明師傅甜品 (已結業)

今晚經過趁著不用排隊，又甜品癮發作一試味道，點了法式焦糖燉蛋及芒果杏仁豆腐，招牌焦糖燉蛋味道ok,不過不失，不過旁邊碟生果，完全不新鮮，似尋晚切定放雪櫃一様，生果切囗也圓了。芒果杏仁豆腐就反而味道不錯。一間生果做主要食材既舖頭，生果一定要新鮮，不夠heart!

 原來，食好味啲嘅嘢真係要排隊㗎。事緣我同太太平時幫襯開隔離舖，今次因為唔想排隊，所以入咗呢間，我叫咗榴金歲月，即西米露加幾舊柑及一舊仔榴槤，我老婆就叫咗佢平時喺隔離舖叫開嘅芒果黑珍珠，即係蘭香子加芒果及椰汁，轉頭好快就到，我太太第一眼見到佢嗰碗黑珍珠，翻兩翻發覺質感好希，已心知不妙，試一口完全不是味兒，成碗唔食推咗俾我，我唯有照單全收，我發覺唔單只希，芒果又切到好細粒，仲要得幾粒，同埋好酸，我有垃圾焚化爐之稱亦只食咗一半就頂唔住，之後品嚐我嘅榴金歲月，嘩！成碗嘢除咗嗰舊仔榴槤分開食算係ok,其餘又係一個"希"字，不敢恭維，最後，我唯有超額啃咗兩碗"甜品"，跟住過返隔離買返碗外賣黑珍珠俾太太，仲要平呢間四蚊。今晚原本心情好好，就俾一個錯誤決定破壞整晚氣氛。其實幾年前明師傅開始進駐荃灣時挾住酒店師傅整嘅甜品喺眾安街開舖時幫襯過，嗰陣覺得唔差，點知幾年後喺呢間舖翻兜會變成咁嘅質素，究竟係我咁啱揀正兩樣明師傅最差嘅甜品，定係退步咗咁多？總之，以後唔會再因為唔想排隊而入咗一間令人後悔嘅食肆！

星期六, 第二日唔洗返工, 就去荃灣食下甜品先~ 估唔到, 11點幾荃灣都仲咁多人~ 要等大約15分鐘先有位. 我和男友叫了一個西瓜盅和芒果爆爆珠綿綿冰. 這個名為西瓜盅的甜品, 賣相一流, 仲可以選擇雪糕口味, 今次我們揀了cookies and cream. 另外仲配左一杯小小的西瓜汁~ 我就叫了呢個芒果爆爆珠綿綿冰, 個D冰好似整到一條條絲咁, 好綿好有口感. 芒果味也很濃很香, 加以爆爆珠, 口感味覺再次提升~ 

今次又係明師傅，因為又抵食又好味😙但今次試新野有少少失望😔有芒果雪糕，芒果肉，菠蘿，西米，淡奶芒果超酸，菠蘿正常，但西米太多，多到食唔到其他味，例如淡奶同芒果汁都因為西米太多所以食唔到有味，搞到好似食緊粥咁呢個係我朋友叫，我唔食榴槤所以無試，但呢碗野d榴槤好臭，臭過出面其他糖水舖個d，d人話榴槤越臭越好味，咁我諗呢碗野應該幾好食😂今次個黃色潛水艇有d失望，但仍然無阻我下次再黎食，因為明師傅始終仲有好多便宜又有水準既甜品😋

食完正餐當然要食番個飯後甜品😋去左荃灣既明師傅，個條糖水街長期都大排長龍，好彩都唔使等太耐👏焦糖燉蛋$30本人覺得$30可以食到焦糖燉蛋係好抵！蛋味比忌廉味重，都好食，面層焦糖燒得夠平均，而個燉蛋仲係凍同夠creamy，讚👍仲配埋生果呢樣都好值得讚，但舊火龍果唔知係咪未熟定壞左，好酸😵奶凍$28食左兩啖先記得影相😝好多呍尼拿籽呀！而且夠奶味之餘亦唔會有陣膠味呢兩樣甜品係出面食每款平均都要$40-$50，但呢到$30內就有，而且又有水準👍

我絕少寫食評，無論好與壞大多時候我都選擇沈默，但今次真係唔得喇，如果我唔寫真係對唔住自己。叫咗一碗「菠蘿西米露」，一碗「雜果杏仁豆腐」，兩碗都係極品，因為佢有本事可以整到「菠蘿西米露」係菠蘿味還菠蘿味，西米露還西米露，兩隻味可以完全唔夾，但起碼菠蘿都係新鮮菠蘿，西米露都尚算有口感，但你完全唔會覺得自己食緊甜品。個「雜果杏仁豆腐」仲厲害，同樣係雜果還雜果，杏仁豆腐還杏仁豆腐，唔夾就唔在講，個杏仁豆腐仲要超痛超難食一啲杏仁豆腐味都無，雜果放火龍果已經夠突出，蜜果係切到邊皮完全無味嗰part，真係極品到無得形容，兩個字，難食。總括，唔掂！

今日我同班fd子，食完魚魚魚😝熱辣辣，之後入左黎 明師傅 ，比佢既招呼吸引左，入到黎侍應超級有禮！！我地要求多多，都招呼周到😊 重點來啦，我既榴槤奶凍，十分多料😛，奶凍香滑白嫩，榴槤新鮮夠香，夠濃 ！！😍😍😜一個字，正 ！

