日悅極尚日式放題 (已結業)

朋友介紹了一間日式放題，在黃金地段的尖沙咀。內在環境十分寬敞，不同一般的放題坐得密密麻麻的，十分舒服，還有小朋友專區，可讓小朋友們玩樂。看看餐點紙，種類繁多，除了即點的食物外，還有放在外面的甜點，前菜，飲品，沙律等等。刺身有很多款式，點了三文魚，油甘魚，甜蝦，牡丹蝦，劍魚腩，八爪魚。樣樣新鮮。想不到壽司更出色，而且很有創意，新鮮美味。帶子三文魚，黑松露油甘魚，海膽，三文魚籽花之戀，炙燒牛肉，葱吞拿魚等。串燒點了牛舌，牛肉，雞軟骨，汁燒肥牛也很惹味。最後吃了幾盒movenpick雪糕，哈根大師也吃了兩盒。

某日係街收到呢張傳單，覺得幾抵食就同同事黎試下。lunch time黎到，唔使等位，因為呢到夜晚做開放題，所以非常大，而入面係放題餐廳格局，仲有小朋友playground.一睇menu選擇非常多，而且價錢大多唔超過$80，除左主食，仲會包餐前沙律，飲品同甜品。叫左個海鮮沙烏冬，烏冬係幼身既好彈牙，配料亦都好多，佢仲有送幾塊三文魚，都好新鮮。除左主食，佢亦都好有趣咁配左兩條炸越南卷，非常香口。而飲品就可以自選一支，飲唔晒仲可以拎走，好大方。同事叫左呢個炙燒壽司加牛肉湯烏冬餐。烏冬係豬骨湯，食完都飽左7成。而壽司係即係燒既，所以熱熱地，都幾好味。味道中規中矩，但呢個價錢包咁多野食都好抵。

今日同男朋友去食放題，佢一早bookmark左一間尖沙咀既放題餐廳，佢聲稱餐廳水準有酒店級高。我心郁郁又陪佢黎試下啦！我地7:30準時到餐廳，環境好大好舒服，食物款式超級多，可以自助去夾野食架！我地先點刺身和海鮮！刺身無雪藏味非常新鮮，入口鮮甜夠厚身，有希靈魚、北寄貝、三文魚等等，款式大眾化但係質素好高！海鮮男朋友一個清哂！我因為皮膚過敏海鮮要停停啦！沙律吧係我主攻既食物。我超鐘意食沙律架！仲有溏心蛋呀！超滿足！之後就到壽司環節，我地安歌左幾輪呀！超愛三文魚花之戀、蟹肉壽司、燒鰻魚、燒帆立貝、和牛壽司、芝士蟹棒、牛油果軟殻蟹壽司！每款賣相都是超美的！飯的份量唔會太多！熟食有串燒、焗帶子、鍋物、炸物等等，全部都有叫黎試下架！甜品唔可以錯過架！

今天是很久沒有食過的放題大餐，本人十分期待。準時到達餐廳，放題時段剛剛開始。魚生款色尚算多，三文魚甜蝦等等不在講，赤貝都有刺身點算比較少有，有加分。賣相擺位都算是不錯，有乾冰效果。但可惜的是沒有吞拿魚刺身，只能在壽司中找到。壽司都有很多選擇，花之戀、海膽、吞拿魚都有。而且海膽不錯，新鮮。建議可以多點一下。突然食到一半時，有人響搖鈴，原來是乳豬出爐時間到，很有驚喜。很多人排隊領取，取完一次就沒有了。乳豬的很趣，不錯不錯。

假日2小時30分鐘放題 💲278（早鳥時段18:00前入座）✅ 佔地面積好大 座位亦都闊落 仲有兒童遊樂場啱晒一家大細👨‍👩‍👧‍👦✅ 自助區有冷盤同甜品等 但部份食物如糖心蛋嘅賣相實在不敢恭維😟✅ 壽司細件唔怕飽肚🍣特別推薦海膽壽司✅ 清酒煮蜆嘅顯肉頗大隻 媽媽自己encore左三次😳❔ 19:40左右有職員響鈴🔔話可以排隊拎乳豬🐷 師傅手起刀落 人龍去得好快👍🏻 但主要都係皮為主 肉唔多❌ 刺身唔太新鮮❌ 串燒如牛舌、牛肉等未燒熟🍢👅Taste：3/5💰CP值：3/5🙋🏻‍♀️Service：3.25/5👁‍🗨Stylishness：4/5

