昌記(星洲)海南雞飯 (已結業)

早兩日第一次試【泰國人海南雞】, 感覺真係極之麻麻 , 碗湯好味精 , 一舊冬瓜加少少芫茜。雞係幾滑但冇雞味 , 辣醬唔夠惹味開胃 , 油飯都係普普通通 , 杯餐飲檸檬水又酸又過份甜。試完呢次之後 ., 更加令我想起元朗呢間【昌記】, 因為都一段時間冇o黎過幫襯。因為我老豆近年多病痛 , 佢又少食雞肉所以我今日特登買俾佢試試。我去到得老闆【阿牛】二家姐o係度 , 我叫o左一個外賣 , 係海南雞脾飯 + 青紅蘿蔔煲豬骨例湯HK$38元。我仲特登要求起骨切碎 , 方便我冇哂牙剩o既高齡老豆食。返到屋企即為我老豆餵食 , 佢胃口奇佳連食兩碗飯 , 例湯仲俾佢飲哂添 ! 我見到都想偷食幾啖 ... 哈。題外話 , 同老闆二家姐 Connie 閒談幾句 , 先知道近月生意較以往下降 , 我估計可能老闆【阿牛】少出現坐鎮關係啦 , 食物水準冇下跌仲 keep 到 , 但做生意都要講【客情】, 好多時我自己同朋友都會見到老闆先幫襯 , 有一段長時間都少見老闆 , 仲以為間鋪已經頂o左手添!希望大家繼續支持啦 , 呢編絕對唔係廣告 , 雞飯同冇味精湯真係好正~

見到今天過了辛勞嘅1日(流咗好多汗,但無嘜食嘢),所以要去吓元朗食吓區內地道嘢。sep 13, 09,試咗 : 1) 海南雞飯套餐 (hk$37)i) 海南雞肶+油飯-因為揀咗雞肶,所以要+$5,否則個套餐只喺$32-雞好滑,亦有淡淡嘅雞味,但略嫌個雞嘅味道清得滯,好似白切雞咁,所以味道如果可以稍為濃番少少,會好味好多,宜家似食雞嘅原味多d,唔太似海南雞-但個油飯,真喺正如好多食家所以值得encore。顏色雖然唔喺黃晒,亦無油嘅光澤,但你估唔到幾夠味,而且飯仲可以粒粒分明,絶無糊埋1pat,好似人哋整得有水準嘅炒飯質感1樣-女主理仲1開始話明油飯可以任添,唔洗+$$$$。初時都無諗過要+飯,但今天實在有點勞役,而且飯又喺我喜歡嘅食糧,再+上女主理,見我食到咁上下,又主動話添d飯啦,所以添咗少少咁啦..........hehe-另外值得1提喺女主理重點推介嘅秘製辣醬汁+薑蓉,我每樣都+咗少少,不過掛住食,無影到-佢個辣醬汁其實只喺微辣,我都食到,唔洗搵水救火,重點反而喺酸酸哋,夏天+埋嚟食,就好開胃,但我都無主力咁撈埋食,因我嫌咁樣會搶晒隻雞嘅味(佢已經夠清)-而個薑蓉亦好健康,因為真喺

四月初八‧晴熱天 大好周日，陽光普照，最好往遠一點的地方走走。心血來潮，想起還有這裡的海南雞飯未吃過，就坐968入來元朗，在總站下車，行了幾個街口，就摸來了這間小店子。 街坊小店，裝修簡單，只十來個座位，主力賣兩款食物，海南雞及咖哩。不要少看這等小店子，賣的食物雖然種類少，但因為做得專門，有心做的話，隨時會有意外收穫的，情況就如爽爽麵店。第一次來，沒有道理不試其招牌菜，就來海南雞飯及咖喱牛腩飯各一。 未吃食物，先說這裡的服務。店內只店主及店員各一，但服務卻是超級的好。如店主會問清楚客人想一起吃還是分開吃，想吃有骨的還是沒有骨的，還有不停的觀察，客人吃得多會說「要添飯嗎？」，真的做到賓至如歸，相當燙貼。 先來雞飯，先吃的當然要飯。飯身乾爽，很香很夠味。雞肉嫩滑有雞味，是靚貨色。汁有兩款，辣醬及薑蓉。這裡的雞飯，果然不錯，值得一試；咖哩牛腩後至香料味十足，配白飯就絕對更好吃。 原來也想試試這裡的足料例湯，但來的時候太早，未煲起，下次來真的要喝這個。 也要了奶茶咖啡各一，俱一般，喝汽水還好。 埋單七十蚊有找，與健談親切的店主談多了幾句，希望這裡越做越好。 如果你問我，值得為這裡的油飯再來。想

