日悅極尚日式放題 (已結業)

諗唔到食咩最好就係食放題，加上同行朋友之前食過呢度，唔洗多諗直接決定。位於半島中心二樓，路痴的我倆兜左好幾個圈先搵到。餐廳面積極大，仲有個兒童遊樂室俾小朋友玩，係寸金尺土嘅香港都幾奢侈。今次只有兩人，只好同活魚刺身講bye bye。未落單出面都有好多選擇，可以自製個沙津兼小食拼盤。除左樽裝飲料，仲有果茶、梅酒、啤酒、中式老火湯可以飲，選擇多之餘都幾特別。行完一圈先落單，店員落單同上菜都好快手。每樣都試左D，推薦幾款我地覺得值得一試嘅！厚切刺身好岩我口味，估唔到象拔蚌都咁大片。個人喜歡劍魚腩夠魚香，同埋紋甲魷魚好彈牙又唔韌。帶子真係好厚身，鮮甜肥美。海膽新鮮冇腥味，食左好幾碟，每件壽司上面再多D海膽就更滿足啦！其他壽司一口一件，賣相都精緻。火灸壽司最鐘意牛肉，唔乾身又有牛香。串燒調味好好，牛舌牛肉同甜蛋都好食，再熱少少會更好味。熟食就真係好夠熱，和牛薄燒同鐵板牛肋肉個人更愛後者，夠惹味。想食魷魚而點的大根魷魚風呂吹，但估唔到蘿蔔又林又入味，搶哂風頭。鍾意沙津醬同芝士可以點焗帆立貝，個醬好好味。最尾仲有兩大雪糕牌子嘅雪糕任食，幾飽都想食番兩杯。呢間算係食過嘅放題中最空間最大最闊的一間，食物

在尖東半島中心，頗方便。店內寬敞，很舒服。店內左邊附有兒童玩樂室，有幾個滑梯及兒童玩具，很適合有小朋友的家庭，夠貼心。前菜及甜品選擇也算多。食物種類算多，有壽司，刺身，炸物，一品料理，天婦羅，燒物。落單紙寫上人數以便工作人員預備適當分量✌讓你可以食到不同的食物。櫻花蝦炒鮮菌野菜 - 櫻花蝦夠多，菜也新鮮。牛肉壽喜燒 - 夠熱夠大份，牛肉也夠嫩滑。牛肉稻亭烏冬 - 1人份量，有數件牛肉，也有鳴門。海鮮粥 - 超鮮甜，鋪了點蟹籽及乾葱在面，也很熱騰騰👍1人份量。天婦羅 - 點了蝦，秋葵，皇帝蟹棒及日本蕃薯。炸物 - 點了米紙海鮮卷，芝麻雞翼全部都是現炸的，夠新鮮。燒物 - 芝士蟹粉帆立貝，燒菠蘿，燒香草羊𩣑(不羶而且肉夠嫩)串燒 - 鹽燒海蝦(夠大隻而肉質夠實)，汁燒雞肉串(燒汁味夠惹味而肉夠嫩)，黑松露玉子，鮮冬菇甜品 - hagaz-das 及movenpick雪糕😍總括而言，價錢與質量成正比，不錯不錯。

每日到午市呢到都好full，但因為位多地方大，所以好少話要等嚟食過幾次，埋單60至70，樣樣都唔錯。午市定食，包前菜沙律，麵豉湯，有小甜品，而且飲品任裝，主菜仲要正常中上，雖然肥牛飯壽司烏冬呢啲都好難整得差。不過呢到有樣野都幾出類拔萃，我推薦呢到個三文魚魚鮫便當，又大又多，用鹽燒原汁原味咁呈現番條魚嘅鮮味，而且呢個部位有好多軟組織，食落口感好多變個便當仲要有春卷同一啲漬物，真心多總而言之，一定食得飽，一定唔會失望。

