明星海鮮酒家

营业中

休息中

有親戚喺外國返嚟，幾兄弟姊妹出去同佢洗塵。訂咗枱去觀塘嗰間明星海鮮酒家。有套餐又有小菜，大家話唔好食套餐，不如叫多幾碟餸試吓唔同嘢食。卒之叫咗椒鹽鮮蝦，咕嚕肉，一字骨，豆豉鯪魚炒涼瓜。部長介紹羊腩煲，又話豆苗好靚，一於咁話，兩樣都要埋。碟碟出嚟都好有鑊氣，賣相又靚，味道算係中上水準，價錢又唔貴，係間食得過嘅街坊酒樓。

住開呢邊就知，以前係海港明珠酒樓，疫情關係，執左，而家轉左做明星酒樓。今日見佢新開張，就試下佢地午市啦😉叫左蘿蔔牛腩+籠仔班頭腩蒸飯，呢個combo$108，今日星期六 另加$10我們仲加左碟蝦腸，蝦腸ok，蝦係爽口既蘿蔔牛腩火比較細，等左成15分鐘先煲，班頭腩有四片，正常發揮茶竟然係超濃，原來阿姐落左好多茶葉😂😂今日貪新鮮，黎左呢間試下，酒樓冷氣超勁，可能坐正風口位😂😂有個位比較特別，原來搭枱同吾搭枱，茶位有分別😅埋單$188， 人均$94