住咗元朗好耐都未嚟呢度食過.... 見咁多人讚終於唔抵得搵日早d收工返嚟元朗食飯。呢度舖頭真係好細，得三張枱，但我嚟到時時間尚早，可以任坐。叫咗招牌菜海南雞飯，飲凍咖啡 --- 老闆竟然俾雞脾飯我! 好開心 味道果然唔錯，雞好滑、唔肥、有味道，d飯仲好香添! 不得不提嘅係個醬汁同薑茸，係放嚮枱任點嘅，個醬辣得好滋味，薑茸就唔油，好味! 個飯對我嚟講都好夠食，唔會食唔飽噃，32蚊連飲品，抵食。

星期六特登去呢間野試，食既人唔多，可能係比較偏僻。好多都係熟客。不過睇完d人食評, 決定試下d海南雞飯。飯都算係香，有d油味。但隻雞唔知係咪唔係入味，好淡，感覺好似食緊白切雞。所以覺得就一般喇。

話說我也很久沒寫食評了　(我承認我是懶啦..不過這一家店　還真的讓我有推動力去打字寫下啊..這家位於元朗市的一角的小小海南雞飯店店內只有2-3張方桌本來我對海南雞飯沒喜好的 就是因為雞〔油〕飯　飯要夠油才夠香但飯夠香也差不多雞油下了很多啊　(我的易胖體質..但在看到KC blog裡的評語 這家的油飯是〔雞汁飯〕 <------重點一整個就是心癢癢的要試啊試啊6點多到達店裡就我一個客人　(可能時間還早吧跟老闆娘說海南雞飯跟湯很快的　海南雞飯不一會就到了先嘗一下重點雞飯..吃第一口就覺得　好香!有雞的香味　也有香茅的香 應該還有其他的　但我說不出來一口接一口的　雞肉都差點被我忘了!然後沾著辣醬吃雞肉　雞肉嫩　有雞味而且這家的辣醬好威啊... 好好吃　香味夠　辣度強　但又不會嗆吃個不停的結果是... 加飯.............. (天啊　我平常晚上只吃半碗飯....湯我是吃光後才開始喝.. 這天的是　青紅蘿蔔粟米雖然有點淡但我想這是沒味精的老火湯因為回到家的我還是不想喝水 下次一定帶朋友來試!!

去開元朗揾朋友，朋友介紹話呢間嘅雞好似好得，一於試下海南雞下庄去骨 $40雞係好滑，有雞嘅味道但個師傅去骨功夫就麻麻去骨去得比較慢雞皮下唔會有太多肥膏隻雞應該有做運運佢個辣雞汁好惹味，辣得嚟有香料同麵豉味薑茸都做得好好，全薑茸冇放蔥，微咸少油咖哩牛腩例牌 $35個咖哩係即叫即煮，牛腩唔會太廋，因為係即煮所以唔算腍、唔太入味薯仔就麻麻可能係即煮所以唔太腍，咬落有D實當然唔入味啦至於個汁都算OK，有少少咖哩香、少少辣、但比較稀叉燒例牌 $35其實見到就知係豬頸肉，但佢就叫叉燒，何解食落都唔係叉燒，完全冇叉燒嘅質感味道更加唔似，都冇蜜汁但係都好食，夠入味同夠腍。 油飯 $8 x 2我都係第一次食到好似白飯嘅油飯飯係好淡色，唔會好似一般嘅黃色，仲要係個飯完全唔油但又好有油飯嘅香味眞係好好食 例湯 紅、青蘿蔔煲豬肉 $8 x 3好有住家感覺，唔似有落味精油菜 $10Summary : 雞係好食，咖哩就麻麻，叉燒就…如果唔係眞係要食港式嘅都可以試試。但我會建議外賣唔好堂食，因為地方比較細。一般人可能唔夠食份量似兒童餐。所以好似唔多抵食。

早在幾個月前已經留意到依一間海南雞飯，但因為身處外地只可以派我既部隊（其實係我爸媽...）去試探試探，佢地話唔錯，終於而家有機會去親身試試。依間小店位於一條小巷入面，人影都唔多隻，唔怪之得冇咩人幫襯。舖面好細，只有兩三張枱（繁忙時間會擺多幾張係出面），我去個時就只得一枱客。老細同個枱客雞啄唔斷咁，睇來都係做熟客仔多。門面掛住一隻隻睇落幾靚的海南雞，仲有一大串的辣椒，睇落去有點兒嚇人，亦都令我更加期待。海南雞飯來之前，先先試左個醬汁先，辣得來又惹味，很不錯! 海南雞飯到了...油飯睇落冇咩色，但食落仍然幾香，而且一點也不油，好味道! 好快就「爬」晒...伙計就自動自覺問我駛唔駛添飯，原來老闆唔想嘥野，所以寧願一開始裝少D，唔夠先畀客人任添。雞肉非常之嫩滑，係新鮮雞來的。雞味爭左少少，但點埋D辣汁食真係一流呀! 個飯就同薑蓉食好D，因為辣汁會蓋過晒D油飯味，反而唔係太咸的薑蓉就帶起到D油飯味。好滿足的一碟飯...凡穿校服者平十蚊...等我下次都抄返件中學衫著先哈哈。聽說依度D咖哩牛腩都好好食的。客人可以自己揀咖哩的辣度同牛腩的腍度，下次一定要試下呢!

