旺記冰室 (惠芳閣)

营业中

休息中

旺記最出名嘅滑蛋飯🍳確實唔錯。呢次夜晚去,冇叉燒呀唯有試牛肉啦～好彩都不負眾望,滑蛋好滑有好多蔥🌱底部先淋上甜豉油,呢個做法可以唔會令所有飯都鹹,但又沾到適量豉油👍🏻。牛肉嫩滑,唔韌～有牛味,仲幾大片蝦仁幾大隻,好爽口添呢個常餐碗通粉好正真係好濃蕃茄湯🍅🍅🍅每粒通粉都被蕃茄溶包住～。午餐肉更加係重點‼️輕輕煎過嘅午餐肉粒,好香口,數量亦唔吝嗇～邪惡野特別好味。跟餐仲有4.3牛奶炒日本滑蛋,口感真係好滑👍🏻鮮黃色外表都好吸引仲有塊麥包,少有嘅健康感會encore的,呢間分店夜晚唔算多人,可多坐一陣🙂

通常係茶餐廳都係食常餐/特餐，呢間旺記冰室係表妹極力推介，決定試下係咪真係咁好食～黎到已經見到人頭湧湧，眼見好多枱客都係點滑蛋飯，好似內有乾坤🤔原來呢度標榜用日本靚蛋🥚去整滑蛋飯，雖然唔知日本蛋同香港蛋有咩分別，但係單係呢個gimmick已經值得一試。最後點左個滑蛋叉燒飯，滑蛋多到鋪滿晒成個飯面，真係好滑溜好香！叉燒都好嫩滑，連埋蛋同飯一齊食真係會一啖接住一啖！仲有幾舊彈牙大蝦仁～真係幾唔錯～好味指數：🌕🌕🌕🌕

今天和小米坐叮叮到鰂魚涌，在北角官小附近下車。落叮叮後，見到一家茶餐廳，所以試試。因為客人很多，我倆等了十分鐘左右，才可以入座。在二人就座後，細看枱面餐牌，很快就落單了！鮮牛油麥包多士　炒滑蛋轉煎蛋　這個先上。特濃蕃茄湯　午餐肉粒　通粉　　小米常說茄汁是酸的！有點Ｒ頭！原來小米的School Lunch間中會有茄汁意粉／飯。　現成的茄汁：多鹽多酸。以小米敏銳的味覺，難怪對茄汁避之則吉。怕茄汁的小米，為了午餐肉而點了這個午餐，還主動向職員要求將茄汁變為羅宋湯。 正常職員遇到客人如此改單，都會發火！　但職員看到細路，所以有禮貌地表示：呢個係自家茄湯。特濃蕃茄湯　蕃茄湯真身顏色偏橙，接近印度牛油雞的色調。質地似打蓉後的蕃茄，細碎的蕃茄肉隱約可見，只是不見茄皮。蕃茄湯竟然是清淡，没有酸味，並非勁加醋酸加色素加鹽的茄醬囉！難怪小米肯接受這碗茄餐通，食很津津有味，還以多士沾上剩餘的茄湯，一滴不留。自家製叉燒　日本滑蛋飯　　　個人覺得：這是黯然銷魂飯的大塊煎蛋版本。滑滑蛋跟鹹中帶甜的叉燒，帶著蔥油香的秘製甜豉油，本是絶配。味道較淡，粒粒分明的的白飯，可襯托出每種食材的真味。中庸之道，方能長久。不過滑

今早要到鰂魚涌上堂，經過見到昵間咁多人吃，所以入去試試！叫咗個D餐沙爹牛肉麵配牛油麥包多士、4.3牛奶炒日本滑蛋。雞蛋真的非常滑溜，沙爹牛肉麵的牛肉有口感，但就不夠沙爹味。唯一就是地方較窄，不太舒適。

小秘書今朝又要返早，大條道理整個大早餐先有氣有力衝衝衝💪🏻 嚟到「旺記」，指定動作「早餐D吖唔該」，不過我通常我都會加$5換走跟餐果件厚多士，外賣個「奶油豬」等tea time先食😋咪以為小秘書扮細食，而係份早餐真係好足料👍🏻 沙嗲牛肉麵跟牛奶炒蛋係我嘅必食組合，麵底放入雞湯，仲有啲薑汁味，好香味，而牛奶炒蛋炒得又夠滑👍🏻👍🏻今日我無揀「茶走」，改咗飲「熱檸水」，因為「旺記」個茶底認真差咗啲，好「鞋」口😌 花$38+$5食個早餐其實都幾肉痛，不過間中一餐半餐開心吓... 無所謂啦！

