星點心專門店

营业中

休息中

每次經過這間星點心，門外均有人等候。今天過了2:00諗住少啲人，點知都係要等幾張枱。星點心總共有57款點心選擇，即叫即整/蒸，總有一款啱你。🌻 鴛鴦燒賣王$30鮮蝦燒賣兩粒、乾蒸牛肉燒賣兩粒鮮蝦燒賣材料豐富，好多蝦肉、面頭又蟹籽粒🌻 蝦餃拼粉果$32星點蝦餃皇兩粒、潮州粉果兩粒蝦餃皇勁大粒，好多蝦肉，正🌻金珠鹹水角$23即叫即整，好香脆🌻奶黃焗菠蘿包$25菠蘿包外脆，可惜奶黃餡一般🌻香茜牛肉腸$26真材實料，牛肉腸又香茜，份外好味呢度嘅甜蜜叉燒酥好好味的，今次一早沽清，下次要再嚟食過。

個日諗咗好耐唔知食咩好，咁經過星點心望下餐牌啲嘢好似幾啱食就入去。。。入到去環境都好光猛乾淨，員工服務都好好。。咁叫咗幾樣野食，味道都好好鳳爪好香，但略嫌唔夠淋唔夠入味蝦餃晶凝通透，爽口彈牙，必叫之選仲有叉燒腸，叉燒菠蘿包都係好食嘅唯一要彈嘅就係個土魷肉餅飯佢塊肉餅薄到紙咁，如果厚返啲會更好呢間都值得去食嘅，不過選擇就唔夠坊間啲點心舖多野食選擇，不過佢有鵪鶉蛋燒賣，好相試但奈何個日得2人怕食唔曬，唯有下次再去食

平時都見多人等位，今日媽媽想飲茶，經過附近記起走去試！茶位只需6蚊咋，真係沖茶，唔係之前試另一間的茶包，免加一！叫咗鐵觀音，茶香水滾👍飲茶必食的义燒腸，送埋黎時覺得好靚🥹，皮算ok唔會太厚但又未去到好薄，入口覺得味道口感都幾好，下次可以再食👍叫咗個好少有的菜干豬骨粥，粥綿綿的，唔會太咸，啱老人家食，兩個人食每人都有兩細碗的！無晒义燒酥，轉咗個奶皇菠蘿包，味道一般最好味嘅蝦餃併粉果，忘記咗影相😓大大粒蝦肉皮薄薄的，粉果同樣皮薄薄的，料多美味,媽媽很滿意👍價錢合理的，服務好好，下次可以再試其他點心

中式點心專門店吸引之處在於「專注」。他們專注於點心，提供‘’相信‘’比酒樓更新鮮的點心，而且價錢大眾化，所以很多街坊都會光顧。今晚在荃灣區閒逛，經過眾安街「星點心專門店」，門外只有兩對男女排隊，動起吃點心的念頭。向店員取號碼排隊時，店員熱情的招呼，留給我好印象。15分鐘後便入座一張4人枱，店員強調本店不設搭枱，我們可以把厚衣服、手袋和背包放在一邊，舒服地享用點心，貼心👍🏻瑤柱灌湯餃的湯味道鹹咗少少，溫度燙咀，餃皮厚薄適中，合格。流沙煎堆仔用流心奶黃做餡料，加上外脆，不錯。燒汁釀茄子將一片蝦膠放在蒸熟的茄子上，配以少量燒汁，好味。脆皮蝦腸粉用脆皮蝦替代油炸鬼，效果更佳，油炸鬼相對地粗大，而脆皮蝦感覺精緻啲。鴛鴦燒賣皇的干蒸燒賣放了一些香葉，有別於一般的干蒸燒賣。醬皇蒸鳳爪的醬料味道比一般酒樓淡，有意思。以大眾化價錢來說，點心是中上水平。服務方面，店員姐姐對客人要求很快回應，態度好好👍🏻

