影片
晏昼谂住食下粉面，见到呢间价钱公道就谂住入去食啦，点知食到咁唔开心😕叫左个切鸡河，黎左个叉烧河，同店员讲黎错左。佢问我：食叉烧得唔得呀？我话：我想食切鸡呀😅佢拎去问完过多阵又dum番碗叉烧河比我😅注意系‘Dum’落枱好大声果种，叫我同其他店员讲🙂过左一阵第二个店员又黎问我唔要叉烧系咪呀，我前后讲左3次：我想食切鸡河，最后先换到，都系好大力Dum落枱既。个杯有好多积切鸡河呢个价就真系算系咁，鸡有鸡味。
继续阅读
中午想食茶记，行过谭臣道见到明记美食今日有黑椒鸡扒饭，钟情于黑椒汁嘅我梗系难以抗拒啦，所以二话不说就拣左佢做我今餐！我系外卖自取，$40包一杯热饮或者一碗汤，我选择左前者(热奶茶)。最令我惊喜嘅系佢嘅"光速出餐服务"，因为我落完单到出餐俾我，只系用左3分钟嘅时间，快到一个点！对于大热天时拎外卖嘅人嚟讲，系一个超级加分位，真正做到"快餐"呢样野。味道方面就较为失色，黑椒汁咸得济，无咩黑椒味，鸡扒份量略少，亦有明显嘅雪气味，整体嚟讲属中下水平......如果对食物要求唔高，只求食个快餐嘅朋友都可以一试嘅。
继续阅读
放假去旅行嘅前夕，枱面永远也好多好多好多完成唔到嘅工作，😭😭😭😭😭😭😭😭😭😭😭😭😭情愿牺牲食饭嘅时间，都唔想留低工作比同事，本身有一个半钟缩短为半个钟，去咗公司楼下，平时唔会食嘅一间茶餐厅，叫左个最快最快最快既特餐爆个肚，一碗鸡扒餐肉公仔面一份炒蛋多士加冻柠茶都只系$40最劲嘅事系：坐低到有得食中间只系10分钟份量非常之多，餐肉有两块，鸡扒切碎都有三四粒，个公仔面系一全饼，唔同出面有可能一开二咁俾你。总结：$40光速餐，味道到唔好有期望求快求饱绝对合适服务环境一定系麻麻
继续阅读
LUNCH时间忽然比同事放飞机，搅到我临急临忙先约旧同事，但附近食肆已经排哂队…结果拣左一间无人排队、又无坐满人既茶餐厅呢度既职员好搅笑，我同同事两个人黎食，入到去佢叫我地斜对角坐。下?! 咁同一个人黎食有咩分别?!由于唔系好饿，所以叫左个特餐 ($35+2) 内有牛油方包、火腿奄列、沙爹牛肉拼猪扒米粉、好立克因为方包唔热，所以牛油仍然一旧野、唔识溶；奄列正常；沙爹牛肉大块，味道OK；猪扒就好少，而且切成猪柳SIZE；好立克好稀，唔好饮粟米班腩饭 ($41)班腩一早炸起捞左汁，所以唔会脆，整体份量同味道都系一般茶记野，无乜特别如果唔系近又无人等，一定唔会食
继续阅读
抵食，茶餐$24有花功夫炸的西多士配餐饮热华田。多士虽夹唔齐口，但食到香浓蛋丝在其中，好味。华田粉落得不大足够，所以冇乜甜味及华田味不够浓香。地点方便，地铁站2分钟内步行到达。
继续阅读