅日和號壽司料理 以鐵路為主題單點刺身 壽司 軍艦 小食半價❗️最平$9/2pc難怪咁多人食 環境乾淨坐得舒服 店員態度又好.期間限定✨太幸運了 入座才發現還有其他抵食優惠逢星期一至五 磯煮鮑魚$20隻 又係半價用醬汁及昆布慢火去炆 煮得剛好 而且很大隻肉質保持鮮嫩彈牙 同時裹住濃郁的湯汁 好juicy.刺身🎏三文魚腩 | 吞拿魚 | 劍魚腩 | 油甘魚真的很便宜 每款刺身只需$2x-$3x就有四片必食嘅有 三文魚腩超級厚切 吞拿魚入口即融 .壽司🍣🔸6吋三文魚壽司 | 胡麻醬火炙三文魚壽司非常IGable 入口香軟 火炙後跟胡麻醬意外地來🔹帆立貝壽司 | 火炙柚子胡椒帆立貝壽司肉身肥厚 味道鮮爽帶甜 兩者之間個人偏愛生食🔸劍魚腩壽司 | 火炙左口魚邊壽司甘甜魚油緩緩滲出 層次豐富 火炙後濃郁甘香🔹 吉列炸生蠔壽司 | 吉列炸蝦壽司即叫即造 炸得金黃香酥薄脆 size更是巨大🔸甘海老壽司 | 鰻魚壽司甜蝦較小卻味道甜美 鰻魚無骨伴隨香濃芝麻.軍艦🍙海膽軍艦 | 三文魚籽軍艦海脆不苦不腥無藥水味 紫菜企身沒有軟掉粒粒脆卜卜嘅三文

今日午餐黎左megabox，係溜冰場同層有好幾間餐廳選擇，最後比呢間吸引左，原因呢度係用火車做主題，除左有一大個火車頭打卡，每一張枱都打造到好似置身於列車裏面😃 宜家係指定時間仲有半價刺身壽司優惠，好抵食嫁😍1️⃣特級刺身盛合 $268呢個盛合有成7款咁多，仲要有大大舊海膽啦，帶子三文魚腩呑拿魚樣樣都厚切，刺身新鮮鮮甜同埋我最鍾意刺身夠凍👍🏻呢個價錢絕對不能挑剔😋2️⃣牛肉壽喜鍋 $98 (午市套餐)呢個壽喜鍋等左一陣先上到枱，原來呢到唔係比個爐你，而係除左隻蛋之外，全部都熟哂上枱，同我食開同想像中有d出入😂 牛係夠多夠大塊，仲有好多菇，蔬菜同有粉絲，套餐仲包埋三色刺身一隻雞搥同一碗白飯，呢個價錢相當抵食😃3️⃣芝士炸雞拉麵 $68 (午市套餐)老實說賣相真係好一般，無諗過芝士炸雞係埋碗湯麵入面一齊上😂 但公道d講雞就唔洗諗住會脆但肉都叫滑同唔係乾爭爭😬套餐仲包兩舊加州卷，都對得住個價ge😁我仲加左份炸蠔，呢個都幾好食😋套餐仲包埋野飲，真係要重複再重複講係超級抵食嫁😆😆😆

今日收工去左megabox行街消費刺激經濟🤐行到餓餓地見到呢間壽司店做緊推廣，好多刺身壽司都做緊半價！！即刻入去醫下肚😎不過我不嬲都少食刺身，所以都係主攻🍣😆比較推薦以下幾款：❤️七味火炙鱈場蟹棒 💰1️⃣6️⃣火炙過所以特別香，啖啖肉口感唔鬆散👍❤️甘海佬壽司 💰1️⃣5️⃣生蝦係少數我食🍣會食既生野，呢度既海佬幾鮮甜！無令我失望👏❤️火炙柚子胡椒帆立貝壽司 💰1️⃣9️⃣胡椒帶少少辣，柚子清新，加埋帆立貝本身既鮮甜，好夾好好食！😋❤️吉列炸蝦 💰1️⃣8️⃣食完生又食下熟先😂炸得非常香脆！！唔油膩，蝦肉爽口😋⭐八爪魚小丸子 💰1️⃣9️⃣有4粒，外層好脆，粉漿唔會過厚，八爪魚彈牙👍⭐熱菊花薑蜜 💰2️⃣8️⃣呢幾日氣溫驟降，飲返杯薑蜜暖下個人就岩晒！😁店員們服務非常好！💯有客人落單叫左啲正價壽司，店員都會專登提醒佢地問佢地有冇問題👍就算我叫曬全部半價野食，佢哋都好有禮貌好殷勤🤣 抵讚！❤️