眾安街有間點心專門店叫星點心，同朋友入去試吓，點心出奇地好味，真係意想不到！加上茶位只係收 $6/位，仲全日免收加一。黑松露鳳眼餃外皮夠晶瑩，蝦肉爽口彈牙，面仲有黑松露醬，一口咬落去仲會咇汁，真係好味！醬皇蒸鳳爪鳳爪入味，夠淋身，而且份量多，香氣四溢！仲有點咗鳳爪排骨飯，鼓油夠甜味；脆皮蝦腸粉，腸粉皮稍為厚咗啲，內餡好脆，蝦肉較少香煎虎皮椒，都頗辣，但好味的鴛鴦燒賣皇，燒賣同牛肉都彈牙爽口點心全部即叫即蒸，整體都係好味而且選擇頗多！

員工成晚好忙好趕咁唔知趕咩，呢頭夾起最後一舊果頭即刻收碟，仲食緊鳳爪啲花生問都唔問就收，執嘢執到呯呤嘭呤，想你食完快啲躝咁嘅氣勢。兩個人嗌二百幾蚊嘢，唔係話好多，但都唔係食唔夠半個鐘就想你走咁樣掛。

有日同阿媽喺度買一份蒸排骨帶走， 結果等咗差唔多20分鐘都未有， 我阿媽入去問職員嘅時候職員態度 惡劣，原來佢啲外賣全部放咗喺門入面而且冇職員會通知你去攞 ，問職員嘅時候職員態度惡劣。而且好大聲指住話'咪喺度囉' 。 奉勸各位以後喺呢度買外賣要伸個頭入去望一望，費事畀某些唔耐煩嘅職員鬧。

實在太鍾意飲茶啦, 又唔想成日食同一間, 唯有間間都試下, 今次試下呢間個名又簡單又好好聽既星點心, 原來都有好幾間分店, 次次飲茶嗌既嘢都差唔多, 蝦餃燒賣基本嘢, 馬拉糕灌湯餃必嗌, 糯米雞就睇心情嗌, 好多時都未必好食, 呢間都唔錯, 够熱, 點心不過不失還可以. 

不吐不快！我媽今朝去咗呢間星點心買外賣，已經自備食物盒，店員亦告知要等20分鐘，俾咗錢之後就去買餸（但店員無俾單我媽），諗住買完就時間啱啱好。誰不知去到時仲未有得拎，話原來蒸錯咗要再蒸過，想取消又話蒸緊，結果2個點心要一個老人家喺街曬住等多20分鐘。氣沖沖拎咗2個點心返屋企，睇張單先知收多咗個外賣盒，唔怪知得佢唔俾單我媽啦，仲要之前聽到兩個店員對話「你唔改個客會嘈」，原來喺講緊呢張單😡！只會講無下次！

🔥蝦餃拼粉果 $30⭐️8.5/10⭐️蝦餃望落脹卜卜，蝦餃皮厚薄適中，蝦肉鮮味夠足料！ 粉果皮一樣厚薄適中，用料好足，食落有粉果嘅鹹香，都真係幾好食！🔥鮮蝦菜苗餃 $24⭐️7/10⭐️唔知點解佢係韭菜蝦餃，並唔係小編平時食開嘅菜苗蝦餃，所以有點失望，不過整體皮同埋餡都做得唔錯嘅，不過唔係小編鍾意食開嘅菜苗餃。🔥瑤柱灌湯餃 $36 ⭐️8.5/10⭐️湯好鮮甜，餡料好足料，小編最鍾意呢個點心！🔥脆皮蝦腸粉$34 ⭐️5/10⭐️腸粉嘅脆皮做得吾夠脆，食落會癡牙，所以大大扣分。🔥奶皇流沙包 $22 ⭐️5/10⭐️ 奶皇包奶皇唔夠流心，下次唔會叫。🔥薑蔥牛柏葉 $28⭐️8/10⭐️ 薑蔥味好夠，牛柏葉亦都蒸到啱啱好，爽口易嚼！⭐️總結：如果鍾意食傳統舊式點心可以試吓，因為整體價錢合理，份量亦都好足夠。小編就會推薦食灌湯餃、蝦餃、粉果同牛柏葉！

