星月樓

营业中

休息中

中國人傳統都喜歡一盅兩件，飲早茶。而家因為工作疲倦，星期六、日都去酒樓飲早茶食午餐攪掂，即一盅兩件加一個午飯。今日又去到星月樓，我叫咗星月蝦餃皇，爽口的蝦，十分好味，大大件牛肉球，同埋叫咗一個燒臘叉燒麵，食完已經已經好滿足，所以中國人嘅傳統文化之值得保留。

踏入這家餐廳，嗅到嘅第一陣香味已經係引人入勝😋。首先黎到塊乳豬皮，真係脆到彈牙，仲有叉燒肥而不膩，味道宜人得嚟唔會俘躄口。轉個頭試咗咕嚕肉，簡直驚喜，甜薯與肉嘅口感恰到好處，一口唔夠食！沙巴龍躉肉質絲滑，入口即溶，幾好食嘅！雞皮香脆，肉質嫩滑，輕輕一拉就散開嚟，飽滿嘅口感真係無得頂！不過啊，濃湯魚腐浸菜苗有啲過鹹，影響咗整體食感。講實話，份量大到驚人，難怪隔籬枱都邊食邊打包😂。著實值得一試嘅酒家，質量同份量都係完美嘅組合。呢度嘅食物真係令人滿意到讚嘆不已！下次再嚟，一定仲要試其他菜式！👍🤤🥢

星期日10:05經過大廈樓下，見到個poster介紹嘅孖寶幾吸引，打算上去試吓，去到酒樓居然有位，但樓下酒樓要攞飛排隊🤔，一上到去直接入座，問侍應攞孖寶點心紙，原來過了10點沒有孖寶，為何不在poster說明？點了點心及小食，sorry! 原來小食11:00後，那麼我可以食什麼，sorry! 只能選擇沒有優惠的點心那一頁，星期日應該吃得盡情一點，結果卻只能這樣，點了3個點心算了。明明得2位，但寫4位茶錢😅我們點了炸雲吞，其中一件只得雲吞皮😅，整體食物比以前鹹好多，不值得一試。

新鮮生豬肉蟹籽燒賣皇，真係係人生中嘅第一次，諗住新鮮滾熱辣噤去品嘗蟹籽燒賣皇，點知一咬一啖後，好似軟淋淋的生肉味，跟住吐都吐唔切噤望吓啦，點知原來啲豬肉睇落極新鮮生豬肉，係生豬肉呀！大佬呀，依家啲豬肉都話有啲問題，噤樣攪法真係好無奈，只係換返籠就算了，經理也沒處理一下，真係今日的經歷，令我畢生難忘………

疫情後再來這酒樓飲茶，點了幾款點心，款款都滿意，水準不錯。鮮蝦莧菜餃，餡料滿滿，菜香蝦爽，皮薄通透容易咀嚼。鮮蝦炸雲吞，雲吞皮炸得金黃香脆，每件都有蝦肉在內，醮上甜酸醬同吃特別滋味。潮州蒸粉果，和鮮蝦莧菜餃一樣，外皮通透軟滑，可見皮內餡料漲實量多，花生，馬蹄，菜甫等口感爽脆，鹹度適中。蟹籽燒賣皇：肉質爽口彈牙。蘿蔔千絲酥：外面多層酥皮入口鬆化，內層絲絲蘿蔔香甜，熱騰騰上檯，即做即吃夠美味。蛋白杏仁茶，杏仁味道香濃，蛋白滑滑，不過於黏稠，茶質厚薄剛好，綿滑有緻。

十個老同學聚餐，比較一輸選了這問性價比最高，初時我睇見食平好一般，有點猶豫，但坐及吃了一晚，覺得要幫佢平反下。首先，原本以為工廠區平日晚市靜英英，點知原來都6成滿，吃圍餐的也多，因為真的十分優惠，價錢甚至可比所謂大排檔及冬菇亭。二，坐的空間ok, 枱與枱中間有矮屏，有比較舒適的距離。三，食品質量高，條魚蒸得好味，因為魚缸有大量供應，魚缸keep得好，其他海鮮龍蝦鮑魚都生猛及有大量供應。其他食物都有水準，唔錯。四，圍餐菜單好豐富，而且有埋壽桃包，順便興埋生日，抵。