$58北海道滑蛋叉燒飯配上愛爾蘭咖啡個飯一上枱，賣相已經贏一半，滑蛋火口剛好，叉燒份量亦足夠，一睇已經覺得口水流，如果配上甜鼓油，效果會更理想。愛爾蘭咖啡，威士忌香味十足，一般茶餐廳絕少可以品嚐到，值得推介

上星期為貪方便就在工作地點附近旺記冰室吃了日本滑蛋滑牛肉蝦仁雙併飯加$2 要埋杯凍檸茶, 甜豉油和滑疍都好好味, 但滑牛肉係唔滑亦唔"琳"的。今晚再食水準依然ㄧ樣, 牛肉片有三分ㄧ我係原塊由口中吐出, 咀嚼不下, 但蝦仁大而爽, 加上甜豉油好送飯, 快餐店食物不過不失吧！至於2次的服務員都是無乜唔該、無乜禮貌、絶對無笑容, 重要限時30mins, 今時今日咁樣嘅態度真係要扣分呀！

聽講呢到滑蛋好出名，今日就特登中午去試下。睇下會唔會好食得過順興先！平時經過都好多人排隊，好彩今日唔係等咗好耐！餐廳地方唔大，都坐得幾迫下！我地叫咗滑蛋叉燒飯同餐肉蕃茄湯通粉。可能期望太高，滑蛋一般，唔值得特登去試。反而個蕃茄湯通粉幾好，連我本身麻麻地蕃茄湯都覺幾好食！最令我估唔到竟然個奶油豬 好-好-食！烘到好脆，又多煉奶，真係好好食！而家講起都想聽日又去食食完見出面又有人排隊，我地都唔好意思慢慢嘆杯凍檸茶。

今日去試左好多港島人識既旺記Lunch hour真係好旺都等左起碼3個字先入得Lunch menu有幾個set好晒既餐加錢可以轉奶油豬，我就緊係加左啦鋪頭雖然細但空間感環境都夠既唔會坐得好逼我就叫咗個旺記推介薑湯豬膶通粉豬膶食落唔會好腥,湯既薑味中和左豬膶腥味午餐有一個湯粉、牛油多士同炒蛋份量十足,細食既女仔就可能會食唔晒,建議同朋友share炒蛋仲有少少流心,食落口感好滑唔會好老奶油豬好大份而且脆卜卜!一定要試

行到嚟側魚涌地鐵站附近，最近一間比較有噱頭嘅茶餐廳‘‘旺記‘‘，標榜日本雞蛋配自家製豉油。餐廳每次大約要等待15至20分鐘，門口取票，限時食三十分鐘，由你入座開始計30分鐘，基本上等食物都等咗大概八至十分鐘，職員都好友善有禮貌地提醒你 ‘‘你還有五分鐘就夠鐘啦，要交枱‘‘。所以，如果你諗住要傾下計慢慢歎，sorry你要去第二度再食啦! 半年前我都嚟過食過一次, 有點失望因為佢嘅飯量, 真係好少好少。 但係今次再嚟已經加咗份量, 好ok, 足夠食得飽。餐廳冷氣都好足夠，所以入到去都唔會話好熱，而且樓底有比較高，唔會好嘈雜都算ok啦。食物都係熱上嘅咁熱辣辣，今次我食咗佢個叉燒滑蛋飯。 搭枱情況難避左閃右閃，但係職員安排得好好，快狠準‘‘! 雖然是鼓油味道的確幾好，不過就落得太多，好咸。餐廳接受八達通付款。

