日牛涮涮鍋專門店 (已結業)

呢間一向有食開的，d嘢食係麻麻地，志在地方就腳，幾十蚊可以食餐飯就冇特別要求，今日午餐就一肚氣，企門口帶位果個女人，我同佢講兩個壽喜燒1雞1豬，佢話我冇講清楚食自助定散叫，發哂爛渣黑哂面鬧人，呢間服務一向都唔係咁好，但食咗咁多次都未試過態度咁惡劣，唔知佢係咪七月撞邪🙄

原本選食燒肉的但人太多轉食打邊爐晚餐時間人不多而且不用等就已經可以入坐火鍋bar 黎講他比較少選擇全都是疏菜類一人一鍋 5個人骨膠原雞湯壽喜燒 *2豚骨黑蒜油湯蕃茄泡菜湯肉有牛肉、牛舌、雞肉、豚肉牛肉同牛舌算係最好選擇牛的味道夠出最後必定要嘆番個雪糕吾算好甜仲要有雙色選擇😋p.s. 長者有長者卡仲會平點

用咗OpenRice 咁耐都未試過嬲到要寫個食評去講一間劣質餐廳：第一、服務差：我哋有個2歲bb（話高過90cm，我哋平時度高都冇咁高，佢哋出面把尺就度到100cm）佢收我$228一個人頭都算，我話因為個出風位係頭頂，前面有張吉檯，個前櫃唔俾我轉位，仲要串串共咁話要重新排過，如果唔係已經有啲晏，小朋友仲未食飯，我一定走佬離場。第二、衛生欠佳：地下成地水，濕漉漉，正如上面講，我哋要求換位，佢話要排過…（如圖）地下濕都算，係拎嘢食到拎個啲公筷都係濕漉漉，啲甜品碟啊，都仲係有水…. （如圖）第三、性價比極低，二個大人加一個bb，食咗$862，呢個價錢去食其他好啲嘅火鍋店都冇咁嬲，啲牛仲要一食就知係cheap牛。

今日晚上約六點半時間去到,一入座已經發現餐桌座椅非常污槽,地面亦非常痴笠笠,蕃茄湯底還算可以但黑椒湯底係非常差,用清水溝鹽開出黎咁濟,咸到要自己溝水才可以,另外自助食品既甜品櫃由入座後到走之前全程個櫃都係空既,基本上只有蔬菜可以拎,之後中途叫左補牛肉 ,足足等足20分鐘都冇店員拎過黎,最後要走去門口搵帶位經理先補到2盤,搵店員幫忙加湯亦都等足15分鐘都冇加,最後要自己去拿湯加,係一間完全沒有服務既餐廳. 牛既質素亦非常差!!!勸大家想食依間野前要三思,因為最後埋單每人平均都要成400蚊,咁既價錢食d 咁既質素既野,仲要店員態度係非常非常惡劣,難怪 個個都要返大陸消費,永遠唔會再幫襯依間野所有分店!

女朋友突然想食邊爐 原本食開寶琳嗰間 但係最近好似執左咁唯有搵間近屋企嘅 黎到mikiki 啱到門口見到個高高瘦瘦嘅侍應原本行緊過黎 但係見到我地企喺門口就掉頭走 過5分鐘先再出黎 一輪正常嘅點餐 問佢麻辣湯有冇得加辣 佢話冇 入座之後 一個女侍應黎上湯 我唔死心問多次 又話有 加完之後開始食 一開始嘅頭盆就已經俾錯餐 我地嗌極上 比兩盤嚴選俾我哋 跟住出餐極慢 嗌兩盤牛，等10分鐘都未有 見到我個煲冇湯 都係掂行掂過 叫佢加湯 我唔知係耳仔有問題定係理解能力有問題 一直keep住俾單俾客 全場好似得佢一個人咁 食完嘅枱 拖勁耐都未執