日式放題有雪糕吃是家常事，一般都Mövenpic 雪糕只可以吃一杯，或任食Häagen-Dazs，不會2者兼備。但可以把Mövenpick和Häagen-Dazs雪糕任食，就只有在日悅極尚日式放題。同屬於德興火鍋集團的日悅極尚日式放題，以2.5小時供應放題，除了在落單紙的美食，還有自助吧，當中包括了日式小食、冷盤、熱食、沙律、海鮮、中湯、日湯、甜點都應有盡有，合適一家人、朋友或同事聚餐的好地方。******************************日悅極尚日式放題位置，位於德興火鍋店隔壁，可以從商場電梯而到，或是從德興火鍋店而來到。晚巿放題共2.5小時，由HKD218-HKD298/人，都要看時段，很多放題一段都只包2小時，價錢也接近HKD300/人，所以這裏收費也不錯。日悅極尚日式放題預備了一個空間，可以讓小朋友前來玩樂，這樣家長可以吃飽之餘，還可以讓小朋友在這裏玩樂一返，是一個不錯的安排。日悅極尚日式放題 地方也很大，座位非常之充足。這裏就是落單後安排美食出來的位置，包括了刺身，都是從這裏而出。自助吧，放滿了不少小食甜點，以供食客前來選取。日悅極尚日式放題也供應些飲品是室溫的

日。悅極尚日式放題-高水準日式放題粉紅底色配上得意魚圖案的招牌，內裡環境非常光猛寬敞，牆身盡是日式的圖形、和式的裝飾，加上酒店式的擺盤，像自助餐的感覺，另外還有供小朋友玩樂的區域，相當貼心。刺身類新鮮刺身有三文魚、油甘魚、劍魚腩、甜蝦、八爪魚、帶子和象拔蚌。壽司類壽司款式多，小小的一件，可以點更多款式。有火炙芝士蟹棒壽司、火炙鰻魚壽司、火炙三文魚壽司；軍艦有海膽軍艦、香蔥吞拿魚碎軍艦、芥辣八爪魚軍艦；特色壽司有三文魚子花之戀和黑松露油甘魚。炸物燒物炸物有芝士年糕、吉列蠔、天婦羅蝦、炸蟹棒、炸秋葵和炸南瓜；燒物有照燒雞串、燒牛舌、燒牛肉粒、燒海蝦。熟食類有壽喜燒牛肉鍋、芝士燒元貝、鯖魚定食、和牛薄燒等。飲品類有各式各樣的飲料放在四個大雪櫃中，另外還有新鮮即倒的冰凍啤酒。雪糕類兩大最受歡迎的名牌雪糕，分別是movenpick 和Haagen dezs。最後還有限定食物，就是脆卜卜的燒乳豬。

這是第二次來日悦，真心覺得好味抵食。 這裏除了壽司、手卷、炸物及燒物等可以點選外，還有甜品、雪糕及飲品區，種類繁多，非常好味又抵食。 油甘魚壽司、火炙三文魚腩壽司和火炙香蒜牛肋肉壽司， 各款壽司材料都很新鮮，珍珠米粒粒分明，軟熟香甜。燒香草羊鞍，羊脂香韻在口中蕩漾。燒菠蘿很香甜。鹽燒雞中翼、香味樸鼻，雞翼肉質白滑。鹽燒海中蝦，蝦肉鮮甜爽彈。 沙追天婦羅香口不油膩，送酒之選。秋葵天婦羅、日本番薯天婦羅軟糯香甜、番薯味濃。南瓜天婦羅，香爽有南瓜香。芝麻雞翼， 是雞翼控必點的吧！ 吉列炸蠔細細隻，但蠔味重。米子海鮮卷、芝士年糕、脆骨棒餃子及脆皮貓山王，幾款都很好吃，尤其是脆皮貓山王，番點了兩次。和牛薄燒，牛味濃厚，沒有筋。櫻花蝦炒鮮菌椰菜，材料新鮮，夠鑊氣。現場的梅酒、Movenpick和 Haagen dazs雪糕，可任意取食，十分大方。

