旺旺至尊燒鵝冰室

营业中

休息中

唔知點解其他comment 話服務唔好，其實係啖打手？我去過最少3次，雖然都只是外賣，但每個店員都好親切，親切到有少少覺得唔好咁啦～唔好理我得架啦咁🤣有一次帶住bb我話要出去等，佢哋係咁話坐下啦出面好熱，又問我冠bb係咪去咗playgroup 😅講真感覺好似好親切的街坊😅野食方面其他我冇食過只係食過燒味，質素好好，最起碼係乾淨整齊清潔，呢幾點好緊要。杯奶茶係我一定會叫嘅，因為好好飲。堅尼地城好少好好味嘅茶餐廳奶茶。總結：係會繼續幫襯嘅

放lunch同同事食咗個叉鹅飯。叉燒又乾又瘦，好難食啲鵝皮又唔脆，肉又莓嘅，隔夜嘅？諗住試吓新嘢，結果都唔知食咗乜落肚說好的燒鵝大王呢貨不對板啲好評買返嚟？唔會再有下次

只係想叫外賣乾炒牛河，cashier 個紋身男仔坐起度做緊嘢，叫我等一陣，等左一陣，仍然無 signal 會幫我落單。突然有一位着裇衫嘅男士入左去cashier.唔知係老闆定係admin.個男仔就即刻幫我落單。之後等左一陣。見到佢地度門關門速度好快又冇sensor 停門，有位男士比度撞到冇人理。成個餐廳樓門只有一位短頭髮女仔比較有禮貌同有心幫d客。其餘嘅都好似份工唔恨做咁。個乾炒牛河唔好食，$65 唔太多要求，只係覺得呢間餐廳繼續用呢班伙記，應該好快起西環消失

食過好多次, 次次都幾好食, 小菜有鍋氣, 炒粉面飯都幾好食。堅尼地城難得有好食既餐記! 見佢放左個藍帶獎狀出黎, 好似好勁。 呢個鋪位次次都做唔長, 希望呢間甘光猛捱得住, 明顯比以前既鋪人氣旺, 賭場concept果然有D料蜜椒薯仔牛柳粒 薯仔焦脆好味椒鹽鮮魷/九肚魚好好味, 炸得穌脆, 堅地黎講算頭幾位燒鵝有獨特味道，配埋鋪頭古法醬汁同酸梅醬，好食燒乳鴿又係堅地好難好到既野, 味道不錯小炒王正常不錯, 送飯perfect上次想叫乳豬, 但賣晒, 希望下次食到~

第一次幫襯，估唔到比相像中好燒鵝髀皮脆肉滑👍👍👍味道都好好👍雞既味道唔錯，肉質都可以見到叉燒都幾靚，下次lunch會再同同事幫襯。。。。。。。。。。。。

外賣叉燒……堅尼地城有五間賣叉燒，佢真算係排尾2……$160一斤，舊肉硬過陳同佳條命，咁嘅價錢係唔值66666666666⁶66666666⁶⁶⁶⁶⁶⁶999999999999⁹⁹⁹999999999⁹⁹⁹999999999999999

Menu外賣紙有落單外賣方法：1. Whatsapp外賣電話號碼2. 直線電話40分鐘前whatsapp下了order, 有自動回覆的whatsapp訊息，但就無人whatsApp真告訴你外賣單已收到跟進。唯有打直線去confirm, 點知，打唔通 ／ 長響無人聽。40分鐘後到店問外賣單有否正處理，收銀處店員一句：“Whatsapp無收到過，無喎，無收到喎。“。既然做不到的，請不要學人印派外賣單“方便客人“的方法，不知所謂。

西環尾科士街剛開了一間燒味茶餐廳，網上KOL口碑唔錯，今日lunch行去試下。雖然新開，店內環境比較凌亂一點，可自由搭位，個別伙計可像還未適應運作。🎇义燒燒鹅飯$58上枱碗飯有半邊鵝脾， 幾件义燒，都蓋了整個碗，2條菜芯，鵝脾味道麻麻地，沒有鹅的鮮味，反而似鸭脾，沒有容哥或者其哥咁好食，义燒蜜味夠有燶邊，但略嫌偏肥，下次應該叫瘦义。🎇清湯菜芯（跟餐加$16） 焯得清地，唔錯，份量都足總结一下，燒鵝MMD，义燒可口但偏貴，外賣要$150一斤，環境MMD

見到新燒味茶記即管試試!义燒飯貴过其它燒味店以為义燒大王以為好勁原來是普通貨色買了燒鵝飯加58元另3元奶茶!义燒量得的5件超細件又柴又硬,燒鹅一件正常肉都冇!约5件超細冇肉!味是可以的!15O元一斤义燒咁差嘅水準!超中服!冇下次!服務員好似好煩忙!語氣不太又善,服務太度要改善!

