影片
以上资料只供参考，请与餐厅确认详情
今日27-11-2024下午打算去買嘢食俾小朋友放學做下午茶，首先叫了腸粉（$18/7條），跟著叫章魚小丸子（$16/6粒），幫我手個姐姐好似唔太熟手，入面果位姐姐就走岀黎幫手喇，佢同我講：不如（$19/7粒）俾埋你，我話：唔使喇！唔該！佢再講（$18/7粒）俾你啦！我再答：真係唔使喇！我仲有其他野食架！佢再話：我淨返一粒好難賣架喎，你要埋佢啦⋯⋯重覆講講講講！我就話喇，我6粒夠架喇況且我仲有其他野食，我真係唔使要喇，同埋你唔係送俾我，又唔係平左俾我，你係賣淨左係咁迫我要！態度惡劣！好似我唔買果粒欠左佢咁😅，我黎買野本身係開開心心，搞到我一肚氣！之後仲離譜，我見佢外面寫住牛肉球（$14/3粒、或者係$5/粒），咁我之前已經同果位唔熟手個呀姐講：要牛肉球3粒！跟著態度惡劣既呀姐走黎同我講話，依款係酒樓牛肉要$6一粒！我話：你出面寫住$14/3粒架喎！我唔知你賣咩酒樓唔酒樓牛肉，我淨係見到你寫住左$14/3粒姐！最後佢夾住2粒牛肉係我面前話酒樓牛肉黎架！🫠🫠🫠，最後佢只有2粒，咁我就要埋啦（收$10），買完真係激到我一肚氣！唔係個女想食都唔想幫襯呀！做生意做到佢地咁樣真係唔會再幫襯囉🫠，絕對冇下次！同埋會打去海關舉報你地易拎腸粉，因為你地違反了商品說明條例！希望你哋加價後都要更正返外面的價錢牌！客人只係睇你價錢牌去落order ，沒有欠你們的。
继续阅读
如題本身幫襯開 但轉咗手之後真係越嚟越難食燒賣同腸粉都好少少 冇咁易中伏但章魚小丸子真係好難食 冇食過咁難嘢嘅勁厚食 一啲都唔脆 好似食緊蛋糕咁😥啲比例可以再調一調⋯唔建議大家去呢間嗌章魚燒 一定中伏🙏🏻
继续阅读
黃大仙呢間腸粉喺馬路邊，好早就開門，店內都有得堂食，不過就得兩人嘅位。平時經過都會買一份當早餐食。🙋🏻♀️腸粉 （$13）一般我都係買外賣拎返屋企食，我會叫多豉油，少甜醬加麻醬同芝麻。有時同老闆娘講咗要多豉油，但佢比得唔夠多，所以每次我都會重複多幾次叫佢多豉油😂😂腸粉好滑身，同埋啱啱蒸出嚟係熱辣辣，加埋啲豉油混合一齊，非常夾❣️除咗腸粉仲有得叫燒賣魚蛋同埋豆漿，粢飯都有。豆漿老闆娘話係自己煮嘅豆漿，有凍或熱可以揀。係一間非常唔錯嘅早餐店。🥳
继续阅读
經過附近想食腸粉，叫左6/$15，見佢混醬既時候都心知不妙，所以醬汁都極少，所以即刻同阿姐講要多醬，阿姐即刻比多兩滴豉油我，感恩！算，照食，但真係太少醬汁，太淡，食咗一嚿，成包掉左，買個教訓！不會再試！
继续阅读
今朝去左呢度附近買餸，貪佢價錢都好貼地，買完就諗住順便買埋早餐返屋企，就見到呢間易拎腸粉。之前聽過住附近既朋友話過呢間腸粉好好食，所以就決定買黎試下。腸粉佢有兩個價錢，$7/4條同埋$10/6條。價錢都相當之抵食，咁我就梗係買左$10/6條，因為買完餸都十分肚餓架啦。 腸粉叫左佢要多醬多芝麻，果然好好食，腸粉夠晒熱辣辣，食到腸粉既皮都係好滑，醬同埋芝麻都有比多，好惹味，仲要十蚊雞黎講真係食到非常之飽，抵食
继续阅读
您可能会有兴趣的...