間酒樓係正戲院隔離，同屋企人睇完戲，過隔離飲茶就啱哂。p.s 長沙灣MCL真係全線最平，搭車過嚟睇戲都抵啊！！下午茶特價點心唔算多選擇，而且假期所有點心要再額外加錢。我哋叫咗兩個孖寶，再單點一個點心。🫖 鮮蝦炸雲吞 + 鮮竹卷好耐無食過炸雲吞，上嚟時仲熱同脆，點埋個酸甜汁一齊食，正鮮竹卷無咗蠔油漿汁，味道比較淡🫖煎蘿蔔糕 + 牛肉腸牛肉腸粉外皮滑，牛肉份量多蘿蔔糕唔會一夾就散又唔會太多粉漿，正常味道🫖叉燒酥上到嚟係微暖，酥皮唔算鬆化仲有啲乾整體酒樓點心中規中矩，勝在價錢合理，坐得舒服。

Score 總分: 65至70這間星月樓在長沙灣區算是數一數二 點心 好食嘅酒樓，今次我就第一次試下佢嘅晚巿如何.......點知，一係唔試，一試就出事.....咸濕佬煮餸，咸 !同其他樓酒多數失分位一樣，今次試孖寶: 長(腿)腳蟹伊面+金銀蛋菜苗($418) - 講堅，d菜心苗好鮮嫩。正所謂食得鹹魚抵得渴，咁食得金銀蛋就要抵得咸，這碟餸咸味重係正常嘅! 至於長腳蟹，D肉真係好嫩，好似食緊小鮮魚肉一樣。食落口，以為食緊龍躉添呀～ 堅正嘅，只係貴和咸 羅! 可能食客都係上左年紀為主，咸少少啦～ 等大家感受返個味覺，咁有血壓咪 高上高!?.....咳!咳! 一定係我錯，識條鐵咩我!總結: 這間酒樓晚巿好少人，坐得好舒服(同午巿好大對比)，而服務就自然好多啦，王子公主咁! 對比平時叫糊茶飲，叫到街巿買菜咁嘅氣勢先叫到，現時竟然用柔情嘅聲線就叫到茶飲啦。一黎就2，3個待應 應機。服務一流啦！(晚巿限定)(特別鳴謝，一位大姐姐的服待!~)

晚飯時間經過附近，入咗嚟呢間酒樓試下！兩個人食唔到太多嘢，揀咗職員推介嘅長蟹孖寳套餐，有一份芝士焗長腳蟹伊麵同埋金銀蛋浸菜苗。長腳蟹份量都算多，有炸過，肉質鮮甜。芝士汁好濃郁，但稍為鹹咗啲，伊麵好掛汁。芝士汁嘅關係食耐咗會感覺有啲膩，我哋又唔算大食，所以最後有半碟打包走😂菜苗新鮮爽嫩，正常都好食嘅一道菜，如果份量再多啲就好。送嘅紅豆沙，不錯唔甜。整體食物質素可以，價錢稍貴啦，2個人食埋單$491。

諗住方便屋企人探完病，近近同老人家食飯做生日，預早3星期訂咗2席，食7點半晚飯，預先落菜單（訂片皮鴨）。當晚去到酒樓同部長對菜單，未查清楚就話無片皮鴨，大半數人未到齊就上片皮鴨，叫侍應放返餸入廚房，之後再出黃金百花球，當時都係大半數未齊人，再次叫侍應放入廚房，未食完又有侍應阿姐成日走埋嚟問要唔要入盒。我好少寫食評，有衝動寫食評嘅，只有一個原因，真係差到一個點。只此一次下不為例，所劣劣劣劣劣劣劣劣劣！

