星巴克咖啡

营业中

休息中

春天就是粉紅季節的日子，雖然我不是粉紅控，但見到呢個粉紅x白的士多啤梨雪芳蛋糕，吸睛度陪增！外層被雪白香滑忌廉所包圍，入面見到有粉紅色雪芳蛋糕，說實話：唔係幾食到士多啤梨味，質感夠鬆軟，食晒成件都唔會太飽，甜度唔太甜，如果唔係士多啤梨堅粉，都收貨嘅！

過了聖誕節，仲有聖誕裝飾嘅蛋糕賣，呢款綠茶心太軟蛋糕，紅綠色配搭，外面焗得香脆，內裹軟滑，幾濃綠茶味，甜度適中，食前店員會再翻熱，食落暖暖，有驚喜！另外亦點了檸檬撻，聞到幾香檸檬味，味道酸中帶甜，幾醒胃，以撻皮做底，上層軟滑，底層鬆脆，兩重口感好滋味！當然唔少得杯mocha!

買完禮物好累，最好就係去呢度坐下，嘆杯至愛拿鐵，香滑易入口，奶泡幼滑，唔甜！另外配埋呢件藍莓芝士蛋糕，藍苺大粒又夠甜，芝士蛋糕質感軟軟，幾重芝士味，食完超滿足，差一差電又可繼續血拼！換上紅色新杯，好醒神呢！

沒想過為一杯星冰樂都開一篇食評，但由於真係太好飲所以係絕對值得的！由於要去花園街取貨，行致攰攰地又熱到滴晒汗就上左新世紀涼下冷氣同飲杯凍飲。去到舖頭見到有新出既椰子草莓星冰樂，椰子同草苺都係我喜歡的味道，所以就叫左來試！老實說，叫果下都怕草莓味太假，好似藥水味，畢竟已經係唔同地方中伏過好多次。但估唔到依個星冰樂係用有真果肉既草莓醬，酸酸甜甜非常岩夏日飲另外飲到有好多小小塊既椰子片，令到成杯星冰樂多左咬口，層次亦提升高左而且奶味適中，真係後悔只要左中杯，下次一於叫大杯

Chocolate chip cream (cold) $43 (Grande):I didn't expect it to be that sweet but overall, it tastes quite good with the chocolate blending into the milk. The cream at the top is a bit excessive too. I wonder how much fat it contains 🤔. The ice in this drink is not affecting the quality of the chocolate milk, which is another bonus.Matcha latte (hot) $38 (Grande): It was quite hot for the first 15 mins so I wasn't able to taste it that well. After it cooled down, the drink is really concentrated

朋友臨時要OT, 唯有去starbucks坐喺度等佢放工食飯。好彩黎到有位坐, 唔係真係唔知去邊度hea喇。平時都好少黎starbucks飲嘢, 叫開都係greentea latte。今次見到menu有鮮奶日式焙茶, 就叫左個tall黎試試。飲落都唔錯, 焙茶味都濃, 唔會太甜, 奶味唔算好濃, 少少甘味, 係鮮奶抹茶外嘅另一選擇。

稍甜chiffon cake蛋糕一般好耐無黎starbuck嘆下坐下，飲下野，吹下水難得星期日休息，又有coupon用無理由浪費既，用左$9，買左件chiffon cake食洛都覺得無乜特別但係5算甜，可以接受個人不愛crunchy

Matcha Strawberry Blossom Frappuccino (grande)(hk$46)試新野！比佢個靚靚粉粉綠綠外表吸引左～～～想試好耐，就係今日決定熱熱地就飲呢個！底層同最頂都係士多啤梨忌廉，中間為綠茶星冰樂，最後灑上酸脆的士多啤梨乾。第一口，我把飲管插到最底飲，媽呀，好似糖水咁甜呀，攪勻左會好點，但整體飲哂成杯都係好甜呢，茶味奶味都被甜味掩蓋了！最後飲唔哂....我未必encore呢杯，有點得個樣😂㊙️ Starbucks會員優惠今次親機會終於用左Starbucks card的迎新買一送一優惠去買呢杯貴野😛😛 開會員卡果然抵好多呀！另外，呢間Starbucks 位置好隔涉！要去到最篤篤呢！

今個夏天，Starbucks新推出了兩款飲品，最想試的朱古力紅茶伯爵啫喱星冰樂5PM就已經售罄，唯有買另一新款--雙重朱古力抹茶星冰樂（特大$48)。綠茶味尚算突出，不會太假，飲的時候可以飲到粒粒朱古力碎粒，令到口感更加豐富。不過雖然這杯星冰樂名字叫做『雙重朱古力』，但朱古力味非常薄弱，只靠那兩層朱古力醬帶出少少味道，味道完全像GREEN TEA LATTE，只是質感就偏沙冰，有點『舊酒新瓶』的感覺，如果一心想試新產品，相信會和我一樣失望。