明德粉麵茶餐廳

营业中

休息中

原來11點都仲有早餐食,可以order到11點半😝少出去食早餐唔識野🤣今日早早陪家人出去藍田做檢查,完咗肚餓了就喺附近求其揾食嗌咗個鮑魚片火腿通粉+煎雙蛋同牛油厚多士,湯通粉口感正正常常,味道適中,湯唔太濃唔太淡,厚多士的確幾厚,如果多啲牛油仲好,熱檸水都有4大片檸檬都幾慷慨😆家人想食飯叫咗粟米肉粒飯（當日午餐menu)有例湯同野飲咁啲阿姐比較進取,未坐夠1分鐘已不停問想食咩🤣啲野食亦上得好快

今日同屋企人求其食，入左呢間垃圾茶記，啲中湯、紅豆冰、雲吞麵湯底完全冇味，水咁款，重點係收銀個老闆娘態度勁差，淨係識得吠啲客，特別係望上去好蝦個啲。講真冇下次，野食都已經難食，態度都唔識好啲😅，好似所有人爭佢錢咁。

剛剛外賣自取買咗三碗幼麵 唔同餸嘅其中一碗餐廳俾咗河粉我（可能河粉唔銷得就塞俾外賣）外賣自取三碗一棟棟高綁咗結拎住好多野所以冇打開check每碗俾得啱唔啱結果今次就買咗個教訓啲牛筋同豬手其實唔差但個麵底真係麻麻林到乜咁 啲湯又好鹹不過點都好 最令人驚訝嘅係係轉人麵底唔銷得就趁外賣多碗換你個麵底真係第一次見野食已經唔係好食 仲要咁唔誠實所以係度分享呢件事希望大家買外賣麵係睇一睇先好走屋企人係麵要食麵先係呢度買上到嚟先見到呢間野原來咁多劣評真心冇下次 拜拜

諗住叫外賣電話話20分鐘去到等咗一個鐘都未有。三個餸，要煮一個鐘真係有啲離譜，堂食嘅客戶就好快上菜外賣就等好耐。收銀姐姐話講錯時間喎，如果要一個鐘就唔會叫外賣啦，真係要檢討一下。

一入到餐廳，個老闆娘就用好差既語氣問我幾多位。坐低咗之後，佢就拎咗2杯水嚟，好大力咁擺落我張枱度，我心諗洗唔洗呀？服務差到咁真係好少有，唔講以為全藍田得佢一間餐廳。仲有呢間餐廳既枱好似點都有層油喺面咁，要我用紙巾抹咗幾次先得，啲餐具又油又有漬，嚟食野真係要睇清楚同抹乾淨先好食。野食質素就更加唔洗講，碗牛腩河又難食但賣成四十幾蚊，啲牛腩咬成分鐘都未咬得爛，啲河粉又得嗰幾啖。食完今次我係絕對唔會有第二次，請我食都唔會再去。真係有生之年去過最差既茶餐廳！

天氣凍左 口痕想食碗牛腩河就經過呢間明徳未食過見佢好多餐牌坐低左之後就睇下有乜好推介啦一坐低馬上就有個女人問食乜 我心諗大佬你見過我咩？我係你熟客？睇下有乜食先啦。我咁都好有禮貌地話睇一下先，諗到再叫你個女人就繼續企係度等 因為就真好多張餐牌我就繼續睇冇理佢過多陣 個女人就掉低張單再攞個牙籤筒大大力啪(十分響 應該訓練有素)落枱壓住張單我真係比佢既態度震懾到食物未到已經飽左最後都係叫左本身想黎食既牛腩河黎到得四舊仲要漂流左去不同角落賣相完全唔討好 份量唔多味道亦只係普通總結呢間垃圾真係冇下次，請檢討下服務態度咁多人比劣評你唔係冇原因 非常唔建議大家去食

現金/八達通 付款。今天試了這店的牛腩河熱齋啡。服務態度：普普通通，疫情期間，都不主動去將分隔陌生人，要我自己取牌分隔，太差勁了環境方面：適中，不會太迫，可能係下牛茶人不過，但如果圓枱坐4名大漢一定好迫。食物質素：超油，如圖，係潮州式河，清湯牛腩不錯，分量都可以，下午茶不會少咗。齋啡都有甘味，可以。性價比：下午茶39包熱飲，除太油外其實都唔錯。性價比：高總結：可能牛腩先咁油，下次我會試牛雜，點都俾多次機會佢。好味指數😋😋

因小弟不舒服 叫過外賣 我已經叫了兩個餐 話唔夠錢焗我叫多一個餐 合共95話 我住平田要叫120蚊以上 又話去你到要十幾分鐘 態度差拿到 唔講以為我打佢工 我係消費者比錢你 唔明點解要受你收銀氣 我即刻cut線 唔拿叫 以後都唔會幫襯 睇你地幾時收皮