16-7-2023 (Sun)朝,會合咗老公送完膠就食早餐,經過見到呢間就試,我哋嚟到時都幾多人等位,等嘅時侯我哋就睇同剔定點心紙,等咗15分鐘至有位,坐低後即將點心紙交俾侍應,同要香片茶,我哋要咗:1. $25.00嘅菜乾豬骨粥好耐冇食呢樣,呢個嚴格嚟講唔係豬骨,係排骨,但就係豬軟骨嗰啲位,個粥算幾綿,成個粥都唔鹹.味道:4分2. $24.00嘅醬皇鳳爪望落顏色係夠,食落夠腍但味道唔係好夠.味道:3分3. $25.00嘅奶皇焗菠蘿包菠蘿包皮脆,內裡嘅奶皇餡都幾多而唔太甜.味道:3分4. $29.00嘅鴛鴦燒賣皇係鮮蝦燒賣同乾蒸牛肉燒賣各兩件,兩椒口感同味道都正常冇問題.味道:3分後加:5. $31.00嘅黑松露鳳眼餃造型十足十一隻眼咁,眼見黑松露醬同蟹籽都蒸熟咗,怕長者唔食生嘅?而成個都係大大粒爽口蝦仁,ok 嘅.味道:4分6. $20.00嘅懷舊馬拉糕顏色適中,食落唔太甜同淡淡地,口感係鬆但唔太軟.味道:2.8分香片係茶包,咁就淡淡地同唔澀.服務:其實我哋開頭係剔5樣嘢,侍應落漏咗$22.00嘅風味路邊腸,咁重好,因為呢個唔抵食.4.5分價錢:每位茶錢係$6.00,冇加一,即係$1

今日掛3號波所以早收，陪家人去食點心，佢地話之前食過唔錯要推介比我環境開陽，坐落都好舒適，唔會太逼。 咁岩我們坐喺卡位，有個冷氣機出風對住牆身順住落我們個位，我覺得好舒服好涼，不過食物好快凍左3個人叫左8樣食物蝦春卷好脆口，入面除左蝦，仲有少少西芹。 鳯爪，鴛鴦燒賣，粉果都可以。咸魚肉餅飯及雞扎我覺得一般。雞扎入面個芋頭未夠林。最好食係 脆皮蝦腸粉食落口入面仲保持到脆皮，同埋流沙煎推仔，入面真係流沙，而且唔會太甜。全程的服務員態度都好好加水 都有禮貌。

平時一個人放飯時間去食，今日人多d,可以去食多d 款。。因為呢個菜干排骨粥，好好味，所以都推介去食😋😋👍🏻好味度：⭐️⭐️⭐️⭐️.脆皮蝦腸粉個腸粉皮唔算厚，都ok~好味度：⭐️⭐️⭐️.菜苗餃但入面好似唔係菜苗。。感覺上仲有d 韭菜～可能個人麻麻地韭菜，所以麻麻地鍾意呢個🙈.鳳爪好味度：⭐️⭐️⭐️⭐️.鮮竹卷.流沙奶黃包好味度：⭐️⭐️⭐️⭐️.土魷肉餅飯好味度：⭐️⭐️個肉餅麻麻地。。d 肉有d 實，同埋土魷擺上面，所以食落個味度一般，還以為土魷混合埋肉餅當中😂🙈..

見新開張，第一日去試。。見返工時間，一個人，所以叫少少，下次睇下人多d,再試多d😀😀個人好鍾意食菜乾排骨粥，見好多地方都唔一定有呢個粥，於是就嗌呢個😋見佢d 點心即叫即整。。所以都好新鮮出爐😍😀.菜干排骨粥 🐷$24好味度：⭐️⭐️⭐️⭐️⭐️粥煲得好綿，好好味。。👍🏻😀.流沙奶黃包 $22.免加一，茗茶$6 ☕️🫖揀左鐵觀音😀👍🏻.都幾多選擇 同 環境舒適😀都推介來一試😀😀.