天氣好像又轉冷了（還是我開始作病？）怎樣也要吃些熱甜品來平衡自己一番。椰水有保充能量的天然效力，縱使超市及便利店有支裝、盒裝的椰水出售，但是我相信原個即開的效力會最勁！因此我幫襯了明師傅的熱椰皇甜品，「甜心」！「甜心」是用原個椰皇的水來煮椰汁西米露，另外再加數粒軟糯的芝麻湯圓，西米露本身不會太甜，夠正氣！從餐牌得知雲呢嗱奶凍是用Anchor奶油來製造，我一向對這品牌有信心！滑嫩的奶凍滿佈點點雲呢嗱籽，因此吃到的味道不假，奶油味豐腴，甜香柔滑，甜度正常（對我來說），非常滿意！

早前約了老友吃午飯，可是老友卻周身唔得閒，因此今天約了老友到荃灣食午餐，之後便到明師傅吃個甜品。由於今天午餐時間早了，以連帶吃甜品也早了呢！明師傅雖然不是第一次來，但這是在下邀請老友而來的。店子雖然與上次來的時候，沒有太大的分別，但是店內客人還是不多，皆因時間尚早麻。在下點來一個香蕉船，是因為在下童心未泯，加上甜品賣相又夠吸引，故點來一吃。香蕉的軟糯，是在下喜歡吃的因之一，加上二球雪糕，包括有薄荷，朱古力曲奇及芒果雪糕，雪糕球上加上朱古力醬和杏仁，使雪糕更添美味和口感。每款雪糕都有著各自味道，令整道甜品的味道錦上添花。雖然這是一道很普通的甜品，但是卻令在下有種童真的感覺吧

食完飯同朋友想繼續吹水緊係要食糖水我簡左個芒果黑珍珠~芒果味幾濃郁 , 冇酸味. 因為最怕食到酸既芒果 但黑珍珠可能浸得太耐... 冇左QQ既口感. 所以有少少扣分朋友簡左個意式香滑奶凍本身唔太鐘意奶凍 , 但朋友話幾好食都試左一啖入口雲呢嗱味味道十足，奶味濃厚，而且比想像中creamy，而且唔會太甜@@ 令我鐘意左食奶凍另外見隔泥台點左個焦糖燉蛋 , 賣相好好, 而且好香 所以如果下次有機會去.. 應該都會試下 

行過路德圍見到呢間明師傅，力推這個「椰皇」，見天氣開始轉涼便入去試下。環境就一般，與其他甜品舖差不多。等了約10分鐘便有「椰皇」，味道幾好，濃郁椰香味，還有更多西米露，食落夠晒滋潤，最驚喜是裡面竟然有6粒芝麻湯圓，係我的至愛！店員亦好細心，另付一隻湯匙，係用來括椰子肉，肉質很軟腍，證明煲左好耐，值得推介!

好想食西式野。但荃灣好少。所以明師傅都叫做荃灣首選。因為有中式之餘又有西式。味道夠平均。出甜品夠快同地方乾淨。比利時朱古力慕斯 $ 26賣相吾錯！ 吾夠棉。朱古力味道吾太夠但勝吾太甜。法式焦糖燉蛋 $28生果吾太新鮮。燉蛋蛋味都夠。焦糖如果燶多少少會好。總體 味道好在吾太甜。只可以話普通。未致於酒店質素。

路得圍不知何時開始變成糖水一條街，這夜星期六晚再去明師傅，還是一樣迫爆人。西瓜盅西瓜盅賣相十分精緻，炎炎夏天真是望上去也透心涼。西瓜汁更用小瓶子裝著上枱，一點也不浪費。味道方面，雪糕是普通質素，西瓜甜度普通，沒太大驚喜。就是叫來拍拍照已經很開心。芒果爆爆珠綿綿冰這款甜品味道較好，綿綿冰入口即溶。配上酸咪咪爆爆珠，口感和味道均有多層次，下次再吃。

去到荃灣海壩街 甜品店總係左近今次試咗依間明師傅 主要係想試下個「甜心」入面有自家制嘅芝麻湯丸 甜度啱啱好 皮又好薄 total 有6粒 配埋椰汁西米露 食入口 都唔會覺得太"漏" ＄34 算係咁啦另外依碗叫「黄色__」 (唔記得咗叫咩名)佢有菠蘿 芒果 西米 芒果雪糕 味道好一般 食食下 發現1個好似心型嘅菠蘿 依個唔知係特色 定偶然啦總括黎講, 水準係1般，唔會話想encore 要排隊嘅話 我唔會等但如果朋友想約去依度食 都冇乜所謂嘅

路德圍的甜品店眾多，人氣最旺的是靠近海壩街的「松記」和「明師傅」。 正在猶豫光顧哪一間才好，「明師傅」的伙記就熱情招待，又說只剩最後兩個好位置，又不斷推介甜品，盛情難卻下就決定光顧「明師傅」。 餐牌的選擇並不算多，不過每一款都很吸引，而且價錢合理。 本來想試試麵包布甸，可惜晚餐吃得太飽，沒有信心可以再把一個飽肚的麵包布甸放進肚子裡，還是放棄了。焦糖燉蛋感覺比較滯，不過配有一碗水果又剛好可以中和一下。 焦糖比較厚身，但尚算脆口，不過就略為苦了一點，和燉蛋一起吃會比較好。 燉蛋滑滑溜溜的，甜度適中，還有陣雲呢拿香味。黃金潛水艇由一堆黃色的食材組成，包括桃、芒果、菠蘿、芒果雪糕，還有透明的西米，整個很有夏日的感覺，唯獨菠蘿的味道和其他食材不太合得來，顯得怪怪的，有點畫蛇添足。