係附近整完野，諗住求其揾間野食，點知難食之餘仲要一肚氣，俾錢買難受，真係食到都喊三聲！服務- 擺明趕客，粗聲粗氣態度惡劣，坐低左想走得唔得！衛生- 張枱痴立立，仲有食物殘留，員工帶口罩唔正確，防疫意識好差！食物- 好喊，好多油，食左兩啖真係食唔落，難食到呢......即刻埋單去其他餐廳食！上來OpenRice 見到原來甘多差評，下次今野應該要睇下OpenRice 先，伏伏伏伏伏呢間野藍藍藍💙💙💙💙💙到一個點！

我個人認為，牛腩或其他粉麵都好好食，湯底夠濃，牛腩半肥，好食過很多所謂的排隊店。即炒都幾好味，當然，不是全部都好食，奶茶和凍檸茶都好有水準。員工態度，都是一般的姐姐咁，我又吳覺得態度有問題丫

可能因為天氣炎熱搞到個人冇乜胃口，所以想求其平平地食少少野算，行過見明德既魚皮餃湯米粉唔使$40，決定買一碗拎返屋企食。果然一分錢一分貨，啲米粉粗到好似米線咁，又唔滑又唔吸湯仲要斷晒，用筷子完全夾唔到要用匙羹食。成碗得三隻魚皮餃，唔好睇佢好似好大隻咁，啲皮幾呎厚又硬仲有小小生，入面粒肉其實係得手指尾塊指甲咁大咋，湯略鹹。之後同屋企人講開呢間餐廳，原來佢嘅衛生情況比食物質素更差，唔推薦大家試，尤其堂食！

因我OT食晚飯, 要憑附時間的收據去報銷飯錢的關係叫收銀開單時那個女人立即黑面.而收銀也沒有在收據上寫上時間,於是我叫她寫, 但被她拒絕, 要我自己寫. 我不想令公司有誤會, 再次請求她寫上時間, 她才非常不願意地寫上四個數字.身後有位男侍應串我說"駛咪幫你簽埋名?" 當時我真的很憤怒, 但在大庭廣眾舉他對質有失自己身份, 況且他看起來不是善男信女我只好上來這裏投訴, 把這家餐廳的真面目在這裡跟大家分享如果我自己寫上時間, 會被質疑我使用虛假文書收銀員寫上四個數目字真的是這麼困難嗎?為甚麼要留難我呢?我OT, 辛苦工作了一整天已經很累了, 吃完宵夜當晚飯還要被你折磨好在我EQ高, 換轉其他人, 可能會鬧大了對你這間垃圾餐廳也沒有好處我以後都不會再光顧這家垃圾餐廳食物質素差,員工態度惡劣服務簡直是垃圾級別! 當客人如狗!!這樣的態度做生意, 遲早執笠!!!

兩三年前，在這茶餐廳買過早餐，買的是羅宋湯螺絲粉。當時一吃難忘，羅宋湯竟然那麼香濃，即使加入了螺絲粉，依然不減美味。久別重來，買的是同一個早餐，依舊是羅宋湯螺絲粉配午餐肉和煎蛋，另有牛油方包和飲品。打開盒蓋，急不及待喝一口羅宋湯，香濃不及從前，有點失望，反而配菜有驚喜，煎蛋生熟情度剛剛好，蛋黃軟軟滑滑的，午餐肉厚度驚人，口感超讚，若是略為煎香一點，簡直是美味無窮。牛油方包忘了說要烘底，方包軟軟的，牛油略少。店子是茶餐廳格局，店員算是有禮。

早前於明德食牛雜河粉，發現有負責牛部位的廚師吸煙，此行為簡直差劣至極。手掂食物，手著吸煙，簡直嘔心，完全沒有顧及食客的感受，以後不來光顧。本來以為牛什牛肚ok, 現在值0分

今日去點左個精選午餐星州炒米食，個餐包一碗例湯及熱飲44蚊。咁好啦，就同個侍應講"星州炒米飲熱檸水”。個餐黎左食左幾啖，就問侍應個例湯未到，佢居然答我你冇例湯，因為你點嘅係下午茶！咁我即時望一望個menu,見到下午茶嘅星州炒米又係44蚊，有咩分別，佢跟住好大聲理直氣壯話價錢冇分別，只係下午茶嘅量少左及冇湯咁我問點解我會變左下午茶餐。佢竟然話"因為我見到你望過下午茶menu",救命呀！你一叠menu放响枱，有早餐，常餐，快餐，粉麵餐，下午茶餐，晚餐……放埋一齊，我點野食一定要望架。而我最後係望住牆上精選午餐點星州炒米！正係依個時候，(戲玉黎啦)後面有個女人喝叫"咩事，嘈乜野，話左冇就冇！”全場都聽到。(此人應該係佢地呀頭，因吾洗著制服)。雖然我嗰刻個心離一離，但都將自己講野音量調高2度，據理力爭！又在此時，另一個女人從收銀處出黎一齊圍住我，(應是老闆娘)差住腰問我想點，我當時問點解變左下午茶餐兼冇湯。咁佢就叫人舀一碗湯俾我。咁我都就咁算。碗湯飲左一啖。嘩！溝晒水嘅！1D味都冇。之後我真係吾夠胆飲。諗住快快食完走，但佢地班人仲專登喺你旁邊講D單單打打唧說話。結論係，一碗例湯啫，真係咁矜貴？