日漁

营业中

休息中

呢碗豬軟骨鰹魚湯拉麵係非常吸引嘅組合。湯底濃郁鮮甜,軟骨爽滑彈牙,加埋鰹魚嘅鮮味,令拉麵湯頭變得層次豐富。芝士玉子燒口感綿密濃郁,配合麵條十分和諧。炸芋頭丸子外脆內軟,色香味俱佳。三款菜式融合得天衣無縫,為人帶來完美嘅用餐體驗。呢間店舖用心料理,為食客帶嚟極致嘅滿足感。好taste,值得一試!

第一次去Top food court見 lunch hour 都有位, 感覺已經奇怪, 因為店舖唔多, 所以選擇食日漁,見佢價錢都 OK, order 咗一個蒲燒鰻魚飯, 雖然係成條上,但肉身偏硬和有魚腥味口感好差 , 一分錢一分貨, 真係唔好貪平在旺市中都咁易搵位一定有原因的

我相信比張相大家睇就明，呢個係呑拿魚刺身，望落似display，定係小朋友玩具? 啲色同texture已經好假，未食已經心知不妙第一啖緊係食最安全嘅食，每粒飯都比意大利飯硬，似未煮熟嘅米，好，next個呑拿魚蓉算係正正常常，少少呑拿魚味，食落似袋裝唧烏冬嘅口感黎到塊呑拿魚。。。咬落去以為食緊啫喱，但又比啫喱硬身少少，煙韌過啫喱，但肯定唔係魚。。。如果你話呢個係素食，特登嘅，可能我會安心啲，但點睇都似假魚所以我每樣食左一啖就原封不動放翻喺到，好似50幾蚊，伏到永遠唔會再食，完

𝟸𝟶𝟸𝟷 𝙹𝚞𝚕𝕐𝕆ℍ𝕆 𝕗𝕠𝕠𝕕𝕔𝕠𝕦𝕣𝕥 開左一段時間一直未試過今日等哥哥上堂, 又係媽媽 metime , 食下野 抖下好時機「𝑩𝒆𝒕𝒕𝒆𝒓 𝒇𝒐𝒐𝒅, 𝑩𝒆𝒕𝒕𝒆𝒓 𝒎𝒐𝒐𝒅」𝒘𝒆 𝒔𝒂𝒊𝒅~一個人食得唔多、幾件壽司🍣啱啱好呢個餐都唔少野架有前菜～有8件唔同款壽司仲有2粒八爪魚🐙丸刺身都好新鮮 食完覺得唔錯、 再買多個魚生飯返去今晚食tim呢個court出面仲有個細細公園下次帶埋小朋友黎～ 啱晒 日漁地址: 元朗元龍街9號形點1期2樓2048號舖

今日喺yoho mall行完街之後，到到都好多人食嘢，咁我哋就去咗呢個food court度食啦，因為可以個個朋友揀返自己想食嘅菜式。比較方便，因為呢度多國菜都有得選擇。咁我哋其中一間就食咗韓國嘢，炑八，叫咗個人蔘雞湯，好大件雞，入面有啲飯。另外就會配紫菜飯嘅，另外仲有一個係用鐵板上嘅豚肉飯，啲豚肉都好多，入邊嘅芝士味都好濃，好香，味道好正！而且價錢都係幾十蚊人頭，性價比都好高。坐位都幾好坐，有sofa位。

真係估唔到food court都會有日本嘢食，仲有咁多魚生選擇添！唔使點排隊，出餐速度好快😊價錢好親民，夠大眾化，係學生嘅首選！😊😊😊😊辣味海鮮刺身丼頭先當份量夠一人食，材料包括有三文魚、呑拿魚，佢個醬料底味道似麻醬，味道可以接受，有新鮮感。蝦將軍主要係食甜蝦🦐，蝦嘅份量非常之多，感覺不錯，不過可能夜晚食嘅關係，唔算十分新鮮，下次再早啲再試下先😊總括而言，以日式快餐來講都可以選擇😌😌

新開嘅food court見有間平民價錢嘅日本嘢 當然要試吓定食、丼飯、刺身etc 款式大路 同埋選擇都幾多雜錦刺身丼 $62依個刺身飯好有驚喜刺身鋪滿晒成個面份量多過啲飯 食到最後得返刺身三文魚、吞拿魚、玉子 等等 而最驚艷係個醬類似係辣味蛋黃醬 每舊刺身都有醬包住食落辣辣哋 再配埋啲飯食 好夾仲要係$62 抵食日漁壽司定食(8件) $70定食配埋章魚燒同前菜無論係份量定質素 都唔錯嘅8件壽司 質素都中規中矩啦絕對對得住價錢~

佢哋嘅三文魚飯係配麻醬呢個搭配冇理由唔好食呀，而且送飯一流👍一囗一啖，唔單止有飯㗎❕仲有唔同款嘅壽司，驚唔夠飽嘅朋友仔仲有拉麵可以揀添呀😋呢個價錢食到真心吾錯😍

飯煮得算好，米粒算分明，唔會比濕漿糊飯你。但用料全部都及唔上人，米同魚肉都係，壽司飯啲醋尤其不討喜。啲芥辣係中國製，豉油恐怕都係。下次都係去番大集團好過，起碼人地啲蔥都新鮮啲，但價錢又相約。

