日牛涮涮鍋專門店 (已結業)

最中意打邊爐，最近因為疫情原因，少左一大班朋友去打邊爐，反而會偏向選擇返比較衛生少少既一人火鍋。日牛都唔洗點介紹喇，都係日式一人一鍋，湯底都係始終覺得壽喜鍋最好食，又唔洗額外沾豉油。款式方面，選擇都夠，重點係有提供乳酪雪糕，每次都要食返2 3杯先走人

最近疫情影響，好多餐廳都做緊優惠，咁當然要同老婆出去食下野啦，幫助係呀香港經濟啦，咁我哋去咗荃灣行街，經過間日牛火鍋，見到二人同行，一人半價優惠，咁我見未試過，就同老婆去試吓，咁我哋叫咗個最平嘅牛試下，餐廳係一人一鍋，我比較鍾意，因為鍾意想食乜就食乜，咁佢除咗牛任食之外仲有豬及雞，牛肉方面都唔錯以最平嘅價錢抵下，有某些火鍋店唔會比好肥嘅肥牛你，依間都正常唔錯，出邊都係任食區，食物種類都正常，冇乜特別飲品方面我覺得就少咗啲，仲有其實有個啤酒放題加多幾十蚊就可，當日我見都有好多客人加咗飲啤酒放題，其實都幾抵食，最後兩個人埋單都係$200左右，咁嘅價錢都可以，值得推介

轉眼間，疫情已過半年有多，每當一盒口罩😷用到最後那隻時，感覺很無奈看著食店飯聚令收緊、放寛、再收緊，晚間只能外賣，真是艱辛⋯⋯今天愛人放假，筆者作home office, 午飯鬆一鬆，來個輕鬆放題一下，香港人無論如何都要吃飯吖！其實筆者一向少吃放題，因為怕吃得太飽，但午市比晚市來說，多點時間消化，更何況現在沒有晚市堂食，所以更加要支持一下食店。自選任食火鍋放題，成人價錢由$108-$208，視乎牛的質素，今次我們選了特選放題$128, 食店做優惠，二人同行，一人半價。湯底選擇包括:胡椒和牛、泡菜豬骨、骨膠原雞湯、番茄小魚、昆布清湯及壽喜燒(附雞蛋一隻), 所以湯底都算選擇多。愛人選擇骨膠原雞湯，而筆者選擇了昆布清湯，一人一鍋，感覺舒服自在。自助區放題:沙律、瓜菜類都也有不少選擇供應，唯獨是切得比較大塊，欠缺日式火鍋的神韻。醬料有基本的葱花、薑蓉、辣椒、蒜蓉、麻醬外，還有喜歡的昆布醬油、柚子胡椒汁和燒肉醬汁。飲品除汽水外，還有即磨咖啡機，可供選擇。無論雞肉、豚肉、牛肉都是合格之選，在放題類別來說，以這個價錢，年青實力派，值得考慮來過吃痛快。甜品乳酪雪糕，配上自選粒粒子，大人細路都會喜歡。

職員服務態度良好，而且座位也坐得很寬鬆，不會覺得很迫，裝修風格也不錯。而且附近也有升降機，適合坐輪椅的老人家也可以進餐廳🍴，但裏面沒有熟食選擇，而且火鍋配料也較少，例如沒有太多的丸類和腸仔，而且甜品的選擇只有雪糕🍦，種類可能不及牛刷鍋多，不過這間餐廳的好處就是可以一人一鍋，每個人的底料也可以不同。我就選擇了蕃茄小魚湯，裏面就有很重的魚味，不錯👍

價錢同牛x差不多,但我會選擇牛x原因就是看似很多嘢食,但我只夾了一次後都沒有再選過,唯有從牛肉方面入手食返夠本喇！牛肉雖然瘦但係入口好鞋,但喜歡食瘦牛嘅朋友選擇呢間係冇錯的,牛肉根一點肥都沒有另外就是添加速度實在太慢了我入座起看見沙律吧的菠蘿粟米已沒有, 見有廚務人員出嚟添加蔬菜,問他菠蘿和沙律會繼續有嗎他還說出緊嚟的,我跟他說到我入坐到現在都沒有添加,跟著人員將菠蘿及粟米取回廚房！另外就講一講醬料,不知道他們的芝麻醬是否自家製造,但是呢出面買的一定比他家自製的好食

雖然最近大家都唔太敢去打邊爐，但實在太耐無食好想食。所以同家姐選擇午餐時段食，少人啲亦安全啲。其實之前都未聽過日牛，見佢有咁多分店，就膽粗粗去試吓。佢午餐有分定量同任食雞牛豬，我叫左108既任食set，加一後大概120。我幾鍾意一人一鍋既idea><可以唔洗同人拗食咩湯底haha 我就揀左壽喜燒，佢會附送一隻日本蛋比你。肉方面，有雞牛豬，豬肉係好岩打邊爐嗰啲薄身質地，唔怕煮唔熟，亦唔un! 牛肉就比較瘦，比較少脂肪嘅，好唔好就見仁見智。材料方面，選擇唔算多，但質素唔錯，亦衛生，岩主要想黎食肉加少少配料既人。比較傷心係無餃子，丸類，但佢有啲未見過既玉子芝士蟹柳方塊等等，都幾有趣。蔬菜類都有幾多選擇！！ 飲品有汽水機自己湛，另外都有咖啡機，熱水茶包比你用。最愛就係有Frozen yogurt 食！！！有原味同士多啤梨2隻味，我鍾意吱多多原味加少少士多啤梨hehe happy!有機會會再食！