星林居雲南米線餐廳 (已結業)

以前番工成日食轉左工之後就好耐冇食今晚就食佢啦湯底一如既往嘅好味但米線 係撈過嘅米線味道係好味啲嘅不過呢米線呢好易斷唔煙韌牛展一般豬軟骨（試食朋友個碗）好食但朋友表不小鍋米線份量好少 3個餸都唔夠飽莞茜可以再多d就好啦😝$140 -2人埋單 抵食：4分味道：湯4.5分 米線2.5分回頭：3分粗食都Ok既 但得登去食就未必會啦 米線🍜真係大不如前 同區另一間 米線反而冇呢個問題唔知係咪咁岩我地2碗煮耐左不過佢湯底係一流

$28一碗米線，本身都唔expect 有咩但酸辣好似無，只食到甜酸....加$7要份餃子，有2隻，似是超市急凍櫃一大包平餃子的那種質素......米線份量好少，而且唔彈牙，似乎要狂叫餸才飽.......服務態度not expect too much 但下下叫人坐最出面個張卡座去搭台...... 其實咁多空座，比人入去坐有咩問題？.坐我對面的女人拿出一枝豆漿，有員工見到馬上出聲話外來飲品唔可以飲，叫佢收埋枝豆漿...... 無錯街外食物唔可以餐廳食，但對應態度我覺得可以再Soft 少少.不過算啦，30幾蚊在尖沙咀.....食得鹹魚抵得渴

我未喺openrice寫過食評，但今次真係忍唔住依間野 完全係搵笨！今日晚餐時段去食D員工冇乜禮貌都預左架啦，唔緊要，一心食碗麵啫點知個米線黎到，睇表面都正正常常莞茜大大炸，好似好吸引咁食左幾啖 用筷子撩兩撩先發覺好少米線我明明冇叫過少米，d米線少到我以為係下午茶餐！仲要好林 大力少少夾就斷！有冇搞錯呀？我叫左兩個餸，一個係魚皮餃 黎到得兩粒一個係蘿蔔 唯一份量正常，不過講真蘿蔔都少我真係唔知個碗入面仲有d乜埋單40幾蚊 唔記得左係完全唔飽 作為一個食量正常既女仔都完全唔飽我以後唔會再幫襯 依間野真係好孤寒 米線又林patpat狗都唔食

今日黎開尖沙咀，突然掛念雲南米線嘅味道。可能真係遊客少左好多，居然星期六tea time 唔駛排隊，即刻沖入去先。今日叫左蘿蔔、鷄琴尖少醉少辣小鍋米線，湯底依舊咁正，肉醉同配菜比例啱啱好，係一直食開嘅味道👍🏼可惜今次有d失準，蘿蔔老同唔入味，而雞翼尖好淋又入味，正！

曾經係尖沙咀做野，食過一次星林居，自此就愛上左。所以耐唔時都會黎下湯底香濃夠酸又夠辣，餸菜比以前多左選擇，職員態度都比以前好。現家小左自遊行，可以慢慢食，唔洗甘趕～very good

我由出生以嚟都未食過咁難食嘅米線，環境 衛生惡劣， 食物質素奇差，員工服務態度黑口黑面無水洗面， 成碗米線好似嘔吐物咁，又無美感， 如果有啲好唔鍾意嘅朋友可以介紹佢去食

今日黎到尖沙咀做野就不得不提下有間好食嘅米線相信大家都唔會唔識就係星林居喇可以話係如果要係尖沙咀食米線一定會聯想到呢間店！❤️雞翼生菜小鍋米線（中小辣 要麻 多芽 多蔥）評分：🌕🌕🌕🌗🌑價錢：$42之前叫左小辣覺得唔夠辣，所以今次試下中小，一試果然真係唔錯！個湯亦都夠甜❤️餸方面都正正常常，值得讚係嘅係生菜份量幾足，唔會得2條❤️環境方面就冇咩特別野可言，都係咁啦，真係唔太好坐😹價錢黎講我覺得略貴添呀📍星林居雲南米線餐廳地址：尖沙咀樂道23號地下A舖

朋友指定話要食呢間米線，心諗佢推介啲乜好野呢～點知一禁入去睇食評，嘩真係嚇一嚇！有人話衛生差，仲要係影埋有蟑螂！勁誇張！好似我咁不食辣的，也可選「小小辣」, 因為走辣的湯是沒有肉碎，同埋真係幾乎無辣味。湯底係行重口味路線，偏鹹，都估到佢係落勁多味精，果然食完勁口渴！！友人叫左雞翼同蘿蔔，蘿蔔幾入味，索晒個湯底。我就叫左肥牛同魚腐，我自己覺得米線同啲配料都無咩特別，可能因為唔食辣，覺得呢間野真係好普通。好彩食完無事，價錢唔貴，環境方面就地方殘舊...叫做填飽個肚，還可以中評吧.....