-日漁壽司定食($70)🍣同人share最方便就係叫壽司😌，一人一舊夠晒方便同公平💁‍♀️。壽司定食總共有有8件壽司😙，可能我平時食黎食去都係個幾種😅，我細佬問我呢道有邊幾款我真分唔到😥。eee三文魚吞拿魚個d囉😂。顏色望落去都幾鮮艷😚，我食個幾舊味道都幾新鮮🤓。-雜錦刺身丼($62)🍱好耐冇食過魚生飯啦🤤，跟住興奮得滯倒豉油個陣重手左😅，不過都冇乜影響嘅係鹹咗少少姐😎。魚生份量都唔少😙，完全唔使慳住食😉。角切到大大粒口感十足😋，加埋帶有辣味的沙律醬，滿足得黎同時又减少咗啲油膩感😚。面頭仲有d蟹籽同紫菜碎😎，撈埋一齊食更加有口感👍🏻。大家會係一啖一啖咁食定係好似我咁一黎就瘋狂撈勻晒佢呢？🤣-檸檬茶x2仲以為係VLT添🤪。

平時同屋企人食飯呢個話想食日本菜，一個想食韓國菜，另外一個又想食台灣菜，今次終於解決到方法啦！咁啱元朗Yoho原來有有個food Court 有唔同國家嘅菜式小店可選擇，我同媽咪就揀咗食日本菜！呢間日本菜選擇都幾多，除咗壽司，刺身，仲有魚生丼！壽司配搭都已經至少有五至六種！而且星期六日都有套餐，感覺上都幾抵我選擇咗雜錦魚生丼，套餐可以揀嘢飲，我揀咗可口可樂！雜錦魚生丼裏邊有三文魚、吞拿魚仲有蟹籽，魚生大舊，完全覆蓋壽司飯！魚生都幾新鮮，魚生上面仲有沙律醬，撈埋一齊食更加好味！雜錦壽司拼盤 一共有七件有甜蝦、吞拿魚、鰻魚、煙三文魚等等壽司🍣，賣相都幾吸引，味道又唔錯喎！好抵！配埋章魚小丸子裏面嘅章魚好大粒，兩粒真係唔夠食下次要嗌一份！

記得以前食food court 都是隨隨便便的一餐，為醫肚。不得不讚如今進步了很多，在Yoho Mall的Foodeli 美食多，竟然還有高質丼飯日漁，刺身非常新鮮，足料又控食。.三文魚定食賣相吸引，刺身塊塊厚切，肥美新鮮，加上蟹籽更有口感。定食套餐餐有前菜（中華沙律）及燒小丸子，非常豐富。.雜錦海鮮丼有多款刺身，五顏六色很豐富，一次過滿足好幾個願望。.Food court座位多，坐得舒服。

這次去了元朗YOHO吃東西，去了一家日式小店，店舖位於食肆樓層。小店主要售賣丼飯和壽司為主。大部分是套餐，跟餐有飲品附送。-💥辣味海鮮丼 HKD$62，這個是雜錦刺身丼，裡面有有多款不同的魚生。用了微辣的沙律醬撈勻魚生，面頭再錦了蟹籽和紫菜絲，令到賣相更吸引🤩。這個既開胃又惹味，而且是切粒版本，所以吃起上來口感更豐富。-💥日漁海鮮定食 HKD$70，這個一份有8件壽司，跟餐小吃有中華沙律及章魚燒。壽司包括有三文魚/八爪魚/赤貝/北寄貝/吞拿魚/油甘魚/吞拿魚/甜蝦。魚生顏色新鮮，味道鮮甜，加配醬油更鮮味🤤。-食物質素不錯，價錢一般。

一向都好鍾意食日本嘢，去食刺身就啱晒喇，另多種款式嘅壽司又喺我嘅favourite。去咗元朗形點1期嘅《日漁》點咗日漁壽司定食、海鮮刺身丼。🍣日漁壽司定食有好多款壽司: 北寄貝壽司、八爪魚壽司、日式蛋壽司、煙三文魚壽司、、熟蝦壽司，好新鮮同美味! 仲有牛肉烏冬同埋八爪魚丸、日式海藻，好豐富!🍱海鮮刺身丼好足料、材料好新鮮，三文魚刺身、吞拿魚刺身、魽魚刺身，欣賞丼飯嘅壽司飯嘅醋飯好開胃，配料有紫菜同魚子，提升味道層次，大滿足😋 日漁@Yoho Mall元朗形點1期2樓

鍾意食日本嘢嘅人可以食呢間雜錦刺身丼 $62粒粒魚生好新鮮好足料辣味沙律醬比勁多 撈飯食好滿足成碗食晒都覺得唔算太膩都會辣辣地 但好滋味!!!!!!!!!!!!!!!!!日漁壽司定食 ($70)壽司有八件 賣相唔錯!!!!!!!!!!!!!!魚生幾新鮮 飯有少少硬左D跟餐有兩粒章魚小丸子 好好食!!一個人食得晒 我食完都唔係好飽~比多小丸子我就好啦哈哈哈哈哈哈!!!兩個餐都係跟紙包飲品/汽水~!!!!!!