星之戀

营业中

休息中

不斷嗌人叫其他食物，嫌人食嘢食得少，又好冇禮貌。逼你食套餐。經理同服務員都非常之無禮貌，有其他食客投訴服務，不知所謂。下次一定唔再光顧，令到我們同學很不高興。聚會千萬不要來

早一晚同阿女在旁邊的餐廳食晚餐，經過這間中菜館時被它的點心照片吸引，二話不說，第二天就和大家姐在這裡嘆早茶。兩個人共點了6款點心，包括潮州粉果，鮑魚雞粒酥，香茜义燒腸，金箔蝦餃皇，鮮蟲花白玉棉花雞，雪山綠茶义燒包。潮州粉果是我的至愛，這裡的粉果皮是透明的水晶皮，個人偏好傳統皮。鮑魚雞粒酥味道好，如果鮑魚可以大少許就更完美。😋香茜义燒腸的腸皮又薄又滑，义燒餡料足，好味。😋金箔蝦餃的蝦又大又爽甜。😋鮮蟲草花白玉棉花雞抵食夾大件，相當有驚喜。😋雪山綠茶义燒包的綠色糖皮，顏色有點奇怪螢光色，味道其實也可以。今次早茶食得滿意，我會再來光顧。😊

今天和親戚訂了兩圍，澳洲龍蝦全包宴，菜式有上湯焗龍蝦伊麵底（龍蝦份量十足、伊麵，有龍蝦汁鮮甜）、碧綠玉帶珊瑚、荔枝百花球（造型10分搶眼）、鮑魚、蒸石斑、龍蝦湯、菜苗、文昌雞及炒飯。這個12位用的份量非常足夠，適合一大班人來吃！

老實講，呢間野食物我覺得有真心吾錯，火候，技術，大至海鮮菜式，小至幾十蚊小食，都係高水平，食得出係有心做好野食，吾同普通茶樓咁簡單，不過相返就有幾個問題。1. 餐具/環境污糟，一入到去見到個碗仲有上一手食完條菜2. 啲經理定部長個個不知所謂，做得管理層，上菜跌左舊都算，毫無悔意，工作懶散。未食完就趕住收碟，心諗你收得咁快都唔會洗得乾淨架啦，你冇野做入寫字樓坐下好過拉低曬間餐廳質素。啲普通員工仲正常過佢哋，態度又好，又專業。3. 明白母親節係應該收貴啲，一年一次，不過個價錢係平時既雙倍，即係綁匪價，唔信自己去睇吓。

星期三晚1行4人食飯晚市叫左4個餸星之戀小炒皇 $148鮮菠蘿脆皮咕嚕肉 $138花膠翠塘蒸蛋白 $148乳豬半隻 $158 <平日限定 呢個抵！喺香港咁夜繽紛嘅情況下🥹🥹🥹平日都有一半入座率算係幾好😅😅😅啲送都幾好食😋😋😋侍應有禮貌同有笑容👍🏻👍🏻👍🏻上第二道菜個時個waitress放左隻豬八戒喺枱之後倒左啲水去豬八戒個頭度就開始噴煙😂😂😂我地以為係上乳豬結果係咕嚕肉😂😂😂呢個上菜方式都幾surprise😂😂😂*openrice係咪冇得upload 片? chop左家人同咕嚕肉噴煙video但好似upload都係圖only

下午兩點半去左海之戀商場，見到呢度下午茶$66可以嘆3款點心就决定入去一試，今日叫食左下列三3款點心:羊肚菌牛肉球牛肉球牛肉味口幾好，加上有芫茜同馬碲混埋一切，食落都好爽口，味道都有層次黄豆醬蒸排骨排骨肉味尚可接受，稍嫌辣味不足，加上用薯條舗底令到排骨整體失色少少古法馬拉糕食落唔會太甜，啱啱蒸出黎夠哂熱夠鬆軟呢度整體點心水平都算中上，環境未算特别寬躺但都叫舒適，點心等左10-15分鐘就上枱，ok啦，下次再來會試其他點心…

俾咗張點心紙個員工20分鐘都冇人理，問其他人就話正常等法係咁。然之後結果係成張單唔見咗冇入過。咁好服務嘅茶樓都係第一次去😂實有下次啦如果想受氣嘅就可以去😂😂😂

今日與家人共聚，吃了一頓美味的晚餐，開心分享吓：～乳豬感覺非常新鮮，是大豬來的，我們八個人也夠食，廚師廚藝高超，烤得皮脆肉嫩，特價$298真係超值❤️～咕嚕肉上枱有隻豬仔托盤，用乾冰製造煙的效果，非常吸晴，豬肉用料上乘，材料新鮮，能吃到豬的鮮味！～椒鹽魷炸得金黃色，香氣撲鼻，風味獨特；椒鹽豆腐也不遑多讓，非常香脆，送啤酒非常一流呢👍總括來說，這間中菜酒樓位於西鐵站上蓋「海之戀」商場內，交通亦算方便，值得再次回訪！

又到年尾出咗雙糧嘅時候，梗係同啲同事食餐好嘅，呢間酒樓睇落好似普普通通，不過啲嘢食同個廚師應該有啲水平，呢個龍蝦一味兩食，唔會做得過分濃味好多味精，薄脆都做得非常好，想食埋同事嗰份！魚子醬片皮鴨，魚子醬依家因為可以自己養殖，所以變相已經冇咁值錢，加上國內好多魚市場自己都可以繁殖到，所以已經唔係以前嗰種矜貴，但呢一款算不過不失，起碼都保留到嗰種鹹香味而唔係淡嘅海水！呢啲價錢可以即場拖埋俾你有埋表演都算係咁，呢個係近照片看清楚！仲有呢個前菜我都覺得好值得推介，酸酸甜甜，總括而言如果喺嗰度訂間房間又有得唱K又有得食中餐我覺得好值得，仲要喺商場入邊免費泊車，值得推介