係附近做完運動想食少少野，所以諗都唔諗就去左食星林居，係尖沙咀都算有名既一間米線鋪。因為平時都多旅遊客既關係，所以佢有一個大餐牌掛係到好特別咁將每個配料都影左相，方便人地知道係咩我叫左油麥菜，魚蛋炸醬米線，少酸少少辣如果鐘意食酸辣既朋友絕對可以叫酸多少少同埋辣啲，因為真係幾好食，炸醬既話雖然佢有寫有少少辣但係我個人覺得加左係碗野到其實唔難，不過幾香口，魚旦既話佢都幾彈牙另外，野飲方面我叫左熱既柑桔蜜，甜度岩岩好，飲完好暖身

自從有朋友推薦依間麵鋪，之後成日放工拉埋同事一齊去食星林居，我唔食到辣而依到既麵可配酸菜，分量可因自己喜好圈上，而其他配菜都可以完全附合個人口味加上，價錢合理味道豐富十足推薦未食過既人一試，必定愛上！

呢間野都出名多人講話態度十分之差要乜冇乜，點知今日比我去到試一試諗住俾個機會佢，坐低左大概等左半個鐘頭先至有嘢食度，仲要三樣裏面錯咗兩樣，同番D侍應/老闆娘講個態度好似係我錯咁樣, 態度實在差到不得了，順便坐低食嘅主要都係大陸人，係仲要係而家呢個大是大非嘅時間裏邊仲有咁多大陸人，食咗一半已經冇心機再食，走到去俾錢嘅時候仲比我見到有支警棍，比完錢之後搭車返屋企一半嘅時候已經想肚痛，最後忍唔住喺地鐵站這廁所，我奉勸各位冇乜嘢必要嘅話盡量都唔好幫襯呢啲藍色餐廳

星林居係我好幾年前踏出社會，同事推介食既店。如果你都鍾意食辣，又係尖沙咀出現就一定要食佢喇！事關佢既湯底好有層次，唔係淨係得個辣字，食完都仲感覺到麻。加上有肉碎調味，就算只叫蔬菜都好夠味。而且就算你係多多要求都好，唔洗怕面懞懞，因為可以係點菜單度圈哂你既要求，唔怕店員黑面。我點左金針菇同紫菜，中辣，吸盡湯底既精華，正呀，識食一定要咁食， 而且價錢仲好實惠。係大集團當道既香港，好值得保留呢d小食店。 不過提提大家，佢既燙菜係真的用熱水燙，另外一個碗仔上，比較清淡，鍾意重口味既就唔好揀喇。

星林居是令我喜歡上米線的店。位置尖沙咀，曾經它是我和同事們的飯堂，但自幾年前起，午飯時間它被旅客入侵了(除了某大國的人, 還有很多韓國人), 逼使放棄, 只好偶然在晚上來。店面談不上好看, 什麼感覺不算很乾淨...也談不上有什麼服務, 就真的只是為了吃一口星林居的湯。小鍋米線加豬腩肉、蟹籽丸是我的不二之選。湯底的酸度可自選, 我覺得帶點酸比較好吃, 不吃辣的朋友也一定要選「小小辣」, 因為走辣的湯是沒有肉碎的哦(相反素食朋友選走辣, 也能光顧)。 豬腩肉很香, 有時煮久會硬一點; 蟹籽丸咬開後的蟹籽彷彿帶點蟹油似的, 好吃。飲品有罐裝汽水(+8元)或一般茶餐廳飲料(+12元)。如果你是嗜重口味的朋友, 絕對要試試~

平常若經過尖沙咀也會到星林居食米線。今次一如以往的叫腩肉小鍋米線。。。。。。也如昔日般等候多少，座位狹窄也不緊要，職員也沒什麼禮貌可言。總於送上了米線，再用筷子夾來看看。嘩，腩肉只有2 小片，我忍不住問落單的姐姐我叫的是腩肉小鍋米線，她說是啊。我對她說只有2 塊，佢回答說係咁的，煮耐溶左....簡直係聞所未聞，豬肉煮耐後會溶掉。。我常煮野食也未試過豬肉會溶的傳奇。後來佢當然做戲要做全耐同廚講下次唔好煮咁耐溶晒，再補回一小碗腩肉給我

以前好鍾意食星林居，成日同朋友黎食，覺得個湯好惹味啲米線好彈牙，係我嘅童年回憶。相隔左大半年再黎食，我只有失望兩個字-米線份量勁少，我諗只有整個麵餅加埋只有半個飯碗左右，個湯好似油浸咁但完全無味，啲餸唔新鮮叫個魚皮餃仲好似有啲油「抑」味，枱面無抹好多油漬好污糟。已經坐得迫，睇住台面油立立唯有吊住隻手咁食，好辛苦。度門仲要常開住令到啲熱風吹入黎，食到流哂汗（我旁邊的四位客人一坐低因為太熱都即走）對唔住真係無下次