Mega box就成日都去，去親food court個層都會比pepper lunch陣香味吸引住，然係就唔小心食埋😂不過今次突然好想食壽司，又見到隔離有間望落唔差嘅壽司就決定試下😆.🍣自選刺身/壽司/軍艦原來刺身/壽司/軍艦做緊半價優惠，係意外驚喜😆刺身揀咗帶子、油甘魚、劍魚腩同埋三文魚腩，呢幾款味道都唔錯，幾新鮮😋 壽司同軍艦總共揀咗12款唔同嘅，整體都幾好，最正當然都係火炙左口魚邊壽司啦😌竟然有左口魚食，仲要係入口即化個隻🥺三文魚籽同海膽壽司都意外地好食，冇腥臭味又鮮甜🥳.💰人均消費: ~$270.🍽味道: 3.5/5🏙環境: 3.5/5👨🏼‍🍳服務: 4/5💧衛生: 4/5💰價錢: 3.5/5

今日同同事攞飛準備入去食。到我地冧巴量埋體溫後，店員示意叫我地入去，清潔姐姐亦都在清理張枱俾我地。我地行去張枱途中，有個帶有大陸口音著西裝既女經理喝停我地，叫我地出番去等。我話有店員叫我地入去喎，佢就好唔耐煩兼且聲大大話：「張枱未執好，出番去等啦。」我當時覺得無奈兼憤怒，出番去等，見到佢對其他食客都係大聲兼語氣差。我地憤而離去。

去Megabox行下街🛒見到「日和号壽司料理」做緊刺身壽司半價優惠🎊當然想入去試下.吞拿魚刺身(4片)🐠肉質細嫩，少少筋位😢淡淡魚香😜.三文魚刺身(4片)🐟肥美厚切🔪油脂適中.帶子刺身(6片)🐚非常鮮甜.北寄貝刺身(6片)❤️新鮮大塊.海膽軍艦🌊不過不失😬.吉列炸生蠔壽司🦪熱辣辣，生蠔幾juicy🤤.吉列炸蝦壽司🍤炸蝦彈牙大隻，加埋蛋黃醬，唔錯😝.親子花之戀🌹係三文魚子加三文魚☺️.芒果花之戀🥭甜甜嘅芒果加花之戀，味道幾fresh😲.6吋三文魚壽司🍣幾特別😉.胡麻醬火炙帆立貝壽司🤍胡麻醬嘅配搭都幾好味😌.火炙柚子胡椒帆立貝壽司🍊柚子胡椒味強烈，有少少辣😗.火炙左口魚邊壽司🔥充滿魚油香.鰻魚壽司🥢肉質唔係腍身嗰種😢.稻荷蟹子沙律壽司💛不敗之選.七味火炙鱈場蟹棒🦀火炙之後加上蛋黃醬同七味粉，估唔到幾好味😱.八爪魚小丸子🐙外面脆脆地，幾好味😋.巨峰乳酸梳打🍇巨峰提子味幾濃，好清爽💦.士多啤梨梳打🍓飲落就比較甜，同埋少少假🥺不過有好多果肉

呢度單點刺身壽司半價❤️三文魚腩刺身-肥美，厚切👍🏻❤️帶子刺身-好鮮甜呀❤️甘海老刺身-一件有兩隻架😍❤️磯燒鮑魚-林到不得了醬油味十足必食！❤️6吋三文魚壽司-成隻手掌禁長，半價真係無得輸❤️火炙三文魚腩壽司-入口即溶，魚油十足❤️火炙左口魚壽司-油香十足👍🏻👍🏻❤️吉列炸生蠔壽司-熱辣辣，即叫即炸，吉利蠔漲卜卜，juicy !❤️花之戀-花之戀有情意結❤️芒果花之戀-甜甜嘅芒果加花之戀，好fresh ❤️親子花之戀-三文魚子+三文魚=無得輸❤️海膽軍艦-連海膽都有半價😋❤️八爪魚小丸子-即叫即整😍熱辣辣，好有日本嘅味道,必食！開頭真係因為半價壽司刺身入去，但原來壽司質素非常好，環境乾淨，服務態度殷勤，去MegaBox又多個選擇👍🏻👍🏻日和号壽司料理 (九龍灣)九龍灣宏照道38號Megabox 10樓5號舖

