影片
港铁旺角站 C3 出口, 步行约2分钟
继续阅读
付款方式
以上资料只供参考，请与餐厅确认详情
行完朗豪諗住去sukiya食個shabushabu，但係超長人龍，結果去左隔離哩間上樓麻辣火鍋🤣有二人餐唔洗諗，蕃茄湯甜甜地，麻辣湯超濃厚🌶️香麻辛辣，仲越煲越濃香!三文魚刺身厚切肥美。蟶子皇大隻唔在講，彈牙肉厚，淥30秒食得夠哂鮮味。水餃王餡料飽滿，有肉有蝦仲有幾中意佢木耳絲咬落口感爽脆，雲吞皮吸左d辣湯好似入左味咁好香👍🏻火鍋必食雪花肥牛，又唔算好肥，肉有彈性有牛香😋最後食埋個菜盤滿足了，用茄湯個邊食fresh d🥬整體好唔錯，環境都幾好d位好闊落，可以一試✅
继续阅读
喺朗豪坊睇完戲，想喺附近食個晚餐，搵到呢一間新開嘅火鍋店就試吓。位於朗豪坊附近美聯金融大廈2樓，有電梯🛗方便行動不便人士👍🏻餐廳座位寬敞，有卡位，抽氣系統明顯落重本，環境舒服套餐有三款因為唔係太肚餓，所以我哋揀咗普通餐 $580紅油加蕃茄湯底湯底非常濃郁，紅油湯底充滿好多辣椒😜愛吃辣的人唔好錯過。而蕃茄湯底都唔錯，粟米🌽同蕃茄份量十足細雪花肥牛雪花分布平均，唔會太肥太瘦👍🏻牛肉味香濃當日聖子賣晒，所以轉左蠔比我哋蠔🦪一上枱，覺得非常驚訝，蠔非常大隻，每隻都脹卜卜，好新鮮，一啲腥味都無，讚👍🏻!!水餃🥟足料，皮薄餡靚，內有木耳，口感好好👍🏻三文魚刺身每塊都非常肥美🤪，件件厚切。菜
继续阅读
與朋友來到旺角打邊爐，見到呢間舖頭個名好得意，所以就決定一試。舖頭裝修好靚，好有古色古香嘅味道，夜晚有時仲會有表演。我哋叫咗花膠湯底，花膠用料好足，好多花膠喺入面，味道都好甜。另外我哋仲叫咗三文魚魚生，魚生好新鮮，三文魚好肥美，入口即溶。我哋仲叫咗豬肉，肉質都好新鮮好靚，食得出用料上成。三文魚不只擺盤靚，肉質上盛。我哋仲有叫咗餃子，餃子都好新鮮大牙，又多汁。呢個花膠湯底，養顏止渴，睇得出係用心製作。而且花膠都好大。海鮮我哋就叫咗聖子，聖子肉質新鮮，好適合用嚟打邊爐，入口都係即溶，同埋好爽口彈牙。呢餐打邊爐我哋非常滿意，值得推介。餐廳落足成本用心製作。如果鍾意打邊爐嘅朋友仔，值得推介。
继续阅读
位於旺角朗豪坊對面的亞皆老街33號美聯金融大廈2樓，環境衛生乾淨，坐位闊，唔洗同人迫，又唔洗迫我聽到格離台講嘢，有私隱！9格醬，有炸蒜，辣椒粉，沙茶醬，豆瓣醬，芫荽，蔥，蒜蓉，辣椒仔。自己配搭，鐘意辣又得唔辣又得！👍🏻👍🏻👍🏻紅油＋蕃茄湯底湯底揀咗鴛鴦，紅油非常香濃，落足料，好多好多辣椒係面加上少少大蔥，非常惹味！如果食得辣嘅朋友一定要試，由其是食生菜，辣得好過癮！另一方面就係蕃茄粟米湯底，因為有小朋友食唔到辣，所以叫返個唔辣，都好多蕃茄味👍🏻生蠔好大隻，隻隻都有我手掌咁大，好肥美！細雪花牛肉肉質彈牙，肉味濃郁水餃王大大粒，好足料三文魚刺身肥美，新鮮生菜多新鮮，配上辣湯底，正！
继续阅读
朋友帶路打邊爐，如果好似我咁唔鐘意去深圳玩，呢間應該都似大陸個種火鍋。兩個人揀左個普通套餐（佢真係叫普通套餐），湯底要左麻辣拼蕃茄。麻辣個樣好有架勢，但辣度大約小辣，用黎淥牛肉都唔會蓋曬肉味。🍣三文魚刺身有五大片，夠曬肥美，係有驚喜嘅🥩雪花牛肉雖然寫細，但份量都有10幾片。油脂適中，灼完頗有口感。🦐蟶子王洗得夠乾淨，又夠新鮮，鮮甜度就一般，可能蕃茄湯太濃味。🥟水餃王餡料足，木耳爽口，煮耐左都唔會甩皮。另外仲有兜生菜，兩個人食都夠飽 。幾特別係有個live stage，不過當日就無歌手，如果有人唱下歌成個感覺應該又再chill啲。
继续阅读