跟朋友晚上即興佢係打邊爐原本看見飞要等待十張枱但其實中間走了很多人所以等了大概20分鐘跟朋友叫了最便宜的日牛放題最後共$195/1人牛豬雞一般般 可圈可點但是用手機叫上 也挺快的但是要讚是它的甜品有朱古力布朗尼🍫迷你泡芙🍨芝士撻🧈全部也很好吃🩷👍以及原味乳酪和柚子乳酪🍧他不會味道很淡 然後很水的那一種乳酪濃度可以接受！但外面的餸不是很多大部分也是蔬菜到時蘿蔔 芽菜 娃娃菜 芝士年 糕魚餅…丸也沒有什麼選擇

比賽之後一大班同學去咗打邊爐，對於我呢啲學生嚟講都算幾抵，每個人唔使$200已經食到食唔落服務員態度非常好，成日幫我哋加水餐廳環境好闊落，坐得好舒服遲啲得閒一定會再去🥴

📍新蒲崗 日牛一人火鍋📍返工食lunch想食好啲，就嚟咗呢間日牛火鍋，主打一人火鍋，有放題，亦都有段碟計。呢次同朋友就揀咗最平嘅火鍋放題，$118/位，另收加一。最平嘅呢個套餐，可以叫雞腿肉，肥牛片，同埋豬肉片，肉類都係任叫🤤🤤。湯底就有幾款湯底可以揀，我就試咗黑蒜豚肉湯底。除咗肉類，仲有自助任拎吧枱。主要都係一啲蔬菜類、丸、同埋一啲澱粉質，所以基本上一定會食得飽。仲有飲品任飲，同埋乳酪雪糕任食！最後埋單，每人$130左右，呢個價錢可以食到一人火鍋放題，食物質素唔差，都幾抵，推薦。👍🏻👍🏻👍🏻

開完會諗住食下野啦但係早上到依家都未食正餐真係有d餓商議後就諗住去食下飽肚D既野跟住朋友介紹左呢間日牛任食下午火鍋，先講講裝修舒適唔逼夾！好有日本風格，包括全落地玻璃！！又可以影相打卡又可以有自然光，寧捨精神！！今次4個朋友選擇壽喜燒既肉鍋，十分好食！再加上有好多湯底比大家選擇，有芫茜皮蛋，蕃茄湯，養身雞湯，仲有麻辛辣，鐘意食辣既人都可以一試！入面行出面拎既配料都係任食，有烏冬，蕎麥麵，年糕，仲有好多類蔬菜同小菜，仲要有甜品乳酪雪糕！真係正呀完全估唔到打邊爐任食之如,仲有甜品食好有驚喜，飲品都係任飲！！快D食啦！！地點係新蒲崗日牛火鍋專門店！！

新蒲崗依間牛涮鍋放題開左好多年，一直都好少幫襯，今日下午心血來潮想打邊爐就諗起佢。佢有分單碟同放題，兩者都可以任食出面嘅配菜同埋飲品甜品。我就揀左最平放題餐$118，因為單碟最平都要$88差三十蚊就試試佢。配菜一眼睇哂，以素菜菇菌同肉丸腸仔為主，都係啲普通急凍貨色，唔會有太大期望。最平嘅餐配嘅肥牛只有澳洲牛，唔好煮太耐30秒夠，太耐好鞋口。$118 可以接受。個鍋都係細鍋為主，幾片牛幾條腸已經打爆左。菜係新鮮嘅。甜品除左有機濟雪糕外就係依個櫃，一眼睇哂。本人冇試。個人食完覺得食物同價錢係成正比，價錢都唔算貴。但服務質素認真麻麻，冇人執枱收碟之餘，上菜速度都好慢。

未到11:30am，已有幾個人排隊，看看餐牌，有不同選擇，我們幾個人，每人要了不同的午市套餐。.👇餐牌.📌會員免加一📌假期每人+$10.👇店內環境，我們是頭幾個客，所以未有太多客人.👇除了主要的肉食外，其他是食客出去自助，有菜、蕃茄、白蘿蔔、蓮藕、粟米、南瓜、年糕、芝士年糕、香芋年糕、蝦丸等。.👇自助調味醬汁架，有豉油、蒜、葱、蔴醬等.👇牛肉.👇牛舌.👇我每樣食物都拿了一點點來試，好多選擇。.甜品也是自助，有雪糕等，我好喜歡以下的芝士蛋糕和布朗尼brownie (類似朱古力蛋糕).🎈總結抵食、選擇多、服務好、補給快、乾淨衞生👍