無錯，我確實係一個比日本食物寵壞咗嘅人，由於之前食太多西餐關係，感覺好似冇左靈魂咁，所以決定尋回自我。同男友唔係去鯉魚門而係去尖沙咀食呢間日本放題啦～放題係香港黎講競爭愈黎愈大，而呢間亦係當中最值得推介既。每間放題都有不同賣點，價錢、食物質素、時間等等。而呢間正正有齊各樣優點，環境舒適，食物款多。餐廳位於半島中心，商場地下電梯邊就設有指示牌，方便大家偷食覓食。原址係德興酒家其一部份，並且裝修後分拆出黎既新店。環境同空間超級廣闊，座位間隔極闊而且舒適，方便食客暢通無阻地來來回回自助體驗。店內更設有兒童天地，可以比小朋友係到叉叉電。以飲品而言，大部份都係熱門飲品，除此之外有啤酒、梅酒、清酒及最受歡迎中湯等等。店內中間有自助吧，有海鮮、沙律、甜品等等。餐牌上款式都幾多，應有盡有。刺身拼盤平時食到既刺身款式都有齊，個人覺得帶子同蝦刺身最正！帶子比其他店既新鮮同味道鮮甜，甜蝦超大隻！壽司～清酒煮蜆D蜆都幾大隻煮物-和牛薄燒炸物炸物之中，印象最深刻都係脆皮貓山皇。大部份放題都有呢道菜式，但其中榴槤醬通常都會加上大量糖份調味食唔出原本榴槤果肉味。但呢度既榴槤有極!極!極!強烈果肉味，夠哂足料，喜愛榴

老闆的女兒18歲生日，請曬我們同事去尖沙咀日悅極尚食日式放題，老闆之前都選擇過此店，除了食物多款又高質外，還有是店內地方超大，座位寬敞，今次我們還可以帶埋兒女一齊去，因為店內設有遊玩區，供小朋友玩樂，亦有供客人休息的地方，邊看管小朋友邊休息閒聊。店內設有自助區，冷盤、熟食、甜品、熱湯、生果等。多款飲品有凍有吾凍，花茶、果茶、西洋菜蜜、菊花薑蜜都有。酒精類飲品有清酒、梅酒、啤酒、生啤等。還有名牌雪糕任食。刺身好新鮮，有厚切又肥美的三文魚、油甘魚、希靈魚。爽口的赤貝、象拔蚌。鮮甜的甜蝦、赤蝦。火炙壽司也不錯，芝士蟹棒和鰻魚好惹味，三文魚腩油脂甘香，入口即化，加左少許京蔥增加香味和口感。燒物的燒香草羊鞍、鹽燒鯖魚都好香口，我特別喜歡芝士蟹粉焗帆立貝，特調製的芝士蟹粉醬汁焗至金黃色，味道酸酸甜甜的，配鮮味的帆立貝，十分惹味。燒菠蘿也很香甜。蝦天婦羅和帝皇蟹棒天婦羅即叫即炸，外層鬆脆，蝦肉爽口，蟹棒鮮甜。海鮮粥好足料，大蝦青口鮮味，粥底綿滑鮮甜。同事的小朋友最喜歡的豆腐花、椰汁馬豆糕和芒果布丁。小朋友更喜歡遊玩區，大家有食有玩，盡興而歸。

見到網評相約幾個朋友去試下食lunch放題啦點知中晒伏中晒伏😖，以後以後係吾會再黎🙋🏻‍♀️地方大，但紅日12-3pm時間都只係坐左幾枱，吾怪得無生意，刺身一D都吾新鮮，出面bar枱任食既食物同甜品更加吾知放左幾耐，完全無可能食得落肚。食完分鐘會入醫院，炸物番炸，凍，吾新鮮。總之食物沒品質地方污糟進食期間不斷有烏蠅飛來飛去。粉藍色T恤職員 非常冇禮貌 態度極x差以後不會再來大家不妨可以試一試👍🏻