出菜起碼45 分鐘，雖然星期日，我們已比足夠忍耐等。一碟魷魚酥一小時。經理亂開價加錢乳豬。欠些硬支付$200。 。沒有跟進單。敷衍客人。如何可以有回頭客？對不起我不會支持你們。

聖誕要食下西餐，但緊接著就係新年，都要試定菜，搵間正嘅酒樓介紹比大家訂圍餐。前排我哋一班朋友聚餐時發現荃灣海之戀新開咗間酒樓，質素唔錯，真心推介比大家🥰因當日臨近冬至，無咗特價小菜，我哋11位叫咗8席嘅冬至餐，再加幾個小菜。真心講分量好足！幾個大男人食都食唔曬，要打包荷葉飯。上湯焗澳洲龍蝦(伊麵底）原隻五頭鮑魚伴椎茸奇味醬炒雙蚌乳豬拼盆藜麥花膠遼參翅清蒸沙巴龍躉鮮蟲草花泡菜苗正宗文昌雞飄香荷葉飯大師甜品另加小菜炸魷魚鬚乳鴿黑毛豬叉燒大爺燒鵝皇古法扣羊腩煲冰皮壽包值得一提係…待應服務有待改進，無論分菜（鮑魚、湯等菜式）、上菜、執碟都唔合格。慢慢摸下摸下咁，唔知做乜🤣鮑魚和湯分人頭落碟/碗，上到枱已經凍曬。睇到我哋腦部大爆炸，放低得啦！我哋自己嚟啦🤣🤣🤣🤣

今日第一次嚟到新酒樓食飯，見佢新開咗冇幾耐，所以走到嚟試一試。一共六個朋友上到嚟食飯和一個小朋友，嚟到都有七成爆滿，叫咗一個四人餐再加多三四個飯餸，可能今晚是由余經理招呼，所以服務態度也好好，不過唯獨煲仔飯等候時間有點耐，最後來咗個鮑魚雞粒炒飯🤪其實係order 臘味煲仔飯，經過一輪check單之後,最後他們都有煮煲仔飯出來，但係最後都要等多15分鐘時間，不過一班朋友傾吓偈吹吓水，都OK。食嘅各樣餸菜也不錯，份量都算多，比起集團食酒樓都算唔錯。有機會都會再過來幫襯。

諗住同屋企人做冬岀街食，見呢度岀哂社交媒體網站賣晒廣告就想試下。一入到黎見d員工行黎招呼都覺得好似幾好服務態度，嘩一坐低就見到d碗碟全部都係塵，落左單食左兩三個餸就加單，點知食到連加單個餸都食完個菜都仲未到，個個都食都差唔多飽想叫員工取消啦，點知佢走入廚房吹單，當我地想走碟菜就上左枱，擺明就係唔比我哋取消個餸，即係我覺得你唔比我取消無問題既，但可唔可以講聲呀，個二百幾蚊咪豪比你囉，一定唔會再幫襯😡😡😡

點解咁講？一入到去櫈都未坐暖就係咁催人落單，大佬呀 我都未睇完☺️另外 係咁上錯菜 咁我地落單黎做乜 不如廚師發板啦🤣🤣🤣個年紀稍大嘅侍應 語氣態度簡直一流 當我地食緊飯時 直接拎單睇 睇唔清問我地都算 個態度成個老鳯咁 👍👍👍👍👍柚子帶子 就中規中矩 外熱內冷😳玉掌遼參 遼參成條配汁都係冇味 中意清淡冇味嘅可以點😉食到最後 剩低啲乳豬 嗰位侍應上前用霸氣👹嘅語氣講「你哋唔要呀？」冇啦啦俾人兇 當埸我都嚇一跳😲叫佢打包 仲西利 有表演睇添 粗魯咁dum 乳豬件入盒 然後佢見點粗魯都合吾埋個外賣盒 佢就索性連合都唔合直接dum入外賣袋😃😃😃幸好我媽咪叫佢拎橡筋 佢可能不滿我地尼個大大嘅要求 佢就發脾氣 勁大聲同大力係咁拎個外賣袋出氣🤣🤣🤣🤣🤣 然後走去拎橡筋🫡🫡埋單果下 我就叫另一位員工幫手埋 態度幾好我都明香港服務業係唔容易但未至於要咁樣對待d客人

1. 7:30 入座, 友人覺得熱叫左罐汽水. 叫左 3 次先拎到罐汽水黎, 仲要唔凍.成 3 - 4 個waitress 姐姐淨係 service 房入面班大客2. 叫套餐 4 人餐, 問佢可唔可以加多 1 個人做 5 人餐.阿姐都幾無禮貌話 4 人餐你 10 個人食都得架!3. 叫好野食, 等左 45 分鐘都無野食黎.原來阿姐落完單就放左張單係檯, 無幫我地入機.4. 個套餐有甜品, 我地問可以上甜品佢地竟然話送晒, 要下次先. 原來拎晒 d 甜品送晒俾檯 VIP. 我地唔係叫你送甜品 wo, 而係我個 set 本身有你唔俾我 wo.下次先補返俾我, 我係唔係可以下次俾錢?雖然最後都有俾到, 但唔係一句送晒下次俾返啊.5. 野食 overall 係好既.燒乳豬好香口燕麥蝦球, 個底有炒飯底, 同時炒得好乾身文昌雞, 好嫩好滑