今日去左megabox 睇左套日本戲, 睇完好想食壽司🍣 見到哩間壽司同刺身有半價優惠，咁抵就一於入去試下。 半價優惠包括唔同嘅刺身，壽司同軍艦。刺身我叫左帶子，劍魚腩，甘海老，油甘魚。 雖然半價，啲刺身一啲都唔馬虎，件件都係厚切！壽司我就叫左帆立貝，油甘魚，吞拿魚，火炙左口魚邊，鰻魚，芝士魚子軍艦，6 吋三文魚壽司，北寄貝，火炙柚子胡椒帆立貝，七味火炙鱈場蟹，香蔥吞拿魚腩碎軍艦。我自己最鍾意火炙左口魚邊壽司，好爽口另外6 吋三文魚都好有睇頭！ 見到半價咁抵，我仲要多咗個小食，炸八爪魚粒！ 總括來講，半價咁抵食，叫多啲都唔肉赤！正！

今日去左Weekend先多人既地方Megabox玩👻 溜冰睇戲行街街😬 最唔少得既就係食野🤪 係溜冰個層就有間特式有架列車裝修既日本餐廳 就去Try Try😉 特別見佢刺身同壽司都係做緊半價優惠 就叫黎試試😊刺身🐟三文魚腩、油甘魚刺身、甘海老刺身、劍魚腩刺身🔸每一件都厚身 正正常常既水準 口感豐滿壽司🍣吉列炸蝦壽司、吉列炸生蠔壽司🔸呢兩款係最好食既壽司 吉列炸得外皮卜卜脆 熱辣辣食得出味道火灸左口魚邊壽司、火灸柚子胡椒帆立貝、七味火灸鱈場蟹壽司🔸呢三款火灸壽司火槍燒過感覺都唔差海膽軍艦、花之戀等等壽司🔸正正常常還可以小食🍥炸八爪魚丸4粒🔸熟食真係最好味 最正常只能話熟食比較優勝😏

餐廳地方非常寬敞，座位非常闊落，坐得非常舒服，好多唔同嘅日式食物，當中最吸引我嘅梗係壽司同刺身啦，而家壽司仲要做緊半價推廣！抵到爛，我哋嗌咗12件唔同嘅壽司，重有四款刺身，同埋一個佢新推出嘅磯燒鮑魚，同埋八爪魚小丸子既小食，首先介紹話佢嘅刺身，我哋叫咗吞拿魚、帶子、三文魚腩同油甘魚刺身，佢嘅刺身非常新鮮，以吞拿魚為例，佢係一個赤身部位嘅吞拿魚，入口我淡淡嘅魚嘅鮮味，而三文魚腩，肉質肥美，而且顏色鮮明，代表佢嘅魚生非常新鮮，至於壽司方面，當中有幾款令我非常深刻，好似佢嘅海膽軍艦壽司，啲海膽非常鮮甜同有海水味，另佢嘅胡麻醬火炙帆立貝壽司更是非常特別，之前從未食過，原來胡麻醬味道係同帆立貝咁相襯，跟住要特別介紹，佢嘅磯燒鮑魚，呢個鮑魚非常新鮮，加上佢係磯燒嘅關係，完完全全可以帶出鮑魚嘅鮮味，而且唔會燒得太韌，啱啱好，入口咬一啖非常鬆軟，呢個鮑魚令我一試難忘，從未食過有鮑魚咁好食，特價都只係做緊20蚊咋！講完嘢食再講嘢飲，我哋叫咗兩杯梳打特飲，分別係巨峰乳酸梳打同埋白桃乳酸梳打，兩杯嘅梳打一啲都唔會太甜，但又有巨峰提子嘅味道，啱晒我口味，總括而言呢間餐廳用料新鮮，而且佢嘅鮑魚簡直近乎完美，所以