好耐都冇同朋友食放題😳今日放工心血來潮，突然好想食就約一大班朋友去到，大家都就腳嘅地方尖沙咀試一試一個日式放題😝😝一去到覺得個裝修都不錯，已經見到有自助吧枱，有好多海鮮👍🏻👍🏻之後一定會攻陷佢哋❤️❤️黎到當然一定要點啲刺身同壽司，有我最喜愛既海膽壽司，不斷叫左好多輪，呢到已經值回票價👍🏻👍🏻👍🏻仲有啲串燒同埋熟食，最鐘意就係個芝士焗元貝最後出去攻陷埋個甜品吧，為呢晚劃上完美句點👍🏻👍🏻

黑妹感冒菌入腸，攪了個腸胃炎來，一直無啖好食，好翻少少，敵不過心魔誘使，往放題店跑，一跑就跑到這裡來。。。很平價實惠的大海報招來食客大駕光臨，一坐下二話不說，欲狂✔️餐紙，誰知自助區食物已一大堆，相機食先，不得不拍下壯觀一面大家望望。自取區岀品的沙律熟食不乏，而豆腐花甜品大都是入貨，而糖水糕點甜飲不少，也有清淡消濟的茶品喝。前菜海蜇麻油味好香，凍蝦夠爽口，腰果焗得香脆，胡麻豆腐醬稍稀身，冬瓜老鴨排骨湯挺美味。帶子厚肉，質高有甜味，希靈魚爽脆，甜蝦不過不失。芝士鰻魚卷跟鰻魚壽司賣相佳，很有食慾，食味一流，唯卷物飯量大小如壽司店平日吃到的相同，會很快飽肚。小炒燒物份量ok大而可口，量力而為，不要一下叫太多，否則會浪費。海蝦大又彈牙，叫要再叫吃不停。和牛薄燒入味，加入蒜片調味很濃郁惹味。雜菜炒得不油膩，燒菠蘿🍍更是爆汁，吃得一呾都是有點狼狽。熱朱古力機沖出來的泡沫朱古力每次我就最喜愛，甜度剛好。食到尾聲：太公分豬肉，有得吃乳豬，排完有4塊，燒得香脆，肉嫩肥美。名牌朱古力雪糕，士多啤梨雪糕及咖啡雪糕不用言喻的有保證，香濃滋味 食後感：這幾天特別酷愛吃甜，是夜回本之作不得不提雪糕項目，當作和好友談

忙碌了一天，收工自然要食餐好放縱一下😅，同事建議食放題，一於上網找尋一下，位於尖沙咀半島中心，開設了一間（日悦極尚日式放題）評語不錯，每位$300有找，一於試試！地方超大超濶落，好有空間感，中間位置擺放了冷盤/自助甜品區，左右末段位置就是飲品區，絕對不會人碰人的情況出現！食物選擇有很多，凊晣有圖有文字，刺身壽司，炸物串燒，鍋物天婦羅，大人小朋友都啱食👍🏻👍🏻！所有刺身都好新鮮，甜蝦好鮮甜，北寄貝亦好爽口😋，壽司細細件剛好一啖一口，進食好方便！串燒，炸物，炸得剛剛好，好香口，肉質亦保持到水份，不錯！食返碗海鮮粥暖暖肚先，好足料好鮮甜！😌小朋友食飽飽的話，亦有個遊玩區比佢地玩餐飽，老闆真是設想周到😅！

