日日鮮豆漿

营业中

休息中

未搬落o黎美孚之前每次行開都會買一枝回家依家o向美孚住... 方便好多了~依度o的豆漿好有豆味!!飲得出係真材實料~而且o的豆漿又夠滑十足o的豆腐花咁~最緊要唔係得個甜字~就算你怕甜, 叫少甜都可以另外仲有黑豆漿~試過之後, 都係覺得黃豆漿好飲o的~而且, 大家千萬記得唔好買凍的!!為o左品嚐豆香同滑o既感覺... 請買暖的...咁先飲到最好味o既豆漿!!返到屋企飲唔晒先雪凍第二朝飲ba!!

成日見同在美孚住的隔離公司職員, 有時"地下鐵碰著她" 手中一定有支暖立立豆漿.上星期幫襯了, 豆漿. 無論黑豆, 黃豆一樣好滑. 有糖的, 亦不是太甜, 好啱健康少糖人口味.本來想試埋豆腐花, 舊果桶剛剛賣哂, 阿姐拿出新的一桶, 撈了幾撈, 阿姐話除非你鐘意碎豆花, 否則呢個唔賣. 計錯了時間, 失手....之後都同排隊幾個客講同一番話.人龍退下, 睇住阿姐攞走個桶, 失敗作, 唔賣!!!

已經第三次幫襯了, 每次路過都有買的匆動，全因這裡的豆花實在太滑太濃了! 凍豆花: 除了無糖和原味黃糖水以外, 還有薑味和桂花味選擇。一般來說凍豆花總不及熱吃的那麼幼滑和香膿，但這裡凍的也是超級香滑，質感是很細密的, 絕不會被“扁”得碎濕濕, 莫講話出水~真的連很多老字號也做不到這風味呢。而且$6非常抵吃....喜歡豆花的一定要找機會試試...

小表弟來我家玩，帶多數盒豆花。我挑了薑汁味道。薑汁的香味，在熱食比凍食時更「出」。這店的豆味比別家更香、更滑、更濃、更稠（「杰」）。以此「極濃」質素，五蚊一盒真係好抵。

曾經同朋友試過一次, 又無咁差喎,飲到豆漿有豆味,雖然唔係話十分美味,但係一定過得去同飲得落口,而唔係難飲到飲唔到…其實我覺得都ok.

豆漿淡而無味, 飲了兩啖已經唔想再飲,豆腐花硬過豆腐, 一舊舊咁, 連我工人都覺得難食, 一定唔會再幫襯!

咖啡豆漿是新出品，今天路過買了一支。七蚊一支，約三百毫升，體積較白豆漿少，相對亦較貴！味道可以用「印象模糊」來形容，無論豆漿味抑或咖啡味都欠奉。味道差勁，飲兩啖巳經唔想飲，相當唔掂！。=======================另：買七蚊野，比張十蚊紙。店員夠膽找番六個五毫子比我。我定眼望住那六個零錢碎錢，一秒後，店員醒水地收下那些碎錢，給我一個一蚊和一個兩蚊。腦中浮現劉德華那句：「…用服務同誠懇的態度…」

豆腐花($5)確實十分十分滑，而配上的桂花味糖水不太甜，而且真的有些桂花味，正!至於豆漿($5/柸;$7/支)，亦不太甜，濃度適中。

為了拼合我那份「油條、餈飯、豆漿」早點，故跑到這兒買了一支白豆漿（$7）。挑了支「白色、無糖、暖」豆漿，回家以微波翻熱。豆香四溢，連睡房裡的老媽都「聞」到那濃郁的豆香。質地較別家的濃稠，俗語所謂的「杰身」。跟家母同聲讚嘆：「好味！」**************************************吃完四小時之後，集體出現噁心頭痛症狀，再過兩小時後，嘔吐兩遍，遂訪家庭醫生，打針服藥，盛惠三百塊。**************************************

區內罕有的豆漿外賣店，只賣豆漿和豆腐花，仍然相當受歡迎。每次來這兒購買，都一定至少有一兩名顧客在等待購物，有些「應接不暇」。豆漿分黑（$9 / 500cc 支裝）和白（$7 / 500cc 支裝），有冷和熱，有加糖和不加糖。亦有300cc 杯裝以無糖熱白色豆漿最香濃，飲唔慣的人會覺得「澀」。另外，豆腐花（$5）分薑汁、桂花、原味三款。每碗約一飯碗的份量，個人最喜歡熱薑汁口味。豆味香濃、質地超級滑，跟中環「利記士多」和深水埗「公和」老舖不相佰仲！好好味道！