今天與家人相約吃日式放題，來到了日悅極尚日式放題吃。我們差7點半來到，已經坐滿了大部分位。我們先點了刺身，包括三文魚、油甘魚、甜蝦、劍魚腩、北海道帶子。刺身十分新鮮，甜蝦十分爽口，三文魚腩也很肥美。我們又點了火炙三文魚壽司，燒得十分香，三文魚也很肥美。我們又點了海膽壽司。海膽壽司的海膽十分足料，而且十分足料，我和朋友也忍不住搶着吃呢。我們再點了一品料理，有和牛薄燒和清酒煮蜆。其中和牛薄燒燒得很香口，清酒煮蜆十分大隻。我又點了一份壽喜燒。壽喜燒的肥牛和菜吸收了湯底的香味，十分美味。串燒方面，我們點了鹽燒牛舌。鹽燒牛舌燒得很爽口，調味也調得很好。炸物方面，我們點了脆皮貓山皇。脆皮貓山王十分流心，榴槤味很香濃。炸蝦天婦羅炸得內脆外軟。雪糕方面，這裡有movenpick雪糕和haagen dazs雪糕。真的十分驚喜！這間餐廳上食物速度十分快，而且食物種類很多，質素也很好。下次會繼續來！

我好喜歡食放題,所以今次朋友帶我去佢食開的放題比我試下,果然食過之後令我深深愛上!!放題位於尖東地鐵站旁,由地鐵行去只需3分鐘,非常方便!餐廳非常大,左右兩邊都係餐枱,空間廣闊,唔會人迫人!中間位置放滿好多前菜,小食,沙律,海鮮,甜品,水果,汽水,果汁和熱茶可以任意添食添飲!坐低立即睇點菜紙!!全部彩色印刷,又多款式選擇,有壽司,刺身,串燒,天婦羅,燒物,卷物,炸物和一品料理等!最後每樣都點左一些!!落單後立即出去攞前菜!每款都夾左少少,如果唔係怕食多d會飽,真係好想食多一轉!<壽司,卷物和軍艦> 壽司飯很黏實,用筷子輕輕夾一下都唔會散!刺身充滿光澤,肉質肥美好新鮮!軍艦上放滿芥辣八爪魚,啖啖都係肉!非常好味!<芝士蟹粉焗帆立貝> 厚厚的芝士蟹粉鋪在大大粒的帆立貝上,芝士焗到金黃色,夾起帆立貝時,拉出長長的芝士,好味到絕對不能錯過!<燒香草羊鞍> 羊鞍外層燒到有少少焦,口感不錯,食起來肉質唔會太乾太硬,肉汁豐富,食唔到羊肉的羶味,真的好好味!<芝士年糕,脆皮貓山王和芝麻雞翼> 炸物剛剛炸好,全部都係熱辣辣,食起來外脆內軟!

今日落大雨，周圍都係人。本來同朋友係尖沙咀行街，但條街又焗又熱最後搵間放題坐下食下傾下計啦！係商場行行下見到咁大個招牌，決定入去一試！無book 位都唔洗等就入得啦！就眼望落去真係好大好多位🤪🤪除左點心紙之外出面都有甜品同埋小食區，甜品種類好多，但唔算做得出色，都偏甜。但好精緻👍🏻另外有冷盤區，選擇好多質量唔錯，唔夠都快補野食👍🏻食食下有人瑤鈴鈴，同朋友都唔知咩事只係見到有班人係到排隊😂😂之後先有啲客人同我地講原來出面派乳豬！都真係幾有膠頭架！有個師傅即切即分好似好專業咁😂食落口仲係脆身👍🏻人人有份呢樣做得不錯！刺身方面種類唔算多但夠新鮮做得精👍🏻我地二個就食左一算試試。熟食方面做得比較出色，另外要講下個榴槤炸彈一定要試！又熱又香濃真係超正👍🏻至於雪糕方面，以呢個入場費黎講高質雪糕都係必須的。但每款得2隻味，試試也好。個人鐘意M字頭雪糕雲尼拿味👍🏻野飲都係應有盡有不過不失😂整體黎講價錢雖然偏高但食物同環境質素都算高質，上菜夠快服務也十分好。

成日食放題都係約旺角，今次就約埋朋友過黎尖沙咀半島中心呢度食，貪佢交通方便之餘，又有我最鐘意嘅MOVENPICK 雪糕食，而且仲要係任食TIM 呀，係任食MOVENPICK，任食MOVENPICK 呀，咁重要嘅事情當然要講3次啦呢度除左有雪櫃供應飲品之外，亦都有熱飲或者未經雪過嘅飲品，非常貼心，岩晒我呢D 正值月事期間嘅女生( 雖然我都知係唔應該食雪糕架啦，不過係MOVENPICK 喎，點忍呀)火炙壽司燒得岩岩好，唔會太燶創意壽司有創意得黎都算健康，就好似呢個牛油果軟蟹壽司咁，用牛油果中和返軟蟹嘅油膩刺身夠新鮮