日牛唰唰鍋專門店喺佢裝修之後今次第一次嚟。午市優惠，四人同行，一人免費，好抵食。今次我哋四個都叫嚴選牛肉套餐，晏晝食唔落放題。一坐低，就去攞醬料，同埋蔬菜，配菜，仲有飲品。呢度有好多蔬菜選擇，我哋攞咗啲丸類，蘿蔔，粟米，京蔥，用嚟煲下湯。仲撳咗一杯即磨咖啡。牛肉都好快到，一人一份，睇落牛肉質素唔錯，唔太肥亦都唔太瘦，作為一個午餐火鍋係完全冇投訴。******************************👍🏻好食 | 👌🏻可以 | 😔 難食評分 : 6.5/10簡評 : 食菜食到好滿足

今日下午4:50去到，係門口企左大約10分鐘因為門口電話響所以先有個男侍應行出黎，男侍應聽完電話就問我幾多位，現在係晚市收費，因為媽咪同女兒都想食，所以就入去，入座後去取食物，看到自助區所有食物都係得一半，又或者得返幾件，見到都唔係太想食，只係攞左金菇蕃茄同豆腐，媽咪話想食年糕，咁我就出去攞，點知得十件八件仲要發霉🤢🤢，同個女侍應講她都有禮貌地講唔好意思我去換個盆出黎👍，但都等左大約20分鐘，6:00就見到女侍應開始添加食物。5:00就開始晚市收費，為何會6:00先添加食物？埋單等人又等左大約10分鐘先有人，全程係無侍應執野，想揾人加湯都無。

由於政府終於開返晚市堂食 所以第一時間同男朋友過嚟打邊爐我哋嘅入座時間係八點半當時要等一陣侍應先安排我哋入座餐廳環境比較昏暗，偏向柔和光線我哋被安排坐咗喺窗邊位置 可以望到窗外馬路嘅景色，好正呀我地 揀咗＄178一人嘅特選放題套餐90分鐘任食豬牛雞肉，好抵呀啲肉好新鮮好大片，而且又夠薄 淥一陣就食得，淥耐左嘅話肉質又唔會太韌而且啲雞肉真係好好味 ，我掛住食啲牛肉 忽略咗啲雞肉，原來已經放咗落爐度好耐夾返上嚟發覺啲雞肉都仲係好嫩滑彈牙我同男朋友分別嗌咗唔同嘅湯底我嘅係骨膠原湯底，佢嘅係壽喜燒我哋亦都夾咗勁多蔬菜， 有南瓜 生菜，粟米，金針菇，芝士腸等等食完d牛肉豬肉唔使驚唔夠飽， 有一大堆蔬菜 絕對夠食，而且又健康最後梗係食番個乳酪雪糕先啦夠曬完美呀，好好味囉，酸酸地咁 我勁鍾意食乳酪，嗰陣 乳酪味真係一試難忘最重要係任唧，食完唔夠唧多幾杯都得

#一人一鍋 #任食火鍋 #78蚊抵食 #適合兒童雖然哥哥仲考試緊，唔會周圍去玩🙈。不過點都要去填飽個肚，先有力氣學習吧！ 哥哥在Mikki 商場發現有間以為係牛涮鍋，便衝左入去（最愛任食雪糕😅），原來是日牛涮涮鍋♨️。呢度每人一鍋又幾盞鬼，個鍋邊有個盒包住完全唔熱，孖寶好安全咁可以自己野食自己淥✌🏻。 我揀咗個最平套餐，只係大人$108，小童$78，已包雞牛豬任食，任食黎講都幾平😏。豬肉意外好味，一啲都唔銀，配合泡菜湯底，自製韓式豆腐鍋真係好正😋😋。孖寶食飽飽，當然要整番幾杯雪糕🥰。呢度雪糕係乳酪黎，所以唔會好肥。而且有好多toppings 、醬汁任揀，孖寶吃得很滿足😌。