昇隆石磨腸粉

营业中

休息中

我買左2份，落單話要大辣多辣醬，因為辣醬好味。拎既時候問佢攞多兜，老闆娘話畀左兜滿既畀我，不過可能大家對滿的理解有少少唔同。2份得呢度少少🫠🫠可能成本比較貴。 明白及理解。 只係可能以後會更加少食。

上次試過，覺得ok。今日收工肚餓，路過瀝源，想起腸枌。所以行入舖，點了豬潤腸粉，牛筋麵，最後加多罐可樂。最後結論良好，好滿足，但唯獨是牛筋有塊未淋，下次再幫襯。

平時都好少寫食評，但真係好鐘意尼間野。差唔多每隔幾日就食一次，水準一直都好穩定，腸粉超級薄滑，材料又係個朝新鮮準備。平時會鐘意叫豬肉加菜圃加菜，再佢既辣醬，更香，其實都只係31蚊，個人覺得幾抵，普通買杯台式飲品都分分鐘貴過佢，個人覺得性價比係幾好～ 平時當早餐食，份量係剛剛好。但有時餓得勁既時候，真係可能一份會唔夠食🤣，所以會2個人share 3碟腸粉 。如果要同其他石磨腸粉比，尼間價錢其實同岀面差唔多，但質素更更更好！另外佢重有得加蛋，其實都好食，個蛋香味都好夾，不過佢就會相對無咁薄滑。睇你重口感，定鐘意個蛋味。

🍴牛肉碎腸粉 加雞蛋 $31 (3/10)腸粉$28嘅話剩係得牛肉，所以加咗$3要隻雞蛋，牛肉係非常之少😂真係得幾粒，好彩加咗雞蛋食落去冇咁齋，腸粉嘅皮係好薄都幾滑嘅，食到有米香，不過由於料太少嘅關係唔係好食到啲料係咩味啦，呀豉油比較淡冇咩特別，整體嚟講份量都好少得兩條腸粉，如果食lunch嘅話真係唔夠飽….剩係得腸粉皮，一隻雞蛋同幾粒牛肉碎嘅話，連蔥花都冇，店舖純賺$20☺️推薦指數: 3/10見到手工腸粉，諗住支持下小店，冇諗過份量係咁少，唔單只係指腸粉嘅份量。係指餡料嘅份量係小到不得之了，店家非常孤寒，唔鼓勵幫襯，如果淨係食腸粉皮嘅話你可以買嘅☺️

街坊小店今日試豬潤雞蛋腸，腸粉滑嘟嘟，又薄，豬潤爽脆有味道，有醃過，正辣椒醬又好味，問咗老闆話係自己炒嘅 不過夜晚唔開，只可以放假先食到了見到隔離枱食酸辣粉好香，下次試下先

沙田即叫即蒸石磨腸粉 呢間店係疫市下開店 平時路過都冇咩留意佢 見到OpenRice叫外賣有優惠 所以試試佢 點知有驚喜.⭐️石磨蝦米腸$23 （優惠後 $18）叫左外賣 佢地係即叫即蒸 大概等左5分鐘👍🏻佢地腸粉出品勁薄身 👍🏻岩岩出爐即食 幾滑溜👌🏻米香ok 但蝦米 同蔥味更重豉油另上 偏淡 所以浸住都唔會過咸豉油 個人口味 如果在再甜d會好啲食完有驚喜 質素同出面所謂名店 有得比本來唔諗住出post都循例記錄一下.食完呢個派系嘅腸粉又開始掛住軟糯口感既 粵派腸粉啦呢次肥.#昇隆石磨腸粉 (沙田)地址：沙田瀝源街6號瀝源廣場2樓216號舖.⭐️評分：味道：4/5環境：-/5 店面細細位置唔多服務：-/5抵食：3.5/5

腸粉選擇唔算好多，但勝在食材夠新鮮。唔想食腸粉嘅話，都有其他粉麵類可以選擇。店舖坐位唔係好多，不過啲食客都係街坊，食完好快都走唔使等好耐位。🐖🥚石磨豬肉碎腸加蛋($30)古法炮製嘅石磨腸粉，同喺酒樓食嘅拉布腸粉唔同，第一次食幾有驚喜。腸粉即叫即做，皮薄滑溜唔會好厚粉。除咗豉油之外，一定一定要加秘製嘅辣椒醬，好好食！😋😋😋越開越多石磨腸粉店，但試咗幾間之後都係覺得昇隆係最好食，價錢都合理。

在瀝源廣場的昇隆石磨腸粉店開業不算久，店鋪面積較細，座位不多。我今日早上便試買了兩個石磨腸粉回家作早餐。～碎牛肉石磨腸粉 （$28）碎牛肉份量不是很多，石磨腸粉是由薄薄的粉槳捲起，扭紋不是很多，稍嫌未夠嫩滑。吃的時候，一定要加上附上的甜豉油，否則便淡而無味。～碎豬肉石磨腸粉 （$27）豬肉碎不是很平均分配在腸粉內，還有一些肥筋肉，吃起來有點渣。腸粉不夠滑，就像吃著捲起的薄河粉。幸好這裡的腸粉也是即叫即做，尚算新鮮做起，否則便會更硬。

家下要食美味的腸粉難，古法的更加難找.....這小店不幸在2020年疫情爆發而開業，即使不肚餓的我見到剛開業也來幫襯下！第一次吃的時候，尤如火頭智多星咁叫左出來....嘩，做乜咁好食架！？米磨的腸粉皮、皮超超超簿，還有佢個醬油是自家製的，這三種配搭妙絕！懂得吃腸粉不多，普遍香港的中式腸粉全部左溝右溝不同既粉，目的令食者食到軟滑的腸粉而已，其次個層皮又厚，根一點也不好吃！這店由兩公婆苦心經營，現在每周我定必吃一兩次他們的「腸粉」