Mary 提出食佢久違了嘅放題😂，都係嘅對上個幾次食都冇預佢🤭。佢今次話想食d特別d，心諗，放題點樣特別啊。同事介紹左係尖東有一間環境幾好嘅放題，🧐有別於普遍嘅日本放題裝修，佢呢到好大，所以坐得都幾舒服，出面有一個好大嘅地方，放左好多自助嘅食物，⭐️例如沙拉🥗、冷盤、湯、梅酒、清酒🍶、啤酒等⋯⋯⭐️另外佢提供嘅自助飲品同雪糕都係高質系列！好少放題會提供咁多款港產飲品，另外，雪糕🍦就更加正，⭐️movenpick / Häagen Dazs!! 😍味道都有好幾隻大眾款俾人揀。食物質素都唔錯！👍🏼⭐️刺身⭐️壽司⭐️炸物⭐️熱食我地平日食，平均$300 左右，價錢都ok! 佢有好多大房，plan 緊點樣提出下team building 係到食先😂😝

同班朋友約了去尖東一間叫日悅極尚日式放題, 入到去, 給人的感覺完全唔似是食放題, 好似食自助餐, 因為我食過好多放題, 通常食放題的食肆座位比較窄, 而這間, 食肆有超大的空間, 座位又非常闊落, 樓頂空間又高, 環境超舒服. 食物選擇非常多任你食, 仲有清酒, 梅酒, 花茶任飲, 不但止座得舒服, 連他們放甜品酒水的area都非常寬敞,幾個人企埋一堆攞嘢食都唔會覺得擁擠, 仲有名貴的Movenpick and Hagendaz 雪糕任食, 真的似食自助餐. 而我最鍾意的是這間竟然有傳統糖水食, 仲係非常非常好味添, 有紅棗桂圓杞子茶, 這茶煲得好溶, 好出味, 真的要讚! 仲有海帶陳皮綠豆沙, 我食得超飽之余我都食咗兩碗這綠豆沙, 因為我真的覺得這綠豆沙超好食, 綠豆已煲到起沙, 又粉又溶, 好耐都無食過咁好食的綠豆沙了, 正! 放題的食物, 無論魚生, 壽司或炸物, 都非常新鮮, 而且落咗order後會好快上俾你, 羊架, 牛肉任叫任食, 燒牛脷好食, 燒海蝦都好食, 呢餐我真的食得好滿足, 食過好多地方的放題, 我真的要講這間是我食過的最好的一間!

二個人「撐枱腳」二人世界，去哪好？一想就想到自助餐？放題？任食？今日適逢星期日，大家都放假，一於去食放題，自我享受一番。結果我們就揀選了尖東西鐵一出，行數分鐘就到的日。悅極尚日式放題。一入餐廳門口，感覺餐廳很大，空間感令人覺得舒適高尚。職員帶我們坐下後，我們便分頭行事，他努力填寫餐紙要食的東西，至於我就出去取喜歡想食的食物。我一出去，最近我的就是甜品區，各式各樣的甜品在眼前，確實吸引。例如有紅豆砵仔糕，果凍，芒果布甸，和菓子，棷汁馬豆糕，迷你木糠布甸，桂花糕，豆腐花，棉花糖，還有我最愛吃的雪糕 movenpick，當然亦有時令水果(西瓜，波羅等)。我想補充一句：西瓜好甜，超甜，我食完一碟又一碟。再行出一點，就見到冷盤，例如海蝦，螺，青口這些常見的食物。凍食的東西何止那麼小，還有海蜇，墨魚仔，八爪魚，螺肉，韓風雲耳，杏片南瓜，八爪魚漬，泰式鳳爪，韓式大荳芽等等......... 隨後，我見到的就是前菜，有沙律菜，青瓜，粟米，酸青瓜，胡麻豆腐，糖心蛋，車厘茄，腰果，花生等等........ 只要加一少許橄欖油，又或者沙律醬就變成美品健康又低卡的食物。所以前菜這區，我每款都夾了一少許，自製一