星巴克咖啡 (已搬遷) 新店位置

收到三件starbucks食物：聖誕人形曲奇、袋裝曲奇＆milk chocolate bar ~ 試左前兩隻，人形曲奇微甜，味道okay，都可以試下；袋裝曲奇則勁難食，千祈唔好買...

今日lunch食salad only，搞到下就勁肚餓，朋友陪我去左Starbucks食野~ 我地要左件Turkey Pie、Ginger Tofu Cheesecake，因為喉痛，我要左杯石榴汁instead of coffee。turkey pie okay啦，冇菠菜芝士批好食喎；可能因為係豆腐味的關係，cheesecake都淡左少少；石榴汁都係average~ 整體而言麻麻啦，都係推介佢o既菠菜芝士批+ blueberry cheesecake combination多d~ 另外沙田店真係太多人啦~

心情有點納悶而且倦厭厭的，一於再去Starbucks充充電，俾D甜頭自己，於是要了杯熱布雷鮮奶咖啡(creme brulee latte)及一件薑末豆腐芝士蛋糕。此芝士蛋糕相比坊間普遍之new york cheese cake無咁膩，芝士層中間做到豆腐之質感，唔太甜亦有豆腐味道，有趣!$26/件，可以一試~ 布雷鮮奶咖啡仍舊幼滑香甜，為嗜甜之女孩子不錯的選擇

starbucks coffee 我諗很多人也嚐過,故不在此用字形容。只想講講本店的環境: 此starbucks 位於商場中場, 屬開發式,有人會認為環境較其他starbucks 嘈吵,令人沒好心情嘆一口咖啡. 但本人卻覺得此設計甚有意思, 首先讓多些陽光間接射入店內, 令人心情爽朗。開發式的設計也令空間感大增，讓顧客更能享受他們的時間。拍了照... 下次send 上來讓大家看個夠啦.

點解好似冇咩人評價o下佢o地d蛋糕gae? 試過以下口味(5分為滿分)1. Mango Mousse CheeseCake (4.5): 各人一致讚好.有一半係芒果慕士,底層係質地豐盈o既芝士蛋糕,近NewYork Cheesecake既效果. 唔會太溜,芒果加芝士,好!2. 好似叫yogurt cake (3.5): 較酸身同埋軟身. 似甜品多d. 以蛋糕o黎計,就古怪d.

食完飯過黎starbucks飲杯咖啡. 友人食完重量級tall cake後依舊要杯chocolate frappuccino, 佩服佩服. 我就叫返杯cappuccino黎中和下d甜味. 可能因為呢段時間人流無咁多, 呢度o既staff服務好貼心, 唔係, 直頭貼身! 由我行去cashier開始就有個staff o係我身邊, 我買咖啡後, 佢即刻幫我拎左張飛, 話幫我跟杯咖啡, 又幫我送杯咖啡到我個位. 服務認真一流!杯cappuccino沖得幾好, 唔會成杯泡, 奶味剛剛好. 泡又唔會好快消失. good!

Coffee Twist 真係幾得. 菠菜芝士批都好味. 絕對冇想像中咁溜. 不過杯Hot Chocolate就貴d. 細都要成十八蚊, 係好飲過麥記,但係飲唔出點解要咁貴

上兩個星期路經此地，順道買杯咖啡飲，在等咖啡期間，個服務生硬銷佢o地推出o既咖啡月餅同朱古力月餅，還切了兩舊給我試吃，一向不試新派月餅的我，在她誠意權權的微笑攻勢下，只好就範。先試了咖啡味，一咬落口好明顯是咖啡味的蓮蓉，以hazelnut代替蛋黃增君口感，味道都唔錯，幾特別；至於朱古力月餅就…好甜，吃四分一已經釨漏，雖然話係用法國名牌的朱古力製造，但我寧願吃朱古力，由始至終，我都鍾意食傳統月餅。^o^

見幾多人寫佢既燕麥牛角包好正,前日去食, 我覺得只係普通貨色,連麥味都食唔倒la rose好過佢呀~

其實我係第一次食cinnamon danish ga ja...我覺得starbucks哩個冇玉桂味, 上面有好多icing suger~ 焗到溶溶地, 幾食但好肥...

行過starbuck眼前為之一亮﹐因為見到張poster印左杯好靚0既粉紅色飲品﹐見呢個新推出0既飲品外表咁吸引﹐於是貪得意試下$33 大杯裝﹐都唔平﹐但平時係到買杯咖啡都$30﹐所以是鬼但杯straberry frappuccino唔係得個樣﹐都幾好飲﹐比starbuck其他frappuccino好﹔唔太甜,淡淡士多啤利香味﹐頗重奶味﹐最鐘意上面果大pat cream﹐好滑﹐不過好滯飲完好飽﹐而且呢杯野一定肥死人﹐不過偶然一次半次就冇所謂奇異果汁好"鯹"(草青味特別重)﹐個人唔係太鐘意見佢d blueberry cheesecake好似幾好味﹐但因為0岩0岩食完飯太飽所以冇試到﹐下次有機會要試下

用全麥粉做之外, 重有好多果物, 健康呀!推介!^^

haha~又係因為cathie先知佢轉左menu~今日即刻去食!^^我覺得好好好食呀,食完都唔會有漏既感覺~但個scone似食cake多d,唔多似scone個口感,係呢,我想問下個scone上面既好似nuts既野係咩黎ga?

見倒cathie話食過返尋味,所以對哩個超級期待!個staff同我叮熱左,又真係好好食wo~好鬆化~如果重d coffee味就100% perfect喇~^^$12好抵食!

我覺得Blueberry cheese cake同'沒'茶cappuccino冰沙係好好味.不過我下午茶時間去就好多人,無乜好位坐.