明記甜品 (已結業)

紅磡區間間糖水都試過，因為冬至好多間網上外賣平台都無送，所以試呢間⋯點知沒有最伏，只有更伏⋯一打開「生磨」合桃糊見佢半透明棕色，心知不妙⋯食落無合桃味，似粉加糖加水⋯到底我食緊咩⋯好難食呀「生磨」芝麻糊加合桃糊情況一樣難食⋯一向惜食嘅屋企人食左兩啖放棄⋯可能係全紅磡最難食⋯由網上外賣平台送，加湯圓都成40幾蚊碗完全唔係話抵食⋯但係畀啲咁嘅透明合桃粉糊客人食，實屬過份得好緊要。不了，再無下次

當我見到紅磡有新糖水店開張既時候真係好興奮！當見到寫住「明記甜品」既時候興奮到叫左出黎！仲嚇親街上面既人添～因為我係東區住既時候經常幫襯嫁！簡直係紅磡區榴槤控福音啊！終於隔左幾日，去左幫襯！雖然與西灣河總店食物種類較少，但都引入唔少招牌！不過店就外賣店仔，要堂食既話先唔好介意環境同街邊開枱先得喇！入正題，港島區既甜魔應該唔陌生，不過九龍區真係第一間分店，而且店名多左「安哥」，不過我問過店主話係師承西灣河店既！想食既榴槤忘返冇賣，所以叫榴槤甘露！$42 份量同平時食既有出入，首先明顯係外賣發泡膠，唔環保之餘份量感覺都唔似平時咁大碗！睇相可以見到得一粒仔榴槤肉，西米露都唔多，賣相已經比下去，當時我已經攪混哂，急不及待第一啖食！E？點解唔同味既？omg 平時既榴槤蓉份量係再多d,但而家奶味勁重，而且略稀！店主都出黎問我味道如何，坦白真心失望，店主即時再整一碗比我，第二碗冇咁稀但奶味偏重，平時榴槤味係完全蓋過呢陣奶味！皆因我係好憎奶，所以一飲就知😔店主表示唔好意思，我雖然食唔返果種味道都希望店主會有所改善💪🏻

好開心呀以前住西灣河嗰陣成日食嗰間明記糖水店，竟然喺紅磡終於有得食啦，問清楚老闆係咪真係西灣河本店，確認係真既！Order 咗佢哋最出名嘅芒果小丸子，質素果然有保證，芒果又香又甜，小丸子夠‘煙銀’，同男朋友一齊去食，由於佢未食飯，就試吓佢哋嘅鹹食，超級有驚喜， XO醬炒腸粉夠熱辣辣，炒得夠香又唔太辣，做宵夜絕對一流。知道老闆娘係專做外賣生意，嚟緊有越來越多款式嘅甜品會推出，希望佢哋繼續保持到呢個質素! 絕對支持小店同埋一定會介紹朋友黎！

附近有幾間甜品店，見呢間新開有8折就試一試佢😁眼見店子細細，但甜品選擇非常多；中港台西式全部都有，真係估佢唔到😂選擇困難症下，老闆娘推介鮮芒果雪糕小丸同火龍果汁；芒果鮮甜無渣，小丸子出奇地煙韌牙，真心推介！👍火龍果本身唔太鍾意食，但做果汁又唔錯喎👍老闆娘話原個火龍果即榨，梗係唔錯啦，健康又高纖維，岩晒d健康人士😁又話佢d芒果係呂宋芒，來貨都十蚊個，緊係鮮甜好食啦；小丸子又即叫即煮，煮完再冰振，所以先咁彈牙👍又話芒果布甸都值得一試，老闆娘每日親手隔渣做，保證好食咁話喎😂但依家太飽，唯有聽日再黎試下。