琴晚黎左九龍灣行下傢俬店，發現溜冰場隔離開左間日式壽司店，以日本鐵路為主題，e家仲做緊刺身壽司半價優惠🎊店內裝修都幾有特色，店員帶我地到左其中有個車箱入坐。刺身及壽司款式都有好多選擇🥰我地點左帶子，甘海老，三文魚腩同八爪魚刺身。帶子好厚肉同大粒，帶鮮味。甘海老色澤好靚，食落鮮味😍三文魚腩厚身，好有口感😋😋 八爪魚好彈牙☺️壽司方面，我地點左12款😍火炙壽司入面最吸引係火炙柚子胡椒鹽帆立貝壽司，味道帶淡淡嘅柚子味，帆立貝口感細滑👍🏻😋火炙三文魚腩壽司，火炙完嘅三文魚腩令壽司帶少少魚油，味道幾好😋吉列炸蠔壽司最有特色，口感外脆入面係熱辣辣嘅蠔😆海膽軍艦壽司，海膽色澤都靚，價格比都高👍🏻😍炸八爪魚丸☺️其實係章魚🐙燒黎😏外面口感香脆，入面係有小章魚👍🏻😋飲品我地要左熱柚子蜜同朱古力☺️

今次嚟咗MegaBox食日本嘢！日和號呢間餐廳以日本鐵路為主題，裝修非常特別。而且呢間餐廳而家做緊半價優惠😍。🍣刺身三文魚腩帶子劍魚腩北寄貝磯煮鮑魚刺身全部都非常新鮮同鮮甜，特別係三文魚腩同埋鮑魚！第一次食劍魚腩，一啲都唔腥，唔錯。🍣壽司6吋三文魚三文魚腩火炙三文魚腩胡麻醬火炙帆立貝鰻魚花之戀親子花之戀吉列炸生蠔三文魚超長～有啲特別嘅口味，例如胡麻醬帶子或三文魚等。但唔知點解刺身都壽司都無蝦，只有吉烈蝦🙁，蝦愛好者可能要失望喇！🍣軍艦香蔥吞拿魚腩碎芝士蟹籽海膽北寄貝沙律🐙炸八爪魚丸細細粒，方便食。炸到好脆，好食好食。

🐝日和号壽司料理 (九龍灣)🐝…今日同男朋友去左megabox食飯，見到間日本料理做緊半價優優，勁抵！👍👍中意日本野嘅我就入左去食啦！仲見到我個朋友都喺入面食緊，真係有緣啦~😅😅…我覺得呢間餐廳嘅性價比真係好高，❤️食物質素唔錯，啲刺身都頗新鮮，最推介大家嗌鮑魚，油甘魚，三文魚腩，吞拿魚，火炙類嘅壽司都相當唔錯，燒得好香！🥰🥰…飲品方面就嗌左芒果梳打同巨峰梳打，兩樣嘅甜度都啱啱好，唔會太甜，但都唔係冇味！👍👍😍…✨炸八爪魚丸 $38✨三文魚腩 $78✨劍魚腩刺身 $72✨油甘魚刺身 $74✨吞拿魚刺身 $68✨海瞻軍艦 $52✨三文魚籽軍艦 $52✨吉列炸生蠔壽司 $39✨火炙左口魚邊壽司 $34✨胡麻醬火炙三文魚壽司 $34✨胡麻醬火炙帆立貝壽司 $38✨七味火炙鱈場蟹壽司 $32✨吉列炸蝦壽司 $36✨芝士蟹籽軍艦 $28✨劍魚腩壽司 $34✨稻荷蟹子沙律壽司 $26✨親子花之戀壽司 $45✨芒果梳打 $32✨巨峰乳酸梳打 $32✨磯煮鮑魚 $80…整體評分食物：🤍🤍🤍🤍服務：🤍🤍🤍🤍🤍環境：🤍🤍🤍🤍價錢：🤍🤍🤍🤍🤍…📍九龍灣宏照道38號Megabox 10樓5號舖