之前食過，食物不錯，今早再食，下單等了15分鐘，只來了咖啡，主動問伙記，佢地先同我講機器問題冇落單，而家再下單，好嬲，我唔問冇人理，機器壞啲客點知，餐廳等客出聲先跟進。我即刻起身走，俾左杯咖啡錢，我唔係藉詞搵著數。不會再幫襯

堅尼地城有好多舊式燒味舖， 唔係太多堂食。新開呢間黃黃至尊燒鵝冰室，光猛企理。五寶飯： 紅腸，燒鵝，燒肉，叉燒，雞燒鵝都算好食， 而且份量都多， 88元性價比都算高有包老火湯： 老火湯真材實料，不過冇影相，粉葛蠔豉湯有我最愛嘅乳鴿58元中等size， 都脆嘅座位有少少迫， 但唔太影響嘅，可能係我肥啦🤣不過門口嗰五盞射燈，就真係太可怕啦😩排隊等候嘅時候會好熱，而且好嘥地球資源。堅尼地城又一燒味傑作， 希望都可以做得耐， 多一個燒味選擇👍

堅尼地城MTR對出開咗間新嘅茶餐廳, 打緊三號風球仲有幾個鐘就掛八號就去試下啦!鋪頭都算幾大嘅! 半邊舖係卡位而另一半係方枱為主。我入到去,已經坐咗7成客算幾旺場。四眼侍應哥哥好快帶位遞杯水👍🏻(但佢D女待應反而有啲慢同埋呆呆地！？)菜單方面相信主打燒味! (menu詳情可參考圖片)我去茶餐廳多數試沙嗲牛麵先! 佢D沙嗲牛麵冇得轉出前一丁, 不過佢啲麵都好彈牙! 👍🏻但湯底係淡嘅唔夠香濃😨!但係呢佢啲牛肉就出奇地好食! 牛肉質地嚟講係我近期食過沙嗲牛麵最好嘅一間! 👍🏻所以呢碗牛肉麵的確又愛又恨麵同牛肉都ok😍 但係個沙嗲湯底就偏淡🤡🤡真係好難捉摸呀!!(嗰種感覺就好似白必圖憑佢嘅個人技術連過兩關再扭埋個龍門但係埋門一腳射中柱🤡🤡🤡)另外我叫多碗燒鵝瀨畀屋企人! 賣相唔錯! 偷食咗塊燒鵝皮都幾香! 碗嘢唔係我食不過屋企人話幾好食😂整體嚟講對呢間餐廳印像都唔錯! 堅尼地城其實少有呢一類茶餐廳!(我都等咗好耐) 舖位位置亦幾理想,我相信如果keep到食物質素應該有得做! 👌🏻用佢沙嗲牛麵嗰個quality, 已經好食過附近嗰間「祥香」N倍 !！(下次去嘅時候希望啲女侍應反應快少少唔好成日

一起身已經2點幾，所以去食個下午茶，咁岩見到新開左間叫旺旺至尊燒鵝冰室，專門食燒味嘅，就走入去試下。裝潢幾靚，清潔度Ok，食物不錯。我叫左個叉燒燒鵝飯+0 Tea 大概50蚊倒，request左要肥叉，叉燒好好味 好tender ... 肥位係入口即溶。黎到個燒鵝好surprise，整咗隻燒鵝脾黎，好吸引，食左啖，正😋。老細好玩得..貼地Service....................至尊燒鵝, 叉燒大王 果然名不虛傳!!!

好失望，剛新開去試吓，我食左兩次，兩次都好不愉快。外賣等就預左，叫左個豬膶麵等左15分鐘，翻到公司食，奶茶ok ,炒蛋ok ,第一啖食個面，好食，面好林，有茜有薑足料。食左一半，攪下個底再食，有酒味，以為我食錯定係落左米酒之類，愈食愈唔對路，個個味道就好似火酒咁完全入唔到口。以為係個別例子，今日再食。翻到公司，連炒蛋多士都冇埋，堂食又唔多人外賣又得得我一個，咁都畀少，電話whatsApp 冇人應。面同湯的味又唔同哂。一日之始，食到咁的野真係好唔開心。btw 奶茶係ok嘅

剛剛開張嘅旺旺至尊，一坐低嘅感覺，坐位非常擠迫，人貼人，所以很嘈，加上工作人員經常大叫，E度要落單，嗰度又落單，就嘈上加嘈，感覺非常冇系統。食物方面，當然要試吓燒鵝（老實講非常一般，皮不脆、肉不嫩！叉燒鵝油撈米粉（叉燒未食已經見到好「鞋」一咬果然冇錯，失敗，至於鵝油，真的吃不出油香，味道可以再調教得再好些。最最失敗係坐位問題，迫已經條事實，最慘本人坐開面，食餐飯要起兩次身，比人出、比人入🤔希望佢哋快啲改善一下。