真係舖不可貌相, 一間平平無奇, 簡單非常的店子, 竟然有咁好味既海南雞飯!!! 好味過其他出名既店舖好多, 而且又平喎$27碟雞飯, 個汁真係好似我係泰國食慣果間!!! 好味!!! 雞胸肉都好滑 !!! 一定會成日幫襯, 就算要揸車黎食都抵...

同意樓下的說法，一碟雞飯的雞肉真的太少了一點，好唔夠喉呀！上次同老公去，改叫一碟例牌雞，加兩碗飯，雞肉比起叫兩碟雞稍稍多一點，不過飯就少咗，都係唔多夠喉！老細，不如咁喇︰加多一個"加底"(即加飯)及"加面"(即加雞肉)的服務貴少少都無問題架！仲有個湯，又係真才實料，不過都係太細碗唔該唔該，加大一點喇！

喂...昌記老闆【牛佬】, 我想同你講 , 設一個40元左右套餐 , 雞件另細碟上連瓜菜少量 , 包埋冷飲及例湯 , 飯份量多少少 , 以好似我哋呢啲鐘意食雞嘅客嚟講 , 我一定會幫襯多啲 , 如果40元唔夠成本...!? 40 零都 ok ... 徇眾要求嘗試下啦唔該阿【牛佬】, 我食得唔夠滿足呀! 聽到做野啦~

本人向來嗜食尢其海南雞飯,試過好多店舖出品,如以味道/價錢/服務..昌記是個好選擇,黃油雞有鮮味/酸辣醬十分好味/飯也不是一般只加黃薑粉和雞油(是混有香料的),店員也有說有笑和詢問客人意見,***現今很多(出了名)的食店待客態度囂張應向他們學習***希望他們可一直保持這好味又食得開心的(海南雞飯)

海南雞飯一碟$27雞件份量略少, 肉質夠滑。油飯唔錯, 色、香、味都有, 加埋酸辣醬汁, 仲好味, 辣辣地幾醒胃, 食多二碗飯都得。+$3 例湯/汽水/冷熱飲品老闆話例湯冇加味精, 是花生雞腳湯, 就飲湯好了! 佢地用家庭飯碗裝, 細碗左啲囉! 湯夠火喉, 好味! 。

好多時收工後或休息日,因趕唔切返娘家食晚飯,我都會呢度買外賣返屋企食,原因堂食環境真係麻麻,唔係話佢唔乾淨,只係現場太窄唔好坐。我多數要例湯及海南雞飯,次次都係打定電話去叫定,五至十分鐘之後自己去拎,皆因買得果一盒飯,而且見佢現場人手都唔多夠,所以我都唔想打擾自己去拎。次次佢臨收鋪叫外賣,叫襯普通海南雞飯,佢好多時都會俾脾位我食。如果脾位計價錢貴好多,可能見收鋪又加埋我自己拎,所以好多時都額外送雞脾我食,真係多謝哂喇...嘻嘻!HK$30元一大盒【海南雞飯+例湯/冷飲/熱飲】,例湯唔錯火喉都ok,味精唔多覺落太多。油飯加埋【酸辣醬汁】好醒胃,如果冇呢個醬汁,我相信味道會差一半都唔止。之前飲過佢凍奶茶,又濃奶味又滑又香...掂!見佢鋪面標明晚上十點先收工,但好多時九點多已收鋪,證明佢生意確係唔錯。但我因好多時收工較夜關係,返到元朗佢都已經收鋪,想成日幫襯都唔得。

今日想食海南雞飯就上來睇吓元朗有冇,之後找到兩間就先去昌記試吓.佢是一間幾細的食店得十個位左右.當我入到去坐下左望右望睇吓有咩食時發現只有二味海南雞飯及叉燒飯(不如叫豬頸肉好d),就各叫左一碟.海南雞唔錯幾滑唔似雪雞,似是新鮮.油飯同酸汁都是食海南雞飯的重點,很久都冇食d有水準的油飯...good!但個叉燒飯(豬頸肉)就差d,不過可以一試.由我坐下到離開都是得我一台,但有好幾個外賣.