某星期六突然想吃日式放題，想起尖沙咀有一間想試很久了，一於去大吃一頓。日悅極尚日式放題位於尖東半島中心二樓，地方寬敞，還設有兒童遊戲室。星期六晚上成人收費每位288元，限時150分鐘，不用吃得太急。飲品的選擇很多，雪櫃裡有常見的樽裝和罐裝飲品，其他選擇有常溫的紙包飲品、果茶、花茶、日式茶包、咖啡機的咖啡、奶茶和朱古力，以及熱水壺裡的西洋菜蜜和菊花薑蜜等，有選擇困難的朋友應該會覺得頭痛。除了寫紙仔點食物之外，日悅還設有自助區，提供沙律、水果和甜品等，其中有中式老火湯，窩夫喝了半碗蓮藕蠔豉雞腳煲西施骨，味道很好。第一輪刺身來了，北海道帶子、象拔蚌、紋甲魷魚、赤蝦、北寄貝、八爪魚、赤貝、油甘魚、三文魚和劍魚腩全部都很新鮮，而且切得厚身大件絕不吝嗇，象拔蚌比其他放題店大兩倍呢。點了四款軍艦壽司，分別是海膽、香蔥吞拿魚茸、蟹肉蟹膏和芥辣八爪魚，上桌時柴菜還是脆的，海膽夠新鮮，一點也不腥，要安歌！第二輪刺身沒有馬虎，依然乾冰點綴，油甘魚、三文魚和劍魚腩都很肥美，帶子鮮甜，魷魚厚厚地黏黏地，吃得十分滿足。吃過刺身和壽司，輪到熱食。芝士蟹粉焗帆立貝的蟹粉味不太突出，帆立貝不會太細隻。燒香草羊鞍的調味做

上網搜尋了一下吃那間放題，無意中發現了這間日。悅極尚日式放題，位置竟然坐落於尖沙咀半島中心，很少放題店會開在我個人認為比較高尚的地方上到去一看，沒有令我失望，環境實在太闊落了！跟以往去開的放題店不一樣，一點也不會擠迫，裝修得體光線充足進去了第一眼就看到一個餐區，有各種冷盤海鮮、甜品、小吃、沙律和飲品坐下後立即打開點餐簿，一共有兩本，日本主要點刺身壽司為主，另一半主要點熟食串燒等，上至刺身壽司下至燒煮烤炒樣樣皆備，上菜速度很快，建議一樣一樣慢慢來點頭盤當然來個自選刺身拼盤，這裡的刺身跟壽司的肉都很大塊，好像不用錢一樣😆，而且真的很新鮮壽司亦有多款不同選擇和配搭這裏的天婦羅炸得很香脆，沒有吃到油溢味，皮也很薄燒物也燒得恰到好處，不會太乾身，剛好帶出燒物的好處，把食材提鮮，香口另外還點了炒菜炒雜菌白酒煮蜆辣酒煮花螺等等，一道接一道，完全停不了口😂🤦🏼‍♂️最後當然要吃個貴價雪糕才圓滿😌這裏的食物太多不能盡錄，總結坐得舒適吃得出色😆

難得收早，幾位同事經相討之後決定去公司附近一間日式放題食餐勁👍價錢合理，環境舒服，地方都幾大😌餐廳中間位置放了好多食物，有冷盤、兩款湯、兩款糖水、多款甜品等.......多種選擇👍除了飲品外亦有多款特飲，有梅酒，水果茶和清酒等😋點心紙都有十幾款放題當然唔少得雜錦刺身，樣樣新鮮，三文魚厚切肥美，帶子鮮甜厚肉，牡丹蝦非常爽口，食到舔舔脷😋😋😋海膽壽司-海膽一啲都唔腥，細細件一啖食晒👍牛仔骨咬落多汁，肉質軟硬適中👍清酒煮蜆-蜆肉脹卜卜，食落沒有沙，而且味道鮮甜😉雜錦天婦羅-粉漿嘅調配剛剛好，不會太厚，食落爽脆。最後食返碗糖水超滿足😋😋😋

難得今晚可以和太太出街晚飯，今次揀左呢間在半島中心的日本放題餐廳。入到去餐廳第一個感覺就係好寛敞，唔似得某些餐廳坐得好迫夾。另外特別之處係餐廳劃左一個區域俾小朋友玩，同埋有專 for 媽媽的哺乳房，喺CSR方面做得相當唔錯。講番食物，第一 round 叫我最喜愛的魚生。魚生普遍都新鮮。個人鐘意食三文魚同帶子。炸物方面，個人喜愛榴槤同炸生蠔。芝麻雞翼也是要必點的，雞肉好嫩滑。串燒也不錯，牛脷夠厚，牛柳粒夠牛味。飲品方面有 Hoegaarden 同日本清酒供應。不過今晚狀態不佳，無飲到，sad.呢度嘅雪糕有 Movenpick 同哈達根斯選擇，食多幾杯都夠返本。$300 就食到捧住個肚返屋企了。