唔知係唔係因為臨近新年，星期二嚟都幾多人，不過好彩有book到枱。最推薦咕嚕肉同埋炸蝦球，呢邊咕嚕肉係好似拔絲咁嘅做法，仲有啲番薯係到，都算幾特別。其他嘢都算中規中矩，不錯嘅。

今日黎到荔枝角己差唔多兩點鐘，於是就飲下午茶啦，去到好快就有得入座，呢間酒樓都係開業冇耐，裝修都算新淨，環境都算闊落，坐得都舒適，下午茶時段由2-4時供應，茶芥下午茶$10位，今次就叫左孖寶（京川餃子+上湯鮮竹卷）$30,同埋鲜蝦菜苗餃$25孖寶（京川餃子+上湯鮮竹卷），餃子皮算薄，细粒易入口，豬肉餡唔少，有醋伴食可减低油腻感覺，鲜竹卷嘅腐皮幾有豆香味，餡料豐富，加上上湯唔太鹹，唔錯。鮮蝦菜苗餃嘅皮薄黐身算煙韌，蝦同菜份量唔少，味道幾好。今次下午茶都算抵食，不過有少部分員工對客人服務態度有改善空間。

其實做唔到個Promotion 咪唔好做囉，平時去飲茶都唔係咁差，食物質數同價錢好中等，今日去買外賣，79蚊一隻雞，抵食啦，但係返到屋企打開，點解隻雞奇奇怪怪，好似少咁d野咁，原來隻雞呢度偷少少嗰度偷少少，真係好失望，每邊雞翼都偷左中間位，仲有雞翼旁邊嗰兩個雞鎚，我夾開d雞都搵唔到，其它位都算，但係我最鍾意食雞翼架嘛⋯⋯真係嬲

朋友邀請我嚟咗長沙灣嘅星月樓吃生日晚飯我都唔知我個朋友原來準備咗一個超級豐富嘅晚餐令我大開眼界第一道菜係花膠扣海參花膠係我朋友帶來嘅我朋友呢一隻花膠起碼有兩頭呢間酒樓整得依個海參非常入味口好有口感配合自己帶來的超重量級花膠 食左十分難忘煮工超有水準咁大隻要煮都好考功夫原來我朋友為咗準備呢一餐早一個禮拜已經比左他們要求依間酒樓發定隻花膠😋第二名係蟶子皇煎米粉如果唔係喺度食我都唔知道原來豉椒聖子可以加米粉一齊食真係大鄉里豉椒蟶子炒得好滑又好爽口、新鮮又大隻配合米粉味道啱啱好，一流😋第三道菜係鹽燒長腳蟹蟹好新鮮又夠大隻煮功一流其實食到呢道菜已經十分飽預多咗份量 第四道菜係花雕蛋白蒸長腳蟹腳蒸得啱啱好蟹新鮮所以簡單蒸左上來都十分好味啖啖肉終於可以唞吓啦飲番個天麻燉魚頭湯魚頭新鮮 湯煲得入味又唔鹹。正呀再嚟一度係魚肚淮山湯浸莧菜莧菜煮得嫩滑加埋有准山湯味道一流食到依度真係頂唔順啦最後長腳蟹蓋焗飯由於太飽食咗少少就食唔落啦有蟹膏蟹肉加埋炒飯炒得好好味如果唔係太飽我一定食晒最後就係壽包加埋杏仁茶其實我都食唔落啦唯有影相啦🤣好彩今次唔使我俾錢😂我冇問到朋友要幾多錢埋單但係我下次一定會叫埋我寄家人再來吃

門口等位等左一小陣 好快就有員工帶位入座，地方寬敞，坐落舒服，點心款式又多，特別係黑金流沙包有驚喜，有幾位員工態度親切，上菜速度都幾快，屋企人都表示滿意會再來光顧👍🏻👍🏻