鰂魚涌餐廳很多，而種類也很廣，符合各種人士的口味。而由於今次用餐時間不多，便選擇了用餐時間不能多於三十分鐘的旺記冰室。冰室環境格局與一般冰室一樣，餐單也是相若。為方便及快一點用餐，便點了常餐： 蕃茄餐肉通粉，並加了八蚊轉奶油豬仔包。 豬仔包味道不錯，包烘得脆脆的，不會像某些餐廳的烘得過於乾身，而煉奶分量也足。不錯不錯！！！！！！！而蕃茄餐肉通粉其實也算不錯，蕃茄湯底濃厚蕃茄的味道。但通粉中的炸餐肉真的是不得了，乾得像柴皮。 總結，其實也算不錯，但餐肉就真的扣分。

因為今朝要驗血，所以小秘書捱到11點幾已經有十幾個鐘無嘢落肚喇😌 本來諗住搞拈之後可以喺附近搵朋友食個lunch先返office，但係小秘書又怕一陣會落雨⛈，所以最後都係揀咗返公司先，做個好員工🤩不過做還做，都要有啲嘢落肚🍽 況且落車嘅時候仲有十分鐘先收早餐（旺記好好㗎，早餐可以食到11:30），拿拿臨走去「旺記冰室」整個早餐D，養吓個胃先啦🥛🍳 不過今日小秘書有啲失望呀... 份多士似一早整定，擺咗好耐、個麵底梗係有啲唔同，但係小秘書又唔知有咩唔到 👉🏻👈🏻 好彩杯奶茶都唔差。不過算啦，$38已經可以食到飽一飽，起碼可為撐到去夜晚，今日我又可以慳一個正餐喇😁😝

今日準備去龍脊行山，出發之前先去鰂魚涌食個快餐，食飽有氣有力再去行山！朋友推薦呢間旺記冰室，我地2個人叫左2個餐。叫左一個招牌叉燒滑蛋飯，佢標榜係用日本蛋，整得的確好滑，但我覺得佢自家秘製既甜醬油先係精髓，蝦仁加滑蛋配上甜醬油我覺得係完美呀～我覺得份量啱啱好，唔好過少過多。我同我個fd都好鍾意食呢個飯，下次都會再叫呢個招牌食！另一個係薑汁豬潤通粉配牛油麥包厚多士，呢個豬潤麵較叉燒飯遜色，我地都唔係好鍾意食呢個豬潤通粉。

同朋友喺鰂魚涌呢頭温完書，朋友問我有無食過旺記話佢地炒蛋飯幾好食我之前淨係食過大坑車房附近同上環一間幾出名嘅三蛋飯所以都想試下🤡我叫左牛肉片蝦仁炒飯啲餸嘅份量都好多，牛肉唔會老蝦仁都大大隻 無雪味係啲蛋熟左啲 因為個人比較喜歡滑啲嘅炒蛋 所以呢樣野就爭少少🤧淋喺飯嘅甜豉油都好啱我口味雖然我鐘意大坑車房嗰種整法多啲但旺記價錢平嗰度十幾蚊都可以叫不相上下🤪朋友就叫左呢個脆午餐肉粒粒嘅麵跟餐有埋多士同牛奶炒蛋好正啲午餐肉好脆同好大粒好滿足呀🤩喺鰂魚涌晚市黎講算幾平坐得都唔會好逼侍應都幾好禮貌同友善如果食下午茶仲抵食朋友建議我試下個招牌三文治有機會一定會再黎試！

午飯時間到了鰂魚涌附近，看到馬路有很多人在聚集。細看下才發現他們是排隊等候用餐。旺記冰室馳名的便是滑蛋飯及番茄湯通粉。是次午飯點了滑蛋叉燒飯及薑汁奶茶。按餐牌上所描述，滑蛋是用了日本雞蛋配 4.3 牛乳炒至半熟，加上叉燒片。旺記的滑蛋叉燒飯的靈魂不是在於滑蛋，也不是在於叉燒。她的靈魂是在於秘製的甜豉油，旺記的甜豉油能把滑蛋叉燒的味道昇華，令人按耐不住，一口接一口把飯送入口中。薑汁奶茶表現還好，奶茶茶身厚滑，只是薑味不太足夠。如薑汁份量稍添一點，味道應更上一層樓。旺記的店子地方不大，只有大約二十個座位，而且由於來到時正直午飯時段，店內坐滿食客，看起來有點迫狹，等候時間也有一點長，對於上班一族而言，堂食或會有點急趕。不過店子環境尚算乾淨企理。店員也下足功夫清潔每一張餐桌，用餐環境不錯。