明記甜品 (已結業)

同BF食了木槺布丁同埋椰汁Mango紫米木槺布丁(原味):比較硬,5知係咪因為雪得耐,入口尚算香滑,都ok,下次會考慮下chocolate味的木槺布丁椰汁Mango紫米:夠凍,好味,Mango都好甜,紫米的份量算多,食完飯去食的話會超飽

好耐無食,於是食飽試飯就走黎試左個榴槤飄香,勁多榴槤肉超正,食得好開心,如同滿記比較,明記好得咯!朋友試左杯菠蘿涼粉冰,但唔多掂,食左半杯就放棄左!

木糠布丁(硬的)-非常普通綠荳沙(熱)-非常不好吃

幾個月前係度有過好差既經歷，今晚男友話再試下，叫了個楊枝金露外賣，比之前好了，但芒果都係唔夠甜。

昨晚十二點半我去天后明記甜品食榴槤西米露$20:吃得麻麻,椰汁和西米露ok,有香芋=,="榴槤肉有點太重,問題冬季沒放貨,夏季有貨~~我feel榴槤甘露比它很好味下次我會再去買榴槤糯米茲和榴槤雪葩我見到很多人爆滿吃,有時等座位

昨晚我自己搵食,想起去天后搵甜品我去明記甜品吃榴槤布甸$20-吃得榴槤布甸太重味~~下面榴槤肉太少竟然見到貼上有榴金歲月和榴槤糯米茲下次我會去吃

星期六人山人海，同條女開頭都唔想入去食，但係想起上次個榴連金露咁正，最後都入左去食！一坐落就立刻叫番上次個個，我條就叫左什果甘露，佢重要食唔曬，要我幫佢食d，食落！！兩個都正！！個榴連好有榴連味，夠濃正，個甘有好多生果，都係正！哈哈！下次一定都等下去！！

長話短說，芒果西米露係白色既，得椰汁無芒果汁，啲芒果又唔甜。個楊枝金露都係白色既，嚇死，原來芒果汁喺底，要撈勻架。不過都係差，發記好食好多。

尋晚同男友好想食糖水，於是就入去甜下喇！我叫左個芋頭紫米露：原本唔太甜都岩我口味，但係係無味＆好稀．男友叫左個芒果西米露，都唔錯，不過食食下有隻飛行物體侵吞1/4碗甜品．差差差！P.S.飛行物體會否飛去西灣河分店呢？

夜晚12點幾，想食甜品,見人人都讚,咪同老公黎試下囉,見到咁夜仲有4檯心諗都無黎錯,叫左最出名的木糠布甸($19)同埋芒果糯米糍($10),木糠布甸賣相ok,但係食落似食雪糕,$19有d搵苯,芒果糯米糍個皮唔夠軟,不過都有好大粒芒果肉,總括有d失望!*好懷念西環桃花園既木糠布甸,可惜聽朋友講已結業,希望會重開啦!

我一個星期最小食兩次, 水準keep 得好好,好愛食木槺布, 好有口感, 不太甜, 有層次感, 無得彈, 上次終於忍口唔食木槺,食mango 凍餅, 好大件, 好硬,不太有口感, 我本人覺得木槺最好ps, 陳奕信都係常客

我平時同D fd打完波都會去晶晶食野，但係今日剛剛好無位位，所以想去甜姨姨到，點知俾我個fd見到佢係個個好似廚房到拎在D野又加水又加唔知咩野落去，我聽完之後就同我D fd去在明記到。我同D fd加起都有6-7個人，好彩剛剛好有一班人走在，我地先入到去食野^^我一坐就問一個帶眼鏡的待應，問佢有咩好飲，佢介紹我飲涼粉冰，上面有一D好似煙灰D野，我佢咩野黎！！佢同我講好似係D棷汁同D花奶撈得唔好，所以有一D好似煙灰D一點點係到。飲落都幾好飲^^又唔係好貴，D待應同其他店D待應一樣都幾好人重好有禮貌添！！^^個老板重請我同我D fd試食新野添，好似叫[]層皮都好軟屬！！下一次晶晶無位我都會同我D fd再黎明記食野！！

前晚同女友係銅鑼灣睇完戲，跟住走落天后食甜品宵夜，見到明記於是走入去試，我叫個榴槤雪葩，同埋椰汁涼粉冰，之後發覺白色椰汁上面有煙灰的物體，大概3mm x 2mm，因為我係煙民，所以一睇就知道肯定係煙灰，於是想叫個四眼侍應話佢知同換過，點知佢話我攪錯，於是用匙羹拔走就算，我話換過碗，佢就好唔情願樣，一路行入房一路細細聲話"會食死你咩"，你真係火到埋話唔要啦，條友入到房仲繼續點煙食，我心諗煙灰白色椰汁上面我就好彩見到，如果換轉係喳喳咪食哂落肚！哩咁服務質素一定唔會再幫趁！！！

第一次食榴槤，叫左榴槤甘露真係同之前食評寫的一樣，齒甲留香，一定要食！據了解榴槤食左會燥，這個甜品有碌柚附上，它好似係清熱的，令人體會創作者的關懷食完之後，發現有榴金歲月，下次來一定要食

臨開評看了一看其他網友食評，覺得幾得意：不少人說這間甜品舖環境久佳，不過我昨晚去到則覺得環境很舒服呢!　星期六晚與男友一起去看皇仁演出的音樂劇，未夠鐘先在天后找地方hea坐，我就是看中明記偏暗又靜局的環境才進去的。　我點了喳咋紫糯米露，想不到才$13都幾大碗，而且糖水煲得夠融，令我想起大學時代食宿舍阿姐煲的靚糖水的日子，很幸福很懷念!男友點了芒果沙冰($22)，味道很清甜又是水準之作，看來師父夠勁，其他的出品也不會差得到那裡去。　最舒服就是在小店與男友玩玩bowling game，嘻嘻哈哈了半個多小時才走。下次如果來天后又留到肚(原來附近一帶都幾